استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > منتدى حواء و الاسره و الطفل


منتدى حواء و الاسره و الطفل لكل ما يخص حواء و الاطفال من جديد الازياء والمكياج والاكسسورات و الطبخ و شؤون الاسره

الزوووجه المهووسه بزوجها

صبااااح ومسااااء الانوار والورود على كل الوجيه من سنوات وبسبب اشتراكي في المنتديات او في بعض وسائل الاعلام قريت الكثير من المشاكل الزوجيه المختلفه وكانت اغلبها عدم الثقة فى الزوج و الشك فيه او انه اهل الزوج تعاملهم مب شي مع الزوجه او انه الزوج للاسف بخيل وقريت مشكلات كثيره ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 19-01-2012, 12:28 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي الزوووجه المهووسه بزوجها



صبااااح ومسااااء الانوار والورود على كل الوجيه












من سنوات وبسبب اشتراكي في المنتديات او في بعض وسائل الاعلام قريت الكثير من المشاكل الزوجيه المختلفه وكانت اغلبها

عدم الثقة فى الزوج و الشك فيه

او انه اهل الزوج تعاملهم مب شي مع الزوجه

او انه الزوج للاسف بخيل وقريت مشكلات كثيره وتوجع القلب وتحزنه ولكن دوم كنت الي اقراه اواسمعه


هي مشكله وحده يمكن الغالب من المتزوجات تعاني منها وهو عدم جلوس الزوج في البيت المده الكافيه مع زوجته وعياله واحنا مننكر ان فيه ازواج مستهترين فهم بس مسميات بس انه متزوج والله يعين وكل البيت على هالزوجه المسكينه وهذا موضوع يطول التكلم عنه ولكن اليوم بتكلم عن








الزوجة المهووسه بزووجها




وهي الي بس قاعده طول يومها تنتظر زوجها متي يجي ومتى يدخل البيت ولا تفكر باي شي في الدنيا الا بس تقضى الوقت معاه ولاتفكر الا فيه واذا طبخت له غدى او عشى او حتى او لوسوت له اكله معينه تحاتي اهي بتعجبه ولا لا وتتم حزينه لين يجي ولين ياكل وتنتظر الاجابه ؟؟

او اذا رتبت غرفتها تخاف ان يكون ترتيبها لغرفتها مب عاجبه وتتم مبوزه ماده البوز شبرين حزينه لين يوصل الزوج ويثني عليها ويقول رايه ؟؟ فهذا اهو الخطأ ؟



والي يقهر انها تقطع كل صديقاتها واهلها وربعها وتترك هواياتها واهدافها واحلامها والسبب انها تبي تتفرغ للزوج المنتظر وكل يوم على هالحاله ...


واول ميدخل الزوج البيت تشوفها كئيبه حزينه مباقي الا بس دموعها تنزل وتشوف وجها مهموم وبدال ميدخل عليها البيت ويشوفها مبتسمه شاقه الحلج والضروس طالعه يشوف العكس البوز جدام والاسنان من القهر ودها تطلع من الحلج واول متبدي بالكلام تشتكي الملل والزهق وانه بروحها بين هالطوف ومحد معاها الا التلفزيون والبغبغاء الي كان دوم تتسلى معاه ومن الكآبه الي فيها صار البغبغاء يدق ربابه ويغني ويقول


لامتى ياضيقة الصدر ماتستأذنين
والله أن ماعاد لك من ورى صدري لزوم
تاكلين الحال ماسلم منه شبر لين
انفرى قلب ونفذ صبر وانهارت عزوم



و لادخل البيت تتم تشتكي وتبي منه يتفضل عليها ويحس فيها ويطلعها

وتتم لاصقه فيه مثل الصمغ متخليه يتحرك لايشوف مباره ولا يروح مقناص ولا يكلم امه او خواته او يروح لهم كله تبيه عندها واذا طلع وخلاها قامت تسب وتلعن اليوم الي تزوجته وتقول شبابي ضاع لايكون انتي من مواليد ابو الهول واحنا مندري ومتخلى شي متقوله فيه اهو البخيل الي ميجلس معاي واهو فيه وفيه وكله علشان راح لامه او خواته وتم وياهم ساعتين او اكثر وهي مسكينه مجلس وياها الا ربع ساعه ونص ساعه للسبوح وربع ساعه ياكل يعني اهي في نظرها انها مظلومه

والي يذبحها اكثر انه لانام بدري علشان عنده دوام او حتى تعبان الله يكون في عونه تعتقد انه ميحس فيها ولا بمشاعرها ولا بعواطفها والسبب انه نام عنها .وانا اقول لها من قالج هالكلام ؟؟؟


وكل يوم معندها غير هالسؤال انت تحبني ولا متحبني واحلف وهو يقولها والله احبج وهي تقول اكيد تحبني وهو يقولها والله العظيم وراس جدتي العاشره الي معرف اسمها احبج وتعيد السؤال تحبني واثبت لي ومسكين يضيع يومه علشان تحبني ومتحبني شايفه لها مسلسل كرتوني مثل عدنان ولينه وجايه تطبق عليه هالشي

تراني اتكلم بموضوعي هذا عن الزوجه الي تسوي كل شي لزوجها ومتلقى الشكر وتظن انه اذا مشكرها يعني اهي مب شي عنده ولا يحبها وتترك كل النعم الي عندها من عيال وغيره ومتفرح فيهم ولا تستانس معاهم ولا تونس عمرها بلي عندها من الخير
وكله متضايقه وكله مظلومه وكله حزينه لاعتقادها انه اذا زوجها مجلس وياها فهو ميحبها او مايبيها ..



فهذي للاسف دوم تشوف نفسها مهزوزه وبتكون نتيجتها
انه تكون تعيسه وحزينه ومتشوف في الدنيا اي شي حلو
وحتى لوزوجها سوى لها اي شي تشوفه مقصر وتشوف عمرها ضايع مع شخص مقدرها ولاحس فيها









اختى الزوجه اسمعيني :







الحياه الزوجية مب بس وقت طويل تقضينه مع زوجج يمكن نظرة حب من الزوج تعوض المراه عن تعب العمر كله


محد يلومج على حبج لزوجج واشتياقج له فهو جنتج وهو حبيبج لكن


انتِي تضيعين شبابج و سعادتج لانج متبين ترضين بلي الله كتبه لج
فالزوج انسان مثلج له ام ولا اخوان وله خوات وله ربع وله وظيفه وله وله امور كثيره لابد يقوم بهالامور كلها ويطبقها والمفروض انتي الي تعينينه على هالشي


خليه ينام بدري لو يبي وخليه يسهر مع ربعه وخليه يروح ويجي وانتي الي عليج وسعي اهتماماتج

فالزوج اهو مب الحياه ولكنه شريك معاج فيها

والحياه فيه جوانب كثيره ووايد

فخلى لج ساعات مع عيالج اذا عندج عيال فهم يحتاجون حبج وحنانج فهم بامس الحاجه لج اكثر من غيرهم


وخلي لج وقت لهواياتج رياضيه كانت او غيرها من رسم او لعبه معينه ولزيارة اهل زوجج ولزيارة اهلج ولزيارة صديقاتج فهذي الامور كلها تخفف عليج الضغوطات وعليج بالرياضه لو نص ساعه يوميا لو في البيت تعلقي باي شجره ولا بالسقف هههههه المهم غيري جوى ولاتخلين للحزن اي مكانه عندج نهائي اضحكي شقي الحلج دوووووم ..




وخلي لج مثلا في الاسبوع يوم تعزمين فيه ربعج وصديقاتج وخلو سوالفكم حلوه مب كله حزن وغيبه ..


مثل البعض لاجاتها صديقتها على طول معندها وقت للعقار والغيبه تقولها ويه ويه ويه شفتي ام حصوه فهي تسألها منهي ام حصوه تقولها العقاره بلفيت اهي متعقر وتقولها ئي شفيها سوده الله ويها من زمان مشفتها من عقب مركبت اسنان تركيب ههههه اخبرها ام ضروس تركيب كبار هههههه و تقولها شرت لها غرفة نوم تهبل 12 قطعه من الحسا وهي تقص علينا تقول من ايطاليا هههههه وتقولها معليج منها اهي حتى الحسا متدله اي صوب ويتمون عقار لين تخلص العزيمه ا و تصير العزيمه كلها كآبه وحزن وكل وحده تقول للثانيه شفتي فيلم البطل الميت تقولها ئي شفيه هههههه طبعا من عندي هالاسم وتقولها شفتي البطله ماتت معاه ويتمون بحزن وللاسف والمفروض العكس تصير هالجلسه الحلوه كلها مرح وغشمره مثلا تقولهم الي عازمتهم نكته تقولهم مره وحده عازمها ربعها وهم ولا مره عزموها بلفيت نكته ههههه وهي نغزه علشان يعزمونها ومن هالكلام المرح والي يسعد المتواجدين ..


صدقوني الحياه حلوه للي ياخذها صح ويرتبها صح مب بس بالكلام ومن اول مطب طاح


اخواني المتزوجين الكل فيكم الواجب عليه الاهتمام بالطرف الاخر وحتى لوفيه تقصير يغطيه وكل شي بالصبر يمشي صدقوني ولحد يبحث عن الكمال لانه مب لاقيه مهما سوى ولا كنه يحاول يوصل له وبالمحافظه على الصلاوات الخمس بوقتها والدعاء بجي كل شي بسهوله


اتمنى لكل الازواج السعاده ..



تحياااتي محمد2009







التعديل الأخير تم بواسطة محمد2009 ; 19-01-2012 الساعة 06:28 PM.
  رقم المشاركة : 2  
قديم 20-01-2012, 11:25 AM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزوووجه المهووسه بزوجها

.................................................. .................................................. .................................................. ...................................





  رقم المشاركة : 3  
قديم 21-01-2012, 03:27 PM
عضو
مسوقة عقار غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزوووجه المهووسه بزوجها

حياك الله اخوي محمد

للاسف الشديد هناك ازواج لا يعرفون بيوتهم نهائياااا ....دوام نوم استراحه

هل برأيك ان على المرأة الصبر والصمت يجب ع الرجل ان يعطي من وقته لبيته زوجته وابنائه

ولكن نسأل الله العافيه اصبح الرجل يتخلى عن واجباته للسائق وغيره للاسف الشديد

المرأة اذا احبت الرجل اصبح هناك تضحية في كل شي

تحب اهله لحبها له


شاكره لك عزيزي ع الموضوع

تحياتي لك





  رقم المشاركة : 4  
قديم 21-01-2012, 04:46 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزوووجه المهووسه بزوجها

اقتباس
 مشاهدة المشاركة المشاركة الأصلية كتبت بواسطة مسوقة عقار
حياك الله اخوي محمد

للاسف الشديد هناك ازواج لا يعرفون بيوتهم نهائياااا ....دوام نوم استراحه

هل برأيك ان على المرأة الصبر والصمت يجب ع الرجل ان يعطي من وقته لبيته زوجته وابنائه

ولكن نسأل الله العافيه اصبح الرجل يتخلى عن واجباته للسائق وغيره للاسف الشديد

المرأة اذا احبت الرجل اصبح هناك تضحية في كل شي

تحب اهله لحبها له


شاكره لك عزيزي ع الموضوع

تحياتي لك

هذا اختى الي انتي تتكلمين عنه هذا مب رجل هذا مجرد اسم ذكر فقط لا اكثر ولا اقل لان الرجل الي محافظ على بيته بما يرضى الله ويحسن لزوجته ولابنائه ويهتم فيهم من كل النواحي بلي الله يقدره عليه ..
اختى الخطا على الزوجه انها مسعت في تغير نفسها حتى يتغير اهو لو انها قالت له هذي حقوقك ووواجباتك وهذي اهي حقوقي وواجباتي كان عرف ومشى عليها غصب عليه ولكن للاسف الزوجات لاقالها الي اهو فقط مجرد زوج كل شي عليك ولا انا مابيك اخضعت وحلو الزوجه تطيع زوجها وتوفر له الراحه فهو جنتها ولكن مب تضيعه تخليه اتكالي ومجرد اسم في البيت




  رقم المشاركة : 5  
قديم 22-01-2012, 08:09 AM
الصورة الرمزية حبيبة اخوها
عضو فعال جداً
حبيبة اخوها غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزوووجه المهووسه بزوجها

اخوي اشكرك على الموضوع الحلو





  رقم المشاركة : 6  
قديم 22-01-2012, 08:14 AM
الصورة الرمزية زهره الخليج
عضو VIP
زهره الخليج غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزوووجه المهووسه بزوجها

الحين صار حب الزوج مشكله ماعرفنالكم يالتماسيح لا باركت في العدو لازم تنذبحون احسن ونفتك منكم

الا بصير Super glue وشرايك

انت تقول هو مب الحياه هو شريك فيها مم اذا مب الحياه ليش في الاخره ندخل النار او الجنه بسبته ؟؟!!!



التوقيع - زهره الخليج
النفس كالطفل ان تهمله شب على حب الرضاع وان تفطمه ينفطم
فخالف النفس والشيطان وأعصهما فأنت تعرف كيد الخصم والحكم

  رقم المشاركة : 7  
قديم 22-01-2012, 12:07 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزوووجه المهووسه بزوجها

اقتباس
 مشاهدة المشاركة المشاركة الأصلية كتبت بواسطة حبيبة اخوها
اخوي اشكرك على الموضوع الحلو

الله يوفقج ومنوره




  رقم المشاركة : 8  
قديم 25-01-2012, 11:20 PM
عضو جديد
قارئة القران غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزوووجه المهووسه بزوجها

شكرا لك على الموضوع





  رقم المشاركة : 9  
قديم 08-02-2012, 09:09 AM
عضو نشط
أم أبرار غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: الزوووجه المهووسه بزوجها

لاهنت اخوي محمد2009 عالطرح الرائع


لازم نسميك استشاري الحياة الزوجيه للمنتدى

شرايك





  رقم المشاركة : 10  
قديم 08-02-2012, 11:23 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: الزوووجه المهووسه بزوجها

اقتباس
 مشاهدة المشاركة المشاركة الأصلية كتبت بواسطة زهره الخليج
الحين صار حب الزوج مشكله ماعرفنالكم يالتماسيح لا باركت في العدو لازم تنذبحون احسن ونفتك منكم

الا بصير super glue وشرايك

انت تقول هو مب الحياه هو شريك فيها مم اذا مب الحياه ليش في الاخره ندخل النار او الجنه بسبته ؟؟!!!:sniper (87):

يا حبي لج

تعليقج سوووبر = )

الله يحفظهم لنا ويحفظنا لهم

بحفظ الله




موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:25 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم