استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

قربت يا شهر رمضان ويازين ذكرياتك

بسم الله الرحمن الرحيم موضوع من كتاباتي مابقا الا القليل ونستقبل شهر رمضان الكريم وياكثر الذكريات الي صاحبتنا في هالشهر ايام ومواقف لاتنسى واحلاها رمضان وقت الصغر يمكن الحين مانحس فيه مثل قبل يوم كنا صغار لانه الطفل عيده ثلاث اعياد رمضان والقرنقعوه والعيد وهي اجمل ذكريات مرت بذاكرت كل ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 26-06-2012, 01:27 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي قربت يا شهر رمضان ويازين ذكرياتك

بسم الله الرحمن الرحيم
موضوع من كتاباتي




مابقا الا القليل ونستقبل شهر رمضان الكريم وياكثر الذكريات الي صاحبتنا في هالشهر ايام ومواقف لاتنسى واحلاها رمضان وقت الصغر يمكن الحين مانحس فيه مثل قبل يوم كنا صغار لانه الطفل عيده ثلاث اعياد رمضان والقرنقعوه والعيد وهي اجمل ذكريات مرت بذاكرت كل واحد منا رمضان شهر نتذكر فيه صلاة التراويح والمأذن وقت تلاوة القران رمضان نتذكر فيه اطيب الاكلات وريحة الطباخ قبل الفطور في كل فريج رمضان بعض الاكلات مانحب ناكلها الا في رمضان مثل الثريد رمضان القرنقعوه اذكر وانا صغير كيف كانو الحريم يخيطون الخلق عشان يتعلق في صدورنا وانلف فيه على الفرجان واخرتها بعد ينشق من كثر الوزن هههههههههههههه كنا نفرح بالقرنقعوه ومن يجمع اكثر مب الحين توزيعات ومسجل ويا الخدامه يقول قرنقعوه قرقاعوه هههههههه رمضان العيد والطاقيه الزري الي كانت اغلب الامها تحب تلبسها ولدها في صبحية العيد رمضان العيد اليهال يلفون البيوت وماينخاف عليهم مثل الحين يعايدون بكل جيرانهم لانهم كلهم معتبرينهم اهل اذكر وانا صغير رحت اعايد المهم كنت لابس غتره وعقال من طول الغتره كنت متوهق فيها المهم دقيتها لثمه في عز الحر ودشيت بيت احد الجيران لقيت امهم الله يعطيها الصحه والعافيه اذا حيه واذا توافاها الله الله يرحمها قالت الي متلثم ماله ولا ريال زعلت انا لانه الاخ حساس ههههههه وطلعات رحت البيت اشتكي حق هلي واني زعلان من هالحرمه جات هالحرمه عند امي الله يرحمها قالت والله اضحك وياه هو حتا ماوقف اكلمه وكانو يضحكون علي اذكر هلي يوم جاتنا هالحرمه ومافي خاطرهم شي مو مثل الحين لو صار هالشي قامت بينهم الكراهيه والزعل واخر كلامي نقول الله يبلغنا ويبلغكم اياه ويعوده علينا وعليكم بالصحه والعافيه يارب العالمين وتقبلوا تحياتي يالغاليين والي عنده ذكرى حلوه عن رمضان او القرقعوه او العيد يقولها ويتحفنا بالماضي الجميل تحياتي




رد مع اقتباس
  رقم المشاركة : 2  
قديم 26-06-2012, 12:46 PM
الصورة الرمزية classic puce
عضو
classic puce غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

الله عليها ذكريات جميله موضوع جميل فكتوري قطر



التوقيع - classic puce

رد مع اقتباس
  رقم المشاركة : 3  
قديم 26-06-2012, 12:54 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

classic puce تسلم اخوي على مرورك الرائع وتقبل تحياتي




رد مع اقتباس
  رقم المشاركة : 4  
قديم 26-06-2012, 01:50 PM
الصورة الرمزية حبيبة اخوها
عضو فعال جداً
حبيبة اخوها غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

الله يبلغنا وياك ياربي شهر الخير
ويجعلك من عباده الصالحين





رد مع اقتباس
  رقم المشاركة : 5  
قديم 26-06-2012, 02:09 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

تسلمين حبيبة اخوها على هالدعوه الطيبه وتقبلي تحياتي




رد مع اقتباس
  رقم المشاركة : 6  
قديم 27-06-2012, 12:52 PM
الصورة الرمزية ام نيلة
عضو فعال
ام نيلة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

الله يرحم والدتك ويرحم والدتي ....راحوا الطيبين
الذكريات شريط ماراح ينتهي ...الله يرحمها الوالدة كانت توقف عند باب الصالة وتشم هوى الصيف وتقول ((اشم ريحة رمضان قرب))
ايام حلوة والله
الله يعينا على عبادة وطاعته وان شاء الله نظفر بكنوز هالشهر الفضيل





رد مع اقتباس
  رقم المشاركة : 7  
قديم 27-06-2012, 04:08 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

اللهم امين ام نيله ويرحم امج ويدخلها الفردوس الااعلى يارب وتقبلي تحياتي




رد مع اقتباس
  رقم المشاركة : 8  
قديم 28-06-2012, 03:44 AM
الصورة الرمزية ضوى الدوحه
عضو فعال
ضوى الدوحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

الله يبلغنا واياك شهر رمضان
رمضان قبل واللحين له خصوصيه عن باقي اشهر السنه
صحيح ذكريات قبل تختلف لما كنا صغار
بس حتى اللحين نسوي نفسنا يهال ان كان فالقرنقعوه والا فالعيد ونحتفل ونستانس
على الاقل الحمدالله ان للحين نحتفظ باشيا من الماضي حتى لو صار فيها تطور





رد مع اقتباس
  رقم المشاركة : 9  
قديم 28-06-2012, 03:43 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قربت يا شهر رمضان ويازين ذكرياتك

تسلمين ضوى الدوحه على مرورج وتقبلي تحياتي




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: قربت يا شهر رمضان ويازين ذكرياتك
الموضوع كاتب الموضوع المنتدى مشاركات آخر مشاركة
أقوال في رمضان aooo منتدى الشريعه 5 27-07-2011 10:33 AM
دليل شهر رمضان التلفزيوني حبيبة خالتها المنتدى العام 2 20-02-2011 09:44 AM
ظاهرة امتلاء المساجد في رمضان وخلوها خارجه؟ اسحاق منتدى الشريعه 5 14-10-2010 07:36 PM
رمضان على الابواب goodlife المنتدى العام 5 11-08-2010 02:42 AM


الساعة الآن 04:28 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم