استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

لائحه بمتطلبات الزواج او السكن الجديد ايش رايكم؟

السلام عليكم و رحمه الله وصلتني تعليقات عن طول المواضيع التي اطرحها و اليوم الموضوع قصير لكن مفيد جدا في امريكا زمن التسعينات عزمني صديق عربي على زواجه فقال ان اللسته في محل target هذا محل و مجمع كبير لكل شيء ادوات مطبخ - اجهزه كهربائيه - ملابس - اطقم ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 30-03-2012, 11:47 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي لائحه بمتطلبات الزواج او السكن الجديد ايش رايكم؟

السلام عليكم و رحمه الله

وصلتني تعليقات عن طول المواضيع التي اطرحها


و اليوم الموضوع قصير لكن مفيد جدا


في امريكا زمن التسعينات عزمني صديق عربي على زواجه

فقال ان اللسته في محل target

هذا محل و مجمع كبير لكل شيء

ادوات مطبخ - اجهزه كهربائيه - ملابس - اطقم كراسي و طاولات الخ


لم افهم ما يقصده باللسته

سألت صديق آخر فقال هذا نظام متبع في المجتمع الامريكي وان كل عروسين سيتزوجون يضعون طلباتهم و الاغراض التي يحتاجونها في عش الزوجيه

ذهبت الى المحل فوجدت جهاز كمبيوتر كبير مثل الصراف الالي و ادخلت اسم العريس ففتحت لسته فيها كثير من الاغراض المطلوبه

بعضها رخيص مثل ادوات المطبخ و بعضها غالي مثل طاوله الطعام

حددت ما اريد شراءه كهديه زواج بحسب ما كنت انوي ان ادفعه


الان و بعد 16 عام من خوضي في تجربه لسته الزواج قلت لصديق لي في الدوحه عن الفكره لانه سيسكن منزل الاسكان قريبا جدا

فبدلا من ان يهديه اقاربه و اصدقاءه امور لا يحتاجها او يعطى غرض مرتين كأن يهديه صديق مايكروويف و يهديه صديق آخر ميكروويف اخر

اعجب بالفكره جدا لكن قال انه لا يستطيع ان يقول لمن حوله سأضع لسته بما احتاج

فقلت انا لها و سأطلع الجميع عليها وكلي تأكيد بان الفكره ستلقى قبولهم

ما رأيكم بالفكره ؟


هل تنفع في مجتمعنا ؟

هل سننفذها مع المتزوجين الجدد او ساكني البيوت الجديده؟

هل يمكن ان نطبقها على من نعرف انه محتاج و عنده عائله و حالته الماديه صعبه كنوع من التكاتف المجتمعي




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 2  
قديم 31-03-2012, 12:15 AM
الصورة الرمزية شذى الدوحة
تاجره
شذى الدوحة غير متواجد حالياً
 





عدد التعليقات: 5 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

والله الفكرة جديدة وخطيرة هذا دليل انو في ناس جالسة تفكر صراحة الموضوع مفيد وراح هالفكرة تلقى اقبال خاصة للمتزوجين الجدد يعني احسن ماتجيهم 10هدايانفس النوع يكون يجيهم اللي ناقصهم ومحتاجينة
مشكور اخوي وجاري التطبيق
قريب رفيجتي تنقل لبيت جديد وراح اساعدها في تصميم الستة بشكل حلو وراح اطبعها واوزعها عالاصدقاء
الشلة يعني




التوقيع - شذى الدوحة
كل ماهو مميز في حسابي على الانستقرام
@shaza_aldoha وتساب 77279065

رد مع اقتباس
  رقم المشاركة : 3  
قديم 31-03-2012, 01:19 AM
الصورة الرمزية أم الجوري
عضو VIP
أم الجوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

هي فكره حلللللوه

ممكن الواحد يسأل بطريقه دبلوماسيه

مثلآ يقول شنو باقي ماحطيتوه فالبيت وبجذي يشتري اللي ناقصهم ويوديه

هذي ممكن الخوات والإخوان يسوونها أكثر شي لأن ممكن الواحد مايستحي منهم

بس فكره وايد حلوه

خلاص كومبو يوم بسكن بيتي بإذن الله بقول لك هههه

وبالعكس مواضيعك جدآ رائعه سواءآ طويله أو قصيره أهم شي إنها هادفه

وأنا ووااااااااااااااايد من الأعضاء دائمآ ننتظر إبداع قلمك




التوقيع - أم الجوري

رد مع اقتباس
  رقم المشاركة : 4  
قديم 31-03-2012, 01:32 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

كمبو صراحه فكره حلوه بس في نفس الوقت عندنا البعض ينحرج انه يحط لسته باغراض البيت عشان هالشكل هي فعلا فيها منفعه للناس وجزاك الله خير وفعلا كمبو مادري شسالفة الميكرويف خخخخخخخخخخخخخ العالم اول مايسكن الواحد بيت جديد اول شي يفكرون فيه الميكرويف مادري مافيه غيره في المطبخ احنا تعودنا كمبو على العانيه اكثر شي في العرس او في سكن البيت الجديد انه نعين الي بيتزوج او ساكن بيت جديد بس هالفكره جديده بعدين شسالفه فصلتو قسم المجتمع عن القسم العام مادري ليش والله يوفقكم ان شاء الله




التعديل الأخير تم بواسطة فكتوري قطر ; 31-03-2012 الساعة 01:35 AM.
رد مع اقتباس
  رقم المشاركة : 5  
قديم 31-03-2012, 12:06 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

اقتباس
 مشاهدة المشاركة المشاركة الأصلية كتبت بواسطة شذى الدوحة
والله الفكرة جديدة وخطيرة هذا دليل انو في ناس جالسة تفكر صراحة الموضوع مفيد وراح هالفكرة تلقى اقبال خاصة للمتزوجين الجدد يعني احسن ماتجيهم 10هدايانفس النوع يكون يجيهم اللي ناقصهم ومحتاجينة
مشكور اخوي وجاري التطبيق
قريب رفيجتي تنقل لبيت جديد وراح اساعدها في تصميم الستة بشكل حلو وراح اطبعها واوزعها عالاصدقاء
الشلة يعني

يا هلا شذى

نعم الفكره ممتازه و تستحق ان نطبقها على انفسنا كمسلمين بلا احراج

يمكن الامريكان عادي يحطون لسته لكن عندنا البعض بينحرج

ممكن اصدقاء الشاب او الفتاه او اقاربهم هم الي يتحركون و يسألونهم عن احتياجاتهم و يحطوا اللسته


بتنفع في كذا مناسبه

اذكر ان كل ما يجيني طفل البيت ينترس هدايا وبعضهم نفس الهديه و تقعد لك الهديه تدور على كم بيت لان الكل عنده نفسها فيركنونها لاي وحده تجيب طفل و يعطونها


عندك المشايه بتجيك 3 - و اطقم فوط و بيجامات 16 وحده

بعد شهرين الطفل يكبر حجمه وتبقى الاطقم بلا فائده ويتم اعاده تدويرها بين الامهات ههههه




رد مع اقتباس
  رقم المشاركة : 6  
قديم 31-03-2012, 12:15 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

اقتباس
 مشاهدة المشاركة المشاركة الأصلية كتبت بواسطة أم الجوري
هي فكره حلللللوه

ممكن الواحد يسأل بطريقه دبلوماسيه

مثلآ يقول شنو باقي ماحطيتوه فالبيت وبجذي يشتري اللي ناقصهم ويوديه

هذي ممكن الخوات والإخوان يسوونها أكثر شي لأن ممكن الواحد مايستحي منهم

بس فكره وايد حلوه

خلاص كومبو يوم بسكن بيتي بإذن الله بقول لك هههه

وبالعكس مواضيعك جدآ رائعه سواءآ طويله أو قصيره أهم شي إنها هادفه

وأنا ووااااااااااااااايد من الأعضاء دائمآ ننتظر إبداع قلمك

هلا ام الجوري

صدقيني ما يبي لها دبلوماسيه

اولا تنقال الفكره و نشوف رده فعل الشاب او البنت

بتشوفين العيون تبققت كأن وجوههم تقول - اوف بتجيني هدايا و الي ابيه بعد

قولي لاي احد بنسوي لك هاللسته و اذا حد رفض انا ما افهم شي ههه لا و تنرسل للاصدقاء عبر البي بي و الواتس اب

ممكن نسويها بين الاهل و ممكن للاصدقاء

انا قلت لصاحبنا ان بحط الامور الي يحتاجها و بعضها بكم الف و بنسوي خانه للي يبي يدفع جزء من تكلفه غرض و شخص ثاني يكمل عليها و تندفع القيمه


يعني ممكن تلفزيون ب 2000 ريال - و شخص يقول بدفع 1000 فيبقى مجال ان اذا حد في باله بدفع 1000 يكمل قيمه التلفزيون

او ان حد يقول بدفع قيمه ثلاجه - وبدل ما يجيبها - يدفع القيمه التقريبيه لها و يعطي الخيار لصاحب البيت الجديد ان يحدد الماركه وان بغى ثلاجه اكبر او اغلى يدفع الباقي من جيبه

وهالشكل يعني


ابشري اول ما تقولين بسكن انا الي بحط لستتك


القهر ان موضوعنا ما نزلناه قبل لا يسكن المنذر و صار له ساكن من فتره فراحت عليه ههههه




رد مع اقتباس
  رقم المشاركة : 7  
قديم 31-03-2012, 12:35 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

اقتباس
 مشاهدة المشاركة المشاركة الأصلية كتبت بواسطة فكتوري قطر
كمبو صراحه فكره حلوه بس في نفس الوقت عندنا البعض ينحرج انه يحط لسته باغراض البيت عشان هالشكل هي فعلا فيها منفعه للناس وجزاك الله خير وفعلا كمبو مادري شسالفة الميكرويف خخخخخخخخخخخخخ العالم اول مايسكن الواحد بيت جديد اول شي يفكرون فيه الميكرويف مادري مافيه غيره في المطبخ احنا تعودنا كمبو على العانيه اكثر شي في العرس او في سكن البيت الجديد انه نعين الي بيتزوج او ساكن بيت جديد بس هالفكره جديده بعدين شسالفه فصلتو قسم المجتمع عن القسم العام مادري ليش والله يوفقكم ان شاء الله

من الامور الي شفتا في الخارج و من 18 سنه لاول انفتاح لعقلي البسيط على هالعالم الخارجي شفت امور هم متقدمين فيها حتى الامور البسيطه مثل لسته للمتزوجين و الي بيسكن بيت جديد او جاهم طفل

هم مب مسلمين لكن يطبقون الاسلام في اغلب امورهم

يمكن انشاغلاتهم عن بعض كثيره لكن في تكاتف و حذر من التبذير و الصرف بقدر الحاجه

ياخوي حتى كشف سنوي على صحتهم يعتبر شيء اساسي واحنا ما نروح المستشفى الا عشان اجازه مرضيه او مرض ما نقدر نستحمله بعيد الشر

عموما اللسته ما بيكون فيها احراج لان الي بيطلب منهم ان يحددون الاغراض الي يحتاجونها هم الاهل او الاصدقاء ولو نشرنا الفكره ممكن نكون اول ناس في الخليج تحط عاده جديده وهي تحديد المتطلبات و توفيرها بلا اسراف او اهداء امور لن يستخدموها و نجبرهم في الاخير ان يشترون حاجنهم باموالهم الخاصه وهم خارجين من تكاليف زواج او بناء بيت دمر الميزانيه

اخاف التجار يشتكون علينا في حمايه المستهلك و يقولون هذولا خسرونا زباين

بووووه وايد اسئله مع بعض اخوي فيكتوري

المكيروويف لانه ارخص شي هههه 300 الى 500 ريال ويعتبر شي مهم ترى لو فكرت بشراء شي ثاني للبيت اكيد بيكون اغلى هههه


انا جاني 2 ميكروويف اول ما كنت و واحد منهم ضل بالمخزن لين ترحل كهديه لشخص ثاني

الدول يسوي تدوير للنفايات و احنا ندور الميكروويف

اعتقد اللسته هي العانيه لكن متطوره - اما تجيب شيء مطلوب او تحط قيمته و تعطي الزوجين فرصه يحركون الفلوس بين المطلوبات

ممكن تدفع قيمه ميكروويف و الشاب يحطها لدفع جزء من كلفه طقم الجلوس لانه اهم في اول يوم يسكن فيه


المجتمع القطري كان له شعبيه و متابعات كبيره من الاعضاء و الزائرين لكن بعد دمجه مع العام ذابت مواضيع المجتمع بشكل ملحوظ اضافه الى دخول اعضاء جدد اثروا العام مثلك اخوي فيكتوري و مثل اخونا ابو سعاد و اعضاء آخرين ما شاء الله ابدعوا في الطرح و الحوار و الافكار الجديده


خلال مناقشات الاداره لتطوير الموقع كان فصل المجتمع عن العام مطروحا و تم الاتفاق انه افضل خيار حاليا




رد مع اقتباس
  رقم المشاركة : 8  
قديم 31-03-2012, 01:00 PM
الصورة الرمزية تاجر الدوحه
عضو متالق
تاجر الدوحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

يا سلام عليك كومبو افكار ومواضيع مميزة
اللحين كل شاب وشابة مقبلين ع الزواج بيدعون لك.

الفكرة جدا ممتازة ومفيدة بس المهم انها تكون بواسطة
اخت الزوج واخت الزوجة لان الاخ راح يتحرج يقول حق
ربعة او عيال عمة وعيال خالة اخوي يحتاج كذا او باقي له كذا
لكن الاخت راح تقول حق بنت عمها وبنت خالتها وبنت
جيرانها ورفيجت أختها اللي راح تتزوج ولازم يكون الترتيب
قبل نقل البيت بوقت كافي يعني قبل ما يتم التأثيث بفترة..

والفكرة هذي انا أأكد عليها وفية مواضيع شبيهه اخوي كومبو
تحتاج تسليط الضؤ (ههه حلوة تسليط الضؤ) مثلا اللي رزقها
الله بمولود جديد تلاقي بيتها انترس ورد طبيعي وحلويات اشكال وألوان
ولو تم استبدالها بهدية ثانية مثلا ( قطعة ذهب مثلا للمولودة او مبلغ مالي
للمولود بنفس قيمة الورد او الحلوى ) في رأيي أفود ... ولا اشرايكم ؟؟
آدري اللحين بتقولون ( صج عقلية تاجر هههههههه)

هذا من ومن ناحية ثانية اخوي كومبو المفروض ما يقتصر الموضوع على من راح يسكن
بيت جديد ، فاتمني يشمل الموضوع المقبلين على فتح مشاريع جديدة تفيد المجتمع مثلا
واحد من الشباب راح يفتح مطابخ شعبية وأكيد راح يحتاج الآتي :
- افران طبخ كبيرة عدد 3 +ميكروويف عدد 3
- ثلاجات وفريزرات ومعدات مطابخ متنوعة
- مكيفات (جنرال) وجهاز كمبيوتر وادوات مكتب
- جرس للباب
- تلفزيون وطقم كراسي ( لون اسود )
- دلال شاي وقهوة (بونقطة ) من عسكر
وبعد في مستلزمات ثانية كثيرة بس بكتفي بهالشغلات البسيطة
عشان ما اكون ثقلت عليك اخوي كومبو اذا ناوي ترتب الموضوع بطريقتك
واذا خلصت بس قولي .

ويعطيك الف عافية على هالموضوع الرائع




وما وصيك &


*




التوقيع - تاجر الدوحه

التعديل الأخير تم بواسطة تاجر الدوحه ; 31-03-2012 الساعة 01:04 PM.
رد مع اقتباس
  رقم المشاركة : 9  
قديم 31-03-2012, 01:07 PM
الصورة الرمزية شذى الدوحة
تاجره
شذى الدوحة غير متواجد حالياً
 





عدد التعليقات: 5 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

اخوي سالفة الميكوويف لأنه هدية مميزة وسعرها قليل

اقتباس
 مشاهدة المشاركة المشاركة الأصلية كتبت بواسطة فكتوري قطر
كمبو صراحه فكره حلوه بس في نفس الوقت عندنا البعض ينحرج انه يحط لسته باغراض البيت عشان هالشكل هي فعلا فيها منفعه للناس وجزاك الله خير وفعلا كمبو مادري شسالفة الميكرويف خخخخخخخخخخخخخ العالم اول مايسكن الواحد بيت جديد اول شي يفكرون فيه الميكرويف مادري مافيه غيره في المطبخ احنا تعودنا كمبو على العانيه اكثر شي في العرس او في سكن البيت الجديد انه نعين الي بيتزوج او ساكن بيت جديد بس هالفكره جديده بعدين شسالفه فصلتو قسم المجتمع عن القسم العام مادري ليش والله يوفقكم ان شاء الله





رد مع اقتباس
  رقم المشاركة : 10  
قديم 31-03-2012, 01:30 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لائحه بمتطلبات الزواج او السكن الجديد ايش رايكم؟

اقتباس
 مشاهدة المشاركة المشاركة الأصلية كتبت بواسطة تاجر الدوحه
يا سلام عليك كومبو افكار ومواضيع مميزة
اللحين كل شاب وشابة مقبلين ع الزواج بيدعون لك.

الفكرة جدا ممتازة ومفيدة بس المهم انها تكون بواسطة
اخت الزوج واخت الزوجة لان الاخ راح يتحرج يقول حق
ربعة او عيال عمة وعيال خالة اخوي يحتاج كذا او باقي له كذا
لكن الاخت راح تقول حق بنت عمها وبنت خالتها وبنت
جيرانها ورفيجت أختها اللي راح تتزوج ولازم يكون الترتيب
قبل نقل البيت بوقت كافي يعني قبل ما يتم التأثيث بفترة..

والفكرة هذي انا أأكد عليها وفية مواضيع شبيهه اخوي كومبو
تحتاج تسليط الضؤ (ههه حلوة تسليط الضؤ) مثلا اللي رزقها
الله بمولود جديد تلاقي بيتها انترس ورد طبيعي وحلويات اشكال وألوان
ولو تم استبدالها بهدية ثانية مثلا ( قطعة ذهب مثلا للمولودة او مبلغ مالي
للمولود بنفس قيمة الورد او الحلوى ) في رأيي أفود ... ولا اشرايكم ؟؟
آدري اللحين بتقولون ( صج عقلية تاجر هههههههه)

هذا من ومن ناحية ثانية اخوي كومبو المفروض ما يقتصر الموضوع على من راح يسكن
بيت جديد ، فاتمني يشمل الموضوع المقبلين على فتح مشاريع جديدة تفيد المجتمع مثلا
واحد من الشباب راح يفتح مطابخ شعبية وأكيد راح يحتاج الآتي :
- افران طبخ كبيرة عدد 3 +ميكروويف عدد 3
- ثلاجات وفريزرات ومعدات مطابخ متنوعة
- مكيفات (جنرال) وجهاز كمبيوتر وادوات مكتب
- جرس للباب
- تلفزيون وطقم كراسي ( لون اسود )
- دلال شاي وقهوة (بونقطة ) من عسكر
وبعد في مستلزمات ثانية كثيرة بس بكتفي بهالشغلات البسيطة
عشان ما اكون ثقلت عليك اخوي كومبو اذا ناوي ترتب الموضوع بطريقتك
واذا خلصت بس قولي .

ويعطيك الف عافية على هالموضوع الرائع




وما وصيك &


*

ههههههههههههههههههههههه


والله مت من الضحك

بقول لك ليش بعد شوي

الحين خلنا اول في اللسته

يمكن اخو المعرس يستحي يقول لكن لو طرح الفكره او قال بنسوي مثل ما البعض بدأ يسوي وهي فكره اللسته و بعدها يحط اللسته امام الجميع او يوزعها على البي بي مع مقدمه للفكره فما اشوف ان فيها احراج


انا مستعد اكلم الشيخ الغرداقي و أخذ منه تعليق و فتوى بفضائل الفكره عشان تتناقل على مستوى قطر و الدول المجاوره بعد ايش رايك

الحين وزعنا الفكره و الموضوع عبر تويتر و اعتقد ان كثير بتعجبهم و يمكن يطبقونها مثل ما قلت على المواليد و المناسبات الاخرى

الحين بقول لك ليش ضحكت

كلن يج النار صوب قرصه

ضحت على قبولك للفكره سريعا و حطيت عن مشروع المطابخ

ما ضحكت لانه غريب او خطأ - بالعكس ضحكت لسرعه بديهتك


هذا شيء زين


بقول لك


مكن نسوي لسته بعد موافقه الاداره على الفكره و نشوف رد فعل الاعضاء وحتى الزوار

من عندي مقدما بقول لك عن شيء

لازم كل شيء جديد ولا المستعمل و نظيف بيساهم في المشروع

انا عندي مكتب في البيت نظيف جدا وما استعمله ينفع كمكتب للمحاسب او الكاشير لونه بيج وفيه قطعتين طاولات و كبت وكرسيين

وعندي مكيف سبيلت طن ونص نظيف بس يحتاج غسيل و تركيب يمكن يكلف 300 ريال لتركيبه و تنظيفه من الغبارو تعبئه الغاز

اذا هالاغراض بتنفعك تعال حملها اليوم بعد

و عرضي لتخزين الخرفان في العزبه مجانا اذا شريت كميه لازال قائم اذا حبيت لين تلقى لك مكان دائم




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: لائحه بمتطلبات الزواج او السكن الجديد ايش رايكم؟
الموضوع كاتب الموضوع المنتدى مشاركات آخر مشاركة
تحطيم الاسعار للدخون والبخور الاماراتي والعطورات العربيه والفرنسيه @@@@ مس تاجره سوق العطورات والبخور 118 18-05-2013 10:04 PM
تحطيم الاسعار للدخون والبخور الاماراتي والعطورات العربيه والفرنسيه المركزه مس تاجره سوق العطورات والبخور 10 23-02-2012 12:05 AM
شاب مقبل على الزواج ويرغب بنصائح المنذر منتدى الشريعه 8 09-09-2011 12:02 AM
احتكار الحديد يربك قطاع المقاولات في قطر اللورد المجتمع القطري 8 25-05-2010 09:13 PM


الساعة الآن 03:26 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم