استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

العمياء أخت العوراء

بسم الله الرحمن الرحيم السلام عليكم ورحمة الله وبركاته صباحكم خير ورضى من الرحمن وأنا أتصفح الجريدة لفت انتباهي هـ " المقال " وحبيت أنقله لأنه أصبح ظاهرة بصراحة : اقتباس العمية أخت العورة الناس تشتكي من قلة الوظايف، يتقدم الكثير من عيالنا خريجي الجامعة والثانوية للمؤسسات الحكومية لطلب الوظيفة، ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 19-02-2012, 11:34 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
Impp العمياء أخت العوراء

بسم الله الرحمن الرحيم

السلام عليكم ورحمة الله وبركاته

صباحكم خير ورضى من الرحمن

وأنا أتصفح الجريدة لفت انتباهي هـ " المقال " وحبيت أنقله
لأنه أصبح ظاهرة بصراحة :


اقتباس
العمية أخت العورة





الناس تشتكي من قلة الوظايف، يتقدم الكثير من عيالنا خريجي الجامعة والثانوية للمؤسسات الحكومية لطلب الوظيفة، ويكون الرد من المسؤولين ما في وظايف، او يتم اهمال الطلب مع العلم ان بعض أو أكثر المسؤولين يخشون الوظايف الشاغرة للاهل والربع والجماعة، وللي مايعرفونه يقضبونه الباب، ياريت يتم انشاء مشروع يتم من خلاله توظيف جميع المواطنين، بحيث نضمن من المسؤولين عدم الاستغلال الوظيفي ومن خلال سحب صلاحية التوظيف من عندهم، واعطاء كل ذي حق حقه من الوظايف، واذا بنتكلم عن القوة العاملة، العمية اخت العورة وتعاني من نفس الداء اللي تعاني منه اكثر مؤسسات الدولة الا وهي الواسطة.

النص بنص

البعض من المسؤولين الله يسامحهم يستغلون وظيفتهم من خلال اخذ عمولات من الشركات اللي ترسي عليهم المناقصات، ويقولهم المسؤول بالحرف الواحد باخليها ترسي عليكم او راح نختاركم انتو بس لي عمولة، طبعاً راعي الشركة يوافق والسالفة تصير النص بنص ويضمن الاخ المسؤول ان السالفة سرية، ومستحيل ان حد يطلع عليها وخاصة ان الفواتير تطلع بالسعر الإجمالي للشركة وديوان المحاسبة، وبعدين الاخوان يتقاسمون العمولة، والمشكلة انهم يوهمون نفسهم انها فلوس حلال، وعادي يأكل عياله من هذه الفلوس، لا حول ولا قوة الا بالله، ياريت من الناس اللي متعلقة بدنيا زايلة تخاف الله وتتذكر الآخرة.

{ بونايف


المصدر : جريدة الوطن


خاصة الثاني

وإحنا موظفين فالبلدية
وكنا نشوف جشع التجار بعيونا
يقومون أبراج من غير رخص
ومخالفاتهم تبلغ قيمتها الملايين
ليتوصلون في النهاية إلى صلح من غير دفع أي مبلغ.؟!

شلون والبرج خلاص قام وما بقى على نهايته شي.؟!

ونسمع عن مفتشين يختفون وموظفين
والسبب رشاوي = ) أقصد هدايا

قال ايش مكافأه عشان خدمة المراجع

زين والراتب اللي تعطيك ياه الدولة شنو .؟!

المشكلة لجيت تنبه أو تنصح
تنحط فبالهم وتتحسف قد شعر راسك إنك تدخلت

بحفظ الله



التوقيع - love whisper
مرما الهدف يابنت بين النياشين
وانتي عريبة جد وخوال وحموله

بين عليك واثباتات البراهين
والحق واضح مايبيله دلوله

يفداك من كل الرجال الرديين
يا عزوة الصنديد ليا صيحوا له

وختامها يانصرة الحق والدين
من طاعة المعبود طاعة رسوله

رد مع اقتباس
  رقم المشاركة : 2  
قديم 19-02-2012, 12:14 PM
عضو VIP
كلمة صدق غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: العمياء أخت العوراء

هذا الشيء واضح وتدري فيه الدولة .. لكن ماتقدر تعمل اي شي
والسبب لأن اغلب الناس في هذه الفترة يتعامل بهذه الطريقة

اولاً الوظايف .. كل مسؤول في مكان يشوف عيال عمه واخوانه معاه في نفس المكان
والأماكن الشاغره ... يحط في باله بأن في من اهلي وربيعي جايين في الطريق


-------------------


ثانياً العموله والرشاوي ... ياكثرها في البلاد مع الأسف الدوله عارفتهم لكن ماعندهم حل
ليش ..!! .... لأن إذا طردوا فلان من وظيفته بجيك غيره اخس منه .. وإذا منعت التعامل مع هذه
الشركة .. راح تجيك شركة أخس منها ... 90% يتعاملون بهذه الطريق ماهو الحل ..!!

بالله عليكم ... مشروع قيد الإنشاء للدولة .. قالت الدولة المشروع يوضع في المزاد
سبحان الله تشوف الشركة اللي راح يرسي عليها المزاد تجهز نفسها وتبتدي في العمل
والمزاد لحد الآن ماصار .... كيف ... العلم عن الله


الدولة شتسوي في ناس شعارهم (شيلني وأشيلك) أو مثل ماقالت الجريدة (النص بالنص)


والخافي اعظم




تحياتي للجميع





رد مع اقتباس
  رقم المشاركة : 3  
قديم 19-02-2012, 12:21 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: العمياء أخت العوراء

عيني عينك هالكلام يصير و مقبول عرفيا في بعض الجهات

اذا رخصه مصنع طابوق ممنوعه من 4 سنوات بقرار وزاري ويجي واحد يطلعها ويوافق عليها من كم شهر عشان يعرضها للبيع في الجريده ب 7 مليون واكثر

خربطه ومصالح وبأسماء معروفه احيانا

مسأله الرشاوي منتشره لدرجه ان تحليل عينات طابوق و انترلوك ينحط عليها علامه مميزه عشان الي يفحصها يعرف انها للشركه الفلانيه و ينجح العينه وتنباع في السوق

طابوق يعني شيء ممكن يطيح على راس السكان و العائلات لكن الرشوه وما تسوي

كله كوم و الابراج و رخص البناء و المتطلبات كوم ثاني

اي موظف بيقدر يرفض معامله حق هامور او اسم يخرع مديره قبل لا يخرعه هو شخصيا

الا بوسه على الخشم و معاملته تخلص في يوم واحد

صرنا العن من مصر و سوريا في المحسوبيه

على الاقل هم ما عندهم نظام و عدل طبقي و حكومي

لكن احنا الي نقول عندنا قانون و حقوق و عدل نكون اسوء منهم اذا صارت عندنا هذه المحسوبيه والتجاوزات

ويا ليتها توقف عند هذا الحد الا يمنعونك من ادخال اغراض شخصيه من الخليج مثل الاطارات و قطع الغيار و امور اخرى

مب مكتفيين من المحسوبيه عشان نشجع الاحتكار زود و زود




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 4  
قديم 19-02-2012, 12:24 PM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: العمياء أخت العوراء

أبد الدولة لا تسوي شي
وإحنا اللي ناكل الهواء

هذي المصيبه أخي كلمة
المشكلة كلما ارتفعت بالشكوى للشخص الأعلى منه يغلطونك ويضيقون عليك أكثر وأكثر

وين الشفافيه اللي يقولون عليها .؟!

وإلا بس كلام وخريط .؟!

انحرقت قلوبنا وإحنا نداوم ونعطي ونكرف بدون مقابل حتى للعدل
الواحد ما يطالب إلا بحقه

عيل لو طالبنا بأزود من حقوقنا شكان بيستوي .؟!


المشكلة أخلاقنا ما تسمح لنا نصير بأخلاقهم عشان نسلم منهم = (
وإلا حولي ناس كثار وموظفات تنازلوا عن كثير عشان بس يسامحها مديرها


خيييييير .!!!


الله لا يوفجهم وين ما يمموا.!

بحفظ الله





رد مع اقتباس
  رقم المشاركة : 5  
قديم 19-02-2012, 12:28 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: العمياء أخت العوراء

اقتباس
 مشاهدة المشاركة المشاركة الأصلية كتبت بواسطة كلمة صدق
هذا الشيء واضح وتدري فيه الدولة .. لكن ماتقدر تعمل اي شي
والسبب لأن اغلب الناس في هذه الفترة يتعامل بهذه الطريقة

اولاً الوظايف .. كل مسؤول في مكان يشوف عيال عمه واخوانه معاه في نفس المكان
والأماكن الشاغره ... يحط في باله بأن في من اهلي وربيعي جايين في الطريق


-------------------


ثانياً العموله والرشاوي ... ياكثرها في البلاد مع الأسف الدوله عارفتهم لكن ماعندهم حل
ليش ..!! .... لأن إذا طردوا فلان من وظيفته بجيك غيره اخس منه .. وإذا منعت التعامل مع هذه
الشركة .. راح تجيك شركة أخس منها ... 90% يتعاملون بهذه الطريق ماهو الحل ..!!

بالله عليكم ... مشروع قيد الإنشاء للدولة .. قالت الدولة المشروع يوضع في المزاد
سبحان الله تشوف الشركة اللي راح يرسي عليها المزاد تجهز نفسها وتبتدي في العمل
والمزاد لحد الآن ماصار .... كيف ... العلم عن الله


الدولة شتسوي في ناس شعارهم (شيلني وأشيلك) أو مثل ماقالت الجريدة (النص بالنص)


والخافي اعظم




تحياتي للجميع

اخوي ذكرتني بنكته

شركه انشأت لمشروع واحد فقط

تسلمت بناء مدارس في منطقه سكنيه من المناطق الشماليه وطبعا المناقصه رست غصب طيب مع ان صاحب الشركه عنده شركه مقاولات كبيره و معروفه لكنه ما دخل بها للمشروع و اسس شركه جديده عشان محد يعرف انها له و تسلمت مشروع كبير وهو بناء مدارس في اكثر من منطقه

انا سامع موظف في هذه الشركه بأذني يقول السالفه ويضحك ويقول عيني عينك راعي الحلال محد يقدر يقول له شي في هالبلد

واحنا حتى سفايف من الاحساء ما نقدر ناخذها وندخلها قطر




رد مع اقتباس
  رقم المشاركة : 6  
قديم 19-02-2012, 12:31 PM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: العمياء أخت العوراء

أخوي كومبو لا والله مهب مقبول عرفيا
قد يكون عند هالفئة من الخونة

نعم خونة بل وأردأ من هذا

إلى متى الوضع بيتم هالشكل.؟!

معقولة الدولة قائمه بخيراتها على ما يجود به هؤلاء الـ " الهوامير " مثل ما نسميهم.؟!
ليش الخوف منهم .؟!

ليش وإحنا دولة مسلمة لو طبقنا الشرع كان مافي فرق بين زيد وعبيد
إلا بالكفاءة والمصداقية

اللهم لا يوفجهم وين ما يمموا = (

بحفظ الله





التعديل الأخير تم بواسطة love whisper ; 19-02-2012 الساعة 12:44 PM.
رد مع اقتباس
  رقم المشاركة : 7  
قديم 19-02-2012, 01:37 PM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: العمياء أخت العوراء


مابعد قول الرسول كلام

عن عبد الله بن عمرو بن العاص -رضي الله عنهما- قال: لعن رسول الله -صلى الله عليه وسلم- الراشي والمرتشي رواه أبو داود والترمذي وصححه

الله يطهر قطر من هالاشكال ..

وع موضوع الوظايف نتمنى نشوف توزيع عادل
والا ع الاقل يفتحون لهم مؤوسسات تكون مسؤوله ع كفل هالشباب والبنات
تدريبهم وتطويرهم لين مايلقون لهم شغله ..
يعطونهم دورات مجانيه وشهادات خبره يستفيدون منها ..

انا مايقهررني في اعلان الوظائف الا لما يكتبون لج محتاجين موظفين

شرط / خبره لاتقل عن 5 سنوات

اذا الواحد توه متخرج ومحد راضي يشغله من وين اجيب لكم الخببره يعني



التوقيع - Smile Faby

When I smile
The whole world stops and stares for awhile

رد مع اقتباس
  رقم المشاركة : 8  
قديم 20-02-2012, 08:35 AM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: العمياء أخت العوراء

اقتباس
 مشاهدة المشاركة المشاركة الأصلية كتبت بواسطة smile faby

مابعد قول الرسول كلام

عن عبد الله بن عمرو بن العاص -رضي الله عنهما- قال: لعن رسول الله -صلى الله عليه وسلم- الراشي والمرتشي رواه أبو داود والترمذي وصححه

الله يطهر قطر من هالاشكال ..

وع موضوع الوظايف نتمنى نشوف توزيع عادل
والا ع الاقل يفتحون لهم مؤوسسات تكون مسؤوله ع كفل هالشباب والبنات
تدريبهم وتطويرهم لين مايلقون لهم شغله ..
يعطونهم دورات مجانيه وشهادات خبره يستفيدون منها ..

انا مايقهررني في اعلان الوظائف الا لما يكتبون لج محتاجين موظفين

شرط / خبره لاتقل عن 5 سنوات

اذا الواحد توه متخرج ومحد راضي يشغله من وين اجيب لكم الخببره يعني :sniper (32):

في احدى الهيئات جلست خريجه اعلام مع مسؤول علاقات عامه لمقابله

وقال لها الشغل محتاج لوحده تقدر تسافر و تجلس في اجتماعات و زحمه رجال وفوق هذا لازم عندك خبره في العمل الصحفي لا تقل عن 5 سنوات فأنصحك انك تروحين مركز الجزيره للتدريب تتعلمين العمل الصحفي و العلاقات لمده سنتين او ثلاث وبعدها انا اوظفك

يقول عنده اربع وظائف ما لقى قطريين يوظفهم عليها من 6 سنوات

قالت له لو انت وظفت قطريين كان خذوا خبره في سنه او سنتين في العمل وما يحتاج تشرط عليهم يدرسون سنتين و ثلاث عشان شغل ممكن يتعلمون وهم عندك لكن شرطك هذا خلى الوظايف شاغره من 6 سنوات و بتضل شاغره لان محد بيروح يدرس صحافه او علاقات وهو خريج اصلا عشان انت الوحيد الي يطلب دراسه فوق شهاده الجامعه - اخذ ماجستير اصرف لي من دوره صحفيه او علاقات عامه

طبعا هذا مدير وغيره يطلع نجوم الظهر للي يتقدم لزظيفه بس عشان يطلع وهو معتقد انه غير مؤهل للوظيفه

انا مره كلمت مدير اداره الحاسوب في جهتي عن قطري مؤهل بجداره لوظيفه شاغره عنده وخبرته 11 سنه يعني مطبوخ جاهز

قال اوفر كواليفايد ( خبرته اكثر من المطلوب ) الوظيفه تتطلب خبره 5 سنوات بس

بدل ما يستفيد من خبرته يقول اوفر كواليفايد

قلت له الزبده - قال بصراحه انا ما ابي اوظف حد مع ان الوظيفه شاغره لان قيمه الراتب بحطها في تطوير القسم و توسعات

لين اليوم ما شفنا توسعات ولا تطوير ولا دخل لراتب الوظيفه بميزانيه الاداره اصلا

بالعكس القطريين ينقلون من ادارته


اليوم احصائيه اداره العمل عن تجاوب الجهات مع خطه التقطير لخمس سنوات قادمه

واقل تجاوب مع الاداره كان من نصيب الشركات الصناعيه

مع ان بها اكثر الوظائف واعلى الرواتب والامتيازات




رد مع اقتباس
  رقم المشاركة : 9  
قديم 20-02-2012, 10:57 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: العمياء أخت العوراء

حسبي الله ونعم الوكيل
أقسم بالله أكتب هالرد وقلبي موجوع من هالظلم
ودمعتي يبيلها دزه وتطيح

الله لا يوفقك يا مديري

الحين صادني ظرف وتأخرت بدال ما أداوم 9 داومت 9:45
وكتبت في الورقة إني متأخره

اتصل وقال انتي متأخره
قتله كتبت فالورقه
قال لا تحرجينا مع الشؤون الإدارية وايد يدققون وبسألون ليش فلان تأخر

مرت نص ساعه 10:15 طلعت زميلتنا بالعمل
ومفروض تطلع 11 نفس الوقت اللي تأخرته " سبحان الله "

ماراح تسبب له إحراج

ليش

لسبب بسيط عندها إذن مدى العمر تطلع 11 ومسجل بشكل رسمي في ورقة الحضور والغياب

تروح تضرب ابرة السكر يازعم

والله يوم بيوقف قلبي من هالظلم

سمايل فيبي برجع أرد عليج قريب

حسبي الله ونعم الوكيل
حسبي الله ونعم الوكيل
حسبي الله ونعم الوكيل

بحفظ الله





رد مع اقتباس
  رقم المشاركة : 10  
قديم 20-02-2012, 11:26 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: العمياء أخت العوراء

اقتباس
 مشاهدة المشاركة المشاركة الأصلية كتبت بواسطة Smile Faby

مابعد قول الرسول كلام

عن عبد الله بن عمرو بن العاص -رضي الله عنهما- قال: لعن رسول الله -صلى الله عليه وسلم- الراشي والمرتشي رواه أبو داود والترمذي وصححه

الله يطهر قطر من هالاشكال ..

وع موضوع الوظايف نتمنى نشوف توزيع عادل
والا ع الاقل يفتحون لهم مؤوسسات تكون مسؤوله ع كفل هالشباب والبنات
تدريبهم وتطويرهم لين مايلقون لهم شغله ..
يعطونهم دورات مجانيه وشهادات خبره يستفيدون منها ..

انا مايقهررني في اعلان الوظائف الا لما يكتبون لج محتاجين موظفين

شرط / خبره لاتقل عن 5 سنوات

اذا الواحد توه متخرج ومحد راضي يشغله من وين اجيب لكم الخببره يعني


عليه الصلاة والسلام

كلنا نتمنى اللي تتمنينه

دام القطري وين ما راح إذا ماعنده واسطة
يحبطونه ويحسسونه إنه مب كفو بطريقه أو بأخرى
والدليل كلامج وكلام الأخ كومبو

وإذا توظف يضيقون عليه إذا شافوه فحاله وماشي صح
وشافوا إنه ما ينصاع لهم .!!

والتقادير للي يحبه قلبهم ويسايرهم


شيبون نهاجر

قولوا لي أهاجر .!!!!!!!!!!!!!!!!


وإلا لازم أحط فل ميك أب والبس لقن وابطل عباتي وأطلع شعري من جدام
وأتزبر وأصبح وأمسي وأضحك عشان يستانسون ويعاملونا يادهينه لا تنكتين


أبي رجال لشكيت له صج يوقف معاهم بحزم
مافي .!!

تصدقون
والله ما لقيت

كلن ينحرج
ومايبي يخرب علاقته مع غيره

أتصور الوضع عقب كم سنة بالوزارات والهيئات والمؤسسات
كله مدراء ومسؤولين مستوى أخلاقهم تحت الأقدام وموظفات على ما يشتهون.!

كلام أدري يخدش أنظار البعض
لكن هذا الواقع اللي لولا خوف الواحد من الله لانجرف مع التيار

وآه بس أنا فالـــ تعالوا زوروني

بحفظ الله




التعديل الأخير تم بواسطة love whisper ; 20-02-2012 الساعة 11:28 AM.
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:51 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم