استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

قصة حقيقة(اختلافات العمر)

السلام عليكم بما ان اليوم الخميس حبيت انزل لكم قصة بس غير شكل قصة هاي تتكلم عن حياة حقيقية شفتها وتعرفت عليها عن قرب وحبيت انقلها لكم يمكن القصص تخلينا نعتبر من غيرنا ونكون اكثر حكمة ............ ابو تميم :ها يم تميم ولدج بيصك 40 وللحين ماخطبتي لة زوجي خل ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 14-11-2013, 11:00 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي قصة حقيقة(اختلافات العمر)

السلام عليكم بما ان اليوم الخميس حبيت انزل لكم قصة بس غير شكل قصة هاي تتكلم عن حياة حقيقية شفتها وتعرفت عليها عن قرب وحبيت انقلها لكم يمكن القصص تخلينا نعتبر من غيرنا ونكون اكثر حكمة ............
ابو تميم :ها يم تميم ولدج بيصك 40 وللحين ماخطبتي لة زوجي خل نزوجة
ام تميم :شسوي اخاف اخطب لة وماتركد بنت الحلال معاة ولدك عصبي احنا مانقدر علية اشلون بنت الناس
ابو تميم :لا ان شاءالله بيعقل والمراء بتركدة بس دوري لة بنت الحلال
ام تميم:انا ماعرف حد تدري لاروح ولا ايي واستحي اروح بيوت ناس اتطلل انشوف بنات خلقلة
ابو تميم :الله كريك ان شاءالله
ابو تميم:يلة يم تميم بنروح بيت ام عبدالله بنسير عليها طالعة من المستشفى اليوم
السلام عليم يم عبدالله
ام عبدالله:ياهلا ومرحبا حي الله من يانة(ام عبدالله صديقة للاهل قديمة اكثر من 20 سنة
وتمو يسولفون ابوتميم:يم عبدالله ماتعرفين حد عندة بنت للزواج حق ولدي تميم بجري
ام عبدالله:وي هساع لمباركة اي ادور لة لو ماعرف
ام تميم:اي خلاص عيل لطولين علينا
ام عبدالله:الحين ارد لكم خبر صبرو وتكلم وحدة تقرب لهم
ها بنتج عايشة يبت لها ريال خوش ريال واهله طيبين
ام عايشة اي عطينا اسم لصبي وارد عليج
وردو البيت ام تميم وابو تميم :ها ياتميم اليوم خطبنا لك
تميم:صج والله عاد منهي شلون شكلها (تميم بجر امة وابوة اكبر اخوانة عمرة 39بس مامتعلم درس بس لين صف الرابع وطلع من المدرسة )
انا ابي وحدة نفس شريهان بيضة شعرها طويل وحلوة وابي اخذود لها
ابو تميم :خل يوافقون قبل اذا وافقو زين ماندريبها من بنتة ولا شي هاي ام عبدالله كلمتهم وان شاءالله خير
ام تميم:وي يحمدون ربهم يحصلون واحد مثل ولدي الحاية لهم ولا خل اطيح بجبد اهلها في بنات وايد في بيوتهم محد يدري فيهم نصيبة بياخذة
تميم:اي خل تولي عادي ماوافقة مب ميت انا
ومرت الايام وردت ام عبدالله هاة يم تميم يلة اليوم العصر تعالو انتي وابو تميم تخطبون البنت وتشوفونها
ام تميم:وي اليوم وافقو
ام عبدالله :اي ليش مايوافقون
ام تميم :معلي خل اي ابو تميم وخبرة
ياءالاعصر وراحو ام تميم وابو تميم بيت ام عايشة يخطبون دشت عايشة بس ام تميم تسحتي حريم لول ماشافتها عدل بس اشوي لمحتها
وطلعو وصولو البيت تميم:هاة شفتيها شلون قايلة
ام تميم:بعد اشلون قايلة طويلة حنطاوية مادري والله ماشفتها عدل
تميم:يا يما اشلون ماتشوفينها شانم طلعت حولة عقب شسوي
ام تميم:لال لا عيونها عدلة مافيها احولة
بوتميم:عاد خلصنا كيفك جان لقيت شي فيها صلها ههههههه
تميم:يا شصلحها بعد اخسر عليها ماخذها جراج انا
ام تميم:لا بس جنة خشمها طويل وايد بس
تميم:طويل اشلون قايل طويل يما توهقيني عقب
ام تميم:خلاص خطبناها وخلصنا ولا تقعد اتينني ونفظت اثيابها وقامت اشردت ههههه
مرت الايام ام عبدالله جات سير على بيت ابو تميم
تميم شافها هلا ام عبدالله اخبارج وينج
ام عبدالله كاني موجودة
تميم:انزين الحين انا ماشفت المرة ابي اشوفها شوفة شرعية
ام عبدلله:والله ماردك الحين اكلمها واقول حق امها وتتصل وتطلب ان تميم اليوم يشوف زوجت المستقبل
وسكر خلاص خلصنا ماعندهم مانع اليوم بعد صلاة العشاء روح وشوف مرتك وقعد معاها واذا تبي اروح معاك باروح
تميم:صج مشاءالله عليج يام عبدالله ولا السي ان ان خطيرة
لا باروح بروحي شتين انتي بتروحين تخربين علي جوي
ام عبدالله:هههههه انزين يابو جو خلك في جوك وخلني في جوي يلة مع السلامة
ياءالليل وتميم ينطر متى ياذن صلاة لعشاء خل انشوف هاي ام خشم طويل
وياذن ويصلي عند المسجد القريب من بيت خطيبتة اقرب عشان الوقت ويروح ويدخل البيت وتستقبلة ام عايشة وتظيفة وتنادي عايشة وقعد مع عايشة لين ساعة 12 بليل وطلع رجع البيت دخل البيت الا ام تميم:هاة ياتميم وين كنت
تميم :هاة كنت مع الربع
ام تميم:اخ يسويد الوية تراك مب هين تختل من تحت لي تحت
رحت حق المرة بسكات اتفقت مع ام عبدالله وردت
تميم:ههههههه قالت لج الله يخسها هاي ماتعرف اسد حلجها
ام تميم:لا ماتخش عني شي انزين شفتها عسى يازتلك
تميم:هاة زينة
ام تميم:شنو زينة ماعجبتك بعد اتوهقني الحين
تميم:لالا زينة خشمها بس جنة منقار بوحقب بس عادي عادي ههههههه
ام تميم :عاد يات على خشمها زين
(للعلم عايشة خريجة جامعة ومدرسة في المدرسة من سنة متخرجه وعمرها 25 سنة)
تميم:انزين يلة بارقد تعبان
ومرت الايام وتم تميم يكلم زوجت المستقبل كل يوم وصارلهم خمس شهور وبعد شهر بيكون الزواج
استودعكم الله مع الجزء الثاني .
اختكم"قطرية مزيونة"





رد مع اقتباس
  رقم المشاركة : 2  
قديم 14-11-2013, 11:15 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

بس حبيت اعلق على متابعين الاعزاء انا قاصدة ان تكون قصصي قصيرة عشان القراء مايملو او يزهقو لانة احب اقراء القصص اصلا متابعة بس في ناس ماتحب القصص الطويلة او الروايات الطويلة الي تجي من 40 او 50 صفحة انا ماحب اطول على القارء فا حبيت اسمع اراء متابعيني اذا هشي عاجبهم ولا لا او ان يفضلون القصص الطويلة او يعجبهم القصص القصيرة الي اكتبها ياريت تفاعل عشان اقيم نفسي من خلالكم ارجو الرد لا هنتو واشكركم من كل قلبي يا جشي الخفي انا اسميكم جيشي لانة اشعر انكم سبب في تقدمي وجراءتي لكتب القصص لاني استميد قوتي في كتابة القصص منكم واشكركم جزيل الشكر لكل متابع وحريص ان يتابع القصص البسيطة التي دارت وتدور وسمعت ورايت وكتبت ما ويدور حولي فلحياة مدرسة ومش عيب نتعلم منها لكن العيب ان نوقف ونتفرج فقط





التعديل الأخير تم بواسطة قطرية مزيونة ; 14-11-2013 الساعة 11:17 AM.
رد مع اقتباس
  رقم المشاركة : 3  
قديم 14-11-2013, 11:15 PM
عضو جديد
احساس الجمال غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

بالنسبة لي اشوفها جي زينه
ولي طلب فديتج أتمنى تكتبين قصه تشمل أحداث مختلفه ف كل عائله بدل مانركز ع محور واحد
لان طرحج وااااو ماشاالله عليج

موفقه يا قلبي





رد مع اقتباس
  رقم المشاركة : 4  
قديم 14-11-2013, 11:31 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

تسلمين اختي احساس الجمال ان شاءالله اوعدج اني انوع وشكرا على تفاعلج مع الموضوع وانتي تامرين حبيبتي من عيوني راح انتبة لهاذي النقطة مرة ثانية تسلمين على المدح ياقلبي ذكرتيني بشي انا لما اشوف فلم وعجبني اقصة لخواتي وبنات خالتي يروحون يدورون الفلم الي قلتة لهم لين شافوة يردون لي انتي تقولين القصة تخلين الواحد يندمج ويحب القصة لشفناها غير انحس منج احلى هههههه فتعودو يسمعون مني قصص الافلام افضل من يشوفونها





التعديل الأخير تم بواسطة قطرية مزيونة ; 14-11-2013 الساعة 11:38 PM.
رد مع اقتباس
  رقم المشاركة : 5  
قديم 15-11-2013, 11:51 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

اليوم عرس تميم والام حوسة ولوسة رايحة البيت تجيب شي رادة تودي شي تبي العرس كامل ماتبي شي ينقص
وتنحرج جدام المعازيم واهل العروس خووات المعرس الي هو تميم مريم،فاطمة،حصة،والكبيرةعفرة
هاذول خوات تميم اصغر منة مريم وعفرة مخلصين الجامعة ومزوجين حصة بلجامعة اخرسنة وفاطمة بثنوية بس ياخافون من تميم وماردون لة طلب لانة عصبي ومايتفاهم معا ة ودا خواتة الصالون وقال لهم خلاص انطرو امي بتيكم لخصلتو بتاخذكم
ان شاءالله تميم اخوي
وراح يتجهز للعرس وكلن وصل البنات وامهم واهل نزلت العروس صورو معاها اهلها ورقصو يات عشر وللحين تميم ماوصل
ام تميم:الو بو تميم وينكم تاخرتو عشر الحين
بوتميم :ان شاءالله تونا محركين توناس
اشوي الا ام العروس هلا يام تميم
ام تميم:هل عسى مانقص شي
ام العروس:اي يختي المعازين ياو ومالهم كراسي
ام تميم:اي احين باكلمهم يطلعون لكم كراسي انا قايلة لهم يمكن اطلب زيادة معطتهم عربون لتحاتين
ام العروس :اي يعطيج العافية عساج على القوة يم تميم
وتم الععرس ويجي المعرس ويقعد اشوي ويقعد يفتن على خواتة على لبسهم كاشف او عاري اشوي اشلابسين والام تحاول سكتة خلاص يايبة عرس يلبسون جذي شفيك انت اول مرة اشوفهم
ومر العرس على خير
راح تميم بيت العروس ونهار ثاني يوم لصباحية عطاها ساعة طلع اشوي ساعة ورجع البيت عند زوجتة وماراح حق هلة الا نهار ثاني
ام تميم:وينك من العرس ماجفناك ولا شي الريايل ياو حق ابوك محد حصلك الي اعرفة المعرس صباحية العرس ايجي حق هلة انت ابد قعدت عند هل مرتك ولا قمت
تميم:يعني اشلون تبيني اخليهم واجي البيت لالا مب عدلة
ام تميم:اي مب عدلة زين عيل انزين متى بتيبها البيت عشان اعرف الهدية اي يوم
تميم:مادري بسالها باجوف مادري انا متى تجهز
وطلع را ح
مريم وعفرة :هاي توة صار خروف من اول يوم
ام تميم:خلاص سكتي انتي وياها
فاطمة:والله يايمة تفشلت كلن يسالني يقولي تميم يصارخ عليج في العرس اشولة شيقولج توهقت والله قلت لهم لا اهوا جذي يتنرفز بسرعة لنحرج
تميم:هلا عايشة متى تبين تروحين بيتنا عشان الهدية
عايشة:كيفك اي وقت
تميم:يعني باجر زين
عايشة :اي عادي
خلاص الو يما بكرة بايب عايشة البيت عندنا اذا تبين تجهزين
ام تميم:بكرة بل مايمدي على الاقل خل عقب بكرة
تميم:خلاص بكرة شبسون كلها كم مشموم بتكتونة عليها وخلصنا
ام تميم :انزين خلاص
ام تميم:وي مريم يبنيتي شسوي الحين باجر بيبها ولا خذنا شي ولا جهزنا
عفرة:خلاص يمة بعد مب لازم تاخذين شي غالي اخذي اي شي بعد هاي الي مايقول من وقت اكيد مرتة قالت له بكرة وهوا معاها خلاص
ام تميم:على الاقل سالني انا قال يايما اي يوم ايبها تبين مب يقولي باجوفها مادري اية انا لربيت ولغيري صفيت
مريم:ماعليج يما خلاص بنتصرف
وتكلم مريم المحلات وتحجز بوفية كامل وتكلم مال الضيافة حق القهوة ويوزعون كل شي
المهم جاء يوم الهدية ولبسو البنات والام متعدلة ومبرزة المشموم والورد
دخلت عايشة مع تميم ودخلها بسيارة لين داخل البيت نزل تميم وفتح لعايشة الباب وفتح الباب الخلفي لامها
مريم تهمس في اذون امها :ويي وي وي امها ياية معاها مب لول مب زين الام تي مع بنتها في الهدية
ام تميم:خلاص سكتو لحد يسمعكم
ام تميمكيهلا ومرحبا وتكت المشموم على الارض عشان عايشة تمشي علية وتكون دخلتها خضرا مب غبرا على قولة الاولين اعتقادات قديمة لكن اهي الاصل
وطلع تميم برا وراح المجلس دخلت عايشة المجلس وقعدت وكلن سلم عليها وعطاها الهدية والمقسوم دخلو البنات متعلمين تربية لول على امهم وابوهم يوزعون مع الحريم مالت الضيافة عادي عندهم بس يقومون بالواجب
عايشة تهمس في اذن اختها:زين والله باجر بخلي خواتة ذيلن يخدموني الي تسوي لي عشاء والي تنظف بيتي والي تخدمني هههههههه
وخوات تميم مشاءالله عليهم ادب واخلاق وجمال وبنات فيهم خير
راحو الحريم ودخلت عايشة مع ام تميم والبنات داخل يسولفون معاها ويضحون
ام تميم:انا عندي اربع بنات وانتي الحين ان شاءالله بنتي الخامسة وهذا بيتج وانا مثل امج ولا تحاتين ولا تفكرين ولا تستحين اي وقت اقلوبنا مفتوحة لج ولا يردج الا السانج خدم عندج تبين اي شي كلميهم
عايشة:ماتقصرين يما ......عن اذنكم بس وين غرفتي
باروح ابدل
مريم:اي ذي الصوب برا الباب الي جدام هاي ملحقج
قامت عايشة وراحت بيتها لصغير
ام تميم:مسكينة خايفة في بيت غريب اول مرة
عفرة:الا شكلها جريئة الله يستر منها بس شكلها راعيت السان
حصة:عن اذنكم باروح ابدل وتمخطر تقلد عايشة مرت اخوها
ام تميم:تاخذ الفاين وتحذفها عليها يلة روحي سود الله ويهج
فاطمة:هههههههوالله ياتج عدلة تنيشن عدل الوالدة
وكلن راح غرفتة ينام مريم :خلاص انا باروح بيتي مع اعيالي
عفرة انا بابات اهني عيزانة والله وعيالي ارقدو اصلا في الغرفة
نهار ثاني تميم:صباح الخير يما
ام تميم:هلا يبا
تميم:انزين يما انا ومرتي طرشو غدانا ملحقنا
ام تميم:ليش مب متغدي معانا
تميم:لا قلت يمكن عايشة تستحي ولا شي
ام تميم:لا عادي خلها معانا بتعود
تميم:لالا خل في غرفتنا لين تتعود عقب بايبها اهني تغدل يلة من رخصتج شرد عشان مايطول الحشي ويسوي الي يبي
قعدت ام تميم تحندى بروحها هاي توها بيقوي راسها علينا
عفرة صباح الخير يما ،الام:هلا يما صباح النور
تعالي سمعي اخوج يقول حطي غداي مع مرتي بروحنا
اية صج المرة تغير عاد توها ماعرفت خيرها من شرها تعزلها عنها ليش بناكلها مالت عليها
عفرة:ههههههه خلاص شولة تعورين راسج كيفهم بناتج عندج هذا احنا حواليج ماتبينا
ام تميم:ادري بناتي يعل ربي يسسلمهم بس هاي ولدي لازم يقول امي مايتغير شي امشي نتغدا مع امي مب يتغير من اول يوم خلة كيفة
ومرت الايام وعايشة احملت يابت بنت وحملت مرة ثانية يابت بنت وحملت مرة ثالثة ويابت بنت تبي ولد بس شسوي الله رزقها بالبنات
تميم :جوفي عاد هلمرة ان حملتي ويبتي بنت باعرس عليج
عايشة:ليش بنت ولا ولد ترا منك انت مب مني دراسة اثبتت ان تحديد النسل من الرجل مب المرة
تميم:ياااا روحي انتي مع دراستج والله من الي يحمل انا ولا انتي
عايشة:عاد انت من يعايك الي في راسك يمشي
تميم:ها شوفي بنتج خمشها شطولة عليج
عايشة:الحين تعيب لول ميت على خشمي احبج واحبج
تميم:لا اقص عليج بس صدقتي هههههه صج خبلة انتي
عايشة :تميم عدل اسلوبك معاي لو سمحت لانك همجي
تميم:همجي ابوج والي يابج مب انا انا الغلطان الي متعني ويايج مع سلامة
عايشة:احسن فكة اف
وطلع تميم
ومرت الايام بنات تميم وحدة ثلاث سنوات والثانية سنتين وثالثة توها ام ست اشهور
تمت عايشة الصبح تروح المدرسة وتخلي بناتها عند ام زوجها وخواتة هم يبدلونهم ويلبسونهم وياكلونهم ويغسلونهم لوصخو ومهتمين فيهم لانة بنات اخوهم ويحبونهم وايد
اديدة :نبي حلاوة
ام تميم:وي الحين ماعندي شي صبري اكلم الدكان ايب لج
وجابت لهم حلاوة وجبس وكافي
دخلت عايشة عليهم ساعة 2ونص شنو هاي يما
ام تميم:شنو يما شفيهم
عايشة:ليش تعطينهم كافي وحلاوة هاي بيخرب لهم اسناهم هاي اكل مب صحي
ام تميم:ماعطيتهم الا شوي عن خاطرهم ومب كل يوم انا اعطيهم يما اعرف اعيال ولدي مب ضارتهم
وشيلهم عايشة يلة امشو امشو البيت
تميم تميم وينك
تميم:ها عورتي راسي ابي مربية حق اعيالي
تميم:شولة مربية هلي يشوفونهم
عايشة:مو هلك مايعرفون شي ان مابي بناتي يختربون
تميم:ليش هلي بيخربونهم
عايشة:شوف عاد ياتيب لي مربية ولا انا رايحة بيت هلي وكيك
تميم:خلاص صبري كم يوم اشوف لج
عايشة انا بايب خدامت امي كم يوم تقعد عند اعيالي لين تيني وحدة عقب اعلمها
تميم كيفج
جابت الخدامة ترقد عند الخدامات ومن صبح تجي بيت عايشة وتقعد عند اليهال وتقفل الباب
وتروح عايشة الشغل وتميم يروح الشغل
ام تيم:غريبة اليوم مايابت لبنيا ت عندي وينهم انطرت انطرت تفكر يمكن ماراحت المدرسة اليوم وقعدت عند بناتها ولا ماتخليهم بروحهم مر اليوم وام تميم تفكر تميم ايوم مامرني غريبة نهار ثاني اقعدت ام تميم تنطر بنات ولدها وينهم وينهم ماياو ساعة 8 راحت اطلع على بيتهم اطق الباب الا بنت تميم اديدة اديدة ابي ايج
اليدة :العنود حبيبتي وين ماما عندج
العنود بنت تميم لكبيرة ام ثلاث سنوات لا ماما راحت الشغل
اليدة من عندج عيل
العنود :عندنا ميري
اليدة نادي ميري
تركض العنود ميري ميري بطلي الباب حق اديدة
جات ميري :منو عند باب
اليدة :انا بطلي الباب
ميري:لا مايقدر ماما قول مافي بطلي باب خلي بجا برا بعدين جنجال انا
الجدة:بدلي اقولج لكسر الباب عليج
العنود :اديدة ابي ايج اديدة ابي ايج بس ميري ماتخلينا
عصبت ام تميم وراحت تتصل حق تميم:الو يبا من هاي ميري عند اعيالك ماتبطل الباب يبون ايوني بناتك
تميم:لال يما خلهم امهم قايلة خلهم مع خدامتهم يايبتها من بيت اهلها
اليدة:انزين خلهم عندنيا وعلية يصيحون
تميم:الحين اكلمها تيبهم لج
اليدة:اي يبا لاتخليهم مع خدامة باجر تظربهم ولا سوي فيهم شي بعد
تميم :خلا ص اكلمها الحين
تميم:الو عايشة كلمي خامتج تودي اليهال حق امي
عايشة:انا الحين عندي حصة بعد اشوي اكلمهم
ومرت الساعات واليدة تنطر لاحد لمها ولا حد ياها
مريم:الو هلا يما اخبارج
ام تميم:طيبة
مريم:اشفيج اشفي صوتج متغير
ام تميم:اشفيني بعد وتقول لها السالفة
مريم:شلون بعد تيود بناتها عنج صج ماتستحي انتي يدتهم
ام تميم:اشدراني بعد زمن
مريم :ولدج ساكت لها ذي بعد
ام تميم:اي الحين الريال في طوع المرة مب الام
وسكرت مريم وكلمت عفرة اختها (عفرة ماترضا على امها وشخصيتها جريئة )وقالت لها الي صار
عفرة:معلي انا ارويج فيها ذي اذا ماعدلتها ماكون بنت ابوي
الى لقاء اختكم
قطرية مزيونة





رد مع اقتباس
  رقم المشاركة : 6  
قديم 16-11-2013, 08:37 PM
عضو جديد
احساس الجمال غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

روووعه
بانتظار البقيه ياقلبي





رد مع اقتباس
  رقم المشاركة : 7  
قديم 18-11-2013, 07:07 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

مرت الساعات على خير بدت ساعة العرض تقترب (تك،تاك،تك،تاك)
ساعة 5 قريب المغرب دخلت عفرة
عفرة:السلام عليكم اشلونج يما اخبارج عساج طيبة
ام تميم:هلا يما اشفيج
عفرة:ونبرة صوتها اشوي حادة مافيني شي ماتبينا انيج
ام تميم:لا ليش مابيج البيت بيتج
اشوي الاتميم:السلام عليكم ويقبل راس امة
ويسلم على عفرة ويقول شعندج ياية وهادة بيتج
عفرة:بعد انشوف امي وعلية طول الصبح بروحها اكيد ظايق خلقها اني انوسع سدرها
تميم:اي زين يلة يما انا طالع تبين شي
ام تميم:سلامتك يبا
وطلع اشوي الا الم اتعقر:اشتبين مابي شي مالت على الخلايف صج انك ثوري
عفرة:شتقولين يما ماسمعج شتقولين
ام تميم:ماقول شي
اشوي الا تنطر عفرة الحين بتي مرت اخوها وتنطر مرت الساعاة 6،7،8 ماطلعت
عفرة:ماتيج مرت ولدج
الام:امبلا اتي بس صبري للحين ماياء موعد العشاء بتي حزة العشاء جنها حاسبتة تعشاء وتمشى
حصة دخلت :هلا عفرة اخبارج
عفرة:للحين زينة صبري
حصة:امبي اشفيها اختي
الام:شدراني اليوم فيها شي
جات 8ونص الا عايشة دخلت السلام عليكم
يما
الام:هلا يما
عفرة:هلا عايشة اشلونج
عايشة:الحمدالله طيبة
عفرة:وين بناتج من يت ماشفتم
عايشة:اي دخلتهم اردهم عشيتهم وبيرقدون
عفرة:اي يرقدون تو الناس مدارس عليهم روحي روحي يبيهم بس اهو
عايشة:لا ماقدر اخرب نظامهم
عفرة:انتي سالفتج الصبح مانعتهم عن يدتهم والحين بعد
ليش حبيبتي ليكون عبالج فندق قاعدة دشين وتطلعين وتاكلين وتمشين يدج حبيبتي شوفي يبي بناتج حق امي دام النفس طيبة علي انا مابي اسوي سالفة وكبرها وتستوي مشكلة
عايشة:والله الكلام كل الي قلتي دليل على تربيتج الزينة
وتوقف عفرة:شنو اشقصدج هلي ماربوني لا انتي الي مربية عدل حمدي ربج حد خذج جفتي ويهج انتي شايفة نفسج على شنو
الام:خلاص عفرة سكتي خلاص ماقصرتي ياعايشة ماقصرتي على الاقل حشمتوني مالي حشيمة
عايشة:سكتي بنتج بلول
الام:عفرة خلاص سكري السالفة كلن عندة اعيالة وكيفة تيودهم وقامت الام وراحت غرفتها مسكينة تبجي
عفرة وحصة راحو ورا امهم
عايشة دخلت ملحقها وتتصل حق تميم الو تميم تعال وتبجي تعال شوف هلك سو فيني
تميم :خلاص انا جاي
اشوي الا تميم داخل البيت وراح حق زوجتتة
حصة تركض حق اختها شفت تميم ياي البيت داش شكلة معصب
عفرة:اي اكيد كلمتة الجبسة
عايشة :شفت اختك
تميم:اشفيج
عايشة:اختك ماخلت كلمة ماقالت لي عيل تقولي شرها مب عليج على ريلج الي ماعرف يادبج قلت لها ليش شمسوية لج انا تقول بس كيفي والله ماقلت لها شي مادري ليش جذي تعاملني انا عشانك سكت ولا رديت عليها
تميم:خلاص حبيبتي امسيحيها في ويهي انا اشوفها الحين
ويروح تميم الى هلة يما يما وينج
الام:يوة والله مافيني صبر لحول الله الله يصبرنا علية اهوا ومرتة
تيم:وينج يما شفيها بنتج على مرتي شمسوية لج تقعدين تهاوشينها
عفرة:انا هاوشتها
الام:محد هاوشها ولاشي نتكلم معاها عادي
تميم:والله ياعفرو اعرفج ويتكلم بصوت عالي والله اعرفج انا شوفي يأنج تعتدلين ومالج شغل بمرتي ولا والله وقسم بالله يانا ارويج منو تميم والي ماعرف يادب مرتة على قولتج بربيج
ويدحل الابو:شفيكم شهصوت العالي واصل صوتكم لبرى
الام:ويها حزين مافينا شي يابو تميم
بوتميم:شنو شفيك تميم معصب
تميم:مافيني شي خلاص ويطلع يروح ملحقة
الام:لاحول ولا قوة الا بالله خلاص عفرة يما روحي بيتج حق اعيالج
الابو :شفيج عسى ماكدر خاطرج بكلمة هاي ثور على كبرة مايفتهم قلنا بنزوجة وبنعقلة الا ين ويننتة المرة
ام تميم:حصة يما روحي تعشي انتي واختج ولا بعد الحين بتي مرت اخوش بتاخذ لها وحق ريلها ولا تحاسب غرها
ابوتميم:لاحول الله ولا قوة الا بالله الله يهداة ولا تكدرين خاطرج يالغالية ولا تزعلين على واحد سفية هاذي مايفهم مادري من علية طالع
ومرت الايام ومرت الشهور:ابو تميم تعب عليهم من كثر التفكير ويحاتي بزوجتة وبناتة من لهم لين راح من يقوم فيهم
ترقد بالمستشفى الام مسكينة قاعدة مع زوجها من صبح لين تالي الليل ياء تميم قعد اشوي ويكلم السايق اي يبات عند ابوة
عرف الابو ان مامنة فايدة هلولد
الام:الو مريم يما كلمي ريلج يقعد مع ابوج العصر ايون الريايل ومحد عندة تميم هاي اكلمة ايقول انزين انزين ولا يروح لة ولا شي الله يعيننيا بس لين طاح ابوج انا الي باكل بقلبي
مريم:خلاص يما لاتحاتين باكلم احمد روح لة العصر ماراح يقصر اهوا يحب ابوي وايد وابوي يحبة
جاء العصر راح احمد حق بو تميم يقعد معاة العصر لانة يجونة رجاجيل ومحد عندة
قعد احمد يقوي الريايل لين جاو ويقوم بلواجب
يوم راحو الريايل بو تميم:احمد تعال ابيك يابوك
بوصيك هلكلام مايطلع من عندك ولا حد يدري بة حتى مرتك
احمد:لاتحاتي افا عليك سدك وغطاك لتحاتي
بوتميم:ابي اكتب البيت بسم ام لعيال يابوك انا لين رحت محد لها ولدها الله يهداة ماينجل علية ،وبناتي امانة في ارقبتك من عقب عيني انا لو ماعرفك ريال ومصلي وخايف الله ماامنتك على بناتي لكن ادري ماروح القي حد اامن علية بيتي وبناتي غيرك البنات الي ماعرسو
ترا لتخلي تميم يزوجهم اي واحد ترا انا مب لولي احس ان طيحتي ذي طيحة وانا تعبان محد يدري فيني افكر فهلمرة والبنات
احمد:عسى عمرك طويل يايبا توة بيكمل الا تميم داش
هلا يبا اخبارك
ابو تميم:الحمدالله حالي زين
تميم:هلا احمد اشعندك اليوم مطول عند الوالد عسا ماشر
ابو تميم:الله يزية خير قاعد عندي بدال اولدي الي مايزورني الا 10 دقايق ويطلع
ويعصب تميم:انا ايك كل يوم واخلي اشقالي وجايك تقولي جذي تامرني بشي انا رايح
ابوتميم:الله يحفظك
وطلع تميم
ابو تميم:هذا الي انا عادة بيقوم بامة وخواتة لكن هاي عقاب من الله اي والله لاني مدللة اكثر من البنات وهاي النتيجة والله يانا البنات خير وبركة
احمد:معلي يبا الله بيهدي ادعي لة بلهداية
ومر تلاليام وطلع بوتميم من المستشفى وكل مالة زيد المشاكل بين تميم وهلة
دش تميم على ابوة هلا يبا اخبارك
ابو تميم :طيب الحمدالله الا بسالك شهسياير الي عند بابا واقفة
تميم:اي هاي اهل عايشة مسوية لهم عشاء وعازمتهم عندها
ابو تميم:اي
وطلع تميم حصة سمعت السالفة راحت قالت حق امها الام احترق قلبها في بيتي تعزم اهلها ولا تعزمني انا ام ريلها
وتتصل الام:الو هلا مريم اشلونج
مريم:هلا يما اشلونج
الام:مب زينة وين ايني الخير واخوج كل يوم يحرق قلبي
مريم:بعد سوى هلمرة
الام:عازم اهل مرتة حتى ماقال يايما عايشة بتعزم اهلها حياج كلمة بس بيتي
مريم:شسوين هذا ولدج بعد شبسوين ورا مرتة في طوعها
الام:ليتني يوم يبتة بركت علية ولا يبتة
مريم:يما لاتقولين جذي مب زين
الام:الا باقول والله انا زعلانة علية وماخذة بخاطري لين يعقل ويعتدر والله مب راضية علية يحرق قلبي جذي ماسوى لي قدر
الابوسمع ام تميم وهي تشتكي لبناتها ويعورة قلبة اشوي لكن شيسوي مايقدر يتكلم ان تكلم ولدة العود وعصبي مايحشم حد تم قاعد ودمعتة على خدة يبجي بروحة في غرفة دشت علية ام تميم:اشفيك يابو تميم
بوتميم:انا مب راضي على ولدج مب راضي علية بس شسوي مابيدي شي سمحيلي يام تميم ماربيت ولدي عدل
ام تميم:لا لاتقول جذي يابو تميم انت تربيتك احسن تربية بس ولدك ذي عوي ولا انت هذا تربيتك وتاشر على بناتها الله يخليك لي وحق بناتك والله بيهداة ان شاءالله وانا مب هامني لا عشاء ولا غيرة ان قلت شي بس من ورا قلبي(تبي تهون على ابو اعيالها )
وبوتميم ساكت ويمش دموعة ويقولها ابي ارقد تعبان اشوي
ام تميم:ارقد خلاص اسم الله عليك يالغالي وطفت الليتات وطلعت
وتمت مع بناتها لين نص الليل وكلن راح ونام في غرفتة
الصبح ساعة 5 ونص قعدت ام تميم بتصلي صلاة الصبح متعودة كل يوم يوقضها بوتميم للصلاة التفتت ماشافت بوتميم يمها قالت اكيد طلع يصلي وقعد بصالة
راحت الحمام اتيدد اطلعت ظوت النور الا اشوف بوتميم طايح من السرير
واي بوتميم اشفيك قوم حصة حصة تميم العقو علي ابوكم حاولت تشيلة بس ثقيل وزباط طالع من حلجة ويتي حصة يما اشفي ابوي الام:واي بوتميم رد على
وتتصل حصة حق الاسعاف ويجون خلا ل 10 دقايق
كشف الفريق الطبي على تميم ام تميم تشوف زوجها جدام عينها الممرض يغطي وجة ابو تميم لاحول ولا قوة الا بالله ام تميم اةةةةةة اةةةةة ياقلبي اة ياريحت هلي اة ياقطعة مني اة يهلي وطوايف هلي وتظرب ويها من غير حاسية وتظرب راسها بطوفة لا لا لاتخليني يابو تميم لا تخليني وتروح لاتخليني مالي غيرك يالغالي
ويجي تميم توة قاعد من النوم شنو شنو في وتمسكة ام تميم راح ابوك راح ابوك راح نظر عيني
اصل وياكم الى هذا الحدث بعد موت ابو تميم وش الي بيصير هل تميم بيعتدل ياترا ولا هناك احداث تفاجاء ام تميم وبناتها الله يرحمك يابو تميم رحت وانت شايل على ولدك نصيحة للكل والديكم والديكم اسعدوهم وسعدو بوجودهم لانة ماتدري متى يقادر
اختكم :قطرية مزيونة





رد مع اقتباس
  رقم المشاركة : 8  
قديم 18-11-2013, 11:11 PM
عضو جديد
احساس الجمال غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

الييييييم هالجزء والدمعي غصب تنزل





رد مع اقتباس
  رقم المشاركة : 9  
قديم 19-11-2013, 12:09 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

ههههههه الجاي اكبر واعظم احبسي ادموعج للجزء الي عقبة ههههههه حبيتي احساس الجمال اذا تصدقين ولا والله وانا اكتب القصة ودمعتي تنزل لانة مش قادرة اعبر يعني والله القصة الليمة جد بس حقيقية مابي اخرب القصة لكن تابعي وبتشوفين شلون يصير كل شي بوقتة واسفة اني نزلت دمعتك حبيبتي





رد مع اقتباس
  رقم المشاركة : 10  
قديم 19-11-2013, 09:38 AM
143
عضو فعال
143 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقة(اختلافات العمر)

لا طولين علينا.... الويك اند ياي

موفقه يارب




التوقيع - 143

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: قصة حقيقة(اختلافات العمر)
الموضوع كاتب الموضوع المنتدى مشاركات آخر مشاركة
وصول دفعة ملابس للمواليد من امريكا ,, مميزه وغريبه Babies سوق الازياء والملابس النسائيه وملابس الاطفال 16 05-02-2012 10:10 AM


الساعة الآن 07:37 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم