استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

مـنـتـخـب قــطـر الـ*****

وغرّد المغردون على شبكة التواصل الإجتماعي تويتر عن أداء المنتخب القطري المجنّس ليلة أمس أمام المنتخب الإمراتي في افتتاحية دورة الخليج ال 21 لكرة القدم، تغريدات متضاربة مابين حانقة غاضبة (الأغلبية) وبين أقلية المدافعين عن المنتخب والمطالبين بمنحه الفرص والتشجيع. وأنا عن نفسي، فقد توقفت عن دعم المنتخب منذ أن ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 07-01-2013, 10:28 AM
الصورة الرمزية Bastook
تاجـر
Bastook غير متواجد حالياً
 





عدد التعليقات: 0 تعليق
حدث بيانات الدوله!
افتراضي مـنـتـخـب قــطـر الـ*****



وغرّد المغردون على شبكة التواصل الإجتماعي تويتر عن أداء المنتخب القطري المجنّس ليلة أمس أمام المنتخب الإمراتي في افتتاحية دورة الخليج ال 21 لكرة القدم، تغريدات متضاربة مابين حانقة غاضبة (الأغلبية) وبين أقلية المدافعين عن المنتخب والمطالبين بمنحه الفرص والتشجيع.
وأنا عن نفسي، فقد توقفت عن دعم المنتخب منذ أن أصبح مجنّساً لا يمت لي بصلة ولا يمثل وطنيتي، لا له لون ولا طعم ولا رائحة. أنا أطالب بمنتخب قطري يقدر قيمة الأدعم إلّي لابسه وبطموحه وعزوته وانتمائه بيرفع راية بلادي. منتخب وطني، حتى وإن خسر إسمه وطني ولد البلد.
وأود أن اشارككم بعض التغريدات: "المنتخب كنز المجنسين .. مقبرة المواطنين" .. إلى متى نهمش المواطنين .. أبناء البلد في تمثيل وطنهم في جميع المحافل ومنها الرياضية وخصوصاً كرة القدم، الرياضة الأكثر شعبية في الخليج. إلى متى المجنسين يحصلون على الجنسية وعقود بالملايين وحقوق ومميزات قبل وصولهم إلى البلد، وأصحاب الوثائق وأبناء القطريات لهم في البلد سنين مهمشين بلا حقوق ولا جنسية.
"وتستمر الحكاية .. نفس السيناريو .. نفس الإخراج .. ولكن أسماء الفريق مختلفة .. ودائماً نهاية القصة خيبة أمل" .. "منتخبنا نفس كنتاكي ندري انه مب زين وبعد نشجعه" .. نظل نُطالَب بدعم المنتخب وتشجيعه وإعطائه الفرص للتعويض والفوز باللقب وقلب الجماهير، إلى متى؟!؟ متى سنرى مسلسل منتخب خليجي 11 ؟؟
أخر الاستكانة: من أمنياتي وأمنيات معظم المغردين المستقبلية أن يكون المنتخب الوطني قطري غير مجنّس، حيث أن أبناء البلد هم الذين يصنعون الفارق دائماً.

مدونتي: بيالة شاي: مـنـتـخـب قــطـر الـ***** http://byalat-chai.blogspot.com/2013/01/blog-post.html?spref=tw



التوقيع - Bastook
  • الاسم التجاري: بستوك
  • بلد التاجر: قطر
  • مجالات التجاره: الحلويات والتوزيعات
  • وسيلة الاتصال : رقم الجوال، الرسائل الخاصه أو الايميل bastook.bakery@gmail.com
  • طريقة الشحن: استلامها من المنزل ولا اشحن خارج قطر
  • طريقة الدفع: نقداً

رد مع اقتباس
  رقم المشاركة : 2  
قديم 07-01-2013, 10:49 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: مـنـتـخـب قــطـر الـ*****

لو مجنس من أهل الديرة اللي عايشين وولائهم وانتمائهم للديرة أوكي مقبولة
لكن ع قولتهم قرية عالمية مستوي هذا صج مرفوض
حتى اللي بيجتهد عشان المادة ولا محترق قلبه ع خسارة المنتخب

قال الشاعر :
ما حكّ جلدك مثل ظفرك
فتولّ أنت جميع أمرك

بحفظ الله




التوقيع - love whisper
مرما الهدف يابنت بين النياشين
وانتي عريبة جد وخوال وحموله

بين عليك واثباتات البراهين
والحق واضح مايبيله دلوله

يفداك من كل الرجال الرديين
يا عزوة الصنديد ليا صيحوا له

وختامها يانصرة الحق والدين
من طاعة المعبود طاعة رسوله

رد مع اقتباس
  رقم المشاركة : 3  
قديم 07-01-2013, 11:30 AM
الصورة الرمزية Saro0O0ona
عضو نشط
Saro0O0ona غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: مـنـتـخـب قــطـر الـ*****

وينك ياقطري
من دم وعروق

لي شفته فالملعب تحس انك تلعب معاه
تحترق معاه

الحين تحترق منه وتسبه

والله و والله اني ماعرف ولا واحد فيهم الحين


اول اساميههم نحفظها حفظ

هذولا شنو
لاتزعلون من اللي قالو عنهم مرتزقه

صج قهر
بس الاتحاد هم اللي سوو فالمنتخب جي

والله حرام





رد مع اقتباس
  رقم المشاركة : 4  
قديم 07-01-2013, 11:51 AM
الصورة الرمزية مامثلي سحابه
عضو فعال
مامثلي سحابه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: مـنـتـخـب قــطـر الـ*****

على أيام يونس احمد واحمد خليل وعادل الملا وغيرهم من لاعبين قطر كنا متحمسين أنشجع ونطلع مسيره أما الحين كل شئ تغير مع ها لاعبين المجنسين وين لاعبين قطر معقولة مافي قطرين ولا خيرنا لغيرنا. بدل ما يكون دهنا في مكبتنا أتمنى التوفيق لمنتخبنا المجنس





رد مع اقتباس
  رقم المشاركة : 5  
قديم 07-01-2013, 07:33 PM
مشرف
قطر 88 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: مـنـتـخـب قــطـر الـ*****

السلام عليكم ورحمة الله وبركاتة

يعطيج العافيه اختي Bastook على طرح هل موضوع
وماشاءالله كل مواضيعج مميزه ورائعه

بس لو تسمحين لي اقول الي بخاطري صج انه ماراح نوصل لحل بس على الاقل نفضفض ونطلع الي في قلوبنا ...

تري مشكلة المنتخب مب بس فالتجنيس ياجماعة الخير عندنا عشرين الف مشكلة

ومشاكل متراكمة من قبل مب من الحين الى متابع الكورة القطرية يعرف شقصد

عندنا مشكله في الاتحاد القطري وعندنا مشكله في المحترفين الي تم تجنيسهم وعندنا مشكله في

المدربين الي دربو المنتخب وعندنا مشكله في عدم وجود الاعب القطري

يا جماعة الخير خل نكون واقعين شوي تري حنا ما عندنا نفس جودة الاعيبه الى كانو يلعبو في الثمانينات والتسعينات

لحد يقول السبب دوري المحترفين والمحترفين الي موجودين فالانديه شوفوو الامارات والسعوديه

ماشاءالله عليهم نفسنا دوريهم دوري المحترفين بس شووفوو منتخباتهم اشلون

والشي الثاني مادري ليش الاتحاد القطري بالهم طويل مع المدربين الى ما يتوفقون مع المنتخب

يعني تتذكرون متسو الي درب المنتخب في منتصف تصفيات كاس العالم 2010 طلعنا من التصفيات وماسوينا

شي ونفس العملية في كاس الخليج 20 الى فاليمن وبعد نفس الشي في كاس اسياء الي فالدوحة يعني

فرضك وبين وجماهيرك وما تحقق المستوي المطلوب هذي مصيبه الصراحه

بس الي حاااارق قلوبنا على المنتخب القطري الي تم تجنيسهم ما قاعدين يسوي شي للمنتخب خير شر

يعني ينصرف عليهم الملاييين بدون اي فايده والله مبالغ كبييييره ياناس

خل يلغون مسالة التجنيس فالمنتخب وخل عيال الابلاد والى عندهم ولاء وانتماء لقطر هم الي يلعبو والله ثم

والله حتي لو ما فازو ببطوله وحده حنا راضين كفايه ان يكون عندهم غيره على الفانيله الي لابسينه

والحين نفس السيناريو قاعد يتكرر مع اتوري

يااتحاد الكوره ارجعو لسي في اتوري تري هو والله مدرب جيد بس هو مدرب انديه وليس منتخبات حتى لو تعطونه 10 سنوات ماراح يسوي شي مع العنابي

وكالعاده نرجع ونقوله ان شاء الله يسون شي في هل دوره

باقي مبارتين ولازم نفوز ابهم باي طريقه ان شاء الله

والسموحه ع الاطاله وقوااج الله اختي




التوقيع - قطر 88

رد مع اقتباس
  رقم المشاركة : 6  
قديم 07-01-2013, 10:21 PM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: مـنـتـخـب قــطـر الـ*****

اي والله صدقتي شي يعور القلب الصراحه ..
المشكله مب فاللعبيه المشكله فالاتحاد ..
راحت ايام عيال البلد الي يلعبون ..
الحين نصهم غير قطريين محترفين من الخارج ..
ولا جفنا شي على الاقل ولد لبلاد حتى لو ماعطوه فلوس بيلعب بجهد عشان يرفع اسم بلاده ..
ااما المحترف شارينه يلعب عشان فلوسه ..
انا مالي فالكوره بس انقهرت الصراحه ..




التوقيع - روعه الاحساس

التعديل الأخير تم بواسطة روعه الاحساس ; 07-01-2013 الساعة 10:22 PM.
رد مع اقتباس
  رقم المشاركة : 7  
قديم 08-01-2013, 10:06 AM
الصورة الرمزية Bastook
تاجـر
Bastook غير متواجد حالياً
 





عدد التعليقات: 0 تعليق
حدث بيانات الدوله!
Discc رد: مـنـتـخـب قــطـر الـ*****

شاكرة لكم مروركم الكريم وتعليقاتكم الثمينة


love whisper:
كلامج صحيح حملة الوثائق ومواليد الديرة غيرتهم وحبهم وولائهم لقطر أعلى وأثمن من القرية العالمية الي جايبينهم.
شاكرة لج مرورج


Saro0O0ona - مامثلي سحابه:
اي والله. كل اللعيبة القطريين حافظين أساميهم وعارفينهم وأهلهم وتاريخهم. عكس هاذول الي لانعرف عنهم لا أصل ولا فصل والأسم ماينحفظ. والي يقهر زود ان صار فترة ان بعد مايجنسونهم يسمونهم باسامي عربية. والله عيب.
والله عننا لعيبة قطريين يبون يلعبون للمنتخب بس خسارة بهالاتحاد والمدرب الي مايقدرون ولا يحسون ومو محترق قلبهم مثل ماقلبنا محترق


قطر 88:
الله يعافيك اخوي ومشكور عالمتابعه.
كلامك صحيح. التجنيس جزء لا يتجزأ من المشكلة الأكبر وهي الاتحاد. بير مليان مشاكل متراكمة وتخبط في القرارات. ماأدري ليش القطري في الاتحاد القطري لكرة القدم مهمش. سواء كان لاعب ولا مدرب. والله العظيم ان عندنا لعيبة ومدربين ممتازين بس يحتاجون ان الاتحاد يعطيهم وجه. يبون يرفعون علم قطر لفوق. يبونا نعطيه فرصة يطلقون فيها طاقاتهم وابداعاتهم.
والله هالاجانب همه الفلوس. وللأسف العقود الموقعه بينهم وبين الاتحاد مافيها شرط ان لو المنتخب لعب دون المستوى انهم بيتحملون المسؤولية أو ان معاشهم بينقص. المدرب الأجنبي واللاعبي المجنس فلوسه في جيبه على الرغم من فشله. فلا الاتحاد مهتم ولا هو حارق قلبه.

روعه الاحساس:
أنا اعتزلت الكورة من زمان. من القهر مشكورة عالمرور





رد مع اقتباس
  رقم المشاركة : 8  
قديم 11-01-2013, 08:20 PM
الصورة الرمزية حبيبة اخوها
عضو فعال جداً
حبيبة اخوها غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: مـنـتـخـب قــطـر الـ*****

هاارد لك فشلووونه بصراحه

الف الف ترليون مبروك يستاهلوون البحرين

لكن الحكم ظلمنااا في ضربت الجزااء

والبحرين لعبوو عدل دفاع وهجوم

العنابي كنهم خايفين قهر لصراحه

ومادري شبنسوي في مبارة كوريا

في تصفيات كاس العالم





رد مع اقتباس
  رقم المشاركة : 9  
قديم 13-01-2013, 01:33 AM
عضو جديد
نورالنهار غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: مـنـتـخـب قــطـر الـ*****

اي و الله قهرررر





رد مع اقتباس
  رقم المشاركة : 10  
قديم 13-01-2013, 09:16 AM
الصورة الرمزية زهرة الكون
عضو نشط
زهرة الكون غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: مـنـتـخـب قــطـر الـ*****

ههههه اذا المدرب يبي مترجمين عشان يتفاهم مع اللعيبه شلون تبونهم يفوزون

ابي افهم شلون يدربهم





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:20 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم