استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

قصة جديدة(قلبي الطيب في زمن قاسي)

السلام عليكم اعرف اني تاخرت عليكم لكن تاخري عليكم عشان هلبلد الغالي واحتفالاتة والحمدالله مر على خير وفرح وان شاء الله الكل بعد استانس بهليوم المهم من يومين افكر شكتب شكتب لكم اشوي الا الذاكرة بدت تتذكر قصة ماجات على بالي اني اذكرها لكم للعلم ماقدرت استاذن من صاحبتها لانة ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 23-12-2013, 12:49 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
New قصة جديدة(قلبي الطيب في زمن قاسي)

السلام عليكم
اعرف اني تاخرت عليكم لكن تاخري عليكم عشان هلبلد الغالي واحتفالاتة والحمدالله مر على خير وفرح وان شاء الله الكل بعد استانس بهليوم المهم من يومين افكر شكتب شكتب لكم اشوي الا الذاكرة بدت تتذكر قصة ماجات على بالي اني اذكرها لكم للعلم ماقدرت استاذن من صاحبتها لانة ......................ماراح اقول لكم في نهاية القصة بخبركم عشان ماخرب عليكم القصة المهم نبتدي بسم الله ......
بوسعد:يم سعد وين لعيال ماجو للصلاة ناديهم
ام سعد:ان شاءالله الحين اناديهم(سعد ابو لعيال معروف بعصبيتة وقلبة القاسي ويربي اعيالة على الصبر والشدة)
ام سعد طيبة وحنونة وقلبها رقيق وايد وتخاف من بوسعد خوف ربها
راحت تنادي لعيال سعد لكبير مزوج من بيت جيرانة شافها وحبها وطلب من هلة يخطبونها تزوج وهوا عمرة 19 سنة وزوجتة عمرها 15 سنة
ام سعد تصوت على لعيال ))سعد،جاسم،صالح،سلطان،حمد،عبدالله،مرزوق ))وطبعا حمد هو دلوعة امة لانة الاصغر وبناتة،((عايشةوروضة ))
عايشة هي اصغر من سعد بس قوية والقوي الله
وروضة مسكينة في طوع اهلها مالها راي ولا حس
المهم كلهم جاو للصلاة الا جاسم نايم صلو خلصو مع ابوهم
بوسعد:حطي الغدا يم يسعد اشوي وراجع
راح بوسعد ودخل على جاسم لقاة راقد ويصرخ علية قوم للحين راقد الريايل يصلون وانت مكنخر في فراشك وياخذ لعقال ويظربة بلعقال لين يقول بس ويحرمة من الغدا ويطلع بوسعد يتغدا مع لعيال ولا جنى شي صار عادي
راحت ام سعد الحنونة حق جاسم جان يصرخ عليها بوسعد والله لجفتج قربتي من الدار لحطج فوقة ورنج
وتسكت مسكينة وتطلع جاسم يبلغ من العمر 17 سنة
جان حمد من الخوف يركض في حظن امة
بوسعد:اي انخش في صدر امك خل ترضعك جنك ياهل يادلوع امك انت محمد بيخرك الا امك (يبلغ حمد 9 سنوات من العمر اصغر اخوانة )بس روضة اصغر منة بسنة
وعايشة عمرها 18 سنة اصغر من سعد بسنة
مرت الايام وسنين وكبرو لعيال تزوج مرزوك من بنت عمة
وعايشة زوجها بوسعد لولد خالة من غير مايسال عن الولد ولا يشاور بنتة هاي كلام شياب وتفقو وزوجو اعيالهم من غير مايشاورونهم
مر شهر على زواج عايشة وعايشة ماتجي اهلها
ام سعد:يابو سعد عايشة صار لها شهر ماجاتنا ولا شفتها ابي اشوف بنتي
بوسعد:خلاص بنتج عند ريلها مب ضايعة في شور ريلها متى ماجابها بتجي
حمد:يما انا اليوم بامر اختي وباشوفها حمد كب وصار عمرة 21 سنة كلم اخوة جاسم وقالة خل انزور اختي في بيتها (عايشة ساكنة في بيت بروحها مع زوجها )
راحو لخوان من غير علم ابوهم
حمد:وقف وقف جاسم مني بيتهم
جاسم:متاكد مب ظيعنا
حمد:اي اي هاي وقف جدام (ساعة 8 بليل )توة بينزلون من السيارة الا سيارة كشف فيها زوج عايشة ومعاة بنات ثنتين
بس هلبنات كاشفين ويترنحون يمين شمال مب بوعيهم
جاسم :شنو ذي
حمد:اصبر خل نتاكد
جاسم :شنصبر هاي مايستحي على ويها
حمد:اصبر خل لين يفتح الباب بندخل في دخلتة وبنلعن والدية
دخل زوج عايشة البيت مع البنات
جان جاسم يركض ويقبظة من ثوبة ويظربة لين يقول بس ويصارخ شنو اشفيكم لانة مب بوعية الريال شارب
جان عايشة تطلع :خايفة شتبون روحو هدوة خلوة خلاص روحو(خايفة على اخوانها منة)
حمد:شنو روحو انتي الي بتمشين معانا مالج قعدة بعد
عايشة:لا لا روحو ماعليكم مني انا متعودة اصك علي غرفتي عنة وخلية
جاسم:بعد يعني كل يوم يبهم لج ويرد يظربة ويظربة
عايشة:خلاص هدة روحو ليسوي لكم سالفة عند ابوي
جاسم:امشي خل يسوي الي يسوي هلخايس تف عليك يلوصخ امشي يلة وياخذون معاهم عايشة البيت
ودش حجرتها مسكينة تبجي وصيح خايفة لين درا ابوها شبيسوي فيها
نهار ثاني اصبح الصبح قعد حمد وقال حق امة السالفة كلها
الام دخلت على بنتها تواسيها وتلمها
قعد بوسعد:وين الريوق والجاي
ام سعد زاهب الحين ايبة لك
اشوي الا عايشة طلعت اصبح على ابوها
بوسعد:عايشة انتي اهني متى يتي
عايشة يت فليل قلت اجي اشوفكم ولهت عليكم
بوسعد:اي زين امج بعد ولهت عليج تسال عنج زين قعدي عندها اشوي
يات ام سعد حطت الريوق تريق جاء جاسم صباح الخير يبا
بوسعد :هلا
جاسم:شفت ولد خالك شمسوي في بنتك يبا
بوسعد:شنو شمسوي ويفتن بعينة على جاسم
جاسم :مدخل حريم على اختي وهوا شارب مب بوعية جان ادخل علية وظربة لين قال بس
بوسعد:اة ياجليل الحيا جذي يسوي في بنتي الحين اروح حق ابوة
ويركب سيارتة ويروح حق بو خالد
بوسعد:ماهقيتها منك يابو خالد يسوي ولدك هسواة وانت ساكت عنة
بوخالد:امسحها في ويهي والله انا مارضيت وكلمتة وهاوشتة ولدي غلطان اي بالله غلطان وهذا راسك اتسامح منك وبنتنا بترد معززة مكرة
خالد واقف مع ابوة وشكلة مب عاجبة الكلام جنة مقصوب
بوسعد:والله لو مب انت غالي والله جان مارضيت خلاص يجي يراضي زوجتة وياخذها
رجع بوسعد البيت يكلم بنتة
ردت عايشة:انا مابي يبا خلاص مابي شهر وانا كل يوم على هلحال زوجتوني واحد مايخاف الله ولا يعرف ربة اصلا ومابي ارجع لة ابي اتطلق
بوسعد :ماعندنا بنات تطلق روحي مع ريلج اليوم بيجيج وبيراضيج وعقل وقال اخر مرة
حمد:يبا طول عمرنا واحنا في شورك بس هلمرة اسمح لي انا اردك واقولك الريال الي ماصان اختي من البداية ماعتقد يقدر يصونها عقب (حمد معروف بحكمتة وكلامة الي يوزن)
بوسعد سكت وراح طلع بار شكلة اقتنع بكلام ولدة
لين اهني وكمل معاكم بكرة حسيت ياتني النعوسة تصبحون على خير





رد مع اقتباس
  رقم المشاركة : 2  
قديم 23-12-2013, 03:58 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

ام سعد:خلاص ولا تبجين يبنيتي ان شاءالله بنخلص من هسالفة
عايشة:اخاف ابوي يقصبني
جاء خالد مع بوخالد عشان يراضون عايشة
دخلو البيت لقاهم بوسعد هلا بوخالد
بوخالد:وين عايشة خالد يبي يراضيها ويرجعها معانا
بوسعد:اسمح لي يابوخالد البنت مصرة ماتبي والي سوا ولدك مب شوي وانا قلت كلمتي لبنتي وماثنيها الي تبينة بيصير وقالت ماتبي ولدكم ومابي اغصبها
رد بوخالد وخالد ولا همة بس بوخالد مضايق لانة فتشل جدام بوسعد وبوسعد ريال لة هيبة
تطلقت عايشة وتزوجو لعيال عبدالله وصالح وسلطان بقى حمد وجاسم ماعرسو ومرت سنين وجابو اعيال
سعد عندة بنتين ولد ومرزوق ولد و3 بنات وعبدالله ولدين وصالح 3 بنات وسلطان عندة بنتين ولدين
وروضة عرست خذت رفيج اخوها حمد اسمة( حمدان)
مرض بوسعد وتعب وايد مايدرون اشفية جسمة مايقدر يحرك نص جسمة
ام سعد :ياسعد ود ابوك كلمة ودة لندن احسن من اهني ماتغير شي فية
سعد:ان شاءالله يما
وراح سعد يودي اوراق ابوة وخلصة عشان يودية علاج لندن
سافر سعد ومرزوق مع ابوهم عشان اعلاج مرزوق راح مع سعد لانة مخلص جامعة ويعرف انجليزي لانة دارس برا سنتين
تمو مع ابوهم في لندن شهرين وقرورو علية بعد لعلاج عملية
ام سعد:الو سعد انا باجيكم لندن يوم العملية
سعد:يما لا تجين برد موت ماتقدرين على البرد لا
يرت عايشة التليفون :الو سعد بنيك انا وامي وحمد
سعد:لا شيبكم مالة داعي خلاص اذا بتيون انا بارجع شيقدنا كلنا
ام سعد:انزين عيل لطلع من العملية ان شاءالله بخير باجية لازم محد يردني
سعد:ان شاءالله
حمد:انا بس باروح مب قاعد اهني انطر
ام سعد:انت عندك شهادة السنة امتحانات وين اتروح
حمد:انا باروح كيفكم مالي خص
وسافرحمد لندن حق ابوة وصل قبل العملية بساعات
دخلو بوسعد العملية لانة في شريان بلقلب مسكر والعملية خطرة تمت ام سعد تحاتي في قطر
ولعيال معاها
وسعد ومرزوق وحمد عندة سعات طويلة الا دكتور متجه صوب سعد واخوانة يخبرة ان بوهم(فارق الحياة )كبير في سن وعملية تعب اثناء العملية وحاولو يساعدونة بس مشيئة الله اكبر
حمد اصغرهم قام يبجي وخاش ويها عشان محد يشوفة
سعد طاح على الارض مثل الصدمة الي مب متوقعها
مرزوق يبجي ويواسي اخوانة قد مايقدر اقعدو في قاعة انتظار المستشفى مش عارفين اشلون يكلمون امهم الي تنطر متى زوجها يطلع عشان تجي تشوفة ماتدري ان الله كاتب ماتروح ويرجع بوسعد ديرتة لكن بجفن
سعد:لحد يكلم امي اليوم مرزوق ولاحمد واحد منكم يرجع قطر بكرة ويخبر امي واخواني وانا باقعد اهني اخلص الاجراءات عشان اجيبة قطر وندفنة بقطر
حمد:انا ماقدر اشوف امي جدامي تبجي
مرزوق:خلاص انا اروح والله يعيني على باشوفة ادري شي صعب
سعد:الله يكون بعونك
وراح مرزوق قطر على اول طيارة
دخل البيت ساعة ست الصبح
ام سعد متعودة تقعد مع اذان الفجر تصلي وتقعد خلاص ماتنام
ام سعد:مرزوق مرزوق اشفيك ليش رجعت (قرصها قلبها حست في شي )وين اخوانك بس انت بروحك ماخبرتنا انك بتجي
مرزوق:يما ترا ابوي سوا العملية بس مانجحت وعطاج عمرة
ام سعد:مسكت انفاسها جدام ولدها اي اي وترجع حجرتها وتبجي بروحها عشان مايشفونها اعيالها
مرزوق يطق غرفة عايشة عايشة قعدي روحي حق امي
عايشة:مرزوق اشلونك متى رجعت اشفيها امي
مرزوق:ابوي عطاج عمرة
وتصرخ عايشة شنو اةة ابوي وتبجي ابوي اشلون جذي
محد يقولنا اشلون
سعد:حمد يلة خل نخلص الاوراق بكرة احنا لازم نزدي ابوي قطر
ويخلصون اوراق ابوهم يومين ويحجزون على قطر ويرجعون مع جثمان ابوهم بوسعد
ام سعد:جالسة بصالة بيلالها الاسود على راسها وبطولتها القديمة وايدها على خدها لاحول ولا قوة لها وموكلة امرها لله
جاهم خبر ان جثمان بوسعد وصل وخبرو الاهل عشان يصلون علية اليوم صلو علية ودفنوة في مقبرة بوهامور
روضة منعزلة عن الناس جالسة بزاوية من صغرها وهي هادية وماتكلم ولا لها السان وخجولة وايد
عايشة قامت بعزا ابوها بما اهي الاخت الكبيرة وجريئة وخذت مكان الام بهلايام واهي الي تامر وتنهي وتصرف
سعد دخل على امة وتخلف لها وام سعد ماتحركت ولا هي بدنيا ماتدري جنة حلم عدها كلشي يمشي جدامها مثل الحلم ولا تكلم ولا كلمة ولا تصيح ولا شي
مرت ايان العزة وخلصت وكلن راح بيتة
ام سعد:جالسة بصالة عند الباب وشوف القطوة الام مع اعيالها اشلون تشيل واحد واحد وتحميهم وتكافح حست انة رب العالمين يطرش لها رسالة ان الدنيا ماتوقف عند ريال تقدر اهي بروحا تربي اعيالها
ام سعد:حمد حمد وينك
حمد:هلا يما اشفيج
ام سعد ابيك تروح وتاخذ لدريول معاك وتشتري ابلي وت وجينكو هاك لفلوس وحملهم في البيكم وجيبهم اشوفهم
حمد :ليش اشتبين فية
ام سعد:اسمع وباقولك عقب
راح حمد يشتري حق امة الي وصتة علية ويفكر اشفيها امي اشتبي اهي للحين بلعدة شبسوي بل لبليوت والجينكو
راح حمد يشتري والافكار في راسة تودية وتجيبة لحد اهني اوصل معاكم وباشوفكم باجر على خير





التعديل الأخير تم بواسطة قطرية مزيونة ; 23-12-2013 الساعة 04:01 PM.
رد مع اقتباس
  رقم المشاركة : 3  
قديم 25-12-2013, 12:03 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

جالسة وبردانة من البرد ومتكمكمة بلحاف الوردي الصوف عشان يدفيني ودلة جاي الكرك يمي عشان تعدل مزاجي ودفيني من لبرودة وببدي اكمل لكم القصة
ام سعد:حمد روح الروضة الي ودانا ابوك الله يرحمة تذكر الروضة الي ورا مزرعة بيت بوتيلة
حمد:اي اعرفة
ام سعد:ابيك تروح وترت المكان وتسوي مكان حق الغنم ومكان حق الدبش وتعدل وتسوي ذرى لنا حق لخيام لنا وحق اخوانك عندك الحين الصيف كلة لين مايجي الشتاء جد خلصت منها
ام سعد قالت حق حمد لانة تعرفة يدد وهوا الوحيد الي كان كلة معاها ويروح ويجي ويعرف امة اشتبي ولسوا الشي يسوي عدل ومن قلب كلة عشان امة تستانس
حمد راح ويسوي مثل ماقالت لة امة يبي يخلص قبل لتخلص امة من العدة اربع الشهور الي بتقظيها في البيت
حمد فهم امة انها تبي تلم اعيالها مع بعض تبي تحسسهم ان ابوهم للحين موجود ماتغير شي بتم اللمة والمحبة والهيبة الي يهابونها اياة
عايشة:يما وين حمد
ام سعد :انا طرشتة يسوي شغلة
مرت الايام وخلصت ام سعد العدة وتمت اتروح مع حمد تشتري الغنم ودبش حق الحوطة وتعدل وتحط لخيام مني خيمتها ومني خيمت لعيال ومني خيمة البنات ومني المنطبخ ومني الحمامات رتبت كل شي مع ولدها حمد
خلص الصيف ودش لشتاء وام سعد خلصت تجهيزات الكشتة
وكلمت اعيالها سعد ومرزوق وسلطان وجاسم وعبالله وصالح وكلن مع اعيالة وحريمهم وبناتها عايشة وروضة
وحياة حلوة ام سعد تطبخ الغدا وحمد قاعد معاها في المطبخ ايشوفها وعايشة تقطع وتسوي
وروضة قاعدة بلخيمة مع اعيالها
ام سعد :عايشة كلمي خالتج خل اتي اهي والبنات يوسعون صدرهم
عايشة:ان شاءالله
عايشة:الو هلا خالتي وينج هاة اي انزين تفظلي انتي والبنات عندنا في البر مخيمين
اي اي تعالي البيت وبيجيج احد من لعيال بيبكم
مع السلامة ......كلمتها وقالت بتجي العصر وبتبات معانا يومين
ام سعد:حياها الله
وستوا الغدا ونجبتة ام سعد حق لعيال وحق البنات والحريم ابروحهم
سعد:تسلم يدج يم سعد على هطبخة الزينة
ام سعد:يعلة بالعافية
ساعة اربع العصر اتصلت الخالة الو احنا في البيت وصلنا
ام سعد:اي اكو يايج حمد
وصل حمد ويابهم البر عند هلة خالتة وبناتها ثنتين وصديقت بنتها معاهم هاي كلة معاهم عادي
ايلسو وتفالو طلعو البنات يتمشون
جاسم :حمد خل انروح عند اختك جنة نبيها خل انشوف البنات
حمد:لا استحي ماقدر
جاسم:يلة امش ريال تستحي امش معاي
وراحو جاسم :هلا احلام بنت خالتي اشلونج
احلام:زينة
جاسم:من هاي عرفينا
احلام:هاي صديقتي شهد
جاسم :هلا شهد ان شاءالله تحبين المكان
شهد"اضحكت ضحكة رقيقة
جاسم :اخليكم لبقيتو شي اتصلو لي عادي انا موجود
مشى جاسم وحمد وراة ويلتفت حمد ويبتسم لبنت خالتة
احلام:حست ان حمد منعجب فيها
اليوم الثاني الصبح صحو لعيال وراحو يتمشون
البنات قعدو مع الضحى تريقو وصححو وراحو يساعدو ام سعد في المطبخ
بعد الغدا ام سعد:انا باقيل لتزعجوني غدا وغديتكم خلاص خلونا نقيل
البنات خلاص بنطلع نتمشى
طلعو البنات يتمشون جان حمد وجاسم راحو لهم
جاسم :اشرايكم تلعبون معانا
احلام :شنو نلعب
حمد:كهرباء (لعبة قديمة يلعبونها البنات والاولاد)
احلام:انزين يلة
ويلعبون ويركضون وصراخ حمد يركض ويصيد احلام احلام ماتت من الضحك
بعد ماتعبو جلسو يرتاحون
شهد:باروح داخل الخيمة وراحت تمشي
جاسم ركض ولصق فيها وتعرف عليها وعطاها رقمة وراح خيمة الريايل
حمد:احلام تغيرتي وايد عن قبل
احلام:حتى انت وين قبل كنت دب هههه الحين وين ماعرفتك
حمد:هههه بعد
احلام: انا باروح يلة امي صوت علينا بنمشي يمكن
حمد:بتوحشينا وينظر لها نظرة اعجاب
احلام:باي اخليك وتمشي وتروح .....وحمد يروح وعينة عليها على طولها وجسمها وشكلها الي تغير
بليل كلن دش خيمتة ينان
جاسم:حمد تتوقع بتتصل لي
حمد:اشدراني
يومين وجاسم ينطر اتصال
بليل ساعة 10 رن التليفون رقم غريب
جاسم رد:الو من معاي
شهد:الو
جاسم:هلا من معاي الشيخة
شهد:انا شهد انت مب جاسم
جاسم:امبلا هلا ماعرفتج اشوف رقم غريب
مو مشكلة سمحيلي والله
شهد:ههههه لا عادي مسموح
صراحة انت وايد عجبتني احس انك صج عندك احساس
جاسم:والله حتى انتي وايد مودبة واخلاق وادب
وستمرت المكالمة طول الليل
مرت الايام خلص وقت البر كلن رد بيتة
مع اعيالة وام سعد ردت البيت تعدل وتلبق وعايشة معاها وسعد ومرت سعد بعد طيبة معاهم سعادهم
احلام:شهود وينج
شهد:انا اهني اشتبين
احلام :اتصل حق حمد
شهد:اي اتصلي يلة انا معاش يلة اتصلي
احلام:اتصلت الو
حمد:الو من
احلام:انا
حمد:ماعرفتج من
احلام:انا احلام بنت خالتك
حمد استانس مب مصدق احلام هلا دقايق وبتصل فيج وسكر
شهد :وي سكر
احلام:اي قال دقايق وبتصل
اشوي الا التليفون يرن ردت الو
حمد:هلا سوري كنت بلمجلس يوم تتصلين
احلام:لا عادي
حمد:اخيرا اتصلتي وسمعنا صوتج
احلام:هههه بضحكت دلع
حمد:فديت هضحكة
احلام:انت وين الحين
حمد:بغرفتي قاعد اكلمج ومشجج من الوناسة
احلام:عيارتك
حمد:والله تبين اشوفين تعالي لو مب مصدقة
احلام:ههههه
حمد:احلام ترا انا حبيتج من اول ماشفتج
احلام:اسكتت امم
حمد:والله اني حبيتج نفس مايقولون حب من اول نظرة هاي اهي
احلام:اي صدقت ......وتمت تسولف معاة وتظحك وشهد جالسة يمها خلصت وسكرت
شهد:اشقالج قوليلي
احلام قاللت لشهد كل شي (للعلم احلام ماتدري ان شهد تكلم جاسم لانة ماقالت لها)
شهد انعجبت بحمد ,,,,اوكي لة باروح بيتنا
احلام:صبري باجيب لج شي وتروح
شهد بسرعة تلقط رقم حمد وتاخذة
وتخشة بشنطتها
احلام:هاج هاي بيجامة شريتها لج نفس بيجامتي البسيها بكرة اوكي
وراحت شهد
غابت شهد يومين عن احلام ماتجيها
شهد: اتصلت حق حمد:الو
حمد:الو
شهد:اشلونك
حمد:طيب من معاي
شهد:انا وحدة ابي اتعرف
حمد:ههه هلا والله ماقلتي شسمج
شهد:اسمي حنان
حمد:الله اسمج حلو بس ان شاءالله اتكونين اسم على مسمى
شهد:انت شسمك
حمد:معاج حمد
شهد:اسمك حلو حمد نفس اسم حبيب صديقتي
وتم حمد يسولف معاها يعني مراهق ويحب يتغزل بلبنات
شهد:انا حبيت اسلوبك
حمد:هاي انا اسلوبي مع الكل
وتمت المعرفة معاة شهور وهوا يكلم احلام وشهد في نفس الوقت
وجاسم يكلم شهد ومايدري انها تكلم اخوة
مرت الايام جاسم تعلق بشهد وايد تم يطلع معاها كذا مرة
جاسم:حمد باقولك شي
حمد :هلا
جاسم:ابي اتزوج شهد
حمد:من صجك
جاسم :اي
حمد :حتى انا ابي اتزوج احلام
جاسم:يما ابي اتخطبين لي وحدة احبها واعرفها
ام سعد:من هاي
جاسم:شهد صديقت احلام بنت خالتي
ام سعد:شنو تبي هاي من زينها انت شفتها هاي متناسبك هاي امتن منك متينة جنها بمباية
جاسم:بس انا ابيها كيفكم
ام سعد:انا مب خطبتها وبخطب لك وحدة احسن منها بالف مرة
ووصل معاكم لحد اهني لانة ظهري انقص علي وانا جاسة على الاب واكتب اعذروني اكمل معاكم يوم ثاني تصبحون على خير





رد مع اقتباس
  رقم المشاركة : 4  
قديم 25-12-2013, 12:11 PM
عضو نشط
genereuse غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

وااااااااااااااااو الحكاية قاعدة تحلو يلا حبيبتي بانتظارك.................





رد مع اقتباس
  رقم المشاركة : 5  
قديم 26-12-2013, 12:52 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

جاسم:والله اذا ماخطبتوها لي بذبح نفسي
ام سعد:تبجي شبسوي في روحي بينني هلولد
بليل نصف الليل رن تليفون جاسم وجاسم نايم
حمد جاف التليفون جاف رقم قام يفكر هاي مب رقم حنان رد على تليفون وسكت
شهد:الو الو جاسم الو عاد جاسم عن هلحركات ماحب جذي
سكر الخط حمد سمع الصوت نفس صوت حنان بظبط ليكون يعرفها بعد
قعد جاسم :شفيك ليش ماخذ تليفوني
حمد:هاي الرقم من رقمة تعرفة
جاسم:اي مايخصك عن شي مايخصك
حمد:اي ابي اعرف من رغمة
جاسم:مب لازم اقولك كل شي
حمد:قولي بس ابي اعرف لانة نفس هرقم اعرف وحدة انا
جاسم:شسمها زين الي تعرفها
حمد:حنان
جاسم :مب اهي قلت لك هاي غير
حمد:اقولك نفس الرقم ونفس الصوت
جاسم:ليش رديت عليها ويصارخ ليش ترد من قالك زخ تليفون مب تليفونك
حمد:انا مارديت عليها بس جفت الرقم رديت وسمعت الصوت عشان اتاكد بس مارديت عليها
جاسم :هاي شهد مب حنان
حمد:اصبر جوف هرقم مب نفس الرقم صدقتني هاي الي تبيها هاي الي بتذبح روحك عشانها
جاسم:اي ابيها وبتزوجها
حمد:لو انت ريال ماتاخذ وحدة تكلمك وتكلم اخوك ويطلع من الغرفة معصب
اليوم الثاني ام سعد تجهز وهي مب مقنعة حق تروح تخطب شهد حق جاسم
وراحت مع بنتها عايشة دخلو بيت شهد شهد ابوها رجل غني ومعروف في قطر ولة مكانتة
ام سعد :السلام عليكم والله احنا جاين نخطب بنتكم شهد حق ولدنا
ام شهد:اي حياكم الله بس ولدكم وين يشتغل
ام سعد:يشتغل ب......
ام شهد:وين بيسكنها
ام سعد :بيسكنها عندنا في البيت انا كل اعيالي معاي في البيت
ام شهد:بنتي بسكنينها في بيتكم لا بنتي تسكن في بيت ابروحها
ام سعد:والله بيت بروحها ماعندنا خلي بنتج عندج مع السلامة وتطلع
ام شهد:اقول تف عليكم وعلى هلاشكال
ام سعد:ماقصرتي وتطلع
وتحندا بسيارة والله ماتخذها لو شنو هاي امها ماتعرف السنع ماتستحي على ويها تفل علينا صج جليلة حيا هاي اذا اهي شذي عيل بنتها اشلون
جاسم:ساكت ومنقهر
بليل اتصلت شهد حق جاسم هلا جاسم شفت امك شسوت
جاسم:بعد امج ماقصرت
شهد:حرام عليك ترا امي ماسوت شي بلعكس يوم امي صبت لقهوا لامك امك خذت القوا وكتتها في وية امي وامي عصبت
جاسم:بس هلي ماقالو لي جذي
شهد:اي لانة مايبون ياخذوني لك بس انا خلاص حتى لو خطبتني ماراح ارضى
جاسم:سامحيني امسحيها بويهي والله انا سمعت شي ثاني
شهد:خلاص مع السلامة
جاسم مانام بليل منقهر من امة ليش سوت جذي وجذبت علية
الصبح يصوت يما يما شوفي والله اذا ماخذت شهد ماراح اشوفين رقعة ويهي مرة ثانية
ام سعد:عقب كل الي سوتة فينا بعد تبيها والله ماخطبها لك لو شنو هاي امها قوية
جاسم :يعني هاي اخر كلام عندج
ام سعد:اي مب خاطبتة لك
ويروح جاسم ويلم اثيابة بجنطو واغراضة زطالع من البيت
ام سعد:وين رايح تعال
جاسم :انتي تحديني على جذي خلاص انا مب ولدج ولا تهمج راحتي
ام سعد:تعوذ من ابليس يايبا والله هاي طيش شباب وبتنساها
جاسم:يصرخ لالا مب ناسيها انا ابيها صج مب طيش شباب
ام :سعد خلاص لا تطلع وتبجي خلاص بخطبها لك وبزوجك اياها خلاص
استانس جاسم وحب راس امة ودخل غرتة يبشر شهد
ام سعد مضايقة لانة بترجع حق البيت الي انذلت فية
وتبجي وتذكر زوجها وينك يابو سعد لو انت موجود جان مب كفو حد ينزل راسي
وراحت وخطبيت البنت لودها ووافقت على كل شروطوهم وتمت الزواج
يوم العرس دخلت شهد بيتها بيت صغير فية غرفتين ومطبخ وصالة صغير على قدهم
ونهارثاني محد عبرها من اهل جاسم لانة دشت غصبن عنهم مب رضاهم
جاء جاسم بيت هلة مع شهد لقت حمد قاعد تمت تخزة طلع حمد من الصالة ولا سلم عليها
قعدت مع هلة اشوي وطلعو
شهد :شفت اخوك حتى مسلم علي ولا بارك لي
جاسم:معليج منة خلي يولي
دخلت البيت شهد وناوية على شنو ليش تحاول تخلق مشاكل ان شاءالله اكمل معاكم بعد الويك اند صراحة متجمدة من البرد مافيني نوم بس احس تجمت مكاني بدور الدفاء باي تصبحون على خير





رد مع اقتباس
  رقم المشاركة : 6  
قديم 30-12-2013, 02:43 AM
الصورة الرمزية elshnat
عضو فعال
elshnat غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

قصه عنوانها شيق





رد مع اقتباس
  رقم المشاركة : 7  
قديم 30-12-2013, 03:00 PM
عضو فعال
al-khayarin غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

حلوة القصة بانتظاااااااااااااااار التكملة





رد مع اقتباس
  رقم المشاركة : 8  
قديم 01-01-2014, 12:27 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

ام سعد:يلة حمد ودي تزوج وفرح فيك عرست اخوانك كلهم الا انت
حمد:والله انا ابي بنت خالتي ابي احلام ودي تخطبينها
ام سعد:وية الحين اتصل لها وبخطبها الا اختي هاي اصبر
ام سعد:الو هلا اشلونج ياخيتي شخبارج شمسوية ان شاءالله طيبين
ام احلام:اي الحمد الله انتي اخبارج وخبار لعيال
ام سعد:انا متصلة لج عشان لعيال
ام احلام:خير ان شاءالله شفيهم
ام سعد:لا مافيهم شي بس بقيت اخطب احلام حق حمد وقلت ادري ان اهو يبيها وتدرين ان اهي تبية
ام احلام:بس مادري باشاور البنت وبخبرج
ام سعد:البنت موافقة يلة ندري
ام احلا م:اي معلي بعد لازم اسالها
وسكرت
احلام طالعة من البت رايحة بيت صديقتها عند الباب شافها خال صديقتها اسمة(حسن) وشكلة وسيم طويل جذاب الي يشوفة بيعشقة على طول من رزتة وجمالة
ابتسم حسن لاحلام
وبتسمت احلام بخجل ودخلت البيت وقعدت مع صديقتها نورة
نورة:احلام مب مصدقة جيتي بيتنا اخيرا
احلام:انتي ماتعزميني اجي جذي مايصير
حسن:نورة نورة تعال اشوي
نورة :ان شاءالله خالي ،لحظة احلام باشوف خالي شيبي
نورة:هلا خالي اشفيك رجعت فشلتني جدام رفيجتي مو توك طالع
حسن:من هاي رفيجتج
نورة :هاي احلام بنت فلان بن فلان
حسن:انزين تكفين هاج رقمي عطيها اياة ابي اتعرف عليها
نورة :يوة خالي واذا عصبت وهاوشتني
حسن:لا عاد انتي نورة وقدها وتعرفين اشلون تيبينها يلة سلام انطر الرد
نورة:خالي اصبر تعال حسبي الله على العدو ورجعت نورة لاحلام
وتمت نورة تسولف مع احلام ويضحكون مرت ساعتين على القعدة اشوي الا احلام تليفونها يرن امها تتصل لها
احلام:يلة اكيد هاي امي عند الباب
نورة:انزين دقيقة باقولج شي بت لتعصبين قولي ياي او لا
احلام:شنو
نورة:شوفي شفتي خالي مساعة
احلام:هاي خالج الي شفتة اول مادخلت
نورة:اي حلو صح ادري فديتة خالي المهم صراحة انعجب فيج من شافج ويبي يتعرف عليج
احلام:ام مادري استحي خالج
نورة:وي عادي الا خالي حسن
احلام:ضحكت وخذت الرقم وطلعت
بليل اتصلت احلام :الو
حسن:هلا والله
احلام:هلا فيك عرفتني
حسن:اشلون ماعرفج وهل يخفا القمر
احلام:هههههه احرجتني
حسن:صج والله انتي قمر ترا من شفتش وانتي دشيتي قلبي على طول
وتمت يوم تتصل ويوم حسن يتصل لين تطورت العلاقة
ام احلام:احلام تعالي ابيج
احلام:هلا يما
ام احلام:اختي كلمتني من فترة وخطبتج حق حمد وقلت باخذ رايج ادري انج تبينة وهوا يبيج بس بعد لازم اسمع رايج
احلام:شنو من قالج ابية ولا افكر فية
ام احلام:الكل يدري انتي حق حمد وحمد لج ونشوف هشي بينكم وشلون اهوا يهتم فيج وانتي تفرحين
احلام:انا مافكر فية اكثر من اخو لي مافكرت اني اتزوجة اصلا كلش ماياء على بالي اتزوجة وردي قولي لهم
ام احلام:شسوي الحين شاقول حق اختي توهقت
كم يوم الا حمد:ها يما ماردو عليج طولو
ام سعد:صبر انا اتصل فيها الحين اشوفها ياة شهسالفة لطولت بارت
ام سعد:الو هلا وينج قطعتي
ام احلام:لا والله بس انشغلت
ام سعد:انزين ولدنا سندرنا ينطر الرد
ام احلام:والله شاقولج لو هي ذبيحة ماعشتكم بس البنت ماتبي تقول انا اعدة مثل اخوي بس
ام سعد:شنو اشلون هسوا بعد الحين
ام احلام:والله ياختي مب لاقية احسن من حمد بس البنت ماقدر اقصبها اسمحيلي
ام سعد:لا لا خلاص ماقصرتي وسكرت
حمد:شنو في
ام سعد:البنت ردت تقول تعدك مثل اخوها
حمد :شنو شنو ويطلع معصب يركب سيارتة ويطلع
يتصل لاحلام:الو شنو احلام شنو قلتي صج الي سمعتة ولا تتغشمرين
احلام:هلا حمد لتعصب ترا انا احبك مثل اخوي واحترمك
حمد:شنو اخوي مااخوي والكلام الي كنتي تقولينة لي احبك ومتى نتزوج ونسكر علينا باب الغرفة وظمك هاي كلام بعد اخوش ولا انتي تلعبين علي كنتي ماقول الا ياخسارة الي بعتي قلبي الي حبج من قلبة وسكر
احلام تظايقت بس لانة تمر بعلاقة ثانية ونهت العلاقة القديمة
حمد:يفكر ليش ردتني اكيد في شي ماردتني مني وطريج انا متاكد ان ردتني عشان شي اكيد ولا زم اعرفة شنو هشي الي ردتني علية بس انا ماسويت لها شي
مرت الايام والشهور
ام احلام متصلة لاختها ام سعد:الو هلا ام سعد بقيت اعزمج على خطوبت احلام يوم الخميس حياكم في قاعة الرفيرا
ام سعد:ومن بياخذها
ام احلام:حسن بن فلان بن افلان الفلاني
ام سعد:هاي جنة علق مب اصل
ام احلام:لا اصل نشدنة عنة ريال وعندة خير
ام سعد:سكرت الا حمد دخل هلا يما
ام سعد:يوم الخميس خطوبت احلام
حمد:اي عرفت عشان جذي اشوفني نفس اخوها ومن ذي الي بياخذها
ام سعد:حسن ولد فلان الي يسكن في .....
حمد:هاي الي ردتني عنة اي زين
يوم الخميس الصبح حمد يلة يما انا مسافر
ام سعد وين بتروح
حمد:ماددري كم يوم وبارجع مضايق
ام سعد:حسبي الله عليها الي كسرت بقلبك الله ياخذ الحق منها ومن امها
(اخت ام سعد الي اهي ام احلام مب جميلة وكانت يوم صغيرة يخشونها عشان محد يشوفها لانها سمرة مب مثل اختها بيضة ويوم كبرت زوجها ابوها بصديقة اليمني الجنسية بس لول يعطونهم الجنسية بسهولة وخذ الجنسية القطرية وسكن في بيت اهل زوجتة ومحد يدري بهسالفة الا اختها وناس الي مقربين منهم وعارفين الي في بيتهم
عمام حسن درو ان ولدهم بيتزوج بوحدة ابوها متجسن اصلها يعني بلاصل يمنية عارضو الزواج عشان مايتزوها بس اهوا عاند واصر وتبرو منة عمامة عشان تزوج احلام
ومرت الايام وتمت الخطوبة وشهور قليلة وتم الزواج الرسمي وسكنت مع هلة في بيتهم غرفتين وصالة وحمام
حمد جاء لامة:يما ابيج تخطبين لي بس بشرط ابي وحدة احلا من احلام ابيها حلوة وبيضة ودمها خفيف كلة تظحك
ام سعد:ان شاءالله هساعة المباركة الي ادورلك بنت الحلال
حمد:خلاص للقيتي خبريني
وتم ادور ودور
روضة انا عندي اخت صديقتي اتجنن اتشابة زينب العسكري والله وبعد احلى منها ودمها خفيف وشعرها طويل وبيظة وظعيفة وادب واخلاق وطباخة كل شي فيها عدل
ام سعد"انزين نبي نشوفها
روضة:بس اهلها مشدديدين ماضنتي يرظون تطلع وتروح وجذي
ام سعد:انزين بنكلمهم انشوفها
روضة لحظة خل نقيس النبظ قبل ونشوف لانها تعرف بسالفة حمد مع احلام
حمد"اشدرابها
روضة:استحت انا قايلة حق اختها واختها كلة مع اختها مايخشون شي عن بعظ
ام سعد:عيل اكيد بيردونا
حمد:الحين انا افكر فيها ابيها كيفكم جربو خظي معاها
وكلمت ام سعد ام البنت وطلبت يشوفون هيفاء
ووافكت ام هيفاء يجون ويشوفونها
وحددو اليوم وراحو يشونها وصلهم حمد للبيت
هاي البيت بيت رفيجي اعرفة
ام سعد:خل انشوف البنت قبل وعقب قولنا سوالف رفيجك
ودخلت ام سعد مع عايشة يشوفون هيفاء
دخلت هيفاء وسلمت خمس دقايق وطلعت
ام سعد:والله احنا نبي نخطب هيفاء حق ولدي حمد
ولدي حمد عمرة هلكثر ويشتغل في المكان لفلاني وكنا خاطبين بنت خالتة قبل بس بنت خالتة مابقتة وردونا روح بعيد وتعال سالم
ام هيفاء ان شاءالله بنسأل عن الولد وبنرد عليكم
طلعت ام سعد وعايشة ركبو السيارة
حمد:هاة شنو بشرو
ام سعد:بعد شنقول وشنخلي كاملة والكامل الله انا من شفتها دشت قلبي وخطبتها لك على طول لحد ياخذها عنا هاي مشاءالله عليها خطاطيبها وايد اكيد جمال ماشفتة من قبل الشاهد على ربي ان بتعجبك وهذا ويهي اذا مابطلت حلجك لشفتها
حمد:استانس والله يما شوقتيني اشوفها
ام سعد:الزين لزين وان شاءالله تكون من نصيبك ويعوظك عن بنت اختيا الي
حمد:خلاص يما ان نسيتها لاتكلمين جدامي عنهم
ومر شهر بظبط وام سعد تنطر الرد وحمد ينطر وخايف انة اتردة عشان بنت خالتة قبل
لين اهني وخليكم لاني تعبت وتصبحون على خير





رد مع اقتباس
  رقم المشاركة : 9  
قديم 01-01-2014, 12:45 AM
عضو
بزنس قطري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

تسلمين يعطيج العافيه





رد مع اقتباس
  رقم المشاركة : 10  
قديم 01-01-2014, 10:38 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(قلبي الطيب في زمن قاسي)

الله يعافيك اخوي اهم شي ان عجبكم اسلوبي في الكتابة وسرد القصة ماهي الا حقيقة وعبر نستفيد من تجارب غيرنا وعن نفسي انا استفد كثير من ناس ماعرفهم بس لقاء معاهم سبحان الله يفتحون قلبهم لي وعلى فكرة في ناس تتكلم والله العظيم اني ماصدق ان في ناس يصير معاها جذي يعني كنت اعتقد ان هلقصص من الخيال بس اكتشفت الواقع اكبر من الخيال الواحد يحط يدة على راسة من كثر مايسمع تجارب الناس الي ماتمنى يحصل حتى لعدوك لكن اكرر واقول انا اقول القصص الواقعية عشان الناس تستفيد من تجارب الناس الي مرت بتجارب غير متوقعة قد يكون تساهل منه او ثقة بغيرة او مش فاهم الدنيا عدل والله يسعد كل انسان يارب





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: قصة جديدة(قلبي الطيب في زمن قاسي)
الموضوع كاتب الموضوع المنتدى مشاركات آخر مشاركة
الطيب دمعه والردى ضحكة أحجاج عضو جديد المنتدى الادبي 12 30-04-2016 10:12 PM
من ابو الطيب المتنبي بلقيس قطريه المنتدى الادبي 3 08-04-2013 01:44 PM
الطيب لاهل الطيب تاجر دهن عود سوق العطورات والبخور 2 22-11-2010 12:34 AM


الساعة الآن 10:32 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم