استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

ابدي رأيك بحريه .. واختبر ثقافتك .. وطورها .. مع الاخرين بالنقاش والحوار ال

شرايكـــــم في موضوع الزواج هالايام والخساير الي تصير على الرجال من قاعه ومهر والخ ........

إضافة رد
 
LinkBack أدوات الموضوع انواع عرض الموضوع
  رقم المشاركة : 11  
قديم 28-03-2012, 09:31 AM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابدي رأيك بحريه .. واختبر ثقافتك .. وطورها .. مع الاخرين بالنقاش والحوا

شرايكـــــم في موضوع الزواج هالايام والخساير الي تصير على الرجال من قاعه ومهر والخ .....




التوقيع - روعه الاحساس

التعديل الأخير تم بواسطة روعه الاحساس ; 28-03-2012 الساعة 09:32 AM.
رد مع اقتباس
  رقم المشاركة : 12  
قديم 28-03-2012, 11:29 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابدي رأيك بحريه .. واختبر ثقافتك .. وطورها .. مع الاخرين بالنقاش والحوا

بصراحه موضوع رائع و شيق

شفته امس لكن متأخر والان احب اعلق بشراهه


عن موضوع السفر

انا فكرت فيه من زمان لاسباب خاصه ,fوضح شوي



سافرت للداسه فغيرت فكري عن امور كثيره وكنت اشوف الدنيا مثل القريه الصغيره بلا حدود اذا كان الانسان ناجح

رجعت وما لقيت وظيفه و جلست مع بعض كبار السن وكانوا يمدحون بعض الاشخاص الي سافروا الى الامارات و توفقوا في حياتهم العمليه

عجبتني الفكره لكن وطنيتي منعتني

الحمد لله اني ما فكرت جديا

لكن بعض الناس ممكن يحتاجون للسفر و العيش في دوله ثانيه

مثلا لو كنت سوري وفي هذه الازمه كان هاجرت بدون تفكير

لكن لازم احدد وين بروح

فرنسا مثلا مستحيل اعيش فيها بسبب قلتيه وهو الحجاب

لازم نختار وين بنعيش لان في مدن حتى في اوروبا مثلا فيها اقليات مسلمه نقدر نتعايش معاها

هذا عن السفر

عن غلاء المهور و تكاليف الزواج

انا كنت اعتقد اني مثقف و ما بسوي مثل غيري في تكلف الكثير على الزواج و الي ما يعجبها انا ما ابيها لانه تبذير محرم

لكن وقت ما لقيت نصيبي كنت توني متخارج من ضربات البورصه الجيده و تكاليف الزواج كانت جاهزه في جيبي وفوقها مقدم جيد لشرء فيلا - وهذا بتوفيق من الله مش ذكاء يعني

اكتشفت ان المجتمع يتصيد على الشخص اي تقصير في العرس والكل يتكلم عن عرس فلان و عرس علان كيف كان حلو

قضيه تبييض الوجه امام عائله العروس كانت مهمه جدا وخصوصا ان شخص اله يسامحه ما يعرف عني الكثير لكن شافني مع واحد يعرف عنه انه بخيل وظن اني مثله بخيل ههههه

فسألوه عني وقال ما عليه كلام لكن كأنه ماسك شوي - يقصد بخيل

عاد احنا اهل الجود اذا حد قال بخيل ههه

وفوق هذا كانت الاسعار توها بتبدأ بالارتفاع مثل صاله الشيراتون كانت ايامي ب 50 الف تقريبا و بعدي باشهر ارتفعت الى 75 الف لحجز القاعه

فقلت احجز و ادفع قبل الزواج ب 6 شهور و خلص نسك قبل الغلاء

المهم كانت تكاليف العرس 330 الف تقريبا حتى مع السفر لشهر العسل في اوروبا

الي خلاني اتراجع عن فكره التحكم في التبذير هي ثقافه المجتمع الي بتعيب علينا طول عمرنا وللاسف المفروض اننا مثقفين ونكسر هذه الثقافه المبذره

ولولا ان الله وفقنا بضربات البورصه كنت ما دفعت على افضل الصالات و التكاليف ايامها

والله يعين الشباب بعد افتتاح قاعات الفر سيزون و مثيلاتها - صارت هي الافضل ولازم العرس فيها

الي بيخلي هذه الثقافه موجوده هي زيادات الرواتب و تسهيل القروض بارباح مقبوله مع ان السلف تلف وانا ضد السلف الا للضروره القصوى

الحين اي شاب يبي يتزوج لازم اهله يدفعون نص تكاليف العرس عشان هو يقدر يتزوج

هذا اذا راتبه زين وفوق 30 الف او 40 الف

من كم يوم تزوج ابن زميلي في الشغل و عرس ابنه في الامارات للنساء و تكاليفه وصلت فوق 650 الف ومع عرس الرجال في قطر و تجديد البيت لاستقبال ابنه و زوجته وصلت التكاليف الى مليون ريال كاش

والله انبت زميلي لانه دفع كل التكاليف و ابنه ما دفع شيء مع ان راتبه 40 الف و سيارته ابوه شاريها فوق 240 الف

اليوم اسولف مع زميلي فيقول ان ابنه بيشتري سياره ب 500 الف فقال له ليش تستلف عشانها

قال عندي نص المبلغ و بستلف لنص الثاني

قلت له انت دلعت ولدك و ما عودته على الادخار او تحمل تجارب الحياه و الاحساس بالمسؤوليه فصار يبي كل شيء في خاطره حتى لو بنص مليون وهو وه متزوج و سيارته الحاليه من احلى السيارات

عموما زميلي مدخوله الشهري يمكن يوصل 150 الف من راتب و تجاره و يدفع كل شيء للابناء مهما كلف

لكن مشكلته انه ما عنده ادخار او عقارات كضمان لعياله مستقبلا

ما عندي مانع من دفع تكالف الزواج العاليه ان كان مدخولي عالي و عندي خير لكن اذا ما عندي ادخار و ادفع من راتبي او من سلف بنكيه فهذا هو الغلط بعينه ولا بركه فيالزواج اذا بدأ بمظاهر و تبذير بطريق السلف و الدين

الي عنده خير خله يستانس لكن الي عايش على راتبه ليش يدور على اغلى شيء عشان يسكت الناس

يدور على المتوسط وكفى

لموضوع شائك جدا و ثقافه المجتمع لابد ان تتغير للافضل

وندعي الله ان يبعد عنا المظاهر والغلاء




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 13  
قديم 10-05-2012, 01:09 PM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابدي رأيك بحريه .. واختبر ثقافتك .. وطورها .. مع الاخرين بالنقاش والحوا

لاهنت اخوووي كامبوا على التفاعل وعلى الرد الاكثر من رائع طبعا المجتمع تغير واصار يهتم بالمظاهر اكثر لاكن في ناس على قد حالهم مايقدرون على هالتكاليف والله يكون فالعون وده يزوج حاله حال الباقي لاكن مايقدر شي مب طبعي الدوحه صايره نار في كل شي من الدكان لين اكبر شي فيها صحيح زادوا الرواتب بس مب معناتها يرفعون الاسعار جذي شي يقهر

والمهور صار بعد للمظهر الي تقول مهري 200 الف والي تقول مهري ماعرف كم تتفاخر جدام الناس والشباب ماكلينها لاكن شيسوون يبون يعرسون ويستقرون ..

على ايام قبل ماكان الزواج الا فالفريج في خيمه وخلاص وعشى الي متعودين عليه ذبيحه وسلال الفواكه
خلونا نفكر شوي شستفدنا من زمانا الحين غير الخساير





رد مع اقتباس
  رقم المشاركة : 14  
قديم 13-05-2012, 12:47 PM
عضو نشط
قنديله غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابدي رأيك بحريه .. واختبر ثقافتك .. وطورها .. مع الاخرين بالنقاش والحوا

السلام عليكم ورحمة الله

جميل الموضوع والاحلى طرح نقاش من الاعضاء نفسهم ومناقشتها ما الاعضاء الاخرين( فيها تفاعل اكثر لكن ناقصها نحط الحلول وننظر لها بنظ رة جدية )

بالنسبة للغلاء كما طرح في اخر موضوع .. لا اقول الا باختصار مافي احلى من البساطة ابدا حتى في الاعراس فالتبذير مايعود علينا الا با لندم والديون وباتفاق الطرفان يستطيعون ان يتبسطوا في حفلة الزواج .. اهم شي راحة ورضا الزوجان والناس لا رضا لها في معصية الخالق بالتبذير.

شكرا





رد مع اقتباس
  رقم المشاركة : 15  
قديم 13-05-2012, 01:52 PM
عضو نشط
sevilla غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابدي رأيك بحريه .. واختبر ثقافتك .. وطورها .. مع الاخرين بالنقاش والحوا

والله في فئه من مجتمعنا ما يرضون بزواج متواضع الا يبون كل شي كامل وزواج كبير عشان فلان وعلان ما يتكلمون عنهم... والحين في وقتنا الرااااااااااااااااااااااائع طبعا كل شي نااااااااااااااااااااار حتى عند الدكان والله





رد مع اقتباس
  رقم المشاركة : 16  
قديم 05-08-2012, 10:46 PM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابدي رأيك بحريه .. واختبر ثقافتك .. وطورها .. مع الاخرين بالنقاش والحوا

فعلا بس الزمن تغير والمهور في غلاء مستمر والسبب شنو السبب هو الاسعار صارت مولعه عندنا يعني لو الوحده بتجهز فوق مهرها بتدفع ويالله يكفي ..

بس فالاخر الوحده تدور الستر يعني ماتنشف الريال تحاول ماتبذر قد ماتقدر اتمنى احد يفيدنا بحلول حق الشباب الي يبون يتزوجون ومب قادرين والسبب غلاء الاسعار ..


انا اقول يخفضون سعر القاعات شوي وايد صايره نار او يخصصون قاعات يعني يكون سعرها مناسب للي مايقدرون حق تكاليف الزواج ..





رد مع اقتباس
  رقم المشاركة : 17  
قديم 05-08-2012, 11:42 PM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: ابدي رأيك بحريه .. واختبر ثقافتك .. وطورها .. مع الاخرين بالنقاش والحوا

المجتمع في مثل هالشغله حطيته ورى ظهري
الزواج وتكاليفه يتحكم فيه العقلاء وليس ثقافة المجتمع
المهر والقاعه والسفر لي انا مش للمجتمع
بكره لزادت الديون على زوجي وصارت بينا مشاكل وتطلقنا
أول من بياكلنا المجتمع اللي مو عاجبه شي

لولا اني وحيدة اهلي والا كان سافرت وعقب لين رجعت بسوي حفل استقبال بسيط
وايد اريح واحسن

بحفظ الله




التوقيع - love whisper
مرما الهدف يابنت بين النياشين
وانتي عريبة جد وخوال وحموله

بين عليك واثباتات البراهين
والحق واضح مايبيله دلوله

يفداك من كل الرجال الرديين
يا عزوة الصنديد ليا صيحوا له

وختامها يانصرة الحق والدين
من طاعة المعبود طاعة رسوله

التعديل الأخير تم بواسطة love whisper ; 05-08-2012 الساعة 11:44 PM.
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:50 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم