استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > منتدى حواء و الاسره و الطفل


منتدى حواء و الاسره و الطفل لكل ما يخص حواء و الاطفال من جديد الازياء والمكياج والاكسسورات و الطبخ و شؤون الاسره

لعوزتني زوجتى بالرومانسيه ..

الله يمسيكم ويصبحكم بالخير وباحلى ورود مني لكم ياحلى اعضاء باحلى منتدى على قلبي الرومانسيه الي تعبت كثيرنا وللحين منبي نفهمها فالبعض يعتقد ان الرومانسيه وروود وشموع وبانيو ولا جاكوزي كله وروود والبعض الاخر يظن انها سهره في فندق على البحر والبعض الاخر يعتقد انها متصير الا في سفره مع ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 30-01-2012, 02:41 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي لعوزتني زوجتى بالرومانسيه ..

الله يمسيكم ويصبحكم بالخير وباحلى ورود مني لكم

ياحلى اعضاء باحلى منتدى على قلبي








الرومانسيه الي تعبت كثيرنا وللحين منبي نفهمها فالبعض يعتقد ان الرومانسيه وروود وشموع وبانيو ولا جاكوزي كله وروود والبعض الاخر يظن انها سهره في فندق على البحر والبعض الاخر يعتقد انها متصير الا في سفره مع زوجته فتختلف الافكار والذوق من شخص لاخر..

فالرومانسيه متعدده والقصد منها تغير جو وتلطيفه بمشاعر الحب والدفئ بين الزوجين وتكون نابعه من مشاعر صادقه يعني مب شرط عطورات وشموع وطاوله كلها ورود فهذي ممكن تساعد على الرومانسيه ولكنها مب اهي الرومانسيه اذا كان مابين الطرفين اي تجاوب وحب فئيش تفيد هالامور

مثلا امي الله يشافيها ويطول بعمرها قولوا امين وبعد امين وبعد مرتين امين وامين كانت حدها رومانسيه ودوم تلبس لابوي سروال اخبره زري واحمر ومعندها غيره وتشب سويده وحسستني انها متزوجه جني مب انسان وترقدني بسررعه وانا مب فاهم شي واذا مرقدت وقهرتها لجى الصبح اشوفها مجهزه قلاص عشرج لي وتخليني اشربه غصب كانت تنتقم مني بس بطريقه غير مباشره هههههه فهي كانت رومانسيه ومعندها غير هالسروال الزري ومخنق اسود وحسيت انهم في عزى مب في رومانسيه هههههههه بسبب هالمخنق الاسود.. وابوي الله يغفرله مربي شعره ويتغزل في امي ومعنده غير قصيده وحده وربابه مكسوره وبعد مب قصيده كلها بيتين وكل يوم يعيدهم وامي مصدقه انه رومانسي والظاهر مسوي لها كوبي هههههههه بس شلون كوبي وهم معندهم كمبيوترات يمكن بحمام رسايل هههههه ويقصد في امي ويقول فيها


أحبك حب صقار ٍ لطيره
يعاف النوم لو ريشه تثنَّى


و أحبك حب شاعر للقصيده
إذا جت ون و إن عيّت يونَّى


و أحبك حب فنان لفنه
عصر روحه على شانك تغنَّى


و أحبك حب هاوي للهوايه
قضى عمره ولا أدرك ما تمنَّى



وكانوا عايشين في بيت شعر ولا خيمه ولا بيت من خشب ولا يمكن عايشين في بيت من حصى مبني ومستانسين ويمكن الخيمه تطيح عليهم باي وقت و مب الحين تشوف الرومانسيه الي تحزن مشغلين مزعل فرحان وحاطين ورود وشموع هذي شلون تصير رومانسيه وهي كلها اغاني حزينه وكئيبه ولا لازم تصير الرومانسيه في فندق على البحر وليش متزوجه سمجه ولا حوت وشوفوا قبل في البر معندهم غير هالفنر القديم ولا شابين الضو على الحطب ويتغزل فيها ويمدحها وميعرفون عصير فراوله مادري شنهو من عصاير هالايام عصيرهم واحد مافيه غيره و تشربه اياه دوم وهو العشرج يوميا ههههه ولا يعرفون سفر ولا يعرفون فندق ولا بحر واذا راحوا البحر راحو يصيدون فيه ويرجعون او يروح معاها يصيدون قباقب عاد مادري فيه قباقب ولا مافيه ههههه على ايامهم حتى قباقبهم غير ميخافون هههههههه مب قباقبنا خوافين ينخشون ههههههههه

والمهم فهذي اهي الرومانسيه الحقيقيه الصادقه الي طالعه من الجوف ومن القلب بس ياترى ليش كانوا رومانسين وكانوا يحبون بعض والسبب شي واحد مافيه غيره كانوا يحافظوون على الصلاوات الخمس وكان الكل صابر على الثاني والزوجه تعرف حقوقها وواجباتها والزوج يؤدي واجباته وحقوقه



واما الحين معاناه في الرومانسيه لازم تكون الرومانسيه على البحر ولا في في فندق ولا فوق جبل وليش متزوجه طير ولا صلال ولا حاطه طاوله فوقها 70 شمعه وليش هذا كله متخافين زوجج يختنق من الدخان ومتشوفين الزوجات الاوليات على ايام العصر الحجري اعتقد مادري الجاهلي المهم واحد فيهم معندها غير ربابه وتناديه من بعيد وتقوله تعال يابن ثعلبه فاني احبك ولا ارضى بثعلب غيرك ههههههه شوفي هالرومانسيه وهالكلام الحلو وكلمات حلوه شوفي اسمه ثعلبه مب الحين اسامي مادري من وين جايبينها الاولين غير رومانسيتهم غير دلع يناديها من بعيد تعالي يابنة سحليه شوفي امها شسمها سحليه مب الحين والله شي يقهر مع هالاسامي الجديده

والي يقهرك علشان تتاكد انها يحبها كل شوي تعيد انت تحبني يقولها والله احبج وتعيد له اكيد متفكر في غيري يقولها وربي مافي غيرج وتقوله متفكر تاخذ على يقول في خاطره لو ترد الايام ورى متزوج كلش وهي تسال وتملل زوجها بدعوه الرومانسيه وليش هذا كله متدري ؟؟

شوفي الاوليات تقوله يابن المسمار صج اسامي هل تحبني وياويله اذا رفض يمكن تصير حروب بين قبايل والسبب انه جرحها مب الحين تحبني واذا قالها لا تمت مبوزه شوفي الاولين على طول تتصل على قبيلتها وتصير الحرب ويموتون كلهم والسبب انه رفض يحبها ههههه تراني اتشغمر



خواتي الغاليات اذا تبين تعيشين في رومانسيه دائمه اعرفي الي عليج من حقوق وواجبات واديهم فاجرج جنه عرضها السموات والارض واذا تبين تغيرين جو وزووجج ميحب هالامور فغيري جو في بيتج وفي مملكتج والبسي احلى الملابس واكشخى احلى الكشخات وولعي الشموع واهتمي بزوجج بلي تقدرين عليه و مب شرط اهو يرضى دامج مأديه الي عليج واهتمي انتي هذا الاهتمام لج انتي مب لاي احد اخر ولاذن قومي من مكانج افرشي سجادتج واقرى القران واذكري الله دوم بتلقين الرومانسيه بكل وقت واصبري على مانتي فيه ..


فديت امي صج كانت تخاف من ابوي هههههه بس كانت تجيب راسه بكلمتين لبيك يابومحمد2009 وان شاء الله وعلى خشمي وفديتك جدتك التاسعه وهو مصدق ولكنها كلمات مؤثره لان الناس يحبون الكلام الحلو فكيف اذا كان زوج او زوجه فهم اولا بالكلام الحلو والاهتمام


وتذكري ان الرومانسيه مب بالكلام وتقليد الغرب بامور بعيده عند دينا فهذي امي الله يشافيها قولوا امين وبعد امين مكانت تلبس الا سروال زري ومخنق وتشب سويده ومعندها غيرهم وابوي مستانس عليها ويقصد فيها ولا كانت تعرف اغاني ولا تعرف شموع يمكن عن خاطرهم يولعون خشبه فيها ضو ويمكن تحرقهم وهم ميدرون ههههههه





ولاتخلين زوجج يكره شي اسمه رومانسيه يعني لاتخلينه يقول لعوزتني زوجتى بالرومانسيه والسبب حنتج ولكن خليه يحبج ويشتاق لج ولبيته باسلوبج الطيب والحلو والدلع ولاتمليلنه بالقوه يعني اليوم ليله رومانسيه ولكن اختاري الوقت الي يحبه واخذي راييه وباسلوبج معاه الطيب بتلقينه اهو يحب الرومانسيه .





فالرومانسيه اهي الصبر على الحياه وتاسيس البيت صح والمحافظه على الصلاوات الخمس والابتسامه في وجه الزوج دوم مب بس مؤقت والله هذي اهي الرومانسيه ومن اهمها المحافظه على الصلاوات الخمس لابد تكون من اوليات البيت الرومانسي والسعيد .


واتمنى لكل المتزوجين حياه طيبه سعيده كلها رومانسيه
..




تحياااتي محمد2009





التعديل الأخير تم بواسطة محمد2009 ; 30-01-2012 الساعة 09:29 PM.
  رقم المشاركة : 2  
قديم 30-01-2012, 03:41 PM
الصورة الرمزية حبيبة اخوها
عضو فعال جداً
حبيبة اخوها غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

مساء االورد
الله يخليك لمك والله يشفيها ويلبسها ثياب العافيه
اللهم امين امين امين امين
بخصوص رومانسيه بصراحه صج اول شي صلاه وطعت رب العالمين قبل طاعت اي مخلوق على وجه الارض
اذا الوحده تصلي تاخف الله ولم يصيدها ظرف او تتضايق من زوجها او تصير مشكله مب سيده يلاه باكلم القبيله تصير هوشه لالا الله عطانه عقل نفكر نصلي نطلب من ربنا الله سبحانه وتعالى مب يستجيب بسرعه يختبر الانسان على مصيبته ويشوف صبره وقدرته على تحمل المسؤليه فازوجه بدورها مب كل رومنسيه واتصالات مع زوجها في كل حزه
وانت وحشتني متى بتيجي البيت مادري وشو لا الوحده تكون رومنسيه حق نفسي في سلوبه تعاملي مش بس حق زووجه لا اهوعلى يعني وراسي مش في كل حزه باقعد اسويه جوو واو عزه على شي واهو مايرد لي بولا شي
فاموضوعك اخوي محمد يتطرق حق كثير وكثير من الاشياء
فاانا بنسبا حق رومانسيتي تكون من فتره لي فتره عشان زوج يقدر او يكن في حاجه من وقت المتعه وتعبير تكون في
العيد تكون في عيد زواج بس يكون مسافر فتره بس رومانسيه اليوميه تكون بسلوبي انا بتعاملي مع زوجي بيتي عيالي مش اقعد اصارخ واهو موجود واسب ومادري ايش لا نفس مايعرفني برومانسيه شلون اكون معه لازم اكون دايما" اكون رومانسيه في حياتي العمليه بس اخوي محمد بجد باقولك يعني ايام زمان ماكان عندهم نفس الي عندنا الحين قمصان نوم ومادري وشو لا والله تقوم وترقد
بالقلبيه والملفع تسوف رومانسيه قبل شلون زوج يحترم مرته يعزها يرفع شانها بين نسوان الفريج وحتى يحب راسها جدام عياله وماكان في تكلفى زايد مثل هالوقت
واسال الله العظيم رب العرش العظيم أن يشفي لك والدتك ويجعلك من البرين ودخولك الجنه بطاعت ربك و والديك
واللهم اغفرلي والدك ووالدي واغفر لحينا وميتنا وشاهدنا
اللهم من احييته منا فأحيه على الاسلام ومن توفيته منا فتوفيه على الايمان واللهم لاتحرمنا اجره ولاتضلنا بعده
الله يوفقك ومشكوور على الوضوع الي في اكثر من شي نقدر نتكلم فيه بس انا كلامي وجهة نظر
تقبل مروري
حبيبة اخوها





  رقم المشاركة : 3  
قديم 30-01-2012, 08:49 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

كلامج صحيح اختى وشكراا لمروورج ولمشاركتج





  رقم المشاركة : 4  
قديم 06-02-2012, 01:39 PM
عضو
gemini spirit غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

موضوع مفيد ومطروح بطريقة فكاهية


إلى الامام أخي محمد





  رقم المشاركة : 5  
قديم 07-02-2012, 03:25 AM
عضو
حياة حبيبي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

لا إله إلا أنت سبحانك إني كنت من الظالمين





  رقم المشاركة : 6  
قديم 09-02-2012, 10:27 AM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

اقتباس
 مشاهدة المشاركة المشاركة الأصلية كتبت بواسطة gemini spirit
موضوع مفيد ومطروح بطريقة فكاهية


إلى الامام أخي محمد

شكراا لج اختى




  رقم المشاركة : 7  
قديم 19-02-2012, 06:46 AM
عضو جديد
غاب نوركـ غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

طرح في منتهى الروعه والمراحه
تسلم يمناك والله يخلي لك الوالده




  رقم المشاركة : 8  
قديم 19-02-2012, 09:44 AM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

الله يسلمج ومنوووره وتسلمين





  رقم المشاركة : 9  
قديم 19-02-2012, 11:27 PM
الصورة الرمزية مشمش
عضو نشط
مشمش غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

اي صح كلامك الرومانسيه مب فنادق وشموع وخرابيط هالايام الي مادري شلون صايره خخخخ

بس مشكور ع التوضيح وع الموضوع الحلو يعطيك العافيه ماقصرت





  رقم المشاركة : 10  
قديم 20-02-2012, 11:28 AM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لعوزتني زوجتى بالرومانسيه ..

الله يعافيج ومنوره اختى





موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: لعوزتني زوجتى بالرومانسيه ..
الموضوع كاتب الموضوع المنتدى مشاركات آخر مشاركة
اريد ان اطلق ماذا تنصحونني سعيدالقحطاني المنتدى العام 37 12-04-2012 01:15 PM
" سويتي سويت لآرقــى أنواع الميني سويـــت ... " sweety sweet سوق الاطباق والحلويات 52 25-03-2012 04:34 PM
زوجتي وآلكـف :( عصووم منتدى حواء و الاسره و الطفل 22 03-10-2011 02:11 AM
زوجتى طفشانه ومتملله محمد2009 منتدى حواء و الاسره و الطفل 16 06-03-2011 06:04 PM
ام زوجتي goodlife المنتدى العام 6 09-08-2010 09:23 PM


الساعة الآن 08:52 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم