استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

انصحوني

عمري 29 محد تقدم لي المشكله نفسيتي أتعبت كل يوم اسمع فلانه انخطبت فلانه تزوجت اهو موب حسد احسدهم لا بس كل وحده لخاطرها اتعيش هاي اللحظه مرات اقول العيب فيني ومرات اقول يمكن عين لاتقولون كلمي خطابه كلمتهم محد رد علي اسمع اللى حواليني ان شاء الله يرزقك بريل ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 02-03-2013, 11:31 AM
عضو جديد
ورده الكون غير متواجد حالياً
 





عدد التعليقات: 0 تعليق
حدث بيانات الدوله!
Tv انصحوني

عمري 29 محد تقدم لي المشكله نفسيتي أتعبت كل يوم اسمع فلانه انخطبت فلانه تزوجت اهو موب حسد احسدهم لا بس كل وحده لخاطرها اتعيش هاي اللحظه مرات اقول العيب فيني ومرات اقول يمكن عين لاتقولون كلمي خطابه كلمتهم محد رد علي اسمع اللى حواليني ان شاء الله يرزقك بريل تدرون هاي غصن وحرقه في القلب ليش في هاي الوقت بعض البنات الله يهدأهم يلبعون ويتزوجون احسن الريايل اعذروني على الاطاله مجرد فضفضة





رد مع اقتباس
  رقم المشاركة : 2  
قديم 02-03-2013, 06:22 PM
عضو جديد
ورده الكون غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: انصحوني

بل 12 مشاهده ولاحد رد





رد مع اقتباس
  رقم المشاركة : 3  
قديم 02-03-2013, 07:13 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: انصحوني

الله يرزقج الزوج الصالح

اعرف بنات بعمرج واكبر ولحد الحين ما جا نصيبهم

ماتدرين لعل في هذا التأخير خير كثير من رب العالمين





رد مع اقتباس
  رقم المشاركة : 4  
قديم 02-03-2013, 07:38 PM
عضو جديد
ورده الكون غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: انصحوني

ويرزق بنات المسلمين بس المشكله اللى حواليك يتكلمون مايراعون اللي جدامهم





رد مع اقتباس
  رقم المشاركة : 5  
قديم 02-03-2013, 11:11 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: انصحوني

الله يرزقك بالزوج الصالح

اذا على المجتمع محد بيرتاح

بيضلون ناس ينتقدون ويعلقون وهالنوعيه حتى لو تزوجتي بتلقينهم يتكلمون

نقص نفسي بعيد عنكم والله معطيهم على نياتهم

شوفي اختي

اكيد تعرفين ان الزواج نصيب وما بكلمك بهذا الشي

لكن بقول لك امور ثانيه

بعض البنات مثلا يهملون انفسهم مثلا الوزن الزائد او ما تعرف طرق التواصل مع امهات الغير. مع انهم والغالبيه هم الي يجيبون الشاب و يقولون له عن بنت فلان و يخطبون له

ما ادري اذا هالامور انتي تمرين فيها او لا بس قلت لك عنها

امور ثانيه وهي تساعد مثل العمل بمكان غير مختلط اغلب الشباب وامهاتهم يهتمون بالسالفه هذه

وبقول لك عن الي يلعبون ويتزوجون احسن الرجال

انتي تعتقدين ان الله يترك وما يحاسب

كلن ياخذ على قد نيته وانا اعرف ناس تزوجت ولليوم نادمه

اعرف واحد ومدير ومعروف اشهر من نار على علم واصغر مني لكن تشوفينه شكله اكبر مني ب 10 سنوات من شرب المحرم
وكذا واحد لو اقول لك اسمائهم او مناصبهم بتقولين من في قطر احسن منهم

واحد مدمن خمور اعزكم الله. وصحته ما تفيد اهله بشيء و واحد يلعب مع ارخص بنات ليل لين ما عاد له بالفطره طاقه ومل حتى اهله

و واحد طلق وعنده ولد و ولده ما يشوفه وضل يشرب خمر لين وزنه تجاوز 130 كيلو

و واحد بشهر العسل طلع سيجاره حشيش جدام زوجته على باله ما بتعرف ويوم رجعوا طلبت الطلاق و طلقها

كل هذولا رواتبهم فوق 100 و 120 الف وبعضهم يطلعون بالجرائد و بنات يتمنونهم

اذا للحين ما جاك النصيب يمكن الله ابعد عنك شباب من هالنوعيه
ولو بس كان مغازلجي وله سوالف بتكونين من اتعس الزوجات وحتى ما تعرفين ايش من الامراض بيجيب لك

بعطيك نصيحه عن تجربه

ادعي الله انك ستكونين مثال للمسلمه الصالحه ولن تذنبي الذنوب الكبيره واقطعيه عهدا بينك وبين الله

والله واقسم عليه ان عاهدتي الله بطلبك سيتحقق ويطون لك امتحان وعهد بينك وبين الله طول عمرك ليتحداك على صبرك و وفاء عهدك

وهناك حديث شريف عن معاهده الله اذا طلب العبد شيء كبير منه ومن يخلف الله له عقاب كبير ولا يقبل منه

انا عاهدت الله على شيء وتحقق اضعافه والى الان انا ملزم بهذا العهد وما عندك فكره عن صعوبه الوفاء بالعهد وسط هذا الزمن الي الواحد يادوب يمسك نفسه فيه

لكن الخوف من العقوبه الي اكبر من اي عقوبه اخرى هو ما يمسكني على الدرب وهذا لوجه الله والله يصبرنا لين نموت وياخذ امانته

اختي شوفي الدنيا بمنظور اعلى ولاتخلين اي شيء. ينزل عقليتك

الله عطاك بصيره وزماننا خلانا فاهمين ومتعضين. واكثر من هذا الوضوح ما في

المهم ارفعي عقليتك و نفسيتك عن كلام الناس

رتبي الامور الي الشباب وامهاتهم يحبونها

شيلي الامهات على راسك وبتشوفين توصياتهم لعيالهم و مدحهم لك

اذا الزون زائد خففيه. واي امور اخرى تشوفينها تحتاج تعديل غيريها

سامحيني طولت لكن انا ايضا فضفضت الي بخاطري*




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 6  
قديم 02-03-2013, 11:11 PM
عضو نشط
ام جبريل غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: انصحوني

خلي اللي يتكلم يتكلم الله ان شاء الله يرزقك بزوج
يحسدك عليه كل البنات اللي تزوجوا قبل منك لا
تتعجل رزقك ونصيبك لان ربنا ما بينسى رزق
عباده والزواج رزق اكثري الدعاء





رد مع اقتباس
  رقم المشاركة : 7  
قديم 03-03-2013, 07:14 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: انصحوني

ياحبيبتي يا أختي عادي ولو تاخر الزواج مافيها مشكلة
ورد الأخ كومبو شافي وكافي
أنا مع كلامه والناس ماعليج من كلامهم
إنتي لو تزوجتي بيكون عشانك ومن اللي يستحقك
لا يكون همك حيّ الله شخص عشان بس تفتكين من لسانهم

اصلحي علاقتك بربك وخلي نيتك الرجل الصالح اللي يخاف الله
وعلى نياتكم ترزقون

بحفظ الله




التوقيع - love whisper
مرما الهدف يابنت بين النياشين
وانتي عريبة جد وخوال وحموله

بين عليك واثباتات البراهين
والحق واضح مايبيله دلوله

يفداك من كل الرجال الرديين
يا عزوة الصنديد ليا صيحوا له

وختامها يانصرة الحق والدين
من طاعة المعبود طاعة رسوله

رد مع اقتباس
  رقم المشاركة : 8  
قديم 03-03-2013, 09:19 AM
عضو فعال
مستثمر صغير غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: انصحوني

عليج بسورة البقره اختي وصفاء القلب وبتشوفين الخير اشلون بيجيج





رد مع اقتباس
  رقم المشاركة : 9  
قديم 03-03-2013, 09:40 AM
الصورة الرمزية عطر الين
عضو فعال
عطر الين غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: انصحوني

ان شاء الله لما ربنا يكتب لك ما حد يقدر يرده و لعله خير التأخير بإذن الله





رد مع اقتباس
  رقم المشاركة : 10  
قديم 04-03-2013, 02:36 PM
الصورة الرمزية اللورد
المـديـر العـام
اللورد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: انصحوني

اختي دعي الخلق للخالق والكلام محد يقدر يرده انتي عليك بنفسك وربك وبس

وانتي الزمي الاستغفار وعلى فكره حالياً سن 29 مب كبير للاسف صار التاخر في الزواج سنه عند شباب وبنات هالوقت الا من رحم ربي

والله يرزقك الزوج الصالح الي يسعدك





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:03 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم