استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى العام


المنتدى العام منتدى للمواضيع العامه

هل جربت تعيش بروحك يوم ولا تخاف من هالشي

بسم الله الرحمن الرحيم موضوع من كتاباتي العنوان واضح اعتقد للجميع وهو هل يوم جربت تعيش بروحك وكل اعتمادك يكون على نفسك ولا البعض يعتبر انه الوحده شيء مخيف يصيب الانسان بكثرة التفكير والملل والضيق او البعض يخاف من النوم دون حس بشر في اي مكان البعض راح يقول عادي ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 08-04-2012, 02:53 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي هل جربت تعيش بروحك يوم ولا تخاف من هالشي

بسم الله الرحمن الرحيم
موضوع من كتاباتي


العنوان واضح اعتقد للجميع وهو هل يوم جربت تعيش بروحك وكل اعتمادك يكون على نفسك ولا البعض يعتبر انه الوحده شيء مخيف يصيب الانسان بكثرة التفكير والملل والضيق او البعض يخاف من النوم دون حس بشر في اي مكان البعض راح يقول عادي اوكي كم يوم تقدر تعيش وحيد يوم عشره شهر حددلي انت اسولف مع واحد من اصدقائي يقولي تصدق سافرة المدام واليهال شهر مع اهلهم ايقولي بقولك شي بس لاتضحك علي قلتله لا افا عليك قال تصدق من الضيق صحت هههههههه ضحكت غصب عني صراحه رغم اني وعدته بس ماقدرت اكتم الضحكه يقولي استغرب من الي عايش بروحه شلون يستحمل قلتله الدنيا تعلم ماقالو الولين الدنيا دروس قال طيب كيف قلتله انت ربيت ويا امك وخوانك اوكي قالي اوكي وتزوجت مرتك وطلعت في بيت وكانت وياك ويا عيالك صح قالي اي والله قلت شفت انت ماجربت الوحده معناته انت ماخذيت على انك تقدر تتكيف بروحك بينما الي فرضت عليه الحياه انه يعيش بروحه هذا الدنيا مشته على كيفها قالي شلون قلت يعني شخص ماكان عنده الا امه وتوفت او ماكان عنده الا ابوه وتوفى وهو وحيدهم ومحد له وخوانه كلهم تزوجو تفرض عليه الدنيا انه يعيش بروحه لين يلقا بنت الحلال الي تملا دنياه فهو مضطر انه يعيش بروحه فتره لذلك غصب عنه يتكيف ويا الوضع هذا قلتله انت بس شهر هذي وحشة الدنيا الله يعينا على وحشة القبر انا كنت استغرب من الاجانب قبل فعلا بعدها فهمت ليش هم يمكن عندهم هالشي شي طبيعي لانه البنت او الولد لا عدا 18 سنه يكون مسؤل عن نفسه تلقاه حتا لو عاش بروحه يربي في البيت عنده تكرمون كلب او قط ويعامله احسن معامله كل شي يشتريله غالي ويمشيه كل يوم وينام داخل البيت الله يكرمكم عشان هالشكل نشوف عندهم الحياه الاجتماعيه شبه معدومه الا القليل وما يتلاقون الا في الاعياد فقط وانا اقول في نهاية كلامي مهما كبر البيت او صغر اذا اختفا منه همس الناس صار اطلال مافيها اي ذكريات صار عش بدون طيوره صار زرع بدون ماي يازين البيت بحس الحرمه وحس الطفل ترا مهما تكثر فلوس الانسان مايستغني عن الناس وحسهم وونسهم الم يجمع بينهم رب العالمين قوله تعالى : (المال والبنون زينة الحياة الدنيا) وفي الاخير تقبلوا اخواني اخواتي تحياتي




التعديل الأخير تم بواسطة فكتوري قطر ; 08-04-2012 الساعة 03:09 AM.
رد مع اقتباس
  رقم المشاركة : 2  
قديم 08-04-2012, 08:10 AM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

مافي انسان يقـــــدر يعيش وحيـــد
لازم يكون في حـــس فالبيت وفالدوام وفكل مكان نروحه
لو الانسان بيعيش بروحه بيستخف


ومثل ماقلت مهما كبر البيت او صغر لازم يكون فيه حس


لاهنت اخووووي على الموضوع ودمت مبدعا




التوقيع - روعه الاحساس

رد مع اقتباس
  رقم المشاركة : 3  
قديم 08-04-2012, 04:27 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

تسلمين روعة الاحساس على مرورج وطبعا هو الي يحب الحياه لازم يعيش مع ناسها بس مادري شقصة نقل المواضيع اليوم اعتقد لو القائمين على المنتدى مخلين القسم العام مع المجتمع كان احسن لانه ضعنا الحين وين احط هالموضوع او ذاك وصار قسم فعال والقسم الاخر نايم هذي وجهة نظري وتحياتي لكي وللجميع




رد مع اقتباس
  رقم المشاركة : 4  
قديم 08-04-2012, 04:35 PM
الصورة الرمزية Nonooo
عضو VIP
Nonooo غير متواجد حالياً
 





عدد التعليقات: 4 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

برووووووووووووووووووووووووووووحي لا ما أعتقد أقدر أعيش !!!
لازم يكون في حس في البيت وأنا بطبعي حتى لو أطلع أي مكان لازم يكون حد معاي طول الوقت وألا مستحيل أتحرك
أحس الحياة ما لها معنى إذا الواحد إنعزل بروحه....
وهذا ما يمنع مرات نحتاج نختلي بنفسنا شوي

مشكور أخوي على مواضيعك الشيقة




التوقيع - Nonooo

رد مع اقتباس
  رقم المشاركة : 5  
قديم 08-04-2012, 04:41 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

تسلمين Nonooo على مرورج بس انا قصدي لو حدك الزمن انك تعيش بروحك يمكن الواحد مايتصور انه يصير فيه هالشي بس هي فكره تتراود في ذهن اي شخص تحياتي اختي




رد مع اقتباس
  رقم المشاركة : 6  
قديم 08-04-2012, 06:42 PM
الصورة الرمزية شذى الدوحة
تاجره
شذى الدوحة غير متواجد حالياً
 





عدد التعليقات: 5 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

أولا مشكور اخوي عالمواضيع اللي تطرحها
وفكرة انك تعيش بروحك تخوف بصراحة
لأن الأنسان بطبيعته وفطرته ربنا خلقه أجتماعي
لذلك مجردالتفكير بالموضوع يخليك خايف
وما في أحلى من جمعة العايلة
والأهل والتواصل
وفي ناس ربنا قسم لهم يعيشون بروحهم بدون لا ونس ولا حد يساعدهم هذيلا الله يعينهم




التوقيع - شذى الدوحة
كل ماهو مميز في حسابي على الانستقرام
@shaza_aldoha وتساب 77279065

التعديل الأخير تم بواسطة شذى الدوحة ; 08-04-2012 الساعة 06:43 PM.
رد مع اقتباس
  رقم المشاركة : 7  
قديم 08-04-2012, 07:38 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

اقتباس
 مشاهدة المشاركة المشاركة الأصلية كتبت بواسطة فكتوري قطر
تسلمين روعة الاحساس على مرورج وطبعا هو الي يحب الحياه لازم يعيش مع ناسها بس مادري شقصة نقل المواضيع اليوم اعتقد لو القائمين على المنتدى مخلين القسم العام مع المجتمع كان احسن لانه ضعنا الحين وين احط هالموضوع او ذاك وصار قسم فعال والقسم الاخر نايم هذي وجهة نظري وتحياتي لكي وللجميع

والله ياخوي

القسمين كانو مفصولين

وعقب دمجناهم ووايد ناس ماعجبهم الوضع ويبون كل قسم بروحه

ورجعناهم مرة ثانية قسمين

والحين انت تقول لو يندمجون احسن :/

المجتمع القطري بس للمواضيع الي تخص قطر وشعبها

اما القسم العام لاي موضوع عام مثل هذا




رد مع اقتباس
  رقم المشاركة : 8  
قديم 08-04-2012, 08:10 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

تسلمين شذى الدوحه على ردج الراقي وهذا ان دل يدل على رقيك في الحوار نعم الله يعينهم ويكون معاهم الاشخاص الي عايشين بروحهم ويخفف عليهم وحشة الدنيا تحيات اختي




التعديل الأخير تم بواسطة فكتوري قطر ; 08-04-2012 الساعة 08:16 PM.
رد مع اقتباس
  رقم المشاركة : 9  
قديم 08-04-2012, 08:21 PM
الصورة الرمزية حبيبة اخوها
عضو فعال جداً
حبيبة اخوها غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

تسلم على الموضوع مبدع دووم
وصدقت مهما الانسان عنده فلوس الدنيا ماراح يستانس
بدون حس البشر
انا جربت سبووووعين منغير حد احس اني فارقت الحياه
صج صعب على الانسان يعيش من غير حس بالبيت او اي مكان
بس في ناس بعد مايعيش بروحه صعبه يتأقلم على الوضع
انا سبوعين اثرت علي صرت ماااحب اقعد مع حد لين شوي شوي
حبيت اكون متواجده مع الدنيا بالون غير الون الي انا عيشته بروحي
تحياتي





رد مع اقتباس
  رقم المشاركة : 10  
قديم 08-04-2012, 08:48 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: هل جربت تعيش بروحك يوم ولا تخاف من هالشي

تسلمين ياذوق هذا من طيب اخلاقج العاليه ومفهومج الممتاز للمواضيع في حياة الانسان حبيبة اخوها وفعلا اذا اعتاد الشخص على الوحده يمكن عقبها يتعود على هالحياه وهذي مشكله لانه راح يعزف عن اشياء كثيره ومن اهمها الزواج تحياتي يامبدعه




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:57 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم