استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

بسم الله الرحمن الرحيم اليوم موضوعنا عن الماضي الجميل وكيف انه كثير منكم عاش تلك الفتره الجميله لكن ابتدت بعض العادات تنقرض والاجيال الجايه يمكن مايعرفها فحبيت استعرض هذا الشي يمكن لاني من الي عاشو تلك الفتره نبتدي اول شي (البطوله) لباس كانو الحريم سواء كبار ولا صغار يلبسون وما ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 24-03-2012, 01:50 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

بسم الله الرحمن الرحيم


اليوم موضوعنا عن الماضي الجميل وكيف انه كثير منكم عاش تلك الفتره الجميله لكن ابتدت بعض العادات تنقرض والاجيال الجايه يمكن مايعرفها فحبيت استعرض هذا الشي يمكن لاني من الي عاشو تلك الفتره نبتدي اول شي (البطوله) لباس كانو الحريم سواء كبار ولا صغار يلبسون وما اقصد صغار يعني اطفال لا بس بعد ماتتزوج البنت في الماضي تحط البطوله وانا لاحظت في تلك الفتره في عمر 20 سنه كانت تلبس البطوله الي حل مكانها الحين النقاب الي في تلك الفتره ماكان موجود وهذي البطوله الي بتدت تنقرض الا قليل الي يلبسها في زمنا








القرنقعوه والاعياد بتدينا نشوفها تنقرض من الفرجان وتحولت حق توزيعات ومافيه يهال يقرقعون ويعيدون الا قله







سقاء اللبن كنا انشوفه قبل في اكثر البيوت وكان اللبن يطلع منه احلا والذ من المكينه الحاليه سبحان الله







واخيرا وهذا اهداء حق اخوي كمبو وين راح هذا الي راكب السيكل ماعاد نشوفهم في هالزمن








وفي انتظار ابداعاتكم احبتي تحياتي




رد مع اقتباس
  رقم المشاركة : 2  
قديم 24-03-2012, 06:46 PM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

موضوع رائع جدآ الصراحه ويذكرنا بأشياء قديمه بس لاتعتقدون إني كبيره تراني بعدني الحمدلله بالعشرينات بس مرت على هالسوالف

البطوله ياااااااااااااااااااااااازينها والله إنقرضت بشكل كبييييييير والله يوم أشوف وحده لابسه بطوله أبتسم وقلبي يعورني لأننا صرنا مانشوفها وايد وإندثرت

وفي حريم كانو يلبسون بطوله وبدلوها بالنفاب

وعلى سالفة القرنقعوه وإنت صاج قبل كننا نحط القرنقعوه بالجدر ونوزع بس الحين نودي عيالنا الإستيديو ونصورهم ونحط الإهداء ونسوي توزيعات على لون ثيابهم

وقبل لبس القرنقعوه واحد اللي هو الجلابيه والبخنق أم ا الحين لبس كويتي ولبس سوري ولبس تركي ولبس غجري وفكتوري ومغربي

وعن راعي الصفيحه والزعتر والله كل يوم يمر بفريجنا وخاصتآ الخميس ف الحمدلله هالعاده ما اندثرت وبناتي شافوها ويستانسون يوم يسمعون صوت الجرس مال السيكل

يعطيك العافيه أخوي على المواضيع المميزه اللي تذكرنا في ماضيننا




التوقيع - أم الجوري

رد مع اقتباس
  رقم المشاركة : 3  
قديم 25-03-2012, 01:27 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

ههههههههههه ام الجوري زين عيل يوم بقاء الي على السيكل الي يبيع صفحه وزعتر انا ماعاد اشوفه كلش يمكن بعض الفرجان يدور فيها تسلمين على مرورج وتقبلي تحياتي




رد مع اقتباس
  رقم المشاركة : 4  
قديم 25-03-2012, 02:12 AM
الصورة الرمزية حبيبة اخوها
عضو فعال جداً
حبيبة اخوها غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

صدقتي ام الجووري انا لم اشوف وحده لبسه
البطوله اضحك لها اسااانس والله ايام علبة المكنتوش
ولا اذا وحده راهيا تحط البطاطيل بالصندوق حركااات
واذا على القرنقعوووو والله اشياء تغيرت كثير
وراااعي صفيحه بااااال ايام اي والله ام الجوري كل خميس
ايي عند الفريج انا لحقت هلى سياااره وعلى راعي السكريم
بسيكل والله اشياء انفقدت
مشكوور اخوي على الموضوع
الاليت زمان يرجع ورى ولا ليالي تعود
زمان اول احس انه زمان صدق فيه شعور
نحب ونخلص نيه وتميزنا شقوتنا





رد مع اقتباس
  رقم المشاركة : 5  
قديم 25-03-2012, 03:27 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

حبيبت اخواها تسلمين على مرورج وتقبلي تحياتي اختي




رد مع اقتباس
  رقم المشاركة : 6  
قديم 26-03-2012, 10:58 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

هههههه

الله يغربل ابليسك ياخوي

راعي السيكل هذا خطير

حق الصفيحه ومرات تلقى عنده فلافل - خبرك الي يزيد من المقصف في المدرسه - الهنود يبيعونه في الشارع العصر

كل شي له فايده عندهم هههه


البطوله بعلمك بشي ما يعرفونه الا حريم اول

قبل اللون النيلي ( البنفسجي ) يطبع على خدود العجائز فطوروا الوضع و حطوا لزقه من الي تنباع في الجمعيه مثل الورق و تستعمل في لف الكراتين

و بعدها تطوروا و حطوا تقويه عشان تبين البطوله مسموته مثل التقويه في كلر الثوب للرجل

و بعدها حطوا عود الايس كريم بو عود - في نص البطوله عشان تنقز شوي وما تنثني من النص اذا انغسلت

عاد خل وحده من الاعضاء تقول لك لحقت على هالسوالف او شفت عجوز سوت هالسالفه

تدري اخوي

كان عندنا مكينه خياطه سنجر عمرها 50 سنه تقريبا و الوالد الله يرحمه شراها يوم انولد اخوي الكبير

كانت يدويه وبعد 15 او 20 سنه من شراءها ركب لها دينمه بالكهرباء

للاسف راحت و انرمت بالغلط مع اغراض في مخزن بيت العائله

والله لو تشوفها كأنها جديده ولو تنعرض في مزاد اي باي يمكن تجيب مبلغ كبير

القرنقعوه كنا نلف 16 فريج عشان نترس الكيس واذا محظوظين يسوون لنا كيس مخيط و نعلقه على الرقبه

يا ريال كان يصيدنا اسهال من كثر ما ناكل مكسرات - فسقه هههه

اسقى اللبن ما لحقت عليه لانهم باعوا البقره يوم كنت صغير

ليش باعوها مع ان منها الحليب و اللبن و اليقط

لان اخوي الكبير مره جلس يلعب فيها و يسحب ذيلها لين رفسته و طيرته 10 متر ورى

تصدق ان كان عندنا بقره في بيت في ام غويلينه حجمه ما يتجاوز 200 متر

لا تستغرب لان كل الفريج يا عندهم غنم او بقر او دجاج وكانوا يسرحون من الصبح و يرجعون بروحهم للبيوت

سبحان الله حتى الدجاج يروح من امغويلينه الى فريج بوكواره و ال سحاق و يرجع

انا يوم كنت صغير كنت اخاف اوصل لين بوكواره لاني ما ادل - و الدجاج و البقر و الغنم يدلون بالفطره

ام غويلينه خرجت اجيال

منهم عفصان الكواري الله يذكره بالخير ان كان حي - وهو والد رئيس تحرير جريده قطريه وامام مسجد ام غويلينه

و نجيب النعيمي الوزير الاسبق

و الدكتور ابراهيم النعيمي وغيرهم كثير

كلهم كانوا جيرانا ولكل واحد منهم قصه تستحق كتابه مذكرات

اذكر الوالده تقول عن الدكتور ابراهيم ( تعرف والدته) كان يروح المستشفى لان انفه ينزل دم والسبب انه يدرس على ضوء الفنر ( الفنر الشعله الي تنور بالجاز- ما كان في كهرب ايامها ) فيضطر يدنع عشان يشوف الكتاب و الدرس فبدأ انفه ينزل دم

امثال هؤلاء - ابراهيم و عفصان و نجيب وغيرهم هم الي فطنونا على الاجتهاد ومعرفه قيمتنا الحقيقيه او بغينا نكسر المستحيل

--------------


الله يهداك ياخوي فتحت الذاكره على الاخر




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 7  
قديم 26-03-2012, 11:40 PM
الصورة الرمزية khozama
عضو VIP
khozama غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

اقتباس
 مشاهدة المشاركة المشاركة الأصلية كتبت بواسطة combo

و بعدها تطوروا و حطوا تقويه عشان تبين البطوله مسموته مثل التقويه في كلر الثوب للرجل

حلوة مسموتة طالعة من قلب .

عاد خل وحده من الاعضاء تقول لك لحقت على هالسوالف او شفت عجوز سوت هالسالفه

وليش ما نقول ؟

زين جذي ادخل نفسك في تحدي مب ضامنه .


في تقاليد بتندثر مع مرور الزمن مثل البطّولة ، ما أظن المرأة في

المستقبل بترجع تلبسها .

فكتوري قطر وين صدت علبة الماكنتوش اللي تنحط فيها

البطاطيل يبتها عدل .

وإلا العلبة الثانية Danish butter cokies






أنا لحقت على اسقى اللبن لأن كان عندنا حوطة وفيها غنم , صج

كان طعم اللبن غير والزبدة لين اخثرت وتكتلت , إلحق ما تلحق

اللي يصيد له لقمة منها .

ذكريات حلوة ما تنسي ، آآه على فريجنا وإلا بيتنا كان موقعه

استراتيجي للأحداث .



الصور المصغرة للصور المرفقة
اضغط على الصورة لعرض أكبر

الاســـم:	Untitled.jpg‏
المشاهدات:	387
الحجـــم:	22.4 كيلوبايت
الرقم:	25797  
نصائح مهمة بعد تحميل المرفقات : 1- افحص الملف المرفق بأي برنامج مضاد للفيروسات .
2- قم بمراسلة المشرف عن أي مرفق يوجد به فيروس .
3- المنتدى غير مسؤول عما يحتويه المرفق من بيانات .
التوقيع - khozama
" انثروا القمح على رؤوس الجبال لكي لا يقال جــاع طيــر

في بلاد المسلميــن "

الخليفة الراشد عمر بن عبدالعزيز رضي الله عنه .

التعديل الأخير تم بواسطة khozama ; 26-03-2012 الساعة 11:50 PM.
رد مع اقتباس
  رقم المشاركة : 8  
قديم 27-03-2012, 01:36 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

ههههههههههههه كمبو نقضنا المواجع الظاهر طلعت ياكمبو اكبر مني خخخخخخخخخخ لا اذا عن السقا ترا مكاين خض اللبن الكهربائيه ماعرفناها الا في نهاية الثمانينات بعدين اخوي كمبو حرام الة الخياطه الي تقول عنها تفرط فيها ترا الحين اي شي قديم يشترونه بالغالي يارجال الجمس موديل 79 كنت اخذهم من 10 سنوات 12 و15 الف الحين من يومين مريت على معرض ولا يقولي 65 الف تخيل قلت يليتني جمعتهم من ذاك اليوم لكن كلمت ياليت ماتنفع ولا تاكل عيش هههههههههههه تحياتي اخوي العزيز واسعدني مرورك




رد مع اقتباس
  رقم المشاركة : 9  
قديم 27-03-2012, 01:41 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

خخخخخخخخخخخخخخ khozama مادري ليش كانو يحطونه في قوطي الماكنتوش بس والله فعلا يصلح للبطاطيل لو لاحظتي وبعدين كان شي حلو انهم يستفيدون من اي شي احسن من انه يرمى في الشارع وقوطي البسكوت الي حطيتيه اوه اموت عليه وانا صغير وبالذات الي فوقه سكر خخخخخخخخخخخخخخخخخخ كنت احبه وايد تحياتي اختي ومرورج اسعدني




رد مع اقتباس
  رقم المشاركة : 10  
قديم 27-03-2012, 08:37 AM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: هل بتنقرض هالعادات والتقاليد القديمه ولا راح ترجع ؟؟؟؟؟؟؟؟؟؟

السلام عليكم

شالسالفة ياجماعة الخير ،، أنا مادري اشعنه تكلمووون

خزاموووه من وين طلعتي قوطي هالبسكوت المحزر

أقوووووووووول



جدوووو كووومبــــــووو قولي حزاية من حزاوووويكم أيام أول





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:08 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم