استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

قصة جديدة(قلبي الطيب في زمن قاسي)

تسلمين ويعطيج العافية ع القصة الروعة ننطر التكملة باسرع وقت...

إضافة رد
 
LinkBack أدوات الموضوع انواع عرض الموضوع
  رقم المشاركة : 11  
قديم 01-01-2014, 08:32 PM
عضو فعال
al-khayarin غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

تسلمين ويعطيج العافية ع القصة الروعة
ننطر التكملة باسرع وقت





رد مع اقتباس
  رقم المشاركة : 12  
قديم 02-01-2014, 02:43 AM
عضو نشط
fatima غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

اللهم صلي على سيدنا محمد




التوقيع - fatima
الاسم التجاري: Fatima
بلد التاجر : امريكا
مجالات التجاره: منوعة---مختصه في منتجات فكتوريا سكرت--
وسيلة الاتصال: الخاص
طريقة الشحن : شركات الشحن -طريقة الدفع : تحويل بالويسترن يونيون _ باى بال

رد مع اقتباس
  رقم المشاركة : 13  
قديم 03-01-2014, 10:56 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

اليوم بكمل معاكم القصة قبل لنروح بيت ايديدة او امي العودة
هيفاء اتصلت لصديقتها وقالت ان واحد اسمة حمد بن فلان جاي يخطبني
صديقة هيفاء هاي تصير بنت عم احلام بصدفة بس هيفاء ماتدري وماتعرف
صديقة هيفاء:اي عرفتة هاي كان خاطب بنت عمي من سنين بس ردتة لانة مب زين
هيفاء:اشلون مب زين يعني اخلاقة ولا قصدج شكلة
صديقة هيفاء:مادري مالي خص انا عشان ماتقولين اني انا الي قلت لج كيفج مادري
هيفاء:لا مايصير تتكلمين جذي وتسكتين اذا في شي الريال على قولتج كان خاطب بنت عمج اكيد تعرفين ليش ردتة
صديقة هيفاء:مادري بس اهو كان يكلمها سنين ويحبها وهي تقول ان اهو الي بدى يهتم فيها وعرفت ان يحبها وبعد فترة قالت مابي قلنا ليش قالت ان مايستاهلها تبي واحد ريال ويخاف عليها بس ماندري ليش ردتة يمكن صاير بينهم شي
هيفاء:يعني السبب مجهول ويمكن بعد يكون بنت عمج اهي الي ماعجبتة لو هي صج تبي ريال ماقعدت تكلم معاة سنين وعقب طلعت العيب فية مادري احس في شي غلط بكلامج
صديقة هيفاء:شقصدج ان بنت عمي مب زينة
هيفاء:انا ماقلت شي هاي انتي الي بديتي وعلى فكرة ولو لصبي مب زين جان هلي ماوافقو علية ويطرون بس ردي وابشرج شكلة دش مزاجي باي اخليج
وسكرت هيفاء التليفون ومش مهتمة بتفاهات صديقتها
صديقة هيفاء اتصلت لبنت عمها احلام:الو حلوم احبارج مادريتي من كلمني اليوم
احلام:اشفيج خرعتيني شنو
بنت عمها:صديقتي هيفاء تعرفينها الحلوة
احلام:مادري ماذكر انزين شنو اتصلت لج شسوي فيها
بنت عمها:لا حمد ولد خالتج خاطبها
احلام:هاة شنو اي انزين حلوة
بنت عمها:شنو حلوة هاي ملكة جمال مب حلوة اتينن بنات المدرسة نصها معجبين فيها من جمالها ورقتها ودلعها
احلام:انزين خلاص يلة باروح مشغولة
ام هيفاء اتصلت لام سعد وتخبرها ان وافقو وخل الريايل يجون يخطبون رسمي
ام سعد:اي يهلا خلاص بكلم ولدي سعد وهوا بيكلم الريايل ويتفقون
ام سعد:تتصل لحمد الو حمد وافقو وافقو كلللللللوووووششش
حمد:والله صج الحين بايج البيت
وصل حمد البيت الا الام وخواتة وحريم اخوانة ينطرونة بصالة ومشغلين مسجل ويرقصون ويكتون علية المشموم ويحبونة
حمد:اشفيكم قلبتو البيت عرس صج عاد وافقو
ام سعد:اي وافقو خلاص ينطرونكم تخطبون
حمد:انزين بكرة
ام سعد:اثقل عاد هههههه ماصدقت صج مستعيل
حمد:اي بعد حار بحار
سعد:اي الحين مستعيل ولعرست تبي الفكة تشرد مب لاقي قت ههههه
حمد:عاد شتبون فيني عقب خلاص بختفي عنكم شهر
ام سعد:اي باجوف
وراحو سعد وحمد وخوانة يخطبون ويخلصو وتفقو على الملجة عقب اسبوع
وتمت الملجة وتفقو على الخطوبة
يو الخطوبة ............................
ياو اهل المعرس واهل العروس ينتظرون العروس هيفاء تدخل
حطو خوات هيفاء الزفة ودخلت هيفاء تمشي بدلع وبثقة وتمخطر وتمايل وركب الكوشة
وجلست
احلام كانت حاظرة بس قبل لايدخل حمد طلعت من الطوبة لانة حست بلغيرة والندم
دخل حمد وسلم على هيفاء وجلس معاها وصور وستانس واكلها الكيكة واكلتة ولبسها الدبلة والعقد
عايشة:حمد يلة خلاص اطلع خلصنا البنات يبون ياخذون راحتهم اشرايك اعجبتك
حمد:بس اشوي باقعد عاد
عايشة:ههههههه انزين بس اشوي
اشوي وطلع حمد من الخطوبة وهيفاء تشوفة وهوا طالع وقلبها معاة مشتاقة
وتمو صديقات هيفاء وخواتها يرقصون ويستانسون لين اخر الليل
حمد راح البر مع ربعة كان ايام الشتاء بس خيالة مب معاة خيالة يفكر في هيفاء وجمالها
اليوم الثاني ام سعد:هاة عسى اعجبتك
حمد:اعجبتني الا متى العرس
ام سعد:هههههههه اي استعيلت الحين
حمد:اي والله يما ماقدر اصبر ابيها
ام سعد:اصبر على الاقل 8 اشهور انعدل لك غرفتك نكبرها ونغير فيها وين بتحطها
حمد:انزين ابي اكلمها يما وابي صورة لها ابي اشوفها
ام سعد:انزين بكرة باكلم امها
ام سعد اتصلت بام هيفاء وطلبت وطلبت ان حمد يكلم مرتة ويبي صورة
اسبوع عطتها هيفاء صورة لها حق ام سعد
ياء حمد ام سعد:تعال بعطيك شي
حمد يظحك ومستانس اشوف شاف الصورة بقى قلبى يوقف وخذ الصورة ودخل غرفتة يشوفها بروحة
طلع الصورة مرة ثانية من الظرب وقعد يطالع كل شي فيها ويحفظ ملامح وجها وجسمها ويقبلها ويطلب من الله يحفظها من عيون الحاسيدين
وكلم حمد خطيبتة وزوجت المستقبل هيفاء وزادت المعرفة بينهم وكل يوم تعرفة اكثر وهوا يفها ويتعلق فيها اكثر ومرت 8 الشهور بسرعة وجاء يوم العرس
ودخلت هيفاء بفستانها الابيض الطرز النافش وشعرها المرفوع وطرحتها الطويلة وراها وجلست وكلن بارك لها وصور معاها كانت خايفة ومستحية
وساعت قليلة الا حمد دخل القاعة مع اخوانة وصورو معاة وخلصووطلعو وعقب ماطلعو جلس حمد جمب هيفاء في الكوشة وصور معاها وقعد يطالعها بطرف عينة ومستانس بان هلجمال كلة جمبة مش مصدق
واحلام تشوفة من بعيد ومحترة لانة كان حمد مسوي كل شي حلو حق هيفاء اخلى كوشة واحلى طولات وكل هذا متزوج احلى البنات بنت تغطي على القمر وبتنسية احلام وغيرها في نص العرس المعرس طلب من اختة تسوي شي مجهزة مفاجاءة
عايشة راحت للمغنية اي الي تغني وطلبت منها توقف اشوي عن الغناء حمدقرب من هيفاء وهمس في اذنها:هاي هدية مني لج
هيفاء ابتسمت وستحت
اشوي الا شاعر مشهور يقصد بهيفاء وجمالها ورقتها ونسبها كلن تفاجاء ام هيفاء واخواتها صديقاتها وحتى اخوان حمد وزوجاتهم مايدرون كلن احتر من حب حمد لهيفاء وخاصة احلام الي انقهرت الف مرة وحمد قاصد هشي عشان يرويها ان نساها بكل بساطة وقلبة وحبة لهيفاء بس
عايشة جات جمب هيفاء تقول لها يحظج شفتي خمد اشكثر يحبج
وشوي وخلص العرس وجاء وقت العروس والمعرس يروحون حمد ينطر هلوقت بفارق الصبر مسك ايد هيفاء بقو ومشى معاها ولما جاء بينزلون من درج الكوشة حمد خاف على هيفاء ونزل قبلها وهوا ماسك ايدها ولا تركها ويساعدها تزل من الكوشوة وماهمة الناس شتقول اهم شي عندة هيفاء شلون يحافظ عليها ويخاف عليها تتعور وتطيح او اي شي
وراحو الفندق وسكرو الباب وبتدت قصة هيفاء الي ماكانت حاسبة لة اي حساب واترككم الحين وتصبحون على خير والى لقاء قريب
اختكم :قطرية مزيونة





رد مع اقتباس
  رقم المشاركة : 14  
قديم 05-01-2014, 05:24 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

حمد:صباحية العرس قعد ولبس هيفاء ساعة غالية
وطلب منها تتجهز عشان بيسافرون
وجهزت هيفاء وسافرو وقضو اخلى شهر عسل في تركيا
بعد 10 ايام ارجعو وداها بيت اهلها عشان بكرة بيوديها بيتهم يوم الهدية
ام سعد:حمد متى بتجيب هيفاء ساعة كم
حمد:مادري متى ماجهزت بتجي
عايشة:اي من الحين على كيفها
حمد:بعد عروس ماقدر اقولها شي
وجهزت هيفاء وخذها حمد بسيارة وامها معاها واختها وخالتها ومرت عمها
انزلت هيفاء وغلت العباية في السيارة نزلت ولابسة الفستان الضيق الاحمر والذهب على راسها وصدرها ولابسة الذهب بايدها
وكتت ام سعد المشموم عليها وعلى الارض عشان تكون دخلتها خضرة عليهم
ولين خلصو الناس وراحو عقب راحت هيفاء ملحقها مع امها واختها وخالتها وصورو معاها ولين اهني قامت ام هيفاء تودع بنتها هيفاء وهيفاء قلبها يتقطع ان خلاص طلعت من بيت اهلها ودشت بيت ناس غرب وبتعيش معاهم شي صعب على كل بنت تفارق البيت الي عاشت فية وتربت فية وتروح بيت غريب وبداية جديدة وحياة جديدة
ام هيفاء امسكت ام سعد وقالت لها:ماصيج على بنتي يام سعد تراها ياهل للحين وعتبريها بنتج بنتي وعرفها ترا قلبها رهيف
ام سعد:لاتحاتين هاي بنتي خلاص لتحاتينها
وراحت
وتمت هيفاء جالسة مش عارفة شسوي جلسو معاها عايشة وروضة وام سعد اشوي الا حمد دخل
شسون يلة باخذ راحتي يمكن بسوي شي ولا شي
ام سعد:اكي عنك سو فيها ههههه ماتيوز عن سوالفك
وهيفاء مستحية ومدنعة
وطلعو
حمد:تعشيتي ولا لا
هيفاء :لا ماتعشيت
حمد:امشي معاي المطبخ انشوف في شي
هيفاء :شذي اطلع
حمد:اي حطي شي على راسج وامشي محد الا اخواني عادي
هيفاء استنكرت حطت الشيلة على راسها وطلعت
راحو المطبخ مشترك طبعا برا البيت
جلسو يتعشون ام سعد رافعة للمعاريس عشاء
اشوي الا جاسم داخل المطبخ ويناظر هيفاء بنظارات غريبة كانة حد رش علىية شي
حمد:تعال عادي هاي هيفاء زوجتي
جاسم :هلا هيفاء مبروك الزواج
هيفاء استحت ماردت
اشوي وطلعو راحو الغرفة
اليوم الثاني اخوان حمد كلهم جاو الصالة بيباركون لزوجة اخوهم
حمد:هلا اشعندكم متيمعين
اخوانة:وينهي مرتك خاشها مب ماكلينها
حمد:اصبرو توها قاعدة ياخي بتخرعونها شذي ههههههه متيمعين
عايشة:لا عادي خل تعود علينا
دخل حمد :يلة هيفاء ماخلصتي
هيفاء:استحي مب طالعة مب متعودة حمد خل مرة ثانية
حمد:يلة عادي لاتستحين
وطلعت وسلمت على اخوانة وباركو لها ومستحية ومدنعة ولا ردت عليهم
جات ام سعد مسكينة وخذتها ويرتها غرفتها خلاص البنت تستحي ونتو يننتوها
سعد :خليها اشوي خل انشوفها خشتها ليش
حمد:اي خوفوتها خلاص يمنع التجول اهني
وتمت كم يوم على هلحال
هيفاء مشاءالله عليها جميلة حتى بدون مكياج جميلة
وبنت صغيرة وتلبس وتتعدل بحكم انها عروس
طلعت مع زوجها الصالة ولابسة التنورة السودة ولها قصة من عند الركب وسيعة ولابسة قميص شيفون نمري وطالعة بتاخذ العقل
اخوان حمد ايجون كل واحد اعيونة تدور على هيفاء من جمالها مايقدرون يصدون عنها جمالها يجذب
وهيفاء رقيقة وناعمة وحلوة وخجولة
تطلع تجلس جمب حمد وحمد لجلست جمبة يبيها تتجراء وتتكلم مع اخوانة عادي
بس هيفاء مش متقبلة هلفكرة لانة مش متعودة عليها
في البداية زوجات اخوان حمد بدو يغارون من هيفاء ويغارون لما يدخلون ويجلسون بصالة وهيفاء تكون موجودة فاول شي كل وحدة طلبنت كم زوجها ان ماتدخل البيت او الصالة اذا هيفاء موجودة هاي اول الخيط
ام سعد لاحظت ان اعيالها مايجون استنكرت
كل ماتصلت بحد يتعذر باء شي
ولما يكونون موجودين وهيفاء طلعت من غرفتها كلن يطلع من الصالة
هيفاء اعرفت السبب
هيفاء:حمد متلاحظ شي من اجي اخوانك يطلعون
حمد:مادري
هيفاء:صدقني حريمهم طالبين منهم
حمد:خلاص لتكلمين على هلي جذي
هيفاء :شقلت ماقلت شي
ومرت الايام وحملت هيفاء
وام سعد ستانست ان مرت حمد حامل
جاسم :مبروك حمد
حمد:الفال لك ان شاءلله الله يرزقك
جاسم:الله كريم كم سنة وماخلينا مكان لكن الله كريم
ومرت الايام وربت هيفاء يابت بنوتة
هيفاء:حمد ان باسميها على امي لاني حلمانة فيها
حمد:بس اخاف هلي يزعلون
هيفاء :انا باكلمهم اذا تخاف يزعلون
حمد:كيفك
ام سعد:مبروك يبنتي شبسمينها
عايشة :بعد اسمها معروف
هيفاء:باسميها على امي كم يوم وانا احلم فيها
ام سعد:اي شريفة ونعم فيها
ام هيفاء: انحرجت وسكتت
يوم راحو ام هيفاء ليش ماسميتيها على ام ريلج
هيفاء:يما عادي ريلي راضي وامه كلن مسمي عليها خلاص انا صج حلمانة فيج والله
ام هيفاء :فديت شروفة عاد اذا بتطلعين علي زين
ومرت سنة وشروفة صارت دلوعة البيت وهيفاء حملت مرة ثانية
ام سعد:عاد اذا يبتي ولد شبسمينة
هيفاء بعد مايبيلة على ابو حمد اكيد
عايشة:يمكن بعد اسمي على ابوها مثل ماسوت بولادة بنتها
هيفاء قامت ولاردت عليها راحت غرفتها وتمت تبجي
حمد دخل عليها :هيفاء هيفاء وينج حبيبتي
هيفاء تبجي بسريرها
حمد:هيفاء اشفيج تبجين
هيفاء:مافيني شي
حمد:قولي عاد شفيج امي قالت لج شي
هيفاء :لا امك لو اتغلط علي مازعل هي مثل امي
حمد:من عيل عايشة
هيفاء :تبجي اي قالت لي .....
حمد:معلي لاتزعلين ولا عليج منهم فديتج كم هيفاء عندي انا تبين اكلمها
هيفاء:انا ماقلت لك عشان تكلمها لا خلاص بس افظفظ لك
ودشت هيفاء شهرها وربت ويابت بنت
حمد:حمدالله على سلامتج يلغالية
ام سعد:اشبسمونها
حمد:اكيد عليج يما
ام سعد:لا انا سامحة عليكم اذا بسمون سمو على عايشة مسكينة ماعندها حد يسمي عليها
حمد:ان شاءالله
هيفاء تضايقت امة معلي بس اختة ذي الي مابلعها اف
وسمو بنتهم عايشة على اختة
عايشة:حمد الله على سلامة شسميتوها
ام سعد:سموها عايشة عليج
عايشة:عاد مب كل عايشة تلمع بسماء
هيفاء منقهرة ماتقدر اتكلم سكتت وتصبرت عشان ريلها طيب معاها
ومرت الايام وكبرو شريفة عمرها 4سنوات وعايشة سنتين
وحملت هيفاء
شهد زوجة جاسم :سلام عليكم يما
ام سعد:هلا يما
شهد:شخباركم اشلون مرت حمد
ام سعد:والله مرت حمد تتنسى تعبانة راحت بيت اهلها
شهد:شنو حامل صج
ام سعد:اي الله يعطيج
شهد ازعلت وقامت
جاسم بعد ساعة دخل :يما يما
ام سعد:اشفيك اصارخ
جاسم:اشقايلة لمرتي انتي يما
ام سعد:ماقلت لها شي اشقايلة لها بعد
جاسم:قاعدة اتعايرين فيها ان ماتحمل ومرت حمد تحمل
ام سعد:والله الله على سابع سما اني ماعايرتها ياولدي
جاسم:انا ماتحبيني لا انا ولا مرتي من زمان مب توة لكن من اليوم لاانا ولدج ولا انتي مرتي وبيتكم ذي مب طابة
ام سعد:بلعنة روح حد يودك هاي الساعة لمبارك الي نفتك فيها مرتك ام السوالف تقولني شي انا ماقلتة
ويطلع جاسم ويروح لزوجتة
شهد:جاسم ترا انا اتوقع ان حد مسوي شي لنا عشان جذي مانيب اعيال
جاسم :انزين من تتوقعين
شهد:مادري بس اعتقد حد من الثنتين يابنت خالتك احلام او مرت حمد هيفاء
جاسم :الو حمد ابيك بكلمة راس
حمد:قول شعندك
حمد:زوجتي صار لنا انا وهي مانجيب اعيال وحس ان حد مسوي لنا شي
حمد:اشهلخرابيط كبر عقلك
جاسم:لا صج يعني لاتزعل بس زوجتي كلة تحلم بثنتين وهي شاكة في وحدة منهم
حمد:من اثنتين
جاسم:يمكن احلام بنت خالتي ولا شسمة زوجتك هيفاء
حمد:اقول اكل تبن لاقلب البيت عليك انت وزوجتك
بنت خالتك هاي رفيجت زوجتك يلي ماتفهم وزوجتي اشرف منك انت ومن زوجتك وستح على ويهك مرة تقص عليك بسوالف حريم وانت ثور وراها
جاسم:ادري انت معصب بس هاي الصج تبي اثبت لك
حمد:انت صاحي ولا مينون
جاسم:انزين اسمع اقدر اثبت لك والله
حمد:شوف انا واثق بزوجتي لكن انت الله يخلف عليك
جاسم:انزين تروح معاي ارويك
حمد:شترويني
جاسم :السحر
حمد:والله اعناد اي باشوف وباروح معاك وباشوف اخرتك وين بتروح
جاسم:خلاص بكرة بنروح عند مطوع زوجتي ماخذة عنوانة وزين يقولك كل شي
حمد:انزين خلاص بامشي معاك مب عشان اصدق لا عشان ارويك مستواك بس ماعلينا
وحجزو اليوم الثاني ايروحون عمان
حمد:الو هيفاء انا باروح اودي اخوي تعبان عندة موعد يومين وراجع
هيفاء:الله يحفظك بس طمني عليك
ومشو وصلو عمان سيدة من الطيارة للفندق لللعنوان الي عطتة اياة شهد
دخلو مكان كلة ظلام وكئيب ويخوف
دخلو الا واحد شكلة يخرع قاعد
عالو ادخلو ياجاسم والي معاة
جاسم:شفت عرف اسمي من غير ماقولة
حمد:يعني زوجتك مكلمتة اكيد عطتة اسمك المهم يلة
الشيخ:انت اعطني اسمك واسم امك
حمد:شنو اسمك واسم امك مب مطوع انت
جاسم:اصبر حمد خل يشتغل يشوف
حمد:لا شنو يشتغل هاي من اولها مبين هاي مشعوذ
الشيخ:اسمك واسم امك
حمد:لحظة لحظة انت مب بتقراء علية مطوع اقراءة علية الحمد انزين
الشيخ:انت اطلع برا
حمد:مب طالع شنو مشعوذ انت جاسم اشفيك غبي اي شيخ يطلب اسمك واسم امك
جاسم:اشفيك حمد
حمد:انزين يلة
جاسم عطاة اسممة واسم امة
الشيخ:انت معمول لك عمل ومدفون تحت سريرك والي عملت لك وحدة تقرب لكم قريب وخالطت دمها بدم الشياطين
جاسم:سمعت قلت لك انا
حمد:انت مب صاحي وانا مينون الي يت معاك اقول اصدق هاي كلة سحر وشعوذة ويطلع حمد ويروح الفندق ياخذ اغراضة ويروح سيدة المطار يرجع قطر
جاسم تم يومين ورجع
حمد:والله انت واحد مينون ومب صاحي وهاي زوجتك اهي الي ساحرتك شكلها وام سحور
واذا مب اهي قايلة لة يقولك جذي مب ولد ابوي اكون هاي مرتك جذابة وانت مب صاحي مصدقها
جاسم:والله صج رديت الا صج كلمة لقيت العمل مربوط ومدفون تحت البلاطة تحت ريرنا وانا عرفت حتى زوجتي كلمتة عقب ماطلعنا وقالها تقرب لة وصير لة من صوب امة يعني بنت خالتي
حمد:اصلا هاي زوجتك تلعب لعبة عليك وانت مصدقها ليش كلم زوجتك وماقالك غير معطتة فلوس وقايلة لة قول جذي اقول ماقول غير الله يهديك انت وزوجتك
حمد راح بيتة سبح وطلع راح حق زوجتة يشوف بناتة وحشوة
ام سعد:وين بتروح
حمد:باروح اشوف بناتي
ام سعد:حبلي اياهم
حمد جلس عند زوجتة وقعد معاها ولعب مع البنات
حمد:امي موصيتني احب بناتي عنها
هيفاء:زين ودهم لها مسكينة خل اشوفهم
حمد:عادي اخذهم وانتي اهني
هيفاء:انت ابوهم ماخاف عليهم واهم معاك
حمد:الله يخليج لي يم اعيالي
وخذ البنات وراح حق امة دخل عليها
ام سعد:هلا هلا وغلا بعصافي البيت فديتكم
وتم تحببهم وتلعب معاهم لين اذان المغرب عطتهم حلاوة وكافي وجبس وجابهم البيت
حمد:يما ترا يوم رحت احبهم عنج هيفاء قالت ودهم لها حق يدتهم خل ايسلومن عليها
ام سعد:اي هاي الشيخة والله انها بنت سنعة اذهبة لتفرط فيها ترا ربك خذ منك وعوظ بحسن من الي كنت تبيها
حمد:يما ترا هيفاء روحي وقلبي والله اني احبها وكفاية لشفتها جني اشوف القمر جدامي
كبر بطن هيفاء كبير غير عن يوم كانت حامل ببناتها
عايشة:شكل الثالثة ياية بطريج
هيفاء ساكتة
حمد:لو اتيب لي كلة بنات انا راضي احب البنات
عايشة:عاد بنسميج يام البنات
هيفاء:عادي سميني ام البنات اي شي عادي الحمد الله راضية بحكم ربي هاي نعمة غيري يتمنون ظفر ياهل مب محصلين
عايشة:اشقصدج انتي
هيفاء:مب قصدي شي قلتي رديت عليج عادي
عايشة:انتي عقربة ام المشاكل تقرصين وتلدغين وتندعسين
هيفاء:انا ماقلت شي عشان تعصبين
عايشة:انا صج مايبت اعيال لكن اخواني محد رباهم االا انا ولو احطج براس صدقيني ماتقعدين اهني دقيقة وحدة
هيفاء قامت وراحت غرفتها
حمد دخل جاف البت متكهرب اشفيكم
عايشة:شوف مرتك وعقب اسال اشفينا ام المصايب من دخلت وبيتنا مب عدل
ام سعد:خلاص سكتي
حمد:هيفاء هيفاء اشفيج
هيفاء :مافين شي
حمد:اشقايلة حق اختي
هيفاء:اشقلت والله ماقلت شي اهي تكلمت وقطت الحشي علي ورديت عادي
حمد:معلي امسحيها في ويهي عشاني قومي تسامحي من اختي وحبيها على راسها
هيفاء:شنو احبها على راسها ليش امك ولا امك
حمد:معلي مابي مشاكل مع هلي
هيفاء:يعني انا مسوية مشاكل شوف حمد انت ريلي وعزك وامك لو تغلط على والله اروح اتسامح منها بس اختك لا شنو انزل راسي لها وهي الغلطانة
حمد:معلي قومي
هيفاء:حمد صدقني ان رحت حق اختك والله مالي قعدة في البيت عندك
حمد:يعني انا شسوي منج ولا من هلي
هيفاء:خلاص لاتتدخل سوالف حريم خلها
حمد:بس هاي اختي
هيفاء:وانا شنو بنت البطة السودة ماخذني من الشارع اقول اضاهر انا يوم تزوجت ماتزوجتك تزوجت اختك
وتروح هيفاء وتلم اغراضها وغراض بنتها
حمد:اشفيج اصبري
هيفاء ماتكلمت وجهزت اغراضها وقالت حق الخدم يشلون شنطها ويركبونه السيارة
حمد امش ودني بيت هلي
حمد:مابي اتروحين هيفاء انا متعود عليج انتي واليهال فديتج خلاص
هيفاء:لعرفت قدري عدل تعال خذني انا مب الطوفة الهبيطة اذا انت ماقدرتني محد من هلك بيقدرني وطلعت وراح وداها
ونزلها ورجع البيت
حمد:ارتحتي ياعايشة هاي الي تبينة
عايشة:بكل تكبر وجبروت وترد علية بنفس خايسة ليش انا الي قلت لك ودها اهي ماتبيك
حد:انتي مب مرتاحة الا لشفتينا كل واحد في صوب
ام سعد دخلت غرفتها حزينة وتفكر هاي بنتي ماقدر اردها ولا اقول شي وهاي ولدي ومرتة الله خير ماشفت منها اي مضرة
تمت هيفاء بيت اهلها اسبوعين حمد مايدخل عند بيت هلة الا لما يب ينام تتصل ام سعد بولدها مايرد مضايق
يتصل لزوجتة كل يوم بس ماترد علية
ام سعد اتصلت حق هيفاء:الو اشلونج يما شخبار اليهال
هيفاء:الحمد الله يما طيبين
ام سعد:اخبار حملج
هيفاء:الحمدالله خلاص قربنا
ام سعد:يما ردي بيتج ترا ريلج تعبان مانشوفة اخاف يصير فية شي
هيفاء:يما انا رحت بيت هلي ارتاح بس مافين شي مع حمد بس الحمال متعبني وماقدر على لبنيات بس
ام سعد:الله يستر عليج يبنيتي والله عمرج مااذيتينا ولا شفنا منج العيبة حتى بناتج ودي اخدمج ايودهم لج شي مشاءالله عليج ام سنعة الله لايغير عليكم
اشوي الا حمد داخل
ام سعد:روح يب مرتك وعيالك ترا البيت كلة لهم
حمد:معلي
يتصل لهيفاء الو هيفاء
هيفاء :هلا
حمد:وحشتيني متى بترجعين
هيفاء:انت ماتبينا لو تبينا جان يت خذتنا
حمد:انزين طلعي انا عند الباب
هيفاء:عيارتك
حمد:طلي وشوفي
هيفاء:انزين بطرش لك بناتك
وترجه هيفاء البيت مع اعيالها
حمد مستانس مسكين اخيرا البيت ظحك ورد مثل ماكان
هيفاء دخلا الحجرة الا وصخة لثياب مقططة واكواب الجاي وسرير عفيسة
وترب متعدل
عايشة :يما بكرة انا باعزم اخواني وحريمهم كلهم عزبتنا بنسوي الغدا اهناك وبنرقد اهناك ويطلعون بليل عشان يرقدون اهناك وصبح يجهزون حق الغدا في العزبة
هيفاء طلعت الصالة هدوء محد يما يما وينج
حمد:محد هلي راحو
هيفاء :وين
حمد:عازمتهم عايشة كلهم
هيفاء:وانا ليش ماكلمتني صج انها ماتقدر حد
الفجر ساعة اربع الصبح هيفاء حست بطلق يجيها
وكل ملة يزيد ويزيد قعدت حمد حمد قوم ودي المستشفى قعد حمد متخرع حمل بناتة ثنتي لسيارة وزوجتة وداها بيت اهلها نزل البنات وطلع المستشفى ام هيفاء نيمت البنات بغرفتها وكلمت بنتها لكبيرة تروح لهيفاء المستشفى تطلق
وصلت هيفاء الطواري يركضون فيها خلاص ولادة ولادة ويدخلونها توها ماخذت ساعة الا يبشرون حمد مبروك
حمد:اشلون ماما زين
النرسة:زين زين
جات اخذ هيفاء هلا همد وين اشقالو لها
حمد:مستانس ربت الحمدالله
اخت هيفاء:مشاءالله مبروك شيابت
حمد:هاة صدقين مادري ماسالت
ودش اخت هيفاء وشوف وتبشر حمد مبروك مبروك ياك ولي العهد
من الفحة حمد اتصل حق امة الو يما ابشرج هيفاء ربت يابت ولد
ام سعد:ربت اشلون ومتى ليش ماخبرتني اروح معاها
حمد:يما ياها الطلق الفير وبسرعة بسرعة ومحد في البيت نسيت والله تتدودهت
ام سعد:الحمد الله على سلامتها الحين بايكم
عايشة:وين بتروحين
ام سعد:حق مرت حمد ربت
عايشة:هو ليش ميعلمون بعد
ركبت السيارة ام سعد وراحت لهيفاء وباركت لها وشافت الولد فديتة جنة حمد الخالق الناطق سبحان الله شبسمينة
حمد:بسمي على ابوي عبدالحمن
ام سعد:يحلو حمني حبيبي الله يحفظة باجيكم بكرة اليوم عندنا الغدا باطبخة ماحد يعرف لذباح
وتروح
ورخصو هيفاء عقب 3 ايام وراحت بيت اهلها
وتمت 3 اسابيع تتنفس بيت اهلها وغررت ترجع بيتها غرفتها بيت اهل زوجها راحت هيفاء بيت زوجها دخلت مع بناتها والمولود الجديد وزوجها حمد هيفاء قالت حق حمد لتقول حق امي اني بتجي البت خل انفاجئها
دخل حمد :يما يما وينج
ام سعد:اهني في المطبخ جان يركضون البنات حق يدتهم
ام سعد:هلا بزين فديتكم فديت لفتكم
الا هيفاء ياية اسلم عليها مع حمني لصغير
ام سعد:وي ماقلتي حمد هيفاء اهني فديتة المزيون
ام سعد:عيل بتعشين اهني ولا بتمشين
هيفاء:بعد خلاص يت مافيها رجعة ههههههه الا اذا ماتبوني
ام سعد:الا نبيج ليش مانبيج
اسبوع اتعبت ام سعد عليهم
حمد:اشفيج يما
ام سعد:بطي يعورني ودوني المستشفى ويودونها المستشفى اعيالها كشفو عليها
غرر الدتور عملية ارجنت عملية
حمد:شنو عملية عملية اصبر
ام سعد تمسك يد حمد ودي بار لتخليهم يلغلغوني ودني برا
حمد:خل انوديها بار نسفرها
سعد:امي ماتقدر على الطيارة يقول الدكتور اذا تاخرتو بتروح عليكم
حمد مب مغتنع بس اخوانة الاكبر قالو خلاص مايقدر بس ودة
غررو العملية بكرة الصبح
هيفاء:الو حمد ودني حق امي ام سعد باشوفها قلبي ياكلني عليها
ويجي حمد ياخذ هيفاء ويوديها لامة وسلم عليها وتمسك ايدها وتقراء عليها بس ام سعد تطالع لهم وماتقدر تتكلم من الالم
الصبح جاء الدكتور دخلوها العمليات ساعتين طلعت الدكتور الحمدالله العملية نجحت بس في النقاها
لما تفيق بتجيبها الغرفة
لعيال الحمدالله الحمدالله كلن راح الي يحلق ويتعدل حق صلاة الجمعة لانة يوم جمعة لكن اترككم بكرة استودعتكم الله





رد مع اقتباس
  رقم المشاركة : 15  
قديم 06-01-2014, 11:48 PM
عضو فعال
al-khayarin غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

القصة روعة بس ننطر التكملة
يعطيج العافية





رد مع اقتباس
  رقم المشاركة : 16  
قديم 07-01-2014, 12:54 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

عايشة ردت البيت ترتاح اشوي وروضة قعدت عند امها بلمستشفى تنطر يجيبونها الغرفة للحين في غرفة العناية لازم تمر 24 ساعة على العملية
دخل سعد ومرزوق المستشفى ينطرون الدكتور يطمنهم على امهم جاسم دخر جات الساعة 8 الصبح وصل الدكتور شافو بس مارد عليهم وراح اوكي اوكي دقايق وخبركم راح جات الدكتورة اصلها ايراني
السلام عليكم اهل المريضة سعد :اي هاي امنا
الدكتورة :معلي احنا سوينا الي علينا بس مشيئت الله اكبر البقا براسكم المريضة حالتها تعبت حاولنا انساعدها بس ماستجابت للعلاج
سعد يطيح من طولة مرزوق يطلع يركب سيارتة ويبجي روضة تبجي وتقول حق الدكتورة ابي اشوف امي ابي اشوفها
خذتها الدكتورة تشوف امها ام سعد
دخلت على امها ماقدرت تكشف على ويها بس كشفت على ريولها وحبت اريولها ومسحت على اريوها وتمت تقراء القراءن عليها سبحان الله ارتاحت وحست ان امها سمعتها وسكتت وطلعت روضة الي مالها صوت طول عمرها ساكتة تكلمت وقالت يلة انتو اعيالها شلتكم لين صرتو ريايل ياء اليوم الي تشلون عزاء امكم ولا حد يبجي ترا امي مرتاحة
وطلعت مع اخوانها راحت بيت ابوها
دخلو البيت على عايشة عرفت حست ان امهم فيها شي تمت تصرخ وتصارخ وتقطع بشعرها يحاولون يسكتونا يهدونها بس ماكو فايدة طلعت هيفاء من غرفتها
جات عايشة تصطرها وتقول:كلة منج دخلتي البيت وانتي ماكملتي لربعين دخلتي دخلة غبرة
هيفاء تمت اطالعا وهي مش قادرة ترد عليها عاذرتها عشان الظروف الي تمر فيها نست هلكف وقامت بعزى ام زوجها الي كانت طيبة معاها
ثاني يوم من العزاء دخلت خالت لعيال معاها البنات من ظمنهم احلام
هيفاء تخلف وطالع احلام بطرف عينها ولا شنهى تطالها بلخش
بعد ماراحو المعزيم الخالة :وين لعيال بتخلف لهم
عايشة:الحين بكلمهم ايجونج
جاو لعيال طلعت الخالة تتخلف حق اعيال اختها
اشوي الا احلام طالعة طالعة وتخلف حق لعيال حمد انصدم احلام تتخلف لي غريبة
هيفاء احترت
دخل بليل حمد بينام هيفاء :شفتك
حمد:شنو
هيفاء:يوم تسلم على بنت الخالة
حمد:اي شفيها تتخلف علي
هيفاء :اي صدقت
حمد:اشفيج بنت خالتي وتتخلف انا ماصدقت انها بتخلف علي
هيفاء:ليش لهدرجة هامتك تفكر فيها اسلم عليك ولا لا
حمد:اووووة انا في عزا وانتي في سالفة ثانية
وطلع الغرفة ينام
هيفاء منقهرة وحترة زوجها من حقها تغار قعدتت تبجي بروحا بصالة اشوي الا حمد ياي يراضيها
حبيبتي خلاص والله اسف والله الي تبينة بسوي بس لاتبجين
يعني انتي تغارين من وحدة مثل هاي بذمتج انتي شنو عنها انتي تسوينها وتسوين طوايفها بعد والله ماهتم فيها والله ولاتي على بالي
هيفاء :بعد اغار عليك
حمد:تحبيني هلكثر هيفاء
هيفاء:اي اموت فيك بعد
حمد:خلاص اوعدج مادش البيت لين خالتي وبناتها يطلعون شتبين بعد
هيفاء:خلاص بس هاي الي ابية
اليوم الثالث جات احلام العزاء وجلست بس حاطة بودرة وروج كنها متعدلة عشان تلفت انتبهاة احد
هيفاء مستغربة من قلت الحياء الي محترمت خالتها وعزاها جاية شنة عرس تاخرو طولو اليوم وحمد تعبان كل وقت يتصل بهيفاء هاء راحو اي
هيفاء لا
حمد:اف تعبت بطلي دريشة الغرفة باجي من ورا البيت
وتروح هيفاء تفتح دريشة وينط حمد
من صادهم روضة شافتة من الغرفة الثانية
هيفاء حبت تطلع عيوبها:جفت بنات خالتك اليوم شمسوين \حمد :شنو
هيفاء:متعدلين جنة مب عزاء
حمد :خلهم يولون تعالي نرقد بس
ومرت الايام ومرت وخلص العزاء وقفت الناس
عايشة طلبت من اخوانها وحريم اخوانها يجتمعون
يوم اجتمعو قالت لهم:شوفو امي ماتت الله يرحمها بس ماشي تغير امي راحت انا الحين احل مكان امي
ولقعدتو الصبح ابيكم تحبوني على راسي مثل ماكنتو اسون حق امي ابي احسسكم ان امي موجودة
هيفاء في قلبها مسكينة ينت الحمد الله وشكر
اليوم الثاني الصبح جلسو لخوان كلن يجب على راس عايشة ويحبها عايشة الدور حتى حريم اخوانها
الا هيفاء :صباح الخير عايشة
عايشة ماردت كانة هيفاء مسوية شي غلط
حمد:قومي حبي اختي على راسها
هيفاء ليش البوذة ،امك احبها مثل امي لكن اختك لا قالت حبوني وخلاص لازم اجباري كيفكم انتو انا مب امعا سوري
بدت المشاكل ازيد بين هيفاء وعايشة ازيادة
بليل عايشة تبي تقيس نبظ الكل ومتفقة مع مرت سعد على خطة
عايشة:امي عندها خير ورث وبنوزعة على اخواني
مرت سعد:انا حلمت بام سعد تحتها سمج وتقط علينا
مرت جاسم :هاي خير بينا منها
هيفاء:استغفرالله المرة توها متوفية وانتو تتكلمون بلورث الله يهداكم اطلبو لها الرحمة بس لفوس شبسوي اذا على لفوس الحمد الله مانبي شي(اصلا هيفاء عرفت ان هاي خطة يشوفون من طامع بلورث)
تمت البيت الي كلة الجمعة في صار محد يدشة محد قاعد الا هيففاء كل يوم مع اعيالعها وريلها ولا قطو يطل عليهم
كلن في ملحقة محد
هيفاء وينهم
حمد اشدراني
مرت الايام حمد يبي يطل على اختة عايشة راح لها بملحقها دق الباب دخل الا شاف الكل مجتمع حريم اخوانة كلهم الا هيفاء حس بظيقة سلم على اختة وطلع
عايشة :تعال حمد تعال اقعد
حمد:ليش جايفتني اقعد مع الحريم كنت ياي اطل عليج اسلم
عايشة:اي لا ياو يسيرون على
حمد:اي
راح حمد لزوجتة هيفاء شافها قاعدة بروحها
روحي عند عايشة اختي وسعي صدرج
هيفاء:اختك ماتواطني
حمد:معلي تقربي منها
راحت مع بناتها وخلت ولدها راقد بلغرفة وخذت الجهاز عشان تسمعة دخلت السلا م عليكم
عايشة:هلا تونا كنا طالعين تبين شي
هيفاء:لا كنت باجي عنج اقعد
عايشة:لا والله بنطلع اشوي بنروح نتمشى
هيفاء:اي عبل مرة ثانية
عايشة:معلي
حست هيفاء ان طردة وقالت حق حمد
حمد:ليش تفكيرج جذي خلج عادي يمكن صج
هيفاء:انزين بكرة بارويك بثبت لك
اليوم الثاي طلع عندها
الا عايشة:هلا هيفاء شفيج
هيفاء:لا جاية اقعد معاج اشوي من زمان ماشفناج
عايشة:لا والله عازمة صديقتي على عشة عندي بملحقي والله وبتجيني وماتحب الناس هي تستحي
هيفاء:اي خلاص عيل مع السلامة وهي طالعة الا جابلتها مرت سعد وبناتها ومرت مرزوق وجاسم عرفت ان ماتبيها
طلعت وراحت منقهرة وتبجي
حمد اشفيج
هيفاء:كلة منك انا ماكنت ابي اروح بس اتعرف ان اختك ماتبيني
هذا مرتين تطردني بطرقة غير مباشرة نزلت نفسي لها وايد لكن من اليو والله لاتلومني على اي شي
حمد:خلاص والله اسف ماراح اجبرج انا كان ودي اشوفج مع هلي بس
هيفاء:واذا هلك مايبوني شسيوي
مرت الايام وطلع ورث وقدرة
عايشة بدت تفكراشلون اخذ انا وختي نفس حصت اخواني عيل حريمهم يستانسون بحلال امي والله ماخليهم
عايشة كلمت حمد لانة تقدر علية حنون وطيب ويقدر يقنع يخوانة بحكمتة وكلمتة الرزينة
عايشىة:حمد الحين بتقاسمون الحلال ونتو كلة اصبيان وماعندكم بنات الا انا وروضة اقسمة الحلال بتسالوي مانبي الربع يعني احنا اشعندنا كلم اخواني انت
حمد:خلاص ولا تفكرين بكلمهم واذا مارضو والله بعطيج الي عندي بازيدج ولا تفكرين انتو خواتي
حمد كلم اخوانة في منهم الي رضى والي مارضى
يومين حمد يفكر اشلون يقنع اخوانة كلهم
هيفاء:اشفيك ويهك منقلب اسود اشفيك حبيبي فظفظ يمكن اقدر اساعدك
ويقول حمد حق هيفاء
هيفاء:لا تحمل هاي ورث واذا بتوزعونة وزعو عن طريق محكمة لاتظلم حد ترا بيكون بذمتك اذا ظلمت حد من حقهم يرفظون صراحة اختك هاي انانية اشلون بعد هاي شرع الله ماترضى فية ترا الله بيعاقبك انت وياها والحلال الي بتعطيها لاتنسى هاي حق اعيالك كيفك انا قلت لك وانت كيفك
حمد بين نارين
سعد :هاي الحلال وهاي نصب كل واحد فيكم والي يبي يعطي خواتة كيفة من نفسة كلن خذ حقة وسكت وعايشة قاعدة تشوف
حمد:هاج عايشة ويعطيها من حلاة تتساوة مع اخوانها وقصر على نفسة خذتها
تسلم يابو عبدالرحمن
هيفاء بغرفتها ومحترق قلبها لو هي طيبة معاها جان بس فوق شينها قوات عينها
حمد دخل :تعالي هيفاء يلة قولي اطلبي الي تبينة بسوي لج
هيفاء:مابي شي اهم شي اختك انا وعيالي على الفظلة
حمد:اوة انتي كلة معصبة وبس ياخي فلوسي وكيفي ان شاء الله احرقها
هيفاء:قلت لك كيفك من اليوم مالي شغل فيك
عايشة:الو حمد ابيك تشتري لي ارض بلفلوس وسجلها بسمي
حمد :ان شاءالله
هيفاء:اكتبها عاد بسم ولدك انزين فلوسنا حلالنا
حمد:اتي فيج شي متسببة
وشرى لها ارض وسجلها بسمها
سعد بيسافر وحط التوكيل بسم حمد لانة يعرفة امين لانة في امور لازم يسويها الوكيل وهوا بيسافرمدة طويلة
مرت الايام عايشة كلمت جاسم انا احس ان حد بايقدني
جاسم اذا حد باقج محد الا الي موكلينة
وصل الحجي حق هيفاء عن طريق مرت مرزوق
هيفاء عصبت :حمد اشفيك
حمد :تعبان
هيفاء من شنو
حمد:مضايق وايد
هيفاء:ماعاش الي يظيق عليك
هيفاء:اشفيك
حمد مايبي يقول لهيفاء لانة عارف بيحصل عتب من هيفاء بس هيفاء مسكينة ماقالت حق ريسلها بلي قالوعنة عشان ماتظيق على ريلها تدري انة قلبة رهيف
وماتدري ان الخبر وصلة ومظايق
رقد حمد تعب بليل ماقدر يتكلم ولا يتنفس طبيعي يتنفس بصعوبة ومايقدر يحرك ايدة
هيفاء:حمد اشفيك
وتتصل بلالسعاف ويجونة
وياخذونة ويقرر علية الدكتور قصطرتة قالة جلطة خفيفة جاتة لازم قصطرتة بسرعة ويسون لة القصطرة
طاح بلمستشفى ولا حد طل علية هيفاء كلمت اخوها ايجي يقعد ريلها وطلعت راحت سيدة بيت عايشة وتطق الباب عليها
وتفتح عايشة:خير كسرتي بابي
هيفاء:صج انج اصبخة ولا ينفع فيج اخوج الي قصر على اعيالة وعطاج نصيبة ولا هتم يوم طالح بلمستشفةى محد ياء منكم لا انتي ولا اخوانج يتطمن علية صج مانفع فيكم لكن ووالله وعلي مغرب لو يصي شي بريلي والله لطلع من عيونج كل فلس حرام خذتية من ريلي والله بدعي عليج الله ياخذ حقي منج ياي ماتخافين الله وتطلع
عايشة:تصارخ انتي اي عبالج خرعتيني بكم كلمة الي ماطولينة بيدج طاولية بريولج
مرت الايام وطلع حمد من المستشفى
هيفاء درارية وتداوية وتقوم فية
حمد:تعبت معاي
هيفاء :تعبك راحة يانظر عيني انا لو اقدر اعطيك من عمري والله ماترددت عليك
حمد:الله لايحرمني منج
هيفاء :ولا منك بس ابي اطلب منك طلب
حمد:امري
هيفاء:خلاص ريح نفسك وخوانك وخواتك مب يهال انت اصغرهم جنك اكبرهم جوف ايش صار فيك من كثر التففكير
خلاص خلن مسول عن نفسة تبي تتعب اتعب على اعيالك بس غيرهم مالك خص كيفهم خلاص لرحت محد بنافعني والله اعيالك محتاجين لك خل صحتك قوية عشان تقدر اتربي اعيالك ويعيشون مع ابوهم مب محرومين من ابوهم انن ابوك راح وانت ريال اكيد تظايقت وحز في قلبك انت اعيالك ترا يهال محتاجين لك اكثر
حمد:ان شاءالله اوعدج ان من اليوم خلاص مالي خص في اخد علي من زوجتي وعيالي وبيتي
هيفاء:هذا الصح يوم طحت والله محد نشد عنا محتاجين شي ولا شي الله يخليك لنا يارب
حمد:ويخليج لي يارب
الدنيا تعلمنا اشياء ويمكن نيود امور اكبر منا بس بعذ الامور البعد عنها غنيمة عاشت هيفاء مع زوجها وطلعو في بيت مستغل ومن ماتت ام سعد تفككت العيلة وكلن يقول يالله نفسي عايشة فرقت الاخوان عن بعض من كثر ماتتكلم عن اخوانها وتيب حق كل واحد عيوب الثاني هذا قال فيك وهذا فعل لين كلن صار مايجيها ولا يروح لها تمت وحيدة محد يطل عليها الا اختها روضة
الي ابيكم اتعرفونة ان هيفاء هاذي من اعز صديقاتي وانسانة مسالمة والله عوظها بشياء كثيرة من ظمنها حمد انسان طيب عايش في زمن قاسي بس الله عوظة بنت اسمها هيفاء وحقيقة الطيبون لطيبات واستودعكم الله ارجو ان تنال على اعجابكم
اختكم قطرية مزيونة





رد مع اقتباس
  رقم المشاركة : 17  
قديم 07-01-2014, 01:13 PM
الصورة الرمزية Om meshal
عضو فعال
Om meshal غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

وااايد حلوة قصصج يعطيج الف عافيه

وتدخلنا في اجواءها ومبينه انها حقيقية

بس اللي مافهمته ليش مااستأذنتي من صاحبة القصه؟؟



التوقيع - Om meshal



<^_^>اللهم جملني في عين زوجي وحببني الى قلبه ♥ واجعلني الزوجة الوحيده له ♥ وارزقني ذرية صالحة منه يارب العالمين<^_^>

رد مع اقتباس
  رقم المشاركة : 18  
قديم 07-01-2014, 01:55 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

مشاءالله عليج Om meshal هههه ماستاذنت من صاحبة القصة لانها عطتج عمرها اقصد ام سعد الله يرحمها بس هيفاء معاي حبيبتي وقرت القصة قبل لنزلها في المنتدى وسعيدة بما الله كتب لها بس لانة مشتاقة لام زوجها لانة كانت مثل امها لدرجة انها لبقت شي تروح تقول لها ماتقول لامها وكانت توقف في وية ولدها عشان هيفاء انا جفت ام زوج طيبين بس مثل ام سعد ماعتقد في ابد كانت تسوي اشياء كثيرة لهيفاء بس هيفاء ماحبت اذكر كل التفاصيل احترام لام زوجها الله يرحمها





رد مع اقتباس
  رقم المشاركة : 19  
قديم 07-01-2014, 07:58 PM
عضو فعال
al-khayarin غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

ما شاء الله عليج قصصج روعة و عندج اسلوب روعه في كتابة القصص
ربي يحفظج و يوفقج

بانتظار قصة جديدة





رد مع اقتباس
  رقم المشاركة : 20  
قديم 07-01-2014, 08:56 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

al-khayarin تسلمين ياقلبي





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: قصة جديدة(قلبي الطيب في زمن قاسي)
الموضوع كاتب الموضوع المنتدى مشاركات آخر مشاركة
الطيب دمعه والردى ضحكة أحجاج عضو جديد المنتدى الادبي 12 30-04-2016 10:12 PM
من ابو الطيب المتنبي بلقيس قطريه المنتدى الادبي 3 08-04-2013 01:44 PM
الطيب لاهل الطيب تاجر دهن عود سوق العطورات والبخور 2 22-11-2010 12:34 AM


الساعة الآن 12:44 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم