استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

ليش بعض البنات يرفضون الزواج بشخص عنده ملحق

قال النبي صلى الله عليه وسلم: (إذا خطب إليكم من ترضون دينه وخلقه فزوجوه؛ إلا تفعلوا تكن فتنة في الأرض، وفساد عريض). وفق الله الجميع. والسلام عليكم ورحمة الله وبركاته...

إضافة رد
 
LinkBack أدوات الموضوع انواع عرض الموضوع
  رقم المشاركة : 71  
قديم 12-10-2012, 04:00 PM
الصورة الرمزية ILP
ILP
عضو فعال
ILP غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

قال النبي صلى الله عليه وسلم: (إذا خطب إليكم من ترضون دينه وخلقه فزوجوه؛ إلا تفعلوا تكن فتنة في الأرض، وفساد عريض). وفق الله الجميع.

والسلام عليكم ورحمة الله وبركاته




التوقيع - ILP
International Lebanese Products

رد مع اقتباس
  رقم المشاركة : 72  
قديم 13-10-2012, 02:17 AM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

ilp جزاج الله خير اختي وتسلمين على المرور وتحياتي




رد مع اقتباس
  رقم المشاركة : 73  
قديم 13-10-2012, 05:20 AM
عضو نشط
نوفـ غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

الزوجه من حقها تعيش مستقله يعني مادري شلحياه الي تعيشها في غرفه وحمام ؟اشلون تاخذ راحتها كل شوي تلبس جلابيتها اذ تبي شي او كل دقيقه حاطه الشيله عشان الاخ دخل الصاله وغير الدخلات والطلعات الي يشوفونها اهل ريلها فيها واحيانا الامهات يحليلهم يغارون يدخل الولد فيده هديه انت صارلك جم سنه ورده مايبت لي ومرتك هديه طبعا الغيره وارده بنسبه 99 %

وثاني شغله البنت تقول لزوجها ابي بيت او شقه انزين من وين ايجيب لج توه الرجال فبدايه حياته
والشقه يبلها خدامه ودريول ومصاريف الجمعيه يعني يقعد فبيت ابوه مرتاح ابرك من المصاريف

الحل من وجهت نظري يبني لها ملحق محترم وواسع عباره عن 3 غرف صاله حمامين مطبخ صغير والبنت لما تسمع ملحق عبالها شي مو حلو مادري ليش !! بلعكس في ملاحق كثير راقيه وشغل عدل شفتها عن متزوجات
ولو الحوش صغير يبني لها طابق ثالث على الاقل تاخذ راحتها ولين بغت توسع صدرها تزور اهل ريلها
والاكل والغداء يوصلها لين مكانها

هذا رايي الشخصي وشكرن





رد مع اقتباس
  رقم المشاركة : 74  
قديم 13-10-2012, 01:55 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

معلومه مهمه

بدل سكن لموظف الحكومه 4 الاف ولو طلب سكن حكومي مؤجر تسحب منه ال 4 الاف و يعطى فيلا

مثل هذا الوضع و زوجته تطلب سكن مستقل لا ضرر عليه خصوصا اذا عنده طفلين واكثر

ايضا هناك اوضاع اخرى

مدرسه تأخذ بدل سكن 4 الاف وطلبت سكن مستقل مع زوجها

الزوج في الجامعه و راتبه على بعثه من شركه 13 الف او اقل بقليل

الزوجه تقدمت بطلب سكن حكومي و ستعطى فيلا و تسحب من راتبها ال 4 الاف

ايضا مقبول

اما الحالات الاخرى الي تقصدونها وتشكل ضغط على الزوج ومصاريف اذا خرج من بيت العائله فهذه بيد الزوج و اهله

التعامل السليم مع الزوجه. هو الحل حتى لا تفكر بالخروج من بيت العائله لاسباب هم طرف فيها

تضل الزوجه المقدره لاوضاع زوجها ولا تطلب سكن مستقل اذا كان يضر زوجها ماديا. اكثر اجرا عند الله

عندي تعليق بسيط عنا نحن الرجال. بعضنا وليس كلنا

مستعد يقسط سياره فارهه ب 6 الاف واكثر. ودفعه مقدمه كبيره. و صيانتها المكلفه و يخسر نصف ثمن السياره واكثر خلال سنتين

لكن يقول زوجتي تخسرني وتبي سكن مستقل

يسافر اكثر من مره ومرتين مع الاصدقاء و يشتري دراجه ب 60 الف و يضبطها ب 20 الف

مستعد يشارك الربع في عنه ويدفع الاف ويجيب حارس و صبي للعنه ويدفع يوميا للمخيم

لكن سرير للطفل الجديد يعتب ان سعره 3 الاف ويقول لزوجته هذا غالي خلنا ندور ارخص

الاولويات اهم من. الكماليات

اذا الزوجه تبي سكن مستقل ما نضغط عليها بالاقناع


نشوف وضعها اذا مش مرتاحه. ندبر امورنا بالحسنى

بدل اللكزس ناخذ كروزر وبدل الكروزر ناخذ صالون لين نجهز بيت الاسكان او نخصم بدل السكن 4 الاف و ناخذ سكن مؤجر حكومي

والله اعرف. شباب عندهم دراجات و سيارات كلاسيك و موتر سبورت و لكزس وهو جالس ببيت ابوه. ويشكي غلاء الزواج ومصاريف الزوجه اذا تزوج

خلاص

احنا متعلمين و عقولنا تشوف الدنيا بعيون مفتوحه

لين متى والمهايط و الكشخات المؤقته و المصاريف في امور غريبه ما تدوم

رز زوجتك وسنع بيتك وخطط للمستقبل

كلها بضعه سنين وتكون واقف على رجليك ومسدد تكاليف الزواج و باني بيتك وبعدها هايط مثل ما تحب

في اعتقادي ان طلب سكن مستقل للزوجه ليس اخطر الامور التي نعاصرها. بل ما ذكرت اعلاه من تركيز على امور تافهه وترك امور اهم وهي الزوجه و العائله و الاولويات




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 75  
قديم 13-10-2012, 02:18 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

اختي نوفـ فعلا الحل الي قلتيه انه الواحد يبني ملحق يكون مستقل عن البيت هذا اكيد حل من الحلول وعدم اشتراك الزوجه مع اهل الزوج الا في المطبخ تقريبا ممكن يكون رادع شوي للمشاكل الي في البيت تسلمين على مرورج اختي وتقبلي تحياتي




رد مع اقتباس
  رقم المشاركة : 76  
قديم 13-10-2012, 02:23 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

اقتباس
 مشاهدة المشاركة المشاركة الأصلية كتبت بواسطة نوفـ
الزوجه من حقها تعيش مستقله يعني مادري شلحياه الي تعيشها في غرفه وحمام ؟اشلون تاخذ راحتها كل شوي تلبس جلابيتها اذ تبي شي او كل دقيقه حاطه الشيله عشان الاخ دخل الصاله وغير الدخلات والطلعات الي يشوفونها اهل ريلها فيها واحيانا الامهات يحليلهم يغارون يدخل الولد فيده هديه انت صارلك جم سنه ورده مايبت لي ومرتك هديه طبعا الغيره وارده بنسبه 99 %

وثاني شغله البنت تقول لزوجها ابي بيت او شقه انزين من وين ايجيب لج توه الرجال فبدايه حياته
والشقه يبلها خدامه ودريول ومصاريف الجمعيه يعني يقعد فبيت ابوه مرتاح ابرك من المصاريف

الحل من وجهت نظري يبني لها ملحق محترم وواسع عباره عن 3 غرف صاله حمامين مطبخ صغير والبنت لما تسمع ملحق عبالها شي مو حلو مادري ليش !! بلعكس في ملاحق كثير راقيه وشغل عدل شفتها عن متزوجات
ولو الحوش صغير يبني لها طابق ثالث على الاقل تاخذ راحتها ولين بغت توسع صدرها تزور اهل ريلها
والاكل والغداء يوصلها لين مكانها

هذا رايي الشخصي وشكرن

اختي

مصاريف فتح بيت غير مكلفه بالشكل المعتقد

انا مصاريف بيتي الشهريه لعائله من اب و ام و ثلاث اطفال من سن 7 سنوات و نازل

طعام و امور اخرى
خدامتين و سائق

3 سيارات مع صيانتهم اذا احتاجوا
طلعات العائله لالعاب الاطفال الويك اند

كلها ما تتجاوز 15 الف في المتوسط

هذا مع اقساط سيارتين كل واحده 3600 ريال

سياره 2012 نيسان باترول للام والعيال بس لعيونهم وسياره كروزر لي 2009 وصالون لمشاوير السايق
حتى فواتير التلفونات وجوال الزوجه اتكفل بها

احنا نضخم تكلفه الامور الاساسيه. و نستهين بالمصاريف الكماليه مثل تضبيط السياره بالاف و شراء دراجه و سفرات مع الاصحاب

الحين رواتب الحكومه اذا سينير 35 الف طبعا لمن خدم 10 سنوات واكثر

و الجينير اذا وضعه ما يساعد بهالامور ممكن زوجته تساعده وما اعتقد انا بتقصر اذا وفر لها سكن مؤجر على الاسكان
خصوصا اذا كانت هي سينير وممكن تطلب السكن المؤجر على راتبها وبدل السكن عندها 2500 ريال فقط

الحالات الي تعجز عن اي تصرف اعلاه هنا لازم الزوجه تتفهم وما تطلب سكن مستقل

الي ذكرته اعلاه عن المصاريف الشهريه لا يعني اني بخيل من وجهه نظر البعض في مصاريف البيت بل لانها الارقام الصحيحه المطلوبه لتسيير بيت كامل مستقل وعلى مستوى. لائق جدا




ذكرتي اختي ان الزوجه تبي سكن وهو في بدايه حياته ومن وين يجيب لها

ارجعي لما قبل الزواج و سألي الزوج. كم صرف على السيارات و الامور الاخرى وايش سوى براتبه طول فتره اشتغاله وهل جهز للزواج فعلا ولا صنف وقال بتزوج بعد ما صرف الي عنده

الخطأ من الشاب اذا لم يجهز فليش الزوجه تدفع ثمن وناسته ومطلوب منها تتفهم وضعه بعد الزواج

كل واحد في قراره نفسه يعرف ليش الامور مب ماشيه معاه و التكاليف متعبته

اخذي شاب توه مشتغل وخريج. و فصلي له جدول للادخار بيقدر يتزوج خلال سنتين بدون ديون كبيره

انا جلست مع اكثر من واحد مقتنعين لكن الانتظار لتجميع مبلغ من الراتب كل شهر اكبر عائق نفسي وما يقدرون يسوونها

لانهم مش عارفين اهميه الهدف السامي من الادخار و انتظار تجميع مبلغ للزواج

الكل يبي يكشخ و يستانس

طيب اتعب شوي و استانس طول عمرك بزواج بلا ديون بدل وناسه مؤقته. و تعب بعد الزواج لمده طويله تضرك و تضر زوجتك

يا ليت شبابنا يشوفون الخير المستقبلي قبل الموضه و الرفاهيه المزعومه




رد مع اقتباس
  رقم المشاركة : 77  
قديم 13-10-2012, 02:30 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

اخوي فيكتوري اسمح لنا

داخل عرض على الموضوع وجالس انتف الشباب شوي هههه

لاننا رجال ومطلعون على الاوضاع وبحكم السن نشوف اكثر شوي ومن تجارب من حولنا





رد مع اقتباس
  رقم المشاركة : 78  
قديم 13-10-2012, 02:44 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

هلا والله باخي كمبو كيف الحال ان شاء الله طيب اخي كمبو بالنسبه لما ذكرت انه بعض الشباب يجعل وناسته اهم اولوياته ويبديها على الزواج ومصاريفه انا لاحظت انه فيه بعض الشباب هالشكل بس ماتلاحظ معاي انه اغلبيتهم في سن متقدمه يعني الي ماشاف الدنيا قبل يمكن الحين عدا الاربعين وهو لين الحين يبي سيارات يبي دراجات سكوترات كانه يبي يعوض يمكن مانحرم منه في شبابه وهذا نقول البعض احنا لكن اخي كمبو والله انا لقيت شباب يعني مب الشرط انه يقدر يسكن في بيت جديد والله ماراح يقدر الا ياخذ دين واغلبيتهم عنده ملحق يقول في قلبه يعني لو سكنا في هالملحق لين مانخلص بيتنا ايش بيجرا وكلها سنه او سنتين ويعزل ويروح بيته الجديد على الاقل اخي كمبو ماتكون البنت بروحها وياها ياهل او ياهلين اما تقول البنت والله اول ماتزوج ابي بيت اعتقد حتا الملل بينال منها يعني بس تبغي البيت حق حفلات الاستقبال والتباهي وعيشة الرجل الله يكون بعونه يتحمل الهم والدين والاجارات في بداية حياته تسلم اخي كمبو على مرورك وتقبل تحياتي




رد مع اقتباس
  رقم المشاركة : 79  
قديم 13-10-2012, 02:54 PM
عضو VIP
فكتوري قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

لا عادي اخي كمبو يخليلي اياك بالعكس انت تثري الموضوع بنقاشك الجميل






رد مع اقتباس
  رقم المشاركة : 80  
قديم 13-10-2012, 10:28 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ليش بعض البنات يرفضون الزواج بشخص عنده ملحق

اقتباس
 مشاهدة المشاركة المشاركة الأصلية كتبت بواسطة فكتوري قطر
هلا والله باخي كمبو كيف الحال ان شاء الله طيب اخي كمبو بالنسبه لما ذكرت انه بعض الشباب يجعل وناسته اهم اولوياته ويبديها على الزواج ومصاريفه انا لاحظت انه فيه بعض الشباب هالشكل بس ماتلاحظ معاي انه اغلبيتهم في سن متقدمه يعني الي ماشاف الدنيا قبل يمكن الحين عدا الاربعين وهو لين الحين يبي سيارات يبي دراجات سكوترات كانه يبي يعوض يمكن مانحرم منه في شبابه وهذا نقول البعض احنا لكن اخي كمبو والله انا لقيت شباب يعني مب الشرط انه يقدر يسكن في بيت جديد والله ماراح يقدر الا ياخذ دين واغلبيتهم عنده ملحق يقول في قلبه يعني لو سكنا في هالملحق لين مانخلص بيتنا ايش بيجرا وكلها سنه او سنتين ويعزل ويروح بيته الجديد على الاقل اخي كمبو ماتكون البنت بروحها وياها ياهل او ياهلين اما تقول البنت والله اول ماتزوج ابي بيت اعتقد حتا الملل بينال منها يعني بس تبغي البيت حق حفلات الاستقبال والتباهي وعيشة الرجل الله يكون بعونه يتحمل الهم والدين والاجارات في بداية حياته تسلم اخي كمبو على مرورك وتقبل تحياتي

يا هلا اخوي فيكتوري

يوجد من هالشباب الي عدا الثلاثين وطالع. ولاحظت ان البعض من يوصل 30 سنه يبدأ في التخبط و سوء القرارات بما يعمل او يصرف كنوع من تفريغ النفس ويحط له اسلوب حياه مختلف عن البقيه وكأنه مرتاح بما يصنع لكنه مجوف نفسيا لانه مختلف عن باقي من في سنه و متزوجين

هذا البعض وليس الكل

لكن ايضا يوجد من هم اصغر من 30 ويسعون للمظاهر والصرف بغير محله

كثير عندهم سيارات غاليه و اقساط على 5 و 7 سنوات
بنفس الوقت يسافر مع اي حد يقول له خلنا نسافر

واحد في سن 27 خريج من اوروبا. وراتبه 24 او 26 تقريبا
اقول له وفر 15 الف و اصرف 9 الاف على نفسك وبتقدر تتزوج خلال سنتين لان 15 الف شهريا تصير 180 الف سنويا و 360 الف في سنتين

يقول ما تكفي. مع انه ساكن وماكل في بيت ابوه وماعطينه سياره ببلاش

نتكلم عن واحد مثقف و واعي ويفهم الي نقوله ويجلس معاي مرات ويعرف كيف شلتنا تتناصح و تحقق اهداف كثيره. بحمد الله
غيره كثير اخوي لكن ما فيهم صبر و طول بال حتى يضغط على رفاهيته المزعومه

فكر فيها اخوي

عائله كامله بسياراتها وخدمها تكاليفها بالمتوسط 15 الف
وعازب في بيت اخوه يقول ما تكفي 9 الاف له شخصيا

البوصله مفقود اتجاهها بسبب نمط الحياه الي حطيناه لانفسنا مع ان الاساسيات واضحه


عن اوضاع البعض وعندهم ملحق. انا اتفق معاكم ان الافضل البقاء بالمحلق. الى ان يبنى بيت الاسكان

لكن اتفق بشرط

ان الزوج ما يبهدل عمره بسيارات غاليه و مصاريف غير مهمه اولا عشان تكون رايته بيضه اذا قال ما اقدر اطلع من الملحق

عندها يجب على الزوجه احترام عصاميه الزوج و كفاحه

بيني بينك بعض الحريم ما ينفع معاهم الا بقائهم في بيت العائله لانهم اذا طلعوا لسكن مستقل سندروا الزوج و خلوه يتدين عشان المظاهر ههههه. على الاقل الاهل معاهم وما تضغط عليه بانفراد

بعضهم مش كلهم عشان ما يزعلون علينا البنات

في النهايه هناك اكثر من وضع ممكن يخلي الزوج ما يطلع من بت اهله

واكثر من وضع يتطلب ان يأخذ سكن مستقل منها ما ذكرت في تعليقاتي السابقه

كل واحد وهمته في اقناع زوجته :)




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: ليش بعض البنات يرفضون الزواج بشخص عنده ملحق
الموضوع كاتب الموضوع المنتدى مشاركات آخر مشاركة
شاب مقبل على الزواج ويرغب بنصائح المنذر منتدى الشريعه 8 09-09-2011 12:02 AM
للبيع والأيجار عقارات متنوعة محمد الغانم سوق العقارات 77 13-04-2011 10:31 AM


الساعة الآن 12:44 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم