استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

( قف.! .../ ترى أبداً مو عادي.! )

بسم الله الرحمن الرحيم السلام عليكم ورحمة الله وبركاته صباحكم / مسائكم خير ورضى من الرحمن صباحكم / مسائكم مو عادي موضوعي هذا راح يكون مستمر ومتجدد كل 3 أيام بتكلم عن شي أبدا مو عادي بس الناس خلته يصير عادي هالموضوع ينطلق من ديني فالدين المعاملة الدين الأخلاق الدين ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 20-05-2013, 10:54 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
Discc ( قف.! .../ ترى أبداً مو عادي.! )

بسم الله الرحمن الرحيم

السلام عليكم ورحمة الله وبركاته


صباحكم / مسائكم خير ورضى من الرحمن


صباحكم / مسائكم مو عادي




موضوعي هذا راح يكون مستمر ومتجدد
كل 3 أيام بتكلم عن شي أبدا مو عادي
بس الناس خلته يصير عادي

هالموضوع ينطلق من ديني
فالدين المعاملة
الدين الأخلاق
الدين فالهيئة والشكل
الدين فكل شي فأنفاسي ودمي كمسلم

أنا مسلم إذن أنا أمثل ديانتي وعقيدتي وبكل فخر
بكل وعي لما سيترتب على الموقف محل النقاش

كلمة عادي تحمل معاني كثيرة
وصارت تطلق على أمور كثيرة


معا لنرتقي بمجتمعنا ليصبح مجتمع غير عادي
كما أني أتشرف بردودكم في الموضوع
فبدونها الموضوع ماله معنى


بحفظ الله




التوقيع - love whisper
مرما الهدف يابنت بين النياشين
وانتي عريبة جد وخوال وحموله

بين عليك واثباتات البراهين
والحق واضح مايبيله دلوله

يفداك من كل الرجال الرديين
يا عزوة الصنديد ليا صيحوا له

وختامها يانصرة الحق والدين
من طاعة المعبود طاعة رسوله

رد مع اقتباس
  رقم المشاركة : 2  
قديم 20-05-2013, 10:54 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

( زمالة العمل )

من المعلوم أن الإنسان يقضي وقت طويل في العمل
مايقارب ( 7 ) ساعات يوميا

في بيئة العمل كغيرها من البيئات
يحتك الإنسان بشتّى صنوف الناس
مستويات في الفكر والأخلاق والمعاملة

في بيئة العمل أيضا يحدث نوع من الإحتكاك بين الموظفين من الجنسين

فصرنا نشوف فلان يسيّر على مكتب فلانة عشان يتقهوى عندها.!
صرنا نشوف فلانة ترفع السماعة يوميا عشان تكلم فلان وعلان بالفاضي والمليان.!
صرنا نشوف سفور وتبرج وكشف للوجه حتى أمام الزملاء بحجة إن هذا بمثابة أخ أو هذا بمثابة أب .!

صار هالشي عادي بينما هو ليس بعادي أبداً.!

لا مب عادي لما تصير بينكم خلوة
مب عادي لما تشتكين ريلج لفلان ومشاكلج معاه وقضاياج فالمحاكم
مب عادي لما تكونين متمكيجة وشعرج طالع وريحتج فايحة وتخالطين الزملاء
مب عادي لما تتغنجين بالكلام وتضحكين بميوعة وانتي تحسبينها أنوثة

انتي حفيدة أمهات المؤمنين -رضي الله عنهن وأرضاهن -
لازم تكونين قد هالنسب .!

وإلا أنتو شرايكم .؟!

هو صج صار هالشي عادي.!


بحفظ الله





التعديل الأخير تم بواسطة love whisper ; 20-05-2013 الساعة 10:55 AM.
رد مع اقتباس
  رقم المشاركة : 3  
قديم 20-05-2013, 11:14 AM
الصورة الرمزية Saro0O0ona
عضو نشط
Saro0O0ona غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

اي صار عادي

وانا عشان ماخليه عادي !!

طيروني من قسمي اللي موعادي

الى قسم عادي !

اقصد من قسم الإحتكاك بين الموظفين من الجنسين

الى قسم كله بنات

والحمدلله جي احسن





رد مع اقتباس
  رقم المشاركة : 4  
قديم 20-05-2013, 11:18 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

هلا بسارونه نورتي حبوبه

أنا عكسج حاربت عشان أنتقل لأن ناحسوني وايد ومايبون ينقلوني
وبالأخير بعد تدخل زوجي تم النقل غصب عن خشم مدير الإدارة
مع إني كنت أحب المكان اللي كنت فيه كان حركة وشغل
عكس مكاني الحالي الشغل مواسم

طيب فنظرج شنو الأسباب اللي خلت هالأمور عادي في مجال العمل
وشنو المفروض الواحد أو الوحدة تسوي عشان يكونون في السليم

بحفظ الله





رد مع اقتباس
  رقم المشاركة : 5  
قديم 20-05-2013, 11:53 AM
الصورة الرمزية Saro0O0ona
عضو نشط
Saro0O0ona غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

مادري احس المدير له علاقه فهالموضوع

يعني لو انه مايرضى فسوالف الخلط جان ماصار هالتهاون

كلن ماخذ الموضوع فري وعادي


شغله ثانيه

الوحده هي تحكم روحها يعني اذا الوحده ماشيه سيييده وماتلين مع اي حد

وحاسبه وقت شغلها للرزق

وتشوف ربها وعايلتها جدام عينها

ماراح ايصير شي

وان صار ماصار وان كان لابد يصير احتكاك بين زملاء العمل

يكون بحترام ..واختصار

وعن المياعه

ترى راس مال البنت اخلاقها





رد مع اقتباس
  رقم المشاركة : 6  
قديم 20-05-2013, 12:11 PM
عضو فعال
ريميه حلوه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

الأخلاق تعتبر من أقوى الأسباب التي تحمي الفتاة من شرار القوم
ولا ننسى كذلك ان من الفتيات من يفتن الرجال وهن الذين يبحثون وارءهم
و أن بيئة الاختلاط ما هي إلا الخطوة الأولى لعمل الشيطان .. فهو لا يريد منا ارتكاب الجرم في الخطوة الأولى
بل يمهد إلى أن يصل إلى مبتغاه




رد مع اقتباس
  رقم المشاركة : 7  
قديم 20-05-2013, 01:16 PM
الصورة الرمزية تماني
عضو نشط
تماني غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )


موضوع مميز من شخصية جميلة ^_^ .

بالنسبة لموضوع الإختلاط احين صار شر لابد منه يعني صاروا يشجعون على الإختلاط بكل مكان سواء

[ الدوام ] [ أماكن الترفية ] .. الخ بزعـــم انه [ تطور ] [ إنفتاح ] يعني لو ماكو إختلاط فالدولة ذي راح يندرج

إسمها من ضمن الدول المتخلفة والعيــاذ بالله امحق تفكير طبعـــًا إي انفتاح الي جالسين

يطالبوة فيه يوصل لإرتكاب جرائــم وحوادث غريبة على مجتمعاتنا الشرقية المحافظـــة زمان كانت محافظة

مهب الحين إلا من رحم ربي ! !

عمومـــًا بما إنك تكلمتي عن هالنوع من البنات فالبنت اهي الي تفتح مجال للرجل إذا شافها سهلة ومن

أول مرة كلمها وأخذت واعطت معاه بالكلــام هالشيء راح يأخذ لشيء غيـــر ويطور الموضوع وبالأخير ومن

الواقع تلقين البنت اهي الخسرانة بكل الحالات صحيح الرجل يأثم بس فمجتمعنا الرجل مرفوع عنه القلم


وفيه بعض البنات الله يهدينــا ويهداهم تأتي من بيئة متفتحة أصلـا يعني " فري " عادي أهلــها معطينها

الحرية تسوي كل شي يعني نستنتج سبب من أسباب تفتح البنت اهو [ البيئة الي نشأت فيها البنت ] ..

اشلون تفكير الوالد والوالدة لو اهما نفسهم بهالشكل اشلون راح يكون باقي الأفراد طبعــًا مهب بكل الناااس ..

عادي تفتح شعرها قدام الأجنبي والسايق وخلق الله بالمجمعات انزين ترى " كل شعرة بجمرة من النار

,, تحسين الدنيا لاهيتهــــم وماخذتهم وذي تسمى مجاهرة بالمعصية انزين تبين تسوين شيء سوينه

مهب مشكلة بس لا تشيلين ذنوب غيرش ^^

فيه حاجة قاهرتني بعد موضة [ الشيشة ] البنات الله يصلحنا

وإياااهم احين لما تصورين نفسك وينتشر المقطع وانتي تشيشين وش تحسين يعني عااادي يعني طيب

ما تفكرين بالمستقبل ماهي أنوثة كلش وووع

تدرين وش المشكلة ؟

التلفزيون

كل شيء صاروا معظم البنات يشوفونة تلقين العالم كله وراه تقليد حتى لو مهب لايق عادي المهم نواكب الموضــة التلفزيون ماخذ دور سلبي بمجتمعنـــــــــــــــــــا للإسف

يعني ما انتشرت سالفة [ البويات ] بمجتمعنا إلا لما اطلعت ممثلة بالتلفزيون ومثلت هالدور عقبها انتشر

بشكل مو طبيعي وصار الموضوع عااادي حتى يمشون قدام الناس ونسمع ان فلانة مسترجلة الأخت

وتبغي تروح تدرب بمكان خاص حج رجال !


تبين تنقهرين قريت خبر ماني ذاكرته بالضبط بس فيه دولة أجنبية بدات تقلل من موضوع الإختلاط بين

الجنسين بسبب كثرة المشاكل الي زادت بالمجتمع عندهم ونحن دول إسلامية ولكن عاااادي عندنا !!

تسلمين وطولت كأني السموحــة ..







التوقيع - تماني
يّ أُلِلَهَ تّوَجّنِيَ بُخٌلّقُيّ وّسُتٌرِيِ أًمٌأِمٌ خًلُقِڳٌ , فًوّقُ أًرٌضٌڳً وٌتّحِتّ أِرّضُڳٌ وٌيّوًمٌ عَرَضٌڳّ

رد مع اقتباس
  رقم المشاركة : 8  
قديم 20-05-2013, 11:58 PM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

اقتباس
 مشاهدة المشاركة المشاركة الأصلية كتبت بواسطة saro0o0ona
مادري احس المدير له علاقه فهالموضوع
يعني لو انه مايرضى فسوالف الخلط جان ماصار هالتهاون

كلن ماخذ الموضوع فري وعادي


شغله ثانيه

الوحده هي تحكم روحها يعني اذا الوحده ماشيه سيييده وماتلين مع اي حد

وحاسبه وقت شغلها للرزق

وتشوف ربها وعايلتها جدام عينها

ماراح ايصير شي

وان صار ماصار وان كان لابد يصير احتكاك بين زملاء العمل

يكون بحترام ..واختصار

وعن المياعه

ترى راس مال البنت اخلاقها :sniper (69):

بما إنك أول مشاركة في الموضوع فقد أثرتي أول نقطتين فيه كمسببات :

1- المدير.
2- البنت نفسها.

أما المدراء فعلا بعضهم يا إنه عاجبه هالشي
أو إنه بطل فموضوعنا ويشوفه شي عادي
وهذي مشكلة. كثير ممن يعيشون الانفتاح مع أسرهم
يجون يبون يطبقونه ويمشونه على الناس بمكان العمل
وبعضهم العكس تلقين أهله ملتزمين بس هو عاجبه هالشي
مايرضاه لأهله أما للغير عادي أهم شي أنا مدير وشغلي ماشي
شيبون موظفيني وشلون صايره نفسياتهم فقريح.!

يبون يفرضون الخلط فرض على الموظفين والموظفات
مافي خوف من الله وأمثالهم يدرون إن مافي رقيب ولا حسيب عليهم
ولذلك يلعب لعبته. وكثير موظفات تكون مجبورة على الوضع لحاجتها للعمل
ولا يقدرون إنها لا تحبذ الاختلاط ولا يخافون الله فيها

وهنا يجي دور المرأه نفسها مثل ماذكرتي
إنها تفرض احترامها بأخلاقها ( تصرفات وأحاديث ) وهيئتها الخارجيه ( التكشف والتبرج والعطر ).

البنات هنا 3 انواع :
النوع الأول اللي كل شي عندها عادي
تلبس عباية السهره وكعب المناسبات ومكياج وتغطس بالعطر
وفكرتها إنه هذا كله عشان نفسي مب للناس
طيب وكلام الله ورسوله اللي يقولج كل هذا مايجوز حرام وين راح
صارت عند البعض ثقافه يبون يبررون لنفسهم بأي طريقه
لدرجه تقولي أحدهم سألت مطوعه عن العطر والدريول
قالت عادي لو تعطرين السياره بنفس العطر وعقب تركبين
الدريول ماراح يعرف هالعطر ريحتج او من السياره .!

ياربي لا تخسف فينا.!

لهدرجه تستخفين بالشرع وتلصقين هالتهمه الشنيعه بأي إنسان ملتزم "مطوع"

النوع الثاني من البنات تلقينها نص ونص
هيئتها محترمه نفسها لكن المكالمات تاخذ وتعطي بالعمل وخارج العمل
وهذا أكبر غلط والله
نشوف ونسمع شغلات تستحي الوحده تقولها لزميله فمابالكم بزميل فالعمل
ماراح أدخل فالنوايا نخليها لرب العباد
قد تكون نية الكثير من البنات نقية لكن تعالي لنوايا الطرف الآخر
لو سلم ورديتي وسأل شلونج وشخبارج ورديتي وضحك
يتصل كل شوي يتلكك بسوالف فالشغل تافهه
ومن وراج يوصلج الكلام فلانه سهله يبيلها كم يوم وبتطب .!

والله واقع شهدته مع أحد الزميلات
وكنت طرف بالموضوع وذكرني بس قال هذي شديده ماتعطي وجه

سود الله وجهك
جاي للشغل وإلا للمصخره

بيئة العمل أنا فيها بين طرفين حسن الظن لكن بالمقابل حذره

البعض بيسألج شلونج من باب المجامله شلونج
قولي الحمد لله من غير تضحك ولا تبسم ولا ترقيق للصوت

في نوعيات قطعت اتصالات معاهم مع إن العمل يتطلب هالشي
وبلغته وبلغت المدير أن هؤلاء تعاملي معهم راح يكون بالنوت وبس وعن طريق مراسلين
ماله حاجه يجي عند الباب ولا له حاجه يتصل
والشغل ماشي من أحسن مايمكن

موعادي فعلا
لما الواحد مايحسب الزميلات بالعمل حسبة شوفاته ويرضى عليهم بالغلط

قد أكون أسهبت
لكن فعلا واقع مؤلم ويحز فالنفس لما أشوف حفيدة الصحابة ومربية الأجيال يصير فيها جذيه

بحفظ الله




رد مع اقتباس
  رقم المشاركة : 9  
قديم 21-05-2013, 08:51 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

اقتباس
 مشاهدة المشاركة المشاركة الأصلية كتبت بواسطة ريميه حلوه
الأخلاق تعتبر من أقوى الأسباب التي تحمي الفتاة من شرار القوم
ولا ننسى كذلك ان من الفتيات من يفتن الرجال وهن الذين يبحثون وارءهم
و أن بيئة الاختلاط ما هي إلا الخطوة الأولى لعمل الشيطان .. فهو لا يريد منا ارتكاب الجرم في الخطوة الأولى
بل يمهد إلى أن يصل إلى مبتغاه

حياج الله أختي ريمية

نقدر نستخلص من مشاركتج القيمة الوازع الديني لدى الفتاه نفسها
متى ماكان قوياً فرضت احترامها لنفسها أولاً
وكفت غيرها شرّ الفتنة

والشيطان شاطر في مثل هذه الأمور
يجعل بعض الأعمال من الصغائر في نفس الإنسان
فيتساهلها ويدمن عليها لتجده مع الوقت لو اتجه للكبائر عادي.!

ليش طيب.؟!

لأن القلب اعتاد المعصية وصار عليه مثل الغشاء الذي يمنعه من التوبة والعودة بسهولة
ألا وهو " الران " نسأل الله العافية


وبذلك تصبح لدينا 3 مسببات للآن :

1- المدير
2- الفتاة نفسها.
3- الوازع الديني.

بحفظ الله




رد مع اقتباس
  رقم المشاركة : 10  
قديم 21-05-2013, 09:33 AM
عضو VIP
love whisper غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: ( قف.! .../ ترى أبداً مو عادي.! )

اقتباس
 مشاهدة المشاركة المشاركة الأصلية كتبت بواسطة تماني

موضوع مميز من شخصية جميلة ^_^ .

بالنسبة لموضوع الإختلاط احين صار شر لابد منه يعني صاروا يشجعون على الإختلاط بكل مكان سواء

[ الدوام ] [ أماكن الترفية ] .. الخ بزعـــم انه [ تطور ] [ إنفتاح ] يعني لو ماكو إختلاط فالدولة ذي راح يندرج

إسمها من ضمن الدول المتخلفة والعيــاذ بالله امحق تفكير طبعـــًا إي انفتاح الي جالسين

يطالبوة فيه يوصل لإرتكاب جرائــم وحوادث غريبة على مجتمعاتنا الشرقية المحافظـــة زمان كانت محافظة

مهب الحين إلا من رحم ربي ! !


فعلا هذا اللي قاعد يصير في كثير من المؤسسات والدوائر الحكومية
مافي اعتبار للدين ولا للعرف حتّى.!
مشكلة البعض ياخذون التطور من جانبه المظلم وكـ " مظاهر "
تعالوا شوفوا ترى إحنا تطورنا

زين وين أخلاقيات المهنة وين راحة الموظف
وين الإحترافية في الإدارة وتشجيع الموظف.!

حلقة اليوم من برنامج كيف أصبحت كانت تناقش هذا الموضوع
جزاهم الله خير بس الوقت كان ضيق يادوب تكلم الضيف كلمتين = (






عمومـــًا بما إنك تكلمتي عن هالنوع من البنات فالبنت اهي الي تفتح مجال للرجل إذا شافها سهلة ومن

أول مرة كلمها وأخذت واعطت معاه بالكلــام هالشيء راح يأخذ لشيء غيـــر ويطور الموضوع وبالأخير ومن

الواقع تلقين البنت اهي الخسرانة بكل الحالات صحيح الرجل يأثم بس فمجتمعنا الرجل مرفوع عنه القلم


إذاً أنتي مع الأختان سارونة وريمية
بأن البنت نفسها هي من تحدد تعامل الآخرين معاها شلون راح يكون.

الرجل مرفوع عنه القلم عند من لا يشترون الرجال
تعالي شوفيه لما يجي يبحث عن زوجة وسمعته غير طيبه من يقبل به .؟!
الأب العاقل أبداً ماتهون عليه بنته يسلمها بكل بساطة لأمثال عديمي الأخلاق هؤلاء
اللي مايخاف الله ينخاف منه


يجب محاربة هذه الفكرة
لأنها سمحت للكثير من الذكور بأن يتمادوا في الحرام
بحجة أنها مرفوع عنه القلم

عسى ماشر صار هو والمجنون واحد .!
وين يصرفها بكره لوقف بين يدين الديّان .!




وفيه بعض البنات الله يهدينــا ويهداهم تأتي من بيئة متفتحة أصلـا يعني " فري " عادي أهلــها معطينها

الحرية تسوي كل شي يعني نستنتج سبب من أسباب تفتح البنت اهو [ البيئة الي نشأت فيها البنت ] ..

اشلون تفكير الوالد والوالدة لو اهما نفسهم بهالشكل اشلون راح يكون باقي الأفراد طبعــًا مهب بكل الناااس ..

عادي تفتح شعرها قدام الأجنبي والسايق وخلق الله بالمجمعات انزين ترى " كل شعرة بجمرة من النار

,, تحسين الدنيا لاهيتهــــم وماخذتهم وذي تسمى مجاهرة بالمعصية انزين تبين تسوين شيء سوينه

مهب مشكلة بس لا تشيلين ذنوب غيرش ^^


نقطة مهمة ألا وهي البيئة التي نشأ فيها الإنسان وتشرب منها التربية
أيضا نقطة دور ولي الأمر في تهذيب السلوك لدى أفراد الأسرة

المشكلة لو كان ولي الأمر ماعنده وعي بالحلال والحرام
وإن الله مثل ماهو غفور رحيم فإنه شديد العقاب

يظن إنه بسماحه لابنته أن تقوم بما تشاء من الحب
بينما الحب الحقيقي يكمن في خوفه عليها من الفتنة والافتتان ثم نار جهنم - والعياذ بالله - في الآخره

تماما مثل الأم اللي وقت الفجر تقعد عيالها للصلاة لأنها تعرف يعني شنو " سقر " .!
والأم اللي تقول حرام توهم صغار خل ينامون.!

هذا الحب مرفوض لأنه يضر أكثر مما ينفع في الدنيا والآخرة

أما بخصوص كل شعرة بجمرة فقد تعبت وأنا أبحث عن حديث صحيح بهذه العبارة المنتشرة مالقيت
ياليت لو عندج شي بهالخصوص تفيديني

ونعم تؤثم من تظهر جزء من شعرها وهذا حرام وعليها الإقلاع والتوبة



فيه حاجة قاهرتني بعد موضة [ الشيشة ] البنات الله يصلحنا

وإياااهم احين لما تصورين نفسك وينتشر المقطع وانتي تشيشين وش تحسين يعني عااادي يعني طيب

ما تفكرين بالمستقبل ماهي أنوثة كلش وووع

تدرين وش المشكلة ؟

التلفزيون

كل شيء صاروا معظم البنات يشوفونة تلقين العالم كله وراه تقليد حتى لو مهب لايق عادي المهم نواكب الموضــة التلفزيون ماخذ دور سلبي بمجتمعنـــــــــــــــــــا للإسف

يعني ما انتشرت سالفة [ البويات ] بمجتمعنا إلا لما اطلعت ممثلة بالتلفزيون ومثلت هالدور عقبها انتشر

بشكل مو طبيعي وصار الموضوع عااادي حتى يمشون قدام الناس ونسمع ان فلانة مسترجلة الأخت

وتبغي تروح تدرب بمكان خاص حج رجال !

الشيشة مصيبة
عن نفسي للحين ماشفت شوف عيني هالشغلات بس أسمع عنها
لأن ماروح أماكن الشيشة حتى كثير مطاعم حاطه عليها إكس بسبب موضوع الشيشة هذا
كنوع من المقاطعة وأيضا عشان ما نشوف هالشغلات اللي جد تضايق وتحز بالنفس

مابالك لو عائلة وعادي عندهم
حرية شخصية.!

أما بخصوص التصوير
هذي الثقافة التعبانة تجاه وسائل الاتصال
هالنوعية صارت كل شي تستعمله لشهوات وملذات دنيوية زائله
لكن أثرها باقي ليوم الدين إن لم يسارعوا بالتوبة



والتلفزيون صدق الوالد يوم يسميه " تلف الزيون "
يتلف كل شي زين في المجتمعات إذا لم يحسن القائمين عليه توجيهه

والله حرام الإعلام من صوب
والتدريس من صوب
وأولياء الأمور لاهيين

مصير الجيل القادم أراه مظلم إن لم نتدارك مثل هذه الأمور


وبخصوص البويات آخر مره شفت بويه كانت بالجامعة قبل 6 سنين
مادري يمكن ماروح أماكن يتواجدون فيها
أو بسبب طلعاتي المحدودة لغرض معين وسريعه


تبين تنقهرين قريت خبر ماني ذاكرته بالضبط بس فيه دولة أجنبية بدات تقلل من موضوع الإختلاط بين

الجنسين بسبب كثرة المشاكل الي زادت بالمجتمع عندهم ونحن دول إسلامية ولكن عاااادي عندنا !!

تسلمين وطولت كأني السموحــة ..

بعض الدول الأجنبية قامت تاخذ شغلات من ديننا وإحنا نركض ورى الخراب " عادات دخيلة "
حتى البنوك كثير يدرسون أسلمتها لأنها تقوّي الاقتصاد


أختي تماني أسعدتني مداخلتك اللي تبّرد القلب

وردي المكتوب باللون الأخضر

أختج غشيمة بالإقتباس المتكرر في نفس الرد

إضافتك كانت
1- العادات الدخيلة والأنظمة الغربية " اللي تشجع الاختلاط "
2- دور ولي الأمر وبيئة التنشئة.
3- العادات المجتمعية الخاطئة.
4- الاستخدام السيئ لوسائل الاتصال.
5- الإعلام.

ويا هلا فيج مرة ثانية غاليتي

بحفظ الله




التعديل الأخير تم بواسطة love whisper ; 21-05-2013 الساعة 09:39 AM.
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: ( قف.! .../ ترى أبداً مو عادي.! )
الموضوع كاتب الموضوع المنتدى مشاركات آخر مشاركة
للبيع سوزوكي حمني قير عادي ( عليه رقم مميز ) hossam_gh سوق السيارات و ارقامها و الدراجات و إكسسواراتها 3 02-03-2013 11:28 AM
مطلوب شراء : حمام لاحم او زاجل عادي .. top bike سوق الحيوانات والطيور 5 01-10-2012 09:52 AM
قطعه تحويل Micro sim الى sim عادي بوعبدالعزيز1 سوق أجهزة الجوال 7 10-04-2011 09:42 AM
عادي بن عادي ال عادي محمد2009 المنتدى العام 12 27-10-2010 08:37 AM
مطلوب جير عادي لمتسوبيشي ماجنا مجهول قطر سوق السيارات و ارقامها و الدراجات و إكسسواراتها 2 26-10-2010 12:31 PM


الساعة الآن 11:55 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم