استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

نبذة عن نفسي !!

حبيت اتكلم عن نفسي في البداية في وايد يسالوني عن نفسي وعن عمري فحبيت اتكلم عن نفسي اشوي للرد على بعض الي حابيت يعرفون عن كاتبتهم المبتدئة بختصار انا قطرية الجنسية لاني متجنسة ولا غيرة قطرية اصل وفصل مثل مايقولون ام خريجة ثانوية عمري 24 العمر كلة يارب احم احم ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 23-11-2013, 12:04 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
22 نبذة عن نفسي !! مع قصة (الخب يطلع على بذرة )

حبيت اتكلم عن نفسي في البداية في وايد يسالوني عن نفسي وعن عمري فحبيت اتكلم عن نفسي اشوي للرد على بعض الي حابيت يعرفون عن كاتبتهم المبتدئة بختصار
انا قطرية الجنسية لاني متجنسة ولا غيرة قطرية اصل وفصل مثل مايقولون ام خريجة ثانوية عمري 24 العمر كلة يارب احم احم بعد غير متزوجة عزباء سوري للكلمة بس في ناس فيها فظول وتحب اتعرف وهاي شي عادي ماستحي منة وبعد شخصيتي مرحة وحب اعيش حياتي يوم بيومة اجتماعية واحب اكون صداقات كثيرة بس صداقات من جنسي طبعا ام الكل يقولي بسرعة تنحبين ودمج خفيف والحمدالله هذا شي فيني احب اضحك ولقعدت اخلي الناس معاي تظحك ماحب الهدوء الي يجيب الكدر لا احب الحركة ومعروفة في بتنا انا راعيت مغالب وادخل السورور على البيت اذا انا سافرت او رحت البيت يصير هدوء وعلى قولتهم انتي تفرفشين البيت شكرا خواتي حبيباتي الله يخليكم لي وصراحة انا خلصت ثانوية ومالله كتب لي وظيفة ادعولي الاقي شي يناسبني الاقي عمل يناسب لي اللهم امين واخيرا وحب القراءة كثير احب اقراء كتب ثقافية وقصص وخواطر واكتب شعر وخواطر وكتب قصص حياتي عندي مذكرات من كنت بصف الابتدائي اكتب اشياء عن كل شي يصير لي مع صديقاتي والمدرسة اشياء تفطس من الظحك صراحة بس اتذكر ايام الطفولة والبراءة وصديقاتي ايام كنت صغيرة بس صراحة محتفظة فيهم للحين لانة شي جميل ترجعين للماضي من خلال صفحات وبس اي شي تبون تعرفونة قلت لكم وشكرا اسفة اتمنى اني كنت خفيفة على قلوبكم اختكم
قطرية مزيونة





التعديل الأخير تم بواسطة قطرية مزيونة ; 23-11-2013 الساعة 12:49 AM.
رد مع اقتباس
  رقم المشاركة : 2  
قديم 23-11-2013, 12:45 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

(الحب يطلع على بذرة)
السلام عليكم اليوم قعدت افكر شكتب لكم قعدت تذكر صفحات ذاكرتي وفكر وفكر لين حصلت لكم قصة حقيقة لكن مانسمع عنها كثرا او اول مرة تسمعين عن شي يصير بهزم بهذا الشكل يعني زمن قبل الطبعة على قولت الاولين يمكن عندهم هشي عادي بس بزمنا مستحيل او يمكن تقدرين تقولين نادر مايحصل نبتدي القصة
بوعيسى :وينج يم عيسة تعالي شوفي ولدج شسوي شيقول
ام عيسى:شنو
بوعيسى:يقول يبي يتزوج من وحدة اسيوية
ام عيسى:شنو يخسي ويهبي جان اذبحة لك
بوعيسة:يقولج اذا مازوجتوني اياها باروح ابلالدها وبتزوجها وبايبها لكم كيفكم
ام عيسى:اش هلمصيبة
عيسى:اي كيفكم ابيج تروحين معاي وتزوجيني اياها ابيها انا احبها
ام عيسى:بقيناها طرب صارت نشب طرشناك تدرس برا يت تبي تزوج وحدة جنسيتها اسيوية
عيسى:كيفكم انا ابيها احبها احبها
بوعيسى :حبتك الجرادة يلهيس لربد
وراحت ام عيسى وبوعيسى مع عيسى الهند وخطبو الهندية حق ولدهم وزوجهم وتمو اسبوع ويابوها معاهم
ام عيسى:تعالي انتي تيري بيري شفهمج الحين بكلامنا
كنجن:جرجرجرجرجرجرجر(ترطن هندي)
ام عيسى:سكتي لابارك الله فيج عورتي راسي عيسى ويهد تعال جوف هاي شتقول
عيسى:اشوي اشوي عليها يما هاي ظيفة عندج الحين لشردينها
ام عيسى:خل تتكلم عربي علمها ياة وانا بقعد كل يوم جذي معاها
عيسى :معلي ان شاءالله بعلمها بس شوي شوي عليها
بوعيسى:لو ماخذ لك بنت بلادك مواحسن من هاي ام نقطة
عيسى:يبا عاد لتقول عنها جذي باجر بتفهم كلامك وبتسمعك
بوعيسى:يااااة خل تسمع بعد صج ام نقطة
ام عيسى:كنن كنز شسمج انتي الله يسندر الي يابج
عيسى:كنجن كنجن يايمة
ام عيسى:غير اسمها خلاص صارت مرتك اهني في قطر باجر يتطنزون علينا العرب عبالهم خدامة
وقالها عيسى ان بغير اسمها وتم اصيح ماتبي ويفهمها بس جدام الناس لانة مب زين عندنا وجذي لين اقتنعت وغير اسمها من كنجىن لين شيخة
ياو الجيران يشوفون جنت ام عيسى ويباركون لهم ويتطنزون ويتظحكون ويتناغزون
ومرت الايام والشهور بعد ست اشهور صارت شيخة تتكلم عربي مكسر وتطبخ مع ام عيسى اسوي الجباتي كل يوم وصوالين والبرياني وعيسى مستانس على الطبخ الزين
شيخة:يما يما انا كلة احس بدوخة راسي يلف فيني
ام عيسى :يمكن من الشغل
شيخة :يمكن
ماوعو الا تعبت وطاخت ودوها المستشفى طلعت حامل
في حامالها تعبت صارت كلة ترجع وماتاكل تعبت وايد لين دشت شهرها يوم ربت يابت ولد مبروك جبتي ولد حطو على صدرها صرخت شلوة مابية شلوة
شلو النرسات لية ياختي دة نعمة من ربنا غيرك يتمنى طفل
شيخة:لتيبونة عندي مابية
ودوها غرفة مشتركة تمت ام عيسى تنام عندها وتقعد عندها وهي ولا زخ الولد هاوشتها ام عيسى ليش ماتبينا ولدج ظناج لابارك الله فيج قلبج جاسي
تمت ام عيسى تعتني فية لين خلصت لنفاس ونفست مرت ولدها
وكلة الولد (سلمان)اسم البيبي عند يدتة تلبسة ترضعة ترقدة
تمت على هلحال شهرين
وشيخة ولا زخة ماتبي
ام عيسى:تعالي شيلي ولدج
شيخة :مابي مابي
ام عيسى:شنو ماتبينا ولدنا ماتبينا باخذة ولد ولدي بربي
شيخة:اخذي ربية مابية الله عطاج اياة اخذية
عيسى:شنو ماتبين ولدي
شيخة :اخذة انا مابية بطلقني طلقني واخذة مابية
عيسى:لا مب مطلقج خلاص بنعطي امي تربية شنسوي
تمت سنتين وحملت يابت بنت سمتها عايشة على ام عيسى وهاي ربتها وعادي وعقب سنة ربت بعد وجابت بنت ثانية وبعد سنة ربت بعد يابت بنت وبعد سنة ربعت بعد جابت ولد وعقب سنة بعد ربت وجابت ولد
وهاي كلهم ربتهم عادي الا سلمان مابغتة وطلعو بعدين في بيت مستقل جمب بيت ابوة عيسى وزوجتة وعيالة الا سلمان تم عند ام عيسى وام عيسى تحبة وتموت فية ويسميها يما وفاكر ان يدة ويدتة هم والدية مايدري ان هم اجدادة مسكين وربتة يدتة احسن تربية وكبرتة ودللتة الي يطلبة تعطية ماتخلي شي في خاطرة
لين اهني اوقف لانة بدت النعوسة تصبحون على خير
اختكم
قطرية مزيونة





التعديل الأخير تم بواسطة قطرية مزيونة ; 23-11-2013 الساعة 12:47 AM.
رد مع اقتباس
  رقم المشاركة : 3  
قديم 24-11-2013, 04:51 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

مرت الايام سلمان يكبر بين يدة ويدتة وهوا المدلل
كل شهرين تشتري لة اليدة سيارة ويسوي حادث والله يسلمة ويرد يحن يبي سيارة وتيب لة احسن السيارات واغلاها
شيخة هندية تفكر بشي مستقبلي يعني تفكر في شي حق المستقبل ماتفكر في الحاظر
وعيسى مسكين على نياتة المرة تخيط وهوا يلبس
كبرو البنات ولعيال
البنات كل ماياء خطاب الام وافقت علية على طول زين مب زين مب مشكلة المهم تزوج بناتها نفس العادات الهندية سبحان الله
لعيال زوجتهم من بقى بقى سلمان الكبير الي قطتة ماتبي
يات شيخة وعيسى بيت بو عيسى
السلام عليكم
ام عيسى:عليكم السلام شعندج ياية الجايلة
شيخة:بك ماتبينا انيكم
بوعيسى:لا تعالو البيت بيتكم اي وقت
شيخة:وين سلمان ماجوفة
ام عيسى:شتبين فية
شيخة:ولدي بعد ابية بتاخذينة مني
ام عيسى:الحين عرفتي ان عندج ولد هلسنين كلها قاطتة والحين تسالين عنة
شيخة:انا كنت مريضة ماعفتة من خير كان فيني بلة
ام عيسى:اشفيج مافيج الا العيارة يلة طلعي من بيتي وفكينا من سوالفج الي كمتخلص
شيخة:انا مب طالعة الامع ولدي ريلي على ريلة
بوعيسى:قوم ياعيسى اخ مرتك وطلع
عيسى:قومي شيخة خلاص بنيهم يوم غير هليوم
ام عيسى:لا لتيون اذا بتاخذون ولدي لاتيون
شيخة:ياة عجيب ولدج من وين ولدج انا الي ربيت وانتي تاخذينة جاهز
ام عيسى:صارخ طلعي طلعي لابارك الله فيج يام السوالف
اشوي الا سلمان داخل وتشوفة شيخة :سلمان اشلونك يبى يت بغيتك بس يدتك مارضت دخلني
سلمان:يدتي اي يدة اشفيج مرت اخوي ينيتي
عيسى:خلاص سكتي
شيخة :لا يدتك ام عيسى يدتك حتى اسئلها
ام عيسى:روحي يلة روحي عيسى اخذ مرتك وذلف عن ويهي
سلمان:اشفيج يما شسالفة
ام عيسى:ماكو شي يايوبة تعال بس خلها اتولي
سلمان :اشفيها مرت عيسى اتقولي اسال يدتك منهي يدتي عندي يدة انا
ام عيسى:ماعليك منها هاي تخربط وتسولف
وبعد اسبوع بظبط تمت شيخة تراغب الباب وتصيد حقسلمان متى يدش ومتى يطلع جافتة جان تبطل باب حوشها وصوت علية
تعال سلمان ابيك اشوي
سلمان :هلا خير اشعندج
شيخة :تعال بقولك شي ضروري
سلمان :معليش سمحيلي مرت اخوي ماقدر ادش البيت واخوي مش موجود
شيخة:معلي تعال انت بحسبت ولدي
سلمان:عندج شي قولية عند الباب
شيخة:لا مايصير لازم اقولك وانت عندي عشان افهمك شي ضروري
خاف سلمان ودش
قهوتة وفاولتة وعقب تمت تسولف عن لول وجذي
سلمان جاف مافي شي مهم
خلاص اخليج انا
شيخة لا اصبر باقولك شي بس ابيك تفهمني زين
سلمان:قولي يلة مواعد الربع بعدين
شيخة:انا قبل اعبالي كلهم يبت ولد ولولد ذي من يبة ماحطيتة على صدري ولا كنت ابي اشوفة
مع انة ولدي البجر بس حسبي الله عن من كان السبب وحدة سوت لي عمل وخلتني اعوفة وخذتة مني
سلمان:انزين يعني اهوا الحين موجود وتعرفين من خذة
شيخة :اي اعرف بس ماقدر مهدديني ان تكلمت بيسفروني بلادي
سلمان:والله يامرت اخوي اذا اعرفهم انا مستعد اروح اكلمة وايب لج ولدج ومحد يقدر يسفرج ليش
ماقلتي حق اخوي عيسى
شيخة:عيسى مايقدر يسوي شي بس انت تقدر
سلمان:والله انا في خدمتك ولد اخوي اخلية والله ماخلية يربا عند عد غريب
شيخة:بس الي خذوة مب غرب من هلة
سلمان:من اهلنا من اعرفهم
شيخة:اي يدتك ويدك
سلمان:اي يوم ذاك اليوم تين بيتنا ومادري شتقولين
اول مرة اسمع ان عندي يد ويدة
شيخة:اي عندك يد يد ويدة وانت عايش معاهم بس وهموك انك ولدهم بس انت ولدي وانا امك
سلمان:يفز شتقولين انتي شتخربطين شتقولين انا مب ولدج
ويركض بيتهم ويدش يما يما
وتي ام عيسى:ها يبا اشفيك اصارخ
سلمان:انا ولدج ولا لا
وتبجي ام عيسى:اي ولدي ولدي معليك منها هلحمارة
سلمان:انتو جذبون عليى ويصارخ كلكم جذابين ويركض ويركب السيارة ويطلع بار البيت
وتركض ام عيسى بيت عيسى ولدها
وتهاوش مرت ولدها :اشقلتيلة حسبي الله عليج يلهندية حسبي الله عليج لابارك الله فيج ولا في ساعة الي جبناج فيها
شيخة:ماقلت لة شي انا قلت لنا الصج بس
ام عيسى:والله ان استوى شي بولدي والله لوريج انيوم القايلة والله انا الي باخذ حقي بيدي منج والله الله اني اخذ بحقي منج حسبي الله عليج وتطلع
غاب سلمان عن البيت لمدة اسبوع لاحس ولا خبر واليدة مسكينة لالليلها ليل ولا نهارها نهار تطلع ودور عنة وتسال عند ربعة بس ماكو فايدة مالة اثر لين اهني واكملها لكم بليل ان شاءالله باروح اصلي الحين باي





رد مع اقتباس
  رقم المشاركة : 4  
قديم 28-11-2013, 07:58 AM
143
عضو فعال
143 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

في انتظااااااارج....




التوقيع - 143

رد مع اقتباس
  رقم المشاركة : 5  
قديم 02-12-2013, 07:32 AM
143
عضو فعال
143 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

جاري الانتظار.................





رد مع اقتباس
  رقم المشاركة : 6  
قديم 02-12-2013, 07:40 AM
الصورة الرمزية ملك الذوق
عضو نشط
ملك الذوق غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

... Looding





رد مع اقتباس
  رقم المشاركة : 7  
قديم 02-12-2013, 11:06 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

اسفة تاخرت عليكم ادري بس اوعدكم عن قريب اكملها بس لاني مشغولة في احتفاللات العيد الوطني متطوعة في المهرجان واحب شغلي يكون متميز فعذروني على التاخير بس قريبا بكملها واسفة عن التاخير





رد مع اقتباس
  رقم المشاركة : 8  
قديم 02-12-2013, 05:28 PM
عضو نشط
نسمه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

بانتظار تكمله القصه





رد مع اقتباس
  رقم المشاركة : 9  
قديم 02-12-2013, 10:34 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

ام عيسى مسكينة تدور السكيك كل يوم وطل عند باب البيت بس ماكو حس بعد فترة بنص الليل سمعت ام عيسى صوت الباب جان تركض من غير حاسية الا سلمان داش حالتة حالة جنة ولد فقارا الثوب صاير اصفر وشعرة ناكش والغترة على الجتف
ام عيسى :ابوي انت طوايف هلي وتجي تعال انا غلطت يوم ماعلمتك
سلمان:خلاص مابي اسمع شي بارقد تعبان
ام عيسى:ايب لك شي تاكلة يانظر عيني
سلمان:لا مابي شي
ويدخل غرفتة ويسكرها
ارتاحت ام عيسى ان ولدها بخير ورجع البيت
اهم شي
الصبح يلست سوت لة الريوق والشاي وتنطرة يقعد ماقعد ياء وقت الغدا سوت لة الغدا وتنطرة ماقعد خافت علية طقت الباب سلمان وطق الباب سلمان يبا اقعد اكلك شي
سلمان:يصرخ خلاص يااة مابي شي لاطقين الباب سندرتيني ياة
ام عيسى:ان شاءالله
وترد تروح حق ابو عيسى
ابوعيسى:محد خربة الا دلالج خلية يولي جود يصير ريال
ام عيسى:اسكت انت كلة منك انت الي خليتنا نيب هلعقربة بيتنا
وتبجي ام عيسى وتبجي ياء الليل جان يطلع سلمان ام عيسى تبي احط لك عشاء
سلمان :انا طالع مابي شي منج
ام عيسى تعال يايبا وين رايح تعال
وتبتدي قصة سلمان من هذة اللحظة
شيخة درت ان سلمان رجع الحين تنطر اللحظة الي تقدر تكلمة
سلمان طلع يروح عند البحر كل يوم يبجي على البحر يشكي ويقط همومة وكان كل يوم يرقد في بيت ربعة
الصبح ساعة 9 رجع سلمان البيت جافتة شيخة جان تصوت علية،سلمان سلمان
سلمان:خير شتبين
شيخة :احد يكلم امة جذي معلي تعال ابيك بكلمة
سلمان:مابي اكلمج ولا تكلميني زين روحي فارجي
شيخة :بس بس وجان يدخل البيت ويسكر الباب بوجها
شيخة:معلي مردك بتجيني
ام عيسى:هلا ب بوي هلا تبي احط لك الريوق
سلمان:اي حطي يوعان
جان تركض ام عيسى مسكينة وتحط لة الريوق وتريقة ومستانسة انة تريق
خلص قام وراح حجرتة
العصر طلع جان شيخة تركض عندة ابي اقولك عن حلالك الي خذوة منك
سلمان:انتو شنو متملين ماتفهمين اكلمج بلهندي يمكن تفهمين يلة روحي عني
ويطلع ويفكر في كلام مرت اخوة الي هي امة شنو حلالي اي حلال وتفكيرة يروح ويي
بعد كم يوم قرر يروح لها وقعد عندها جوفي انا مابيج تلفين ودورين ابي اعرف شتبين بس وطالع
شيخة:معلي ادري انك زعلان بس مردك بترضى علي
جوف انا ابي اقولك ان لك حلال عند يددتك ويدك بس خذوة منك يوم كنت صغير
سلمان خلصي يعني شنو
شيخة:يعني كل الخير الي عندها لك وخذ حقك
سلمان طلع وراح خلاها راح يدش دار يدتة الي ربتة بلخش ويفتش على اوراق اي شي
مالقى شي
قعد يفكر يفكر ويفكر اشلون اي حلال يدتي ماعندها شي اي حلال تكلم عنة شيخة
رجع سلمان يما يما
ام عيسى:هلا ابوي شفيك
سلمان :انا ناقصني يما افلوس ابي اسوي شركة بس ناقصني فلوس
ام عيسى حلالي كلة لك باجر اروح وسحب لك من البنك
سلمن يفكر بنك يعني صح كلام شيخة هاي حلالي
وتم كل فترة يسحب منها اشوي يسحب اشوي وجمع مبلغ من ورا يدتة كبير استغبر هاي كلة حلالي يعني كلام امي صج
رد حق شيخة ابي اعرف يدتي اشعندها
شيخة :عندها خير عندها اراضي وبيوت وعمارات كلة بسمها بس هاي كلة حلالك
سلمان صدق ورا ح يكمل تم يب اوراق بيع وشرا عن الااراضي الي مالت يدتة ويخليها توقع وهي تبصم ماتدري شمكتوب لين خذ كل الاراضي وبدا الطمع في قلبة راح وخذ العمارات ويجيها ويخليها تبصم خذ كل حلالها
يوم كتب كل شي بسمة
راح شيخة الحين ابيج تعرفين شي واحد كل حلالي رجع لي ومعاد موجود من يحط راسة براسي ولاني محتاج لج ولا لبوي
شيخة :معلي مانبي حلالك الحمدالله رجعت حلالك وتعطي جاي تشربة ويشرب
شيخة تخطط من زمان وكل تخطيط كان ترسم من يات وهاي كلة خططمدرسوة هلسنين كلها
ويشرب سلمان الجاي ويطلع ومن طلع وهوا مب بوعية
شيخة هندية والعمل والسحر بدمها سحرت ولدها مثل ماسحرت اليدة وعيسى خلتة يمشي ومايعرف وين يروح يدور ويرجع حق شيخة
شيخة تخطط على لفلوس والحلال سبحان الله الدنيا دوارة نفس ماسوى لجدتة ردت فية الدنيا وامة سوي فية وتكتب كل شي بسمها وتاخذ فلوس منة ويعطيها عيسى تعب من كثر لسحور والعمل الي تسقية اختنق وتوفى الجدة توفت من كثر ماحترق قلبها على اعيالها وابو عيسى تعب ومات موتة ليومكم هذا محد يعرف شنو السبب لقوة مخنوق بغرفتة ومش عارفين شنو الي خنقة بس علامة حصلو على رقبتة خطوط زرقة سلمان جاة خرف مبكر وهوا في سن 30 هاي الي شخصو حالتة شيخة عاشت حياتها بخير ام عيسى وردت تراعي سلمان وترعاة وتعبت وهي تشوفة وهي طاحت كل اعيالها تخلو عنها البنات كلن تزوج وستقل بحياتة وعيالها الي عرسو اطلعو ولا ردو لانة يعرفون امهم ومشاكلها وافعالها تمت وحيدة بلفلوس لكن ماتمتعت بلفلوس لانة فلوس حرام ومافيها ابركة والدنيا دوارة كل الي تزرعة مردك بتحصة في يوم من الايام حتى لو طال الزمن حقيقة يمهل ولا يهمل مسكينة شيخة صج كتبت الاراضي ولبيوت ولبنوك متروسة فلوس بسمها بس مش قادرة تحس بطعم السعادة وكل مانشوفها تشتكي من لعيال ومن الزمن ومن الولد الي يننتة وخذت فلوسة اشلون يننها سبحان الله افعل ماتشاء لكن تاكد ان ماتفعلة سيرجع لك في يوم من الايام سواء شيء جيد ام غير جيد فا الدنيا تجارب ودار بلاء ومتحان فتقو الله ودعو الخلق للخالق واشكركم لكل من انتظر تكملة القصة وهاي قصة حقيقية وواقعية ومازالت تجني مازرعتة في هذة الدنيا الى اللقاء مع قصة جديدة اختكم
قطرية مزيونة





رد مع اقتباس
  رقم المشاركة : 10  
قديم 02-12-2013, 11:46 PM
عضو جديد
احساس الجمال غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: نبذة عن نفسي !!

انتي حلوه ياالمزيونه وشخصيتج روعه فديتج

القصه حلوه حلوه بس ماحب التكدس ف النهايات ويصير كل شئ بسرعه
نفس المسلسلات تعيشين معاهم طول الحلقات وفي الحلقة الأخيرة تصير كل الأحداث مره وحده

هذي وجهة نظري يا قلبي





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: نبذة عن نفسي !!
الموضوع كاتب الموضوع المنتدى مشاركات آخر مشاركة
ابي اتوظف ابي افرح بشهادتي اللي سهرت الليالي عشان اخذها نفسي افرح زي الناس قصرفوق الرمال منتدى التوظيف والتطوير 5 28-01-2013 09:02 AM
اخصائي نفسي يبحث عن عمل لدي الافراد و المؤسسات و المدارس المستقلة ahmed neffati منتدى التوظيف والتطوير 1 11-02-2012 08:09 PM
حابه اطور من نفسي غرور سمره منتدى التوظيف والتطوير 2 12-12-2011 01:35 PM


الساعة الآن 01:02 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم