أسمع ترى الجوال ماهوب مقطوع_شغال له اربع وعشرين ساعه

ياللي وراك ظلـوع ومـن دونـك ظلـوع
متمـركـزٍ فالـصّـدر كـنّــك ... وداعـــه
ودّي اناقش مـع سعادتـك .. موضـوع
وابغاك تعطيني فقط " نـص " ساعـه
صار اتصالك في من اسبـوع لاسبـوع
حرّمت وصلـك .. وإستبحـت القطاعـه
وتغيّـرت فـيـك إنطبـاعـات .. وطـبـوع
وتجـدّدت فـي نظرتـك لــي ... قنـاعـه
عيّشتـنـي فــي كــل مـرغـوب ممـنـوع
وحرمتنـي مـن كـل .. سمـعـاً وطـاعـه
وعلّمتـنـي إن الجـفـا لـــه كـــذا نـــوع
وإن الـهـجـر بـالــذّات اكـثــر بـشـاعـه
اوّل تجـي يمّـي مــن الـشّـوق مـدفـوع
ومَااحلى مـن المشتـاق غيـر إندفاعـه
إن غبت عنك تصيـح ودموعـك دمـوع
مافيـك لالصّبـر الجمـيـل .. إستطـاعـه
مجنون فيني و " القلم " عنك مرفوع
هـمّـك رضــاي ومجـتـهـد .. فإتـبـاعـه
واليوم .. لا حبل الرجى فيـك مقطـوع
مـشــيــت درب الـلّـفـلـفـه والـلّـكـاعــه
واللّـي تسبّـب فـي تغيّـرك .. مجـمـوع
عــدم ثـقـه فـيـنـي .. وبـــث الإذاعـــه
خل الكلام اللّي من الكـذب .. مصنـوع
وإخــذ الـكـلام الـلّـي تــذوق إنتـفـاعـه
ماكل هرج يمر " اذانيك " .. مسموع
اربــع اربـــاع الـلّــي يـمــرّك إشـاعــه
لو الحكي بفلـوس او شيـك .. مدفـوع
يمـديـك ضـامـي لالـكـلام .. وسمـاعـه
ياشينها لاجاتك " همومك ".. جمـوع
ولاعـاد عـنـدك لالمـواجـه .. شجـاعـه
وياشينهـا لـو كـان لـك حـق مـشـروع
واقربـهـم لقلـبـك سـعـى فــي ضيـاعـه
هذا الكلام الليّ مـن القلـب .. مطبـوع
إقـرا كــلام القـلـب وشــوف إنطبـاعـه
وإسمع ترى الجـوّال ماهـوب مقطـوع
شـغّـال لــه أربــع وعـشـريـن سـاعــه [/