استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

الزواج في الماضي موضوع للنقاش

بسم الله الرحمن الرحيم موضوع من كتاباتي السلام عليكم اخواني اخواتي اشهد بالله اني اعزكم واعتبركم اخواني واخواتي لذلك احب النقاش معكم الذي هو اكثر من ممتع وسامحوني على الغياب هاليومين ماقدرت اتابع وارد على المواضيع اليوم راح نتكلم عن الزواج في الماضي في يوم من الايام جلست بقرب والدي ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 03-03-2012, 01:14 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي الزواج في الماضي موضوع للنقاش

بسم الله الرحمن الرحيم
موضوع من كتاباتي


السلام عليكم اخواني اخواتي اشهد بالله اني اعزكم واعتبركم اخواني واخواتي لذلك احب النقاش معكم الذي هو اكثر من ممتع وسامحوني على الغياب هاليومين ماقدرت اتابع وارد على المواضيع اليوم راح نتكلم عن الزواج في الماضي في يوم من الايام جلست بقرب والدي رحمة الله ورحم الله موتاكم وموتا المسلمين وحبيت اناقشه في بعض امور الزواج الخاصه بهم في الماضي فترددت في بالي الكثير من الاسئله من ضمنها يبه هل كان في الماضي مته ماتريد تتزوج تتزوج قالي لا يايبه كانت الحريم نادره في فترتنا الماضيه وكانت البنت لاتخرج من نطاق العائله قلت كيف يايبه قال يعني في القديم ان لم تجد بنت في العائله فالمطلقه او الارمله ايضا تجد لها رجل قلتله يبه يعني منافسه بين الرجال قال نعم كانت المرأه اذا اصبحت ارمله او مطلقه لاتجلس كثيرا قلت سبحان الله وفي وقتنا شلون شي يدعو الى العجب قلت يبه يعني انت بعد تزوجت من بعيد لانه والدي تزوج اكثر من وحده قال هذا نصيب يمكن يحصل او ممكن مايحصل وانا الله وفقني قال يبه حتا الارمله كنت لما تتزوجها وعندها عيل عمام العيال مايرضون عيالهم يروحون ويا امهم وهم يتكفلون بتربيتهم قلت يبه والمهر ضحك وقال المهر كان بسيط ممكن المهر ياولدي ماتملك من الحلال سواء كان الابل يعني الجمال او غنم او في بعض الاحيان الزل او السجاد او يحتكمون الى الليره الذهب او ماوجد من صيغه قلت طيب يايبه كيف كانت عيشتكم قال بسيطه وحلوه وبحكم انه ابي تربا في المناطق خارج الدوحه فكانت البيوت الطين وكلهم في منطقه وحده وانا للاسف لحقت على اخر هذيك الايام الحلوه قال كانت العيشه بسيطه وكنا نرضا بالموجود ويوم الواحد تجيه شوية فلوس يروح يمون بيته وماينسى قرايبه واهله كان التكافل الاجتماعي قوي كنا لما نجيب المونه قسمت ماجبت بيني وبين جاري من ودام او مونة البيت قلت يبه شلون كنت تدبر امورك قبل وانت متزوج وعندك عيال قال ابد الي عنده حلال عند حلاله والي في البحر يدور رزقه يعني الرزاق مقسمه في البحر والبر سبحان الله وقال لين ماشتغلت اول مافتحو شركة البترول قالي هنا انا تعبت بين الزواج وبين الشغل لكن ربي كان عون لنا ومدنا بفضله بالقوه مع انه كنا نقعد بالاسبوع ونغيب عن اهالينا لقلة وسيلة النقل والحمدلله جبت العيال وكونة اسره وعشنا حياتنا وارزاقنا مسخرها الله ولتفت صوبي وضحك وقالي الحين مشاء الله الحريم حواليكم شكثرهم ولا تتزوجون تزوجو النسوان يطرح فيهن ربي البركه في اخر كلامي اقول الله يرحمك يايبه ويسكنك الجنه واقول الحياه بسيطه يليت ناخذ عبره من حياة الاولين يليت نتغاضى عن تكبير امور الزواج ونتجاوز الخلافات بين الرجل والمرأه يريت نفكر في مستقبل ملئه الحب وننسى الماديات الي لاتقدم ولا اتاخر ياليت اي واحد او اي وحده يفكرون في الزواج اول مايفكرون يفكرون بالشخص الي بيرتبطون فيه ياريت ماتفكر المرأه وين بنسافر ولا شبيشتريلي ولا كم عنده رصيد ولا بثقل كاهله بالديون وياريت يفكر الرجل انه المرأه امانه امنوه اهلها عليها فلذالك يحسن مسكنها ومعيشتها ويخاف الله فيها لكن ان شاء الله الخير فيكم اجمعين انتو امة محمد صلى الله عليه وسلم قال(الخير في امتي الى يوم الدين) وتقبلوا مني شباب وبنات خالص تقديري لكم




رد مع اقتباس
  رقم المشاركة : 2  
قديم 03-03-2012, 02:25 PM
الصورة الرمزية بوعيسى
تاجـر
بوعيسى غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: الزواج في الماضي موضوع للنقاش

الله يرحم ذيك الأيام <<< عاد الشايب بوعيسى بيسولف :)

جدي الله يرحمه كان يقول

الواحد قبل لا يطلق كان يشوف حق طليقته رجال يتزوجها

و خبركم قاعة الحريم الفور سيزن فالحوش و الرجال في أي ميلس

أول الزواج سهالات و بركه

مب هالايام الواحد ما يخلي بنك ما يمر عليه بس علشان يكمل كماليات العرس لا و الله أساسيات صارت هالايام

أقل قاعه ب 100 ألف و شبكة ب 20 الف و مهر إذا ناس خايفين ربهم 80

يعني دافع 200 ألف و أنت تضحك

الله يستر على عيالنا شكلهم بيعرسون بالملايين

يعطيك العافيه أخوي ,,,




التوقيع - بوعيسى
  • الاسم التجاري: شركة كتانا للتجارة
  • بلد التاجر : قطر
  • مجالات التجاره: دعاية و إعلان , عقارات , اكسسوارات و زينة السيارات
  • وسيلة الاتصال : katana_trd@yahoo.com
  • طريقة الشحن : فقط في قطر
  • طريقة الدفع : على حسب نوع الطلب

مطبوعات بأنواعها ( بزنس كارد , ورق مراسلات , دفاتر فواتير , بطاقات توزيعات ,طباعة على شرائط الهديا و التوزيعات , بروشرات , .... الخ ) , لوح إعلانية , رول أب , بنرات , لوح مكاتب , أي شي يخص الدعايه و الإعلان

رد مع اقتباس
  رقم المشاركة : 3  
قديم 04-03-2012, 12:25 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزواج في الماضي موضوع للنقاش

هههههههههههه بوعيسى يعطيك طولت العمر ياشيبتنا وتقبل اخي تحياتي




رد مع اقتباس
  رقم المشاركة : 4  
قديم 04-03-2012, 07:45 AM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزواج في الماضي موضوع للنقاش

الأيـــام تغيـــرت وماعندنا نفس الأول ..
صارت مطـــالب البنت وايــــــــد..
وتتشرط فالطلبـــات ..
وبعد الشباب ماصاروا يدورون البنت المستوره
والي صاينه روحهــــأ..
تغيرت الأنفس وزادت الطلبات وغلى كل شي عندنا
حتى الناس الي على قد حالهم مب قادرين يعرسون
قبل كان زمن البساطه اما الحين احنا في زمن التطور والرفاهيه ..
ياليت نرجع نفس اول اشتقنا حق زمانهم ..
صج ان في اشياء سلبيه في ذاك الزمن بس لو جينا حق هالامور قبل كان وايد احسن
الصراحه موضوع حساس جدا
وين زواج قبل ووين زواج الحين
الله كريم بس..
لاهنت اخوووي على الموضوع يعطيك الف عافيه وفي انتظار ابداعات قلمك الناجح




التوقيع - روعه الاحساس

رد مع اقتباس
  رقم المشاركة : 5  
قديم 04-03-2012, 08:42 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزواج في الماضي موضوع للنقاش

فعلا روعة الاحساس يمكن قبل فيه سلبيات بس كانت اكثر الزواجات ناجحه تسلمين على مرورج اختي وتقبلي مني اطيب تحياتي




رد مع اقتباس
  رقم المشاركة : 6  
قديم 04-03-2012, 11:24 AM
الصورة الرمزية بوعيسى
تاجـر
بوعيسى غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: الزواج في الماضي موضوع للنقاش

اقتباس
 مشاهدة المشاركة المشاركة الأصلية كتبت بواسطة فكتوري قطر
فعلا روعة الاحساس يمكن قبل فيه سلبيات بس كانت اكثر الزواجات ناجحه تسلمين على مرورج اختي وتقبلي مني اطيب تحياتي

و هالايام نسبة الطلاق 54 ٪ وفي تزايد

و اغلبهم في السنه الاولى




رد مع اقتباس
  رقم المشاركة : 7  
قديم 04-03-2012, 09:19 PM
الصورة الرمزية ام ســــاره
عضو VIP
ام ســــاره غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزواج في الماضي موضوع للنقاش

قبل كل شي .. ليه احنا متفقين ونقول دايما ان التجار رافعين كل السلع؟
يعني كل شي غالي ... وبشكل عام ..
ليه بس عند الزواج نقول البنت تتشرط؟
اللحين اقل سياره عائليه يمكن بـ/ 280 الف
وممكن تخسرها وانت طالع بها من المعرض لاقدر الله بحادث :)

اما بنت الناس بتصونها وتصونك .. وتييب لك ذريه .. متكاثر عليها هالمبلغ؟
المبلغ ياليتها بتحطه فـ/ البنك ينفعها .. لا والله بتشتري به كل اللي ف خاطرها لعيون عريس الغفله

(( ذي مقدمه بس ))

لكن ان يينا للجد فالحل لاول والاخير عند الاب .. ايه والله لاتقولون ام ولا بنت تتشرط ...
لو كان ابو البنت صارم وماسك الامور من اولها .. والله مانشوف بنت تتشرط ولا هم يحزنون

وتوني هالاسبوع حاضره عرس لقريبتي .. في خيمه عند بيت ابوها .. ودي جي ..
والحمدلله مانقص ولا زاد من فرحه المتواجدين .. وبلا مظاهر وخربطه كذابه

اللي يبي السترلبناته والتيسير على عيال الناس .. بيعرف يمسك الامور ويديرها
اما انها تنترك للمره؟!! لا بالله راحو فيها

بشكل عام .. الغلا ماهو في المهر .. الغلا في المعيشه بشكل عاااام
وهنيه لابد من وقفه جاده من اهل العروس والمعرس للتيسير

وسلامتكم




التوقيع - ام ســــاره


عزتي لك يالمواطن ونتك محدن سمعها
................ عمك أصمخ للقريب . والبعيد يبشر بعزه

رد مع اقتباس
  رقم المشاركة : 8  
قديم 05-03-2012, 01:13 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزواج في الماضي موضوع للنقاش

الله يكون بالعون يابوعيسى تحياتي




رد مع اقتباس
  رقم المشاركة : 9  
قديم 05-03-2012, 01:17 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزواج في الماضي موضوع للنقاش

الله يسلمج ام ساره ماقصرتي كفيتي ووفيتي بس الموضوع مو كله داير عن المهر الموضوع بعد فيه عن الحياه الاجتماعيه في الماضي مقارنه بالحاضر تحياتي




رد مع اقتباس
  رقم المشاركة : 10  
قديم 06-03-2012, 09:59 PM
عضو جديد
ام متعب غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الزواج في الماضي موضوع للنقاش

خوش موضوع بصراحة





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: الزواج في الماضي موضوع للنقاش
الموضوع كاتب الموضوع المنتدى مشاركات آخر مشاركة
103 حديث من الاحاديث الضعيفه والموضوعه(للاسف منتشره) جكليته منتدى الشريعه 3 29-02-2012 09:15 PM
شاب مقبل على الزواج ويرغب بنصائح المنذر منتدى الشريعه 8 09-09-2011 12:02 AM
حزني على الماضي الحزين .... بقلمي قلب شاعر المنتدى الادبي 15 21-11-2010 02:39 AM
الحسا وقطر ( موضوع للنقاش ) بنت الدوحه المجتمع القطري 25 12-11-2010 09:20 PM


الساعة الآن 12:48 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم