استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

بفك قطر .. اصاله الامس وتخبيص اليوم ..

السلام عليكم ورحمه الله وبركاته .. سالفه صارت لي اليوم .. بس لازم تجهزون الكرك او ممكن قهوه مع تمر وتعدلون قعدتكم.. >> ياليل ماطولك .. احم احم نبدأ.. مريت الجمعيه اليوم الصبح مع الوالده الله يحفظها .. وبينما كنت ادور بين اروقه الجمعيه .. ووقعت عيني ع حب الطفووله ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 20-02-2012, 02:51 PM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي بفك قطر .. اصاله الامس وتخبيص اليوم ..

السلام عليكم ورحمه الله وبركاته ..

سالفه صارت لي اليوم ..
بس لازم تجهزون الكرك او ممكن قهوه مع تمر وتعدلون قعدتكم.. >> ياليل ماطولك ..


احم احم نبدأ..
مريت الجمعيه اليوم الصبح مع الوالده الله يحفظها .. وبينما كنت ادور بين اروقه الجمعيه ..ووقعت عيني ع حب الطفووله حب كل بنت وولد قبل 15 سنه
وقعت عيني ع اكثر شي كان يونسنا .. ويفرحنا .. واذ طاح ريال بيدنا ركيض ع الدكان نشتريه ..مالنا غنا عنه ..معانا في اعيادنا واحزانا .. حبيناه واكيد حبنا ..
كان التسليه الوحيده لنا .. وكان معروف للكل .. محبووب ومشهور وشهرته وصلت الخليج كله ..

طبعا اقصد الجميييل دا


مشيت بكل دلع لمامي وقلت لها ( ماماي ابي بفكي قطر )وعيوني كذا من الدلع << تبي تعيش الجوو
الهم طالعتني امي بنظره وقالت اقلبي ويهج ناقصه عبط انا من صباح الله خير ..<< ابو التحطيم

( ماكانت فالمود فديتها )

المهم كنت ماسكه السله وواقفه قدام بفكي وقلبي يدق يدق يدق << حشى طبل مهوب قلب

خذته بيدي ( اقصد بفك ) واناظر فيه.. لاول مره احس بهالاحساس . ولاول مره احن بهالطريقه ..
تذكرت اغنيه عبدالله رويشد يوم يقول
((اشكر الصدفه والحظ والظروف..
وقلبي يشكر اللي (للجمعيه) دعاك ...
ماهقيت ألقاك يازين الوصوف..
وماهقيت الحظ يفاجئني بلقاك..
شفتك ووقفت ياحلو الوقوف..
وقفه فيها تشوق وإرتباك ..
ماتشوف غيري وغيرك ماأشوف ..
وماتركت عيوني تناظر سواك..
مانحس في اللي يناظرنا ويطوف..
حتى مانسمع حكي هذا وذاك..
ناسي الدنيا وروحي والضيوف..
كن مافي ( الجمعيه )إلا أنا معاك ))

تذكرت مواقف كثيره وربع كثار كانوا معانا واليوم كلان بارض محد يدري عن ربعه ..
تذكرت الناس قبل .. والحياه قبل .. تذكرت شلون كان بفكي يغير مودنا .تذكرت شلون يونسنا ويفرحنا ..
تذكرت شلون كنا نعزم بعض ع بفكي والفلفل واكيد عصير بونص .. (ابو التمكس) بس كان والله كان له طعم غييير

المهم وانا اجول في بحر الذكريات قطعت حبل افكاري بنوته صغيره واقفه وطالعني مستغربه ( احسها كانت تقول وش هالهبل)
قلت لها تبين حبيبتي ومديت يدي لها طالعتني بنظره يمممممه تخرع و كانها تقول ( الحمدلله والشكر)

المهم مشت عني شوي وانا طالع فيها والا تقول لـ امها ( ماماي ابي كت كات) قلت لا امها خذي الي تبين ..
والبنت تاخذ من كل كافي حبه جلكسي - توكس- سنكرز- مالتيزرز- ميلكي - ووووو

رحت لها وقلت لها انا يوم كنت فعمرج كنت اخذ هذا بس ويكفيني وااااايد حلو جربيه
قالت لي ( هىء ماعندج سالفه مب حلو خذي هاي احلا (تقصد الكتكات ) ) ملسوونه ربي يحفظها .. المهم قلت لها انتي الخسرانه ..
رحت وخذيت لي واحد وعقب قلت (( ياااه خل الرجيم يولي باخذ كميه احسن اتسلى فيهم اخر الليل ))
خذت معاي كميه ومستااانسه حدي وشاقه حلجي ..
دورت ع عصير بونص بس للاسف مالقيت .. فاخذت عصير عادي .وخذت فلفل
ورحت الكاشير احاسب وامي تناظرني وساكته ..
ماقدرت اقاوم .. شغلت السياره وعطول فتحت واحد ابغى اكله .. وخذت الحبه الاولى
وووو
و تـــــــــــــــــــــــــــــــوووووووووووووووووو ت


قلت يمكن لان صار لي فتره ماكليت منه فاحسه متغير وكلت الثانيه والثالثه . ولكن الطعم استغفر الله ( الحمدلله ع النعمه ) ولاكن فعلا يغث ويجيب الصداع والله.

قلت لامي فديتها تجرب .. يمكن انا فيني شي . الا تقوول استغفر الله وش هالطعم .. رجعت اناظر بفكي مره الثانيه .
وتذكرت روشيد يوم يقول
((بعد اللي صار مالي اختيار لا تنتظر مني وعد
بعد اللي صار آن القرار أنا الاختيار
خلاص لابد أرحل وأبتعد وآخذ على نفسي عهد
وأنسى حبّك للأبد وأوجد ل ذاتي مسار))


والله اني متحسسفه خذت هالكيمه كلها
انجييين احين .. بعد هالهرج الطووويل .. حابه اطرح سؤال واحد ..

ليــــه !!

بفك قطر ثروه قوميه .. ليه ماتم الحفاظ ع اصالته!! بدال مايتم انتاج انواع اخرى تم للاسف تهميشه .. ع الاقل يا جماعه الخير رجعوا الطعم القديم ..

ادري في امور اهم المفروض نسولف عنها . بس جد منقهره حددي ..
رازه فيسي واناقش البنوته وقولها خسرانه وحالتي حاله .. واخر شي انا الي تحطمت ..

البفك ماهو الا رمز لوايد اشياء كانت افضل في الماضي والحين .... ع الدنيا السلام




تقبلوا ودي
اختكم / Smile Faby




التوقيع - Smile Faby

When I smile
The whole world stops and stares for awhile

التعديل الأخير تم بواسطة Smile Faby ; 20-02-2012 الساعة 02:58 PM.
رد مع اقتباس
  رقم المشاركة : 2  
قديم 20-02-2012, 03:25 PM
عضو جديد
نسايم غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

أختي العزيزة
صح لسانك والله فعلا انك رجعتيتي سنييييييييييين للوراء اعدتي لي ذكريات المدرسة الله يجزيك الخير وانا معك بكل كلمة قولتيها ومين بفك أول وين بفك اليوم تماما مثل ما تغيير كل شي في حياتنا





رد مع اقتباس
  رقم المشاركة : 3  
قديم 22-02-2012, 12:37 AM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

مرحباا سمايلووو

انا ترا مب من عشاق بفك الامارات

بس اذا ماحصلته اقزر بفك قطر مع الفلفل

لككن ماحسيت بتغير الطعم يمكن لان دايما اليهال عندنا يشترون منه

ونسيت طعم القديم اشلون كان

ع العموم هو كله اصباغ ومواد حافظة

زين انج عفتيه علشان صحتج





رد مع اقتباس
  رقم المشاركة : 4  
قديم 22-02-2012, 01:34 AM
trf
عضو جديد
trf غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

صح والله
حته ريحته تلوع الجبد
ايـه عليه اوول

عسآج ع القوه





رد مع اقتباس
  رقم المشاركة : 5  
قديم 22-02-2012, 03:00 AM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

اقتباس
 مشاهدة المشاركة المشاركة الأصلية كتبت بواسطة نسايم
أختي العزيزة
صح لسانك والله فعلا انك رجعتيتي سنييييييييييين للوراء اعدتي لي ذكريات المدرسة الله يجزيك الخير وانا معك بكل كلمة قولتيها ومين بفك أول وين بفك اليوم تماما مثل ما تغيير كل شي في حياتنا

هذا هو .. كل شي تغير




رد مع اقتباس
  رقم المشاركة : 6  
قديم 22-02-2012, 03:02 AM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

اقتباس
 مشاهدة المشاركة المشاركة الأصلية كتبت بواسطة نور قطر 1
مرحباا سمايلووو

انا ترا مب من عشاق بفك الامارات

بس اذا ماحصلته اقزر بفك قطر مع الفلفل

لككن ماحسيت بتغير الطعم يمكن لان دايما اليهال عندنا يشترون منه

ونسيت طعم القديم اشلون كان

ع العموم هو كله اصباغ ومواد حافظة

زين انج عفتيه علشان صحتج

مرحبا نورروو

عفته .. بس قلبي يعورني والله ..

الله يسامح من كان السبب




رد مع اقتباس
  رقم المشاركة : 7  
قديم 22-02-2012, 03:05 AM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

اقتباس
 مشاهدة المشاركة المشاركة الأصلية كتبت بواسطة trf
صح والله
حته ريحته تلوع الجبد
ايـه عليه اوول

عسآج ع القوه

شفتي شلون

حرام عليهم يكرهونا فيه ..

ييقويج حبوبه اسعدني ردج :)




رد مع اقتباس
  رقم المشاركة : 8  
قديم 22-02-2012, 11:33 AM
عضو جديد
سادح نمله غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

يعطيج العافيه بس بعطيج حل قريب جربي شبس عمان ويا لبن بونص

مع انه تغير طعمه شوي عن القديم

ولا تنسين الفلفل

وفيه العافيه سمايل فابي





رد مع اقتباس
  رقم المشاركة : 9  
قديم 22-02-2012, 12:21 PM
عضو نشط
عواشينة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

انا بعد مع الاخ جربي تشيبس عمان ولبن داندي وااااو يهبل مستحيل اسهر بدونه (:





رد مع اقتباس
  رقم المشاركة : 10  
قديم 22-02-2012, 09:30 PM
الصورة الرمزية بنت الدوحه
تاجـر
بنت الدوحه غير متواجد حالياً
 





عدد التعليقات: 12 تعليق
حدث بيانات الدوله!
افتراضي رد: بفك قطر .. اصاله الامس وتخبيص اليوم ..

يوه ياسمايل

ماوقفت على بفك كل حاجه تغيرت

حتى لو لاحظتي طعم الكتكات والميلكي اول طعمهم غير عن الحين

دوام الحال من المحال الله المستعان

اقول ماتعرفين وين يبيعون الفانفير




التوقيع - بنت الدوحه

تسالي

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: بفك قطر .. اصاله الامس وتخبيص اليوم ..
الموضوع كاتب الموضوع المنتدى مشاركات آخر مشاركة
مطلوب وكلاء ومندوبين لجميع الدول مندوب ممتاز سوق العروض و الصفقات التجاريه 15 25-02-2012 07:21 PM
الأداء السلبي يُهيمن على المؤشر القطري قُبيل اليوم الأخير من هذا الأسبوع سلوى حسن بورصة قطر 1 24-11-2011 11:29 PM
اليوم أول شهر رجب ..... الخميس ام رفيعه منتدى الشريعه 3 03-06-2011 01:09 AM


الساعة الآن 09:08 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم