استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

ابي المشوره من اهل الشور

انا مواطنه قطريه وحابه اعدل وضع اسرتي الاقتصادي فدشيت دوره تجاريه في دار الانماء الاجتماعي وقالولي اختاري مشروع واعملي له دراسة جدوى وهم بيعطوني قرض حسن وبالفعل خلصت الدوره ومن ثاني يوم من التخرج عملت الدراسه جدوى لصالون نسائي من الالف الى الياء بس عندي خوف من الاقدام على المشروع ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 21-07-2012, 05:39 AM
عضو نشط
ام_عيالي غير متواجد حالياً
 





عدد التعليقات: 0 تعليق
حدث بيانات الدوله!
افتراضي ابي المشوره من اهل الشور

انا مواطنه قطريه وحابه اعدل وضع اسرتي الاقتصادي فدشيت دوره تجاريه في دار الانماء الاجتماعي وقالولي اختاري مشروع واعملي له دراسة جدوى وهم بيعطوني قرض حسن وبالفعل خلصت الدوره ومن ثاني يوم من التخرج عملت الدراسه جدوى لصالون نسائي من الالف الى الياء بس عندي خوف من الاقدام على المشروع من ناحيه القرض واقصاده و الفيلا والعاملات والزباين ولا ادري شوروا علي ياهل الشور وش تنصحوني فيه من ناحيه الفيلا والعاملات والخامات والزبائن والموقع والاسعار والخدمات المرغوبه طبعا عن طريق الخاص علشان تاخذون راحتكم في الكلام
وشكرا
وارجو من اخو ي اللورد ما ينقل الموضوع لان ما عندكم قسم للاستفسارات





التعديل الأخير تم بواسطة ام_عيالي ; 21-07-2012 الساعة 05:41 AM.
رد مع اقتباس
  رقم المشاركة : 2  
قديم 21-07-2012, 03:07 PM
ادارة المنتدى
المنذر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

مرحبا اختي مو غلط الواحد يدش ويخوض التجارة

ولكن قبل كل شي استخيري وتوكلي على الله

محد يقدر يفيدت ميه في الميه
الله جعل لنا الاستخارة نستخيرها في امورنا كلها

بالتوفيق ان شاء الله




التوقيع - المنذر
استغفــر الله الــذى لا الـــه الا هـــو الحـــى القيـــوم وأتــــوب الــيه‏

رد مع اقتباس
  رقم المشاركة : 3  
قديم 21-07-2012, 05:00 PM
عضو نشط
ام_عيالي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

اخوي المنذر
مشكور على النصيحه واحنا كمسلمين ما نقدم على اي خطوه مهمه نقوم بالاستخاره
وانا فبل ما اسوي اي شي استخرت والحمد لله اموري كلها تمام بس حبيت استشير اهل الخبره والشور وهذا مو غلط والمسلمين امرهم شورى بينهم





رد مع اقتباس
  رقم المشاركة : 4  
قديم 21-07-2012, 05:15 PM
عضو نشط
كايدهم قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

او شي


للتجارة وعلى قولتج الدراسة وشلون كانت النتيجة


يعني انتي بتاخذين على قولتج فيلا الفيلا وين مكانها وهل في محلات منافسة معروفة


وبعدين العاملات من وين ولازم يكون لهم خبره وبعضهم معروفات عشان تجيب زباينها

والسكن للعاملات وين بيكون في نفس الفيلا لو في نفس الفيلا يبي لهم بواب وبعدين لازم تكونين فاضية عشان

اتابعين حلالج وتشوفين مدخولج وللعلم اول سنه حتى لو كان فيه ربح ماتشتغلين فيه تخلينه لظروف الدنيا

وفي الاخير ارجع اقول الله يوفقج واتمنى تنجحين ونشوف لج اكثر من مكان والله الله في العلانات


تحياتي


كايدهم





رد مع اقتباس
  رقم المشاركة : 5  
قديم 21-07-2012, 08:24 PM
الصورة الرمزية حبيبة اخوها
عضو فعال جداً
حبيبة اخوها غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

اختي الله يوفقج ويرزقج كل ماتتمنينه
شوفي صالون يبي له تفرق تااام بتكونين مسوؤله عن
كم عامله ومسوؤله عن مشتريات ومستلزمات الصالون
ومسوؤله عن كثير امور
بس شوفي لك فيلا قريبه منك وصالون مسوؤليه كثير كبيره
من ناحية سمعه من ناحية اسعار من ناحية خدمه وشغل
وعلى حسب قدرة شخص احنا مانعرف ظروفج وانتي الي حكمي على
ظروفك شخصيه والتزاماتك الاسريه

والله يوفقج ويرزقج ويسهل امورج ياربي





رد مع اقتباس
  رقم المشاركة : 6  
قديم 21-07-2012, 09:59 PM
الصورة الرمزية شذى الدوحة
تاجره
شذى الدوحة غير متواجد حالياً
 





عدد التعليقات: 5 تعليق
حدث بيانات الدوله!
افتراضي رد: ابي المشوره من اهل الشور

موفقة ان شاءالله




التوقيع - شذى الدوحة
كل ماهو مميز في حسابي على الانستقرام
@shaza_aldoha وتساب 77279065

رد مع اقتباس
  رقم المشاركة : 7  
قديم 21-07-2012, 11:35 PM
عضو نشط
ام_عيالي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

تسلمون خواتي والله كل هالاسئله انا سالت نفسي قبل لا اسوي اي شئ والحمد لله ان اشوف نفسي قد المشروع بس ابي احد يشور علي من ناحية الفلا اخذها قريبه مني ولا اخليها بعيد لان كل اللي اعرفهم مسويين صوالينهم بعيد عنهم ولا ادري وش الحكمه
بعدين العاملات اجيبهم من الفلبينيات اللي هنا في الدوحه ولا اجيبهم جدد من الفلبين
والسكن من يقول لازم بواب انا اشوف الصوالين اللي هني ما عندهم بوابين





التعديل الأخير تم بواسطة ام_عيالي ; 21-07-2012 الساعة 11:36 PM.
رد مع اقتباس
  رقم المشاركة : 8  
قديم 22-07-2012, 12:01 AM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

اختي اولا شوفي حجم القرض هل ممكن تسددينه لو تعثر المشروع
او اذا يتساهلون معاك في ارجاع المبلغ و كيف الشروط المطلوبه

ثانيا حددي منطقه سكنيه مثل الخريطيات او الريان او الدفنه او بن عمران.

شوفي لك بيت او فيلا اداريه واعتقد ان اجارهم مش غالي مثل مناطق الدوحه او الفنادق

الحين الايجارات بين 12 الى 20 على اعلى تقدير - بحسب الموقع

العاملات ممكن تجدينهم في مواقع انجليزيه وعربيه ويا كثرهم طالبين وظائف

حطي لبنانيه او عربيه وهي تدير لك الكوافير

المعدات سمعت انها ارخص في السعوديه. و واحد في البلديه قال لي تكلفك 12 الف لمعدات صالون لانه جابها حق فله اخوه واجرها على وحده ب 25 الف مع الرخصه

تابعي اعلانات الوظائف في بعض المواقع القطريه بالانجليزيه و بتلقين كثير من طالبي الوظائف للصالون وانت حددي الراتب

الفكره جيده. لكن شوفي التكلفه و راس المال ومده السداد ان كانت معقوله

انتي طلعي سجل تجاري و الباقي بتلاقين له حل ان شاء الله

واذا احتجتي حد يخلص اوراقك و سالفه الاعلان و اللوحه والفواتير وهالامور عندك بوعيسى وكذا شخص بالمنتدى ممكن يقضون لك هالامور

انا رشحت بوعيسى لانه خلص لي امور في السجل والرخصه و الكروتوموقع الكتروني و كروت بزنس الخ

و تخليصه ريحني

واذا قصر معاك قولي لي وانا اطلع عيونه :)




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 9  
قديم 22-07-2012, 12:57 AM
الصورة الرمزية هواجس
عضو فعال جداً
هواجس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

والله ماانصح بصالون الدوحه انترست صوالين وصاروا المشهورات والمعروفات محددين صعب تقدرين تسوين اسم بسهوله وصدقيني ماراح تربحين اكثر من 1000 ريال بالكثير بالشهر وغير كذا البنات في قطر صاروا متسببين على الصالونات وكلهم ياخذون دورات عشان يستغنون عن الصالونات فكري بمشروع مربح اكثر انا احس السوبرماركتات هالايام هم اللي يربحون الله يوفقك للي فيه الخير




التوقيع - هواجس
سبحان الله

رد مع اقتباس
  رقم المشاركة : 10  
قديم 22-07-2012, 02:55 AM
عضو نشط
ام_عيالي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ابي المشوره من اهل الشور

اختي هواجس شوي شوي الله يرحم والديشانصحي بس لا تحطميني انا لما درست المشروع درسته باسعار اقل من الصوالين اللي اعرفها واذا البنات يتعلمون يسوون مكياجهم مو غلط وانا اييدهم بس سالفة 1000 ريال مو معقول انا وحده في الشهر احط في الصالون اللي اتعامل معاه بس على حف وبدكيير ومنكير وتشقير حواجب وسشوار للعزايم اكثر من الف
الله يهديج وبعدين الصبغات ماتنعمل الا في الصوالين والحنا لازم في الصوالين ولا عاد فيه احد يسوي مكياجه في الصواليين
ومع ذلك مشكوووره ولا قصرتي





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: ابي المشوره من اهل الشور
الموضوع كاتب الموضوع المنتدى مشاركات آخر مشاركة
جديدي من شنط التقليد تاجرة امورة سوق الشنط التقليد 45 16-12-2012 04:21 AM
تشكيلة ملابس ماركات من نيوبورن لين 14 سنة @ام عبدالله@ سوق الازياء والملابس النسائيه وملابس الاطفال 126 19-11-2012 01:18 PM
للبيع اطقم كوبي ون السعر 1200 التسليم فوري Store سوق الساعات والمجوهرات و الاكسسوارات 2 17-04-2012 03:01 AM
بجاماتـ ديزني للاطفال الاصليه جوده عاليــه باسعــار روعـه باريسيه- سوق الازياء والملابس النسائيه وملابس الاطفال 13 09-06-2011 11:51 AM


الساعة الآن 10:57 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم