استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

سوالف البلاك بيري والايفون

بسم الله الرحمن الرحيم موضوع من كتاباتي اليوم نتطرق اخواني خواتي الى موضوع التقنيه الجديده صراحه الكل يقول اول مانزلت خلني على التلفون العادي الي هو جوال واتصال ورسايل بس لكن بعد مانزلت هالتقنيه سوت نقله كبيره لانه صار مثل الكمبيوتر المصغر في يدك حتا ايميلاتك ومنتدياتك الي تحبها تقدر ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 21-04-2012, 01:14 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي سوالف البلاك بيري والايفون

بسم الله الرحمن الرحيم
موضوع من كتاباتي



اليوم نتطرق اخواني خواتي الى موضوع التقنيه الجديده صراحه الكل يقول اول مانزلت خلني على التلفون العادي الي هو جوال واتصال ورسايل بس لكن بعد مانزلت هالتقنيه سوت نقله كبيره لانه صار مثل الكمبيوتر المصغر في يدك حتا ايميلاتك ومنتدياتك الي تحبها تقدر تدخل وانت في السياره انا ماخبي اعليكم صار شي اساسي ويوم نقطعة الخدمه شنو عصبت وحسيت بالملل وتعلمت اشياء مفيده انك لو بغيت تعرض بضاعه او تصور شي تبغي تشتريه لتريه صديق فعلا له منفعه بس تعلمت اشياء تضحك الا وهي السوق تايم الغداء تايم المول تايم وخلوني اصير من اصدقاء التايم حتا الغداء او اي اكله لازم اصورها وحطها في البيبي خخخخخخخخ وحتا الاشياء الي تصير في البيبي تضحك يعني مثلا البعض جاها مولود كل يوم حاطه صورة هالياهل يابنت الحلال شلي الصوره لايعطون هالطفل عين بروحه توه نتيفه لا خلها عشان تحر رفيجاتها وواحد نجرح صبعه يقدر يعالجه في البيت حط صورة مستشفى وشيشه معلقه في يده تقول بيموت بعيد الشر يدشون عليه الكل خطاك الشر عسى ماشر كم رقم غرفتك بالمستشفى يقول لا جات سليمه والله هالبيبي مشكله انا كنت اكتب قبل كل شي بالتايم لدرجة انه بعضهم قام يسالني مافيه اليوم شي تايم حفظو الجدول اليومي ههههههههه واذا عندك واحد باللسته كله لابد على جنب لايطرش ولاقلتله شفت الي طرشتلك امس مقطع كوميدي مضحك قالك ماشوف البيبي انا وايد يعني الاخ بزنس شنو يحطمك وكل يوم يغير النك نيم عشان ماتحذفه ههههههههههه على قولتهم في البلاك بيري دايما يقولون الاصنام الي نايمين حركو يديكم وطرشو تلقاه ساكت ولا يتحرك بس يبي يستقبل ولا يطرش الحين اعزائي ابغي اشوف رأيكم انتو وابداء رايكم وهل تقدر تستغني عن البلاك بيري او الاي فون وهل تقدر ترجع لتلفونات الاتصال فقط انا اعرف الكثير بيقول يمكن مساوئها اكثر بس بعد انا اقول منافعها اكثر لانها تسهل التواصل حتا بين الاهل والاقارب وبدون تكلفه وفي الاخير تقبلوا اخواني اخواتي تحياتي




رد مع اقتباس
  رقم المشاركة : 2  
قديم 21-04-2012, 04:35 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

الى اليوم عندي نوكيا n71

لكن من كم شهر بس اخذت ايفون من كثر ما ازعجوني الشباب و يبون التواصل على البيبي او الواتس اب

اخترت الايفون لانه بنظري افضل بكثير و الواتس اب تقدر تكتب فيه بسهوله و تتصفح النت بامتياز الشاشه الكبيره و اللمس السريع

من شهرين تقريبا جاني بلاك بيري من جهه عملي والى اليوم اعتبره ثانوي و ما استخدمه الا للايميل و بعض الرسائل مع الشباب قليله جدا

سندرني مع الكيبورد الصغير و تغيير الحفاضه( هههه) بدأ معاي مع ان التلفون فاضي مش مليان رسائل و ملفات و صور


عموما الايفون بس للواتس اب و فيس تايم و بعض البرامج الاخرى لان البطاريه بتفضى سريعا

و البي بي لايميل العمل و غيره و بعض الرسائل القليله

النوكيا - ابوك يا النوكيا

اتصل لين تشبع و البطاريه في الاوكيه

حذفه على الارض و ارجع ركب اوصاله و بيشتغل مره ثانيه ما عنده مشكله

الارسال لو تدخل قبر تحت الارض بعد بيلقط

و الكاميرا مع ان الجوال عمره اكثر من سنتين ونص لكن الى الان افضل صوره يعطيك - افضل من الايفون و البي بي بكثير

و اسهل شي في توصيل الصور الى الكمبيوتر او اللاب توب

الايفون و البي بي يبي لك ترفع الصور على الانترنت طيب واذا الصور خاصه و اخاف ارفعها على النت ؟

الهواتف الذكيه نجحت في تعزيز شبكات التواصل ( مسجات - تويتر - فيس بوك - واتس اب ) لكنها لم تحرز تقدم في امتيازات عمر البطاريه او وضوح الفيديو و الصور او نقل الملفات و الصور بسهوله و خصوصيه

----------------------


عن التايم

وحده حاطه طوارئ تايم

موديه ولدها الطوارئ فكتبت طوارئ تايم

اشوفها سخافه نوعا ما

لو الاستعمال تحدد بامور معينه ممكن اتفق معاها

كنت مسافر مع العائله فحطين تعليقات بسيطه و مضحكه على البي بي ( ديزني لاند مولعه سلام يا ميكي ماوس )

يمكن بعض الاوقات نحب نقول تعليق يناسب اللحظه لكن طوارئ تايم و حمام تايم اعزكم الله

اشوفها وايد ممله و ما عندهم سالفه

البعض ممن اعرف يستخدم هذه الاجهزه بشكل فعال و تستاهل الاستخدام

كمثال
مواضيع ذات فائده و حكم عبر تويتر تعطينا فائده شبكات التواصل

وصلات و مواضيع على البي بي تفيدنا

استغلال الانترنت الجوال لتصفح امور مهمه و معلومات نبحث عنها بسهوله
------------------------------


احاول الاستفاده من التكنولوجيا بقدر المستطاع


الايباد سريع التصفح فابحث عن مواضيع تساعدني في عملي او في جمع معلومات اثناء كتابه المواضيع

البي بي اندهشت من سهوله اتمام عملي عبر رسائل العمل وحتى لو كنت في البيت انهي امور مهمه بالايميل وحتى اثناء السفر

الايفون محدد لتويتر و الواتس اب بجداره و احيانا للتصفح في الانترنت ان احتجت له

----------------------------------


يعطيك العافيه اخوي فيكتوري على الطرح المميز




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 3  
قديم 22-04-2012, 01:45 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

هلا والله ومسهلا اخي كمبو وين هالغيبه غبت غيبه طويله ان شاء الله طيب اخي كمبو اشكرك على تعليقك على موضوعي بس التايم احيانا ينفع كمبو تدري ليش ممكن عشان اكثر ربعك يعرف هواياتك والاماكن الي تزورها دايما ومو كل شي تايم انا اوافقك الراي وانا في ضني انه ماسنجر البلاك بيري احسن من الواتساب هذا في اعتقادي واكرر تسلم على مرورك




رد مع اقتباس
  رقم المشاركة : 4  
قديم 22-04-2012, 02:15 AM
الصورة الرمزية فيفا قطر
عضو متالق
فيفا قطر غير متواجد حالياً
 





عدد التعليقات: 3 تعليق
حدث بيانات الدوله!
افتراضي رد: سوالف البلاك بيري والايفون

السلام عليكم ورحمه الله وبركاته


الموضوع حلو ومتشعب والبي بي مثله مثل اي شي ثاني ممكن نستعمله بالزين والخير والمسجات المفيده مثل


المسجات الدينيه والتدكير بالصلاه والصيام والادكار اليوميه


وممكن نرسل صور وفيديو وروابط اغاني مالها داعي وممكن نحمل اوزار احنا في غني عنها



والاهم من هاي كله سالفه التايم بصراحه ماحبها وتقهرني احسها سخيفه


اللي تحط شور تايم واللي تحط تنكس تايم طيب احنا اشدخلنا فيج


وكله كوم وصور الرمزيات كوم صور تكاد تكون خليعه الا خليعه ونص ولما تنصحها تقولك كيفي جوالي وانا حره


لاياحبيبتي انتي مش حره لازم يكون في احترام متبادل واحنا اش دنبنا نحمل دنوب علشان حضرتج


بصراحه هالاشكال عطيتها دليت وافتكيت منها



المهم اني استفدت اشياء وايد من الخدمه خاصه الخدمات الدينيه الله يجزاهم خير


مايقصرون باي شئ



وشكراا لصاحب الموضوع ولي عوده ان شاء الله





التعديل الأخير تم بواسطة فيفا قطر ; 22-04-2012 الساعة 02:18 AM.
رد مع اقتباس
  رقم المشاركة : 5  
قديم 22-04-2012, 03:32 AM
الصورة الرمزية ضوى الدوحه
عضو فعال
ضوى الدوحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

بالنسبه لي

طبعا تكنسل من عندي شي اسمه نوكيا
واستخدامي كله ع البلاك بيري
استفيد منه بتواصلي مع الاهل وزميلات الجامعه والطفوله
ومنه افتح مواقع التواصل تويتر او الفيس بوك
وتوصل لنا منه اشيا منها المفيد ومنها العكس
ان كان معلومات اخر الاخبار امور دينية
اما الامور اللي ماحبها توصلني هي الاشاعات وياكثرها وياكثر اللي يطلعونها
وبالنسبه لي ماحب انشر شي ماكون واثقه منه
واتمنى من الكل يسوي نفس الشي لان المواضيع على البلاك بيري تنتشر بثواني
وممكن فيها اشيا تضر ناس واحنا مانكون منتبهين

وبخصوص .... تاايم // مابقى شي ماصار له تايم {اكل تايم-نوم تايم-دوام تايم-كرك تايم-طبخ تايم.......
احنا شدخلنا فالتايم كله مادري
فيه اشيا حلوه نشارك فيها اللي موجودين معانا اما الاشيا السخيفه >لاتعلييييييق<
........
اما الايفون ماكان داخل مزاجي
بس عقب شفت ان فيه برامج مفيده فاخذته وصرت استخدمه للتصوير
ومنه افتح الايميل ومواقع البحث يعني يسهل لي امور الانترنت
واستخدم برامج ثانيه فيه
وماانسى مساعدته لنا لما كنا في فرنسا طلعنا من محطه المترو بعيد عن سكنا ومحد وصلنا للفندق الا الحبيب الايفون


وكل شي جديد يطلع المستخدم يحدد طريقه استخدامه له
اما انه يستخدمه في اشيا تفيده او اشيا ثانيه تضره وممكن تضر الغير بعد
طرح موفق اخوي





التعديل الأخير تم بواسطة ضوى الدوحه ; 22-04-2012 الساعة 03:33 AM.
رد مع اقتباس
  رقم المشاركة : 6  
قديم 22-04-2012, 08:50 AM
الصورة الرمزية Noofa Boutique
تاجـره
Noofa Boutique غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

عن نفسي انا مع هالتقنيه .. طريقة تواصل وايد حلوه

انا عندي بلاك بيري وضايفه بنات من هلي التواصل معاهم قبل كان قليل ونادر يعني مسجات بين وين ووين ومانشوف بعض وايد

الحين معاي ونسولف ونشوف صور عيالهم ويشوفون صور عيالنا ههههه

هذا غير ان حتى كعرض بضايع البلاك بيري عملي وايد

..

شي وااحد ماحبيته وهو سوالف ان الواحد او الوحده يكون عندها عزا وتحط هالشي فالبي بي .. يعني كنت ضايفه بنت في عزها عمها اعتقد .. مصوره سيارة نقل الموتى وحاطتها ! تصور صوب المقبره وتحط !!

يعني الواحد حزين والا فاضي حق البي بي ؟

احس ان صار احيانا البلاك بيري والتظاهر جدام الناس اهم من الواقع

...

ماعتقد اقدر اقعد بس ع تلفوني القديم لكن لو انجبرت عادي هههه

شكرراً

: ))




التوقيع - Noofa Boutique
الاسم التجاري: Noofa Boutique
بلد التاجر : قطر
مجالات التجاره: اكسسوارات ومنتجات متنوعه
وسيلة الاتصال : الرسائل الخاصه او الايميل tawasl_8@hotmail.com
طريقة الشحن : مندوب داخل قطر
طريقة الدفع : يداً بيد
( تواصلوا معاي لطلب البن كود )

لا إله إلا الله .. محمد رسول الله

رد مع اقتباس
  رقم المشاركة : 7  
قديم 22-04-2012, 03:30 PM
الصورة الرمزية اللورد
المـديـر العـام
اللورد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

التقنيه كتقنيه زينه ووفرت الكثير الحين نادر تلقى احد يستخدم sms او mms

ولكن للاسف البعض استخدمها غلط وملغ على العالم لدرجة انه يخليك تحذفه لو كان يغير الحاله اهون ولكن المشكله بالي يطرش مسج عزبه تايم رقاد تايم ولادة تايم





رد مع اقتباس
  رقم المشاركة : 8  
قديم 22-04-2012, 03:58 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

فيفا قطر مشكوره على مرورج وياليت اخواني خواتي ماناخذ سالفة التايم على انها شيء مب زين لانه انا اشوفها نفس الدعابه بين الاصدقاء مافيها اي تجريح و اي عيب يعني شيء عادي بس مادري ليش الاغلبيه تستاء منه رغم انه لو حطيت تحس ختا الي وياك باللسته احيانا تصير بينك وبينهم تعليقات حلوه تحياتي اختي




التعديل الأخير تم بواسطة فكتوري قطر ; 22-04-2012 الساعة 05:38 PM.
رد مع اقتباس
  رقم المشاركة : 9  
قديم 22-04-2012, 04:03 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

ضوى الدوحه فعلا فيه اشياء انا ماجربت الاي فون بس سمعت عن برامجه انها فيها برامج جد مفيده ومنها الترجمه صراحه اي كلام انجلييزي على طول تحطه وتتم الترجمه تحياتي اختي




رد مع اقتباس
  رقم المشاركة : 10  
قديم 22-04-2012, 04:07 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سوالف البلاك بيري والايفون

Noofa Boutique تسلمين على مرورجاختي وفي هذي انا وياج فعلا الواحد لازم مو كل حتاه هو فيها يحطها يعني على قولتج الي عنده عزاء المفروض يسكر الخدمه ويكون في حال اهم من انه يحط عزاء تايم لانه هالامور مافيها ضحك وتحياتي اختي




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: سوالف البلاك بيري والايفون
الموضوع كاتب الموضوع المنتدى مشاركات آخر مشاركة
جوال يشبه البلاك بيري شاي كرك قسم الجوال العام 7 02-02-2011 01:48 PM
حصري حفر على كفرات البلاك بيري والايفون شيخة البنات12 سوق أجهزة الجوال 11 13-11-2010 02:31 PM
سوفت وير البلاك بيري ( os6 ) وصل مع bu-azooz bu-azoooz سوق أجهزة الجوال 5 12-11-2010 07:50 PM
طرح أجهزة البلاك بيري ستورم 2 الذكية في جميع مراكز كيوتل كيوتل المجتمع القطري 7 12-06-2010 02:12 PM
بلاك بيري "هلا" متوفر للجميع الآن في دولة قطر أم جآاسم قسم الجوال العام 0 20-05-2010 11:11 PM


الساعة الآن 01:19 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم