|
|
|
| منتديات سوق الدوحه | منتديات سوق الدوحه للبيع والشراء عن طريق الانترنت |
|
|||||||
| المجتمع القطري منتدى يهتم بكل ما يخص المجتمع القطري من اخبار وانجازات ومعلومات |
« آخـــر الـــمـــشـــاركــــات »
الإهداءات |
|
 |
|
 |
|
|
LinkBack | أدوات الموضوع | انواع عرض الموضوع |
|
رقم المشاركة : 1
12-08-2008, 02:43 PM
|
|||
|
|||
مي وماجدة
( اسمحوا لي يا أخوان وأخوات فإنني سأكتب لكم حزاة من الحزاوي والقصص القديمة باللهجة العامية وإن كنت لا أحبذ ذلك بل أفضل إخضاعها لقواعد اللغة العربية مع ملاحظة أن معظم مفردات اللهجة العامية فصيحة لا ينقصها إلا الكتابة السليمة بقواعد اللغة ) ما يانا وياكم إلا خير لفانا ولفاكم وشر تعدانا وتعداكم ، ما ياتنا إلا ذيج المره عندها بنت من ريلها المتوفي وخذت لها ريال عنده بنت عمرها تقريبا قد عمر بنتها ، ربتم مع بعض ، لكنها كانت دايما تنصح بنتها ولا تنصح بنت ريلها . يوم كبروا البنيات وصاروا قد الزواج خطبوهم اثنينه إخوان بدو ، عايشين في البر بس مب احذا بعض كل مكانه بروحه لأن عندهم حلال وايد ، ولكنهم بعد مب بعيد وايد عن بعض . المره بنتها اسمها مي وبنت ريلها اسمها مايدة ، عرسوا البنات وقبل ما يطلعون بهم أزواجهم نادت بنتها وقالت لها : سمعيني زين ، ريلج عنده خير وحلال ، وريال له مكانه بين هله ، لاتقعدين تدورين من بيت الى بيت ومن مكان إلى مكان ، كسري ريولج عن السكة وقعدي جابلي ريلج . قالت : إن شاء الله يمه . من سمع السالفة ؟؟ سمعتها مايدة وحفظتها في قلبها . ( نسينا نقول إن مايده أفهم وأذكى من مي وتعرف السالفة من عنوانها ) المراد راحوا البنات مع أزواجهم ، مرت سنة ماشافت الأم بنتها ، ولول عيب الأم تروح ورا بنتها على طول تشوف مكانها و بيتها كأنها ما شافت خير ، ولأن المكان بعيد عن مكان أهل البنات ولأن التنقل صعب في ذيك الأيام مرت سنة ، بعدين راحت الأم تزور بنتها ومايدة . وصلت الأم أول بيت بنتها ، شافت المكان إلا سهده وما فيه حركه ، والوساخة وين واصلة . سألت عن بنتها قالوا داخل . دشت داخل : وينها وينها إلا اشوف لها وحده مهتملة وسخة يقوقي عليها الذبان في طرف الحجرة ملوتة ،،،،،، شكلها شكل مي ولا هي بمي ، صوتت الأم : مي مي مي . ردت المره وقالت : نعم يمه . قالت : اسم اله عليج ، ايش فيج ليش حالتج جذيه ؟؟؟؟ ردت : كله منج يمه ، انتي قلتي لي كســـري ريولج عن السكة ، كسرتها ، شوفيها وما طلعت السكة ، لكني مرضت وعرس فلان علي . اقتهرت الأم من بلادة فهم بنتها ، وطلعت رايحة صوب بيت ومكان مايدة ، يوم وصلت إلا مكان يرنع من زينه ، خدم وحشم ، حلال ومال ، نسوان داشه ونسوان ظاهره ، وهاذيه يقول : إن شاء الله يا عمه ، و هاذي يقول :على أمرج يا عمه . دشت إلا تشوف لها مره قاعده وسط نسوان مبين جنها شيختهم ، يوم اقبلت الأم فزت لها المره وهي تقول : يا مرحبا ويا هلا ، أسفرت وأنورت واستهلت وأمطرت ، يوم عيد اليوم اللي دخلتي فيه بيتنا . الصوت صوت مايده والشكل ما هو شكلها ، قالت من ؟؟؟ ردت المره : ما عرفتيني يمه ، أنا ماجدة بتنج ، اقلطي اقلطي . قالت عقب ما تقهوت وتعشت : انا باسألج سؤال ،ايش وصلج ها المواصيل ، رجلج مب غني مثل رجل مي ، رجل مي أغنى منه ، وين ياكم كل هالخير ؟؟؟ قالت : يمه ، من نصحج حق مي ، سمعتج وخذت نصيحتج من غير ما تقولين لي . قامت وأنشدت وقالت : علمتها مي وخذتها مايده يعل مي ما تالدها الوالده وصار بيت الشعر هاذيه مثل للي ما يفهم القصد من الكلام |
|
رقم المشاركة : 2
13-08-2008, 08:35 AM
|
||||
|
||||
رد: مي وماجدة
علمتها مي وخذتها مايده يعل مي ما تالدها الوالده
شكراً أخوي على الحزاوي |
|
رقم المشاركة : 3
13-08-2008, 11:30 PM
|
|||||||||||||||||||||||
|
|||||||||||||||||||||||
رد: مي وماجدة
شكرا على المرور |
|
رقم المشاركة : 4
13-08-2008, 11:51 PM
|
||||
|
||||
|
رد: مي وماجدة
ياسلام هذي دايم تقولها الوالده الله يطول بعمرها
يعطيج العافيه اختي
|
|
رقم المشاركة : 5
14-08-2008, 12:32 AM
|
|||||||||||||||||||||||
|
|||||||||||||||||||||||
رد: مي وماجدة
ويعافيك ويطوّل في عمر الوالدة الوالدين أقوالهم حكم شكرا على المرور |
|
رقم المشاركة : 6
14-08-2008, 12:49 AM
|
|||
|
|||
|
رد: مي وماجدة
مشكور ويعطيك العافية
|
|
رقم المشاركة : 7
14-08-2008, 03:12 AM
|
|||||||||||||||||||||||
|
|||||||||||||||||||||||
رد: مي وماجدة
شكرا على المرور |
|
رقم المشاركة : 8
14-08-2008, 04:31 PM
|
|||
|
|||
|
رد: مي وماجدة
تسلمين اختي السلام عليكم على احياء التراث ..
تحياتي لك
|
|
رقم المشاركة : 9
15-08-2008, 12:37 AM
|
|||||||||||||||||||||||
|
|||||||||||||||||||||||
رد: مي وماجدة
شكرا لك على المرور والمشاركة |
|
رقم المشاركة : 10
15-08-2008, 02:11 AM
|
||||
|
||||
|
رد: مي وماجدة
يعطيك العافيه اختي قصه جميله وفيها حكمه رائعه
ارجو الا تبخلي علينا بمثلها
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
| كلمات البحث - Keywords |
| سوق تسوق تسويق بيع شراء عرض طلب الدوحه قطر منتدى برامج افلام العاب شعر عقارات المرأه الجمال الصحه ارقام مميزه ارقام سيارات مميزه |
العرض العادي
