استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > استراحة المنتدى > منتدى السياحه والسفر


منتدى السياحه والسفر مختص بمواضيع السياحة العالميه من مدن و معالم و دليل السياحة و معلومات السفر و فنادق وأماكن ترفيهية ,و الرحلات سياحية

تقريري الأول لسفرتي إلى تركيا الساحره

السلام عليكم ورحمة الله وبركاته اليوم حابه أنزل لكم تقرير رحلتي إلى تركيا الساحره فلوسهم للأسف صورتها بس ما أدري وين الصوره لأني مصوره من أصغر عمله عندهم ليييين أكبر عمله ف خذت هالصوره من النت ف إسمحولي ترى اللي على اليسار هذي عملتهم الحاليه واللي على اليمين قديمه بس ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 23-01-2012, 08:55 PM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي تقريري الأول لسفرتي إلى تركيا الساحره

السلام عليكم ورحمة الله وبركاته


اليوم حابه أنزل لكم تقرير رحلتي إلى تركيا الساحره







فلوسهم للأسف صورتها بس ما أدري وين الصوره لأني مصوره من أصغر عمله عندهم ليييين أكبر عمله

ف خذت هالصوره من النت ف إسمحولي ترى اللي على اليسار هذي عملتهم الحاليه واللي على اليمين قديمه



بس هالدولاارات من تصويري يوم كنت فالدوحه قبل ما أروح المطار صورتهم





تاريخ ومدة الرحلة :17 يوم و16 ليله (من 4 إلى 22 يوليو, 2011)
البرنامج: 6 أيام في طربزون, 6 أيام في بورصه ويوم في يلوه, 4 أيام في إسطنبول
المسافرين: 14 شخص ما شاء الله

************************************************** **
التخطيط:
بدأ من قبل شهر 6 بتحديد الوجهة والمدة وشراء التذاكر في ذلك الوقت, ومن ثم القراءة بشكل متقطع لتحديد أماكن الزيارة, بعد عصف ذهني استقرينا على برنامجين: الأول يشتمل على اسطنبول وبورصا وطربزون ويلوه

************************************************** **

خط السير كان للذهاب: الدوحه _ إسطنبول
وللإياب: إسطنبول-الدوحه

************************************************** **
الفيزا:
من المطار, 20 دولار لكل شخص مقابل فيزا 3 اشهر دخول متعدد. أول ما تنزل مطار اتاتورك تلقى اللوحات وهي أول شي تسويه قبل تختيم الجوازات واستلام الحقائب.ولازم الدولار

************************************************** **
اللغة:
ليست عائق لزيارة هذا البلد الرائع ولكنها أكبر إشكالية تواجهك هناك, الوضع أخف في اسطنبول من غيرها, يعرفون بعض الكلمات العربية أو الإنجليزية, و بشكل عام لا عربي ولا إنجليزي مايعرفون كللللش, لكن تمشي أمورك بالإشارة وبالكتابة احيانا في حالة الأرقام. الأهم هو حمل الخرائط (تستطيع الحصول عليها من استقبال الفندق) للإشارة إليها ومعرفة الأماكن وكذلك كتابة عناوين الفنادق باللغة التركية (تستطيع الحصول على ذلك عن طريق maps.google.com )

************************************************** **
الاتصالات:
في أي بلد اروح له واقعد فيه اكثر من اسبوع تقريبا اطلع شريحة من نفس البلد فتكاليف التجوال الدولي لدينا تعتبر عالية وتحسب حتى على الاستقبال , في تركيا هناك شركتين رئيسية تقريبا, فودافون Vodafone وترك سيل TurkCell, مررت على الشركتين وربما كانت TurkCell وأنا خذت ترك سيل ولكن كانوا يطلبون صورة من جواز السفر وطبعآ مكالماتهم غااااليه يعني أتصلت الدوحه 8 دقايق ب 100 ريال والله

************************************************** **

بين المدن:
وسائل النقل البرية والبحرية بين المدن التركية متطورة ومريحة:

بحريا هناك الفيري السريع او الفاست فيري بوت Fast Ferry boat وهي عبارة سريعة تنقل الناس والسيارات, في اسطنبول هناك عدة موانيء ولكن الشهير منها هو YeniKapi والذي تستطيع التنقل منه لبورصة ويلوا, العبارة فيه قرابة 1200 مقعد وهي مرقمة, يوجد به مصلى ومطعم وكوفي ونظيفة جدا. والشركة الناقلة هي شركية IDO وهذا موقعها ؤ°stanbul Deniz Otobأ¼sleri A.إ‍. وتستطيع الحجز من موقعهم لرحلات بورصة ويلوا وتجد تخفيض بسيط عن طرق الحجز الأخرى سواء من المكاتب أو الميناء نفسه وتحتاج إلى التواجد قبل الرحلة بنصف ساعة فقط,
هناك رحلتين ثابتة يوميا من اسطنبول لميناء بورصة الساعه 7:30 صباحا و 5:30 عصرا ومع 20 يونيو تزداد إلى 3 رحلات ومع بداية يوليو تزاداد إلى 4 رحلات يوميا. جدول الرحلات موجود على موقع الشركة (يوجد نسخة انقليزية للموقع).والحجز المبكر ضروري لضمان التنقل وحجز المقاعد المناسبة. قبلها بيوم حلو ولو أكثر يكون أفضل.
وأحنا رحنا فيها من إسطنبول إلى يلوه ومن بورصه إلى إسطنبول

************************************************** **

الأكل :

طبعآ مافي عيش كللللش وأنا عمري ما أفتقدته لأنه متوفر في كل البلدان بس تركيا كلللش مش موجود بغيت أصيح عليهم بس حق اللي يسوون رجيم فله هههه

طبعآ كلى مشاوي وبالأخص الكفته لها طعم مب طبييييييعي ومب طويله كفتتهم لا دائريه بس لذيذه واللحم هش واااو

************************************************** **
الوقت نفس وقت الدوحه بالضبط بس إن تغرب الشمس عندهم الساعه 9 فليل يعني الشمس موجوده وتظلم الدنيا الساعه 9 فليل ف حلو عشان الرحلات يكون نور ( نور قصدي نور الشمس مو نور ومهند ) هههه


والحين نبتدي بالصور

أول شي مطار الدوحه





وهذي الجوازات



وهذي الطياره



وطبعآ طرنا الساعه 5 إلا ربع الفجر

الأكل فالطياره عطوننا شي واايد أشوفه في تركيا بس ما أعرف شنو إسمه لذيييييذ



تركيا من الطياره





هذا علمهم



وهذا أول ماوصلنا مطار إسطنبول وصلنا الساعه 8 الصبح

أول شي نسويه الفيزا قبل مانختم الجوازات طبعآ التصوير ممنوع بس لجل هالمنتدى قعدت أصور











وطبعآ ماراح نقعد في إسطنبول لأن خليناها آخر محطه قبل مانرجع الدوحه

ف خذنا طيران داخلي من مطار إسطنبول إلى طربزون وطبعآ في ممر طوييل نمشيه عشان نروح للمطار اللي يوديننا إلى الطيران الداخلي وخذنا التذاكر من موقعهم من الدوحه وطلعت 700 وشي تقريبآ

وطبعآ كنا حاجزين من الدوحه بالطيران الداخلي




وطبعآ الرحله إلى طربزون بالطيران الداخلي بعد 5 ساعات يعني الساعه ثنتين الظهر طبعآ متنا من التعب لأن من الساعه 2 ونص الفجر وأحنا بمطار الدوحه ف رحنا المسجد صليننا وقعدنا

وهذا مسجد الحريم طبعآ كلمة بيان يعني نساء وباي يعني رجال



وهذي الصوره على باب المسجد للنساء إن ممنوع الجواتي الله يعزكم



وهذا مكان للوضوء فقط



وهذي الله يعزكم نعل ورديه للحريم والزرقا للرجال بس طبعآ هذا المكان للحريم مادري شنو جاب الأزرق عرض ههه عشان يوم تتوضون تلبسونه وماتلبسون جواتيكم الله يعزكم



وطبعآ بما إني أنتظر ف دش في خاطري الشاي التركي ورحت أشربه



هذي الشاشه مكتوب فيها الرحله القادمه لنا وهي طربزون وطالع فيه درجة الحراره ووقت إقلاع الطياره



وهذي الطياره اللي بنروح فيها إلى طربزون





وطرنا من إسطنبول إلى طربزون



وكنا فوق هالغيمه سبحاان الله جنها جلييييد





طبعآ بينت شوي طربزون طبعآ طربزون أحلى منطقه رحت لها بتركيا وجوها باااااارد مووووت من العصر يصير برد قارص
































هذا مطار طربزون






هني نزلت الطياره في مطار طربزون والمطار على البحر ياسلاااام على الجو كان بررررررررد مووووت









شوفو البحر على مدرج الطيارات








أول مانزلنا من الطياره على طول صورت العلم والجو طبعآ كان قمة البروده وكانت الساعه 4 العصر تقريبآ





وفي طربزون أجارنا سياره لأن هناك كنا فاليوم نروح رحله إلى منطقتين أو ثلاث مناطق إذا في وقت

وهالشركه مالت التأجير لحد يآخذ منها لأنهم لعوزوننا من أول يوم سكرت السياره علينا وثالث يوم بعد سكرت على الجبل والله ستر ماصار لنا شي

هذا إسم المحل



هذا أول ماطلعنا من باب المطار هذا الشلال جدامنا








التوقيع - أم الجوري

التعديل الأخير تم بواسطة أم الجوري ; 24-01-2012 الساعة 02:34 PM.
رد مع اقتباس
  رقم المشاركة : 2  
قديم 23-01-2012, 10:32 PM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لحد يدش الموضوع أنا حاطته عشان أعدل فيه براحتي عقب بنزله ف بليز لاتدخلو


والحين إلى الفندق خلاص مافيننا حييل قاعدين يوم ونص

وهذي الصور إلتقطتها وأحنا فالطريق إلى الفندق




















وهذا مجمع إسمه فورم













وهني دشيننا المنطقه اللي جنب الفندق





وهذا الفندق إسمه أوستا بارك في طربزون

















وهذي الصور من الغرفه







هذا من مطعم الفندق طبعآ كل يوم نتريق الصبح فالفندق







وهذا الشاي التركي فوق الشاي ثقيل وتحت الماي الحار





وهني لقطات من الفريج اللي فيه فندقنا



هذا باب بيت وفيه فتحه حق البريد























طبعآ هذا الجبل بعييييييييد وعالي ومكتوب عليه طربزون بس عندي عدسه تقرب 7 مرات ف صدت الكتابه











هذي سيارة البلديه تنظف الشارع













التعديل الأخير تم بواسطة أم الجوري ; 24-01-2012 الساعة 02:36 PM.
رد مع اقتباس
  رقم المشاركة : 3  
قديم 23-01-2012, 10:49 PM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لحد يدش الموضوع أنا حاطته عشان أعدل فيه براحتي عقب بنزله ف بليز لاتدخلو

وفليل رحنا مطعم إسمه أوستا نيهات في منطقة أكشا بات

طبعآ أحنا رايحين جذي بدون جاكيتات والجو ثللج والمطعم على البحر

وعندهم كذا جلسه داخل وجلستين برع







داخل





وهني برى





هذي السلطه التركيه مافي مطعم مب موجوده هالسلطه وترى مقاديرها عندي هههه



وهذي الكفته العجيبه



وهذا ستيك



وهذا الشاي وطبعآ بعض المطاعم بعضها يقدمون الشاي مجانآ وهذا المطعم يقدمه مجانآ



وخلص اليوم الأول بتركيا وبالتحديد في طربزون

وطبعآ طيراااان للنوم لأنه كان يوم متعب الصراحهه

عاد لاتحرموني من تعليقاتكم وتشجيعكم عشان أنزل ال17 يوم الباقيين

وتراني قاعده على هالتقرير 5 ساعات ونص من تصغير وتحميل الصور والتعليقات ف أتمنى التشجيع عشان أنزل باقي التقارير





التعديل الأخير تم بواسطة أم الجوري ; 23-01-2012 الساعة 11:00 PM.
رد مع اقتباس
  رقم المشاركة : 4  
قديم 24-01-2012, 12:13 AM
عضو فعال
لمعة ألمـاس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تقريري الأول لسفرتي إلى تركيا الساحره

انا اول وحده راح اعلق على الرحله

بصراااحه شي في قمه الروووعه ان شاء الله استانستو في الرحه

ومشالله عليج حسستيني اني كنت معاكم في الرحله ههههه

مصوووره كل شي روووعه

ننطر الباقي من السفررره لاطولين علينا

والله يعطيج العاااافيه ع المجهود الحلووو





رد مع اقتباس
  رقم المشاركة : 5  
قديم 24-01-2012, 09:35 AM
الصورة الرمزية اللورد
المـديـر العـام
اللورد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تقريري الأول لسفرتي إلى تركيا الساحره

يعطيك العافيه اختي ام الجوري على التقرير وبصراحه شكله شيق ياريت تواصلين وياريت تقولين لنا على الاسعار





رد مع اقتباس
  رقم المشاركة : 6  
قديم 24-01-2012, 09:54 AM
الصورة الرمزية لولوة23
عضو متالق
لولوة23 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تقريري الأول لسفرتي إلى تركيا الساحره

الف حمد الله عالسلامه والصراحه رووووووووووووعه التصوير يعطيج الف عافيه
ايييييييييييه على تركيا وجوهااااا ذكرتيني فيها
بس منطقه طربزون مارحتلها وشكلها حلوة ماشاءالله
مووووفقسن دوووم ونطر الباقي




التوقيع - لولوة23
تابعو مواظيعي من بظائع متجدده
من ساعات الماس وشنط اصليه وتقليدواحذيه واحزمه وغيرها
اطلبو فلكر

رد مع اقتباس
  رقم المشاركة : 7  
قديم 24-01-2012, 11:50 AM
عضو نشط
فيمي ناين غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تقريري الأول لسفرتي إلى تركيا الساحره

الله ياليتني كنت معكم يالله شوقتينا يالله نزلي باقي الموضوع مستنييييييييييييييييييييييين





رد مع اقتباس
  رقم المشاركة : 8  
قديم 24-01-2012, 01:47 PM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تقريري الأول لسفرتي إلى تركيا الساحره

اقتباس
 مشاهدة المشاركة المشاركة الأصلية كتبت بواسطة لمعة ألمـاس
انا اول وحده راح اعلق على الرحله:sniper (29)::sniper (29):

بصراااحه شي في قمه الروووعه ان شاء الله استانستو في الرحه

ومشالله عليج حسستيني اني كنت معاكم في الرحله ههههه

مصوووره كل شي روووعه

ننطر الباقي من السفررره لاطولين علينا

والله يعطيج العاااافيه ع المجهود الحلووو

تسلمين حبيبتي

أنا أحب أصور كل شي

ووالله كنت أصور وأقول حق المنتدى

شاكره لج مرورج حبيبتي




رد مع اقتباس
  رقم المشاركة : 9  
قديم 24-01-2012, 02:03 PM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تقريري الأول لسفرتي إلى تركيا الساحره

اقتباس
 مشاهدة المشاركة المشاركة الأصلية كتبت بواسطة اللورد
يعطيك العافيه اختي ام الجوري على التقرير وبصراحه شكله شيق ياريت تواصلين وياريت تقولين لنا على الاسعار

الله يعافيك مديرنا

والله الأسعار غاليه فالمكالمات واايد والأكل نفس الدوحه يعني فاليوم شخصين أو ثلاثه بيكون أكلهم على 200 ريال تقريبآ

الفنادق بعد أسعارها أوكي بس أحسن بجيب لكم سعر كل فندق من أختي لأن هيي اللي إحجزت بس ترى مش غاليين فنادقهم إذا حجزتهم من بوكينج وإذا من هناك غالي

أسعدني مرورك اللورد نورت التقرير




رد مع اقتباس
  رقم المشاركة : 10  
قديم 24-01-2012, 02:06 PM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تقريري الأول لسفرتي إلى تركيا الساحره

اقتباس
 مشاهدة المشاركة المشاركة الأصلية كتبت بواسطة لولوة23
الف حمد الله عالسلامه والصراحه رووووووووووووعه التصوير يعطيج الف عافيه
ايييييييييييه على تركيا وجوهااااا ذكرتيني فيها
بس منطقه طربزون مارحتلها وشكلها حلوة ماشاءالله
مووووفقسن دوووم ونطر الباقي

الله يسلمج حبيبتي

طربزون من أروع المناطق اللي شفتها داخلها مناطق فيها شلالات وجبال لونها أخضر يفتح النفس

في طربزون قلت جمله حق أختي إذا هني جذي شلون الجنه والله العظيم صج صج حلوه وعالطبيعه أحلى من الصور الصور وايد مغيرتها

إن شاء الله بجهز التقرير الثاني وبنزله

شاكره لج مرورج غاليتي




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:11 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم