استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

قصة جديدة(كما تدين تدان)

اهلين اليوم حبيت اكتب لكم قصة وحدة من نفس منطقتنا بس قصتها اشوي حسساسة ونفس الوقت عبرة لكل من يفكر بلمدى القريب ومافكر للمدى البعيد المهم نبتدي نور:يما انا تعبت من المدرسة ام علي :لا شنو كملي ادرسي مثل هلبنات الي يدرسون نور:يما انا صار لي 3سنوات في صف الثاني ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 17-01-2014, 12:45 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي قصة جديدة(كما تدين تدان)

اهلين اليوم حبيت اكتب لكم قصة وحدة من نفس منطقتنا بس قصتها اشوي حسساسة ونفس الوقت عبرة لكل من يفكر بلمدى القريب ومافكر للمدى البعيد المهم
نبتدي
نور:يما انا تعبت من المدرسة
ام علي :لا شنو كملي ادرسي مثل هلبنات الي يدرسون
نور:يما انا صار لي 3سنوات في صف الثاني الاعدادي وكل سنة ارسب انا مخمي مجيم خلاص ماقدر اكمل
ام علي:بس بدينة بهلمنوال شتبين
نور:باطلع من المدرسة يما كل الي معاي اصغر مني خلاص مابي كلة يتطنزون علي
ام علي:انزين بتطلعين وبعدين شبسوين
نور:بساعدج بشغل البيت وباساعد اخواني
ام علي:بفكر مادري
نورقبلت راس امها وراحت حجرتها وخذت تليفون البيت ويرتة لين غرفتها واير التليفون طويل وسكرت الباب
نوراتصلت على صديقتها من سنين نور ماعندها الا صديقة وحدة لانة معاها من سنين يرسبون بكل صف سنتين و3سنوات
نور:الو السلام عليكم حصة موجودة
اخو حصة:اي لحظة
حصة:الو هلا
نور:هلا حصيص اشلونج انا بكرة مب رايحة المدرسة
حصة:ليش
نور:خلاص باطلع من المدرسة
حصة:انزين تعالي بكرة
نور:ياة بارقد تعبت كل يوم اقعد للمدرسة
حصة:تعالي وفي الهدة بنروح انا وانتي بيتنا مع بعض
نور:امممم اوكي
اليوم الثاني نور راحت المدرسة متاخرة وصلت ونزلت المدرسة عند باب المدرسة
حصة توها واصلة مع سايقهم بعد متاخرة
حصة:نور تعالي
نور:شنو
حصة:اشرايج نشرد اليوم
نور:والله يلة
حصة :امشي يلة راجو امش ودنا معصرة بواحمد
نور:وناسة احس بشي غير
وصلو المعصرة نور:عطني عصير منجة وسندويج بيض
حصة:وانا واحد جاي كرك وسندويج فلافل
تريقيو عند المعصرة اشوي الا سيارة فيها شباب
واحد اسمر وثاني ابيض
الاسمر:صباحو ياقمر
حصة:من يحاجي ذي
نور:ماعتقد انا يعني اعرف اني مب قمر
حصة:لا انا الي كلش يمكن انتي احسن مني هههههههه
نور:تهقين يتمسخر علينا
حصة :صبري
حصة:تحمد وتشكر باديها
الشاب الابيض :عاد عدال عطينا وية ياممكن نتعرف
حصة:احترم نفسك يلة ماناقص الا بزران يكلموني
الشاب الاسمر:ليكون صدقتي نفسج قمر ههههههههه
والله خدامتنا ميري احلى منج ههههههه
نور:خلاص خل نمشي خل يولون
طلعو وقعدو على الكرنيش لين جات ساعة وحدة وقت هدت البنات راحو بيت اهل حصة
ام حصة:هلا اليوم يتي من وقت من الي معاج
حصة:هاي صديقتي نور
نور:هلا السلام عليكم وقعدت مع صديقتها حصة في حجرتها
ام نور:وين نور تاخرت اليوم وينها جات ساعة 2 وللحين ماوصلت
اخو نور:انزين اتصلي المدرسة
ام نور:الحين سكرت المدرسة محد
ام نور:ماعرف بعد صديقاتها ويمر الوقت لين العصر ساعة 4 والام تحاتي والاخو خاف شيسوي
اشوي الا نور حصة ابي تليفون بكلم امي عشان ماتحاتيني نسيت اقولها
اشوي الا يدة نور داخلة :وينكم يهل البيت
سمعت ام نور :وين هلبنت طلعت من البيت من صبح ماندريبها
اليدة:شنو نور شردت من البيت
ام نور:اي شردت يما لا بس للحين ماردت من المدرسة
الجدة:اي يعني شاردة وشوي الا الجدة تطلع من البيت وتنشر الخب عند الفريج كلة وكلن يتكلم في نورانها شردت من البيت
اشوي الا نور:الو يما
الام:نور وينج انتي فية
نور:بيت صديقتي حصة
الام:حسبي الله عليج من بنت فظحتينا بعمالج انا يايتج الحيين
وتركب الام مع ولدها الى بيت صديقها
نور:شكل هلي معصبين مادري اخاف
حصة:لا لتخافين عارفين انج كبرتي وشورج بيدج ماعليج منهم
نور:اي صح ماخاف
الام:امشي امشي الله يفظحج ويغربلج
نور:شنو انا ماسويت شي تعصبين ليش
الام:حسبي الله عليج فشلتينا جدام الي يسوى والي مايسوى شنقول وين اودي ويهي جدام العرب
نور:انا رحت بيت رفيجتي بس شمسوية
ام نور:امشي ولا كلمة على البيت يلة يلة اص ولا كلمة
اوصل لهني معاكم تصبحون على خير





رد مع اقتباس
  رقم المشاركة : 2  
قديم 17-01-2014, 11:06 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

اليوم باكمل القصة ان شاءالله لانها مب طويلة
ام نور:يلة امشي البيت الله يفظحج
نور :خلاص سندرتوني خلاص مب حياة هاذي ياة خلاص انا مليت منكم ومن كل شي وتروح قرفتها وتقفل الباب
الام :حسبي الله ونعم الوكيل بتذبحني ذي البنت وانا حية
اخونور علي:يما يما وين بنتج فظحتنا سيرتها على كل واحد كلن يسال اختك اشردت من البيت اشردت افظحتنا الله يفظحها
الام:خلاص انا هاوشتها خلاص اهداء انا خلاص بطلعها من المدرسة هاي ماتفع لها الدراسة الي كبرها تخرجو وتزوجو وعيلو بعد
علي:خلاص عيل طلعيها وزوجيها اي حد اي
الام:خلاص هدي هدي
علي:اي اهدي يما كلن يتكلم علينا وانا ايلس اتفرج والله فشلتنيا جدام الي يسوا والي مايسوا والله ان شفتها جدامي بذبحها حجرتها ماتطلع منها
الام:ان شاءالله بس انت تعوذ من ابليس
بعد كم يوم اليدة دخلت على ام علي
اليدة:اشلونج
ام علي:الحمد الله
الجدة:اشلون نوراخبارها
ام علي :ابد هذهيا كلة في غرفتة وحاطة هلغواني سندرتنا
الجدة:جوفي انا يبت حق بنتج ريل خوش ريل زين وبسناين بنتج
ام علي:عاد خل اقول حق اخوها اهوا ولي امرها عطينا اسمة وبرد عليج عقب
وخبرت الام الولد علي
علي:خلاص خل ايون
الام:انزين اسال عنة
علي:هاي من اهل ابوي الله يرحمة
الام:خلاص عيل بكلم يدتك اتكلم العرب
وجاو وخطبو نور رسمي وتمت الملجةو تزوجت زواج تقليدي
يوم العرس دخل المعرس خليل شاف العروس اول مرة انصدم من العروس مش مستوى الجمال الي كان يتخيلها ماقدر يقعد اكثير اشوي طلب من امة خلاص يبي يطلعون
طلع المعرس مع العروس من الكوشة على الخلة
اول يوم خليل :انا بطلع اشوي وبارجع لا تنتظريني
نور: استغبرت ليش اشفية انا فيني شي
اليوم الثاني انا باطلع بتاخر
وتمت على هلمنوال لمدة شهرين بعد الشهرين ماقدرت
نور راحت لبيت امها
الام:هلا نور ماصار في شي في الطريج
نور:يما وتبجي انا مابي خليل ابي اطلق
الام:ليش اشفية شصاير
نور:يما انا للحين بنت وخليل كل يوم يوم ينام برا البيت انا تعبت
الام:اشلون جذي كلمت اخوها
علي كلم خليل
خليل:والله ياعلي انا مب عارف شاقولك ودي ارد عليك بس ماعندي رد غير انا ماقدر اكمل مع اختك هلي اخطبولي وانا والله ماجفت في اختك اي شي غلط بس ماقدر احبها او اعتبرها زوجة لي فسامحني انا مستعد اعطيها فلوس وطلقها بس ماقدر اكمل معاها
علي:اختي مب قاطينها وفلوسك خلها لك وورقتها طرشها البيت
ورجع البيت علي:نور انتي خلاص بتقعدين عندنا وورقتج بتيج
نورارقضت حجرتها وتابجي ليش يصير لي جذي انا ماسويت شي
ومرت الايام جات الخالة
خالتها شمسة:ام علي سمعي يبت حق نور ريل
يسدور مرة مايبي شي مايبي حلوة اهم شي مرة تعتني فية
ام علي: ويدري ان بنتنا مطلقة
الخالة:اي يدري وهوا بعد مزوج وحدة من 15 سنة وطلقها
ام علي :بل 15 سنة شكبر ذي
الخالة:هاة مب كبير وايد جذي عمرة 50 بس ترا عنة خير غني وعندة بيوت والزين ان ماعندة اعيال بعد
ام علي:مادري باجوف نور واخوها بعد قبل وباقولج
الام كلمت ولدها علي
علي:والله يما عرسيها احسن من تخلينها مطلقة والله شيبة ولا تقعد اهني وتيب لنا الكلام
الام:خلاص باقول لها
الامك كلمت بنتها نور
نور:والله ياياما انا موافقة عادي اهم شي ريال ولا كلام الناس الي يجرح كل ماشافوني مطلقة مطلقة جنى فيني مرض ولا مسوية شي حرام
وتمت الموافقة وجاي المعرس يخطب وتمت المور على خير وتزوجت نور من غير عرس بس عشاء بسيط بين الاهل
نور بعد الزواج بليلة طلب منها الزوج عمر
عمر:نور سوي لي غدا باكل حبوب سكري ترا احب اكلي خفيف من غير فلفل او ليمون
نور:ان شاءالله سوت الغدا وتغدا وريح
وتمت نور تخدم بزوجها بعد مرور شهر بعد الزواج
نور حست بدوخة وترجيع
كلمت امها
الام:هاي اعراض حمل يمكن حامل
نور ستانست راحت تحلل
بس طلع مافي شي
بعد ثلالث اشهر تكررنفس الشي استانست راحت حللت قالو لها مافي حمل
شكت راحت سوت فحص طلب منها الدكتور تحليل الزوج بعد بس عمر رفض
نور:ليش ماتبي
عمر:مابي وخلاص
راحت نور حللت وخلصت النتيجة عقب كم يوم
يوم راحت تشوف النتيجة
طلع ان العيب بنور ماتجيب اعيال
نور:هاة وتبجي مسكينة عند الدكتورة وتحاول الدكتورة ذكرها ان هاي نعمة من الله ماتدري وحاولت بس نور خلاص تحطمت خايفة اشلون اقول حق عمر لين دروة اخاف يطلقني
نور بس اهوا ريال كبير ماعتقد بيطلق بس يمكن يبي اعيال عشان جذي تزوجني وانا اصغر منة بعشرين سنة
وصلت نور البيت
جافت عمر قاعد يشوف الخبار
نور:عمر باقولك شي
عمر:شعندج يبة قولي لانة بارقد الحين احس اني مب صويحي
نور:اشفيك
عمر:لا بس ابي اتلين جسمي يعورني
نور:اي انا رحت سويت تحاليل تدري
عمر:اي
نور :بس طلع اني مايب اعيال
عمر:قلت لج مب لازم بس انتي ماتسمعين الكلام خلاص الحمد الله مانبي اعيال
نور:يعني مب زعلان
عمر:لا ليش زعلان ليش ازعل هاي كتبت الله والج دخل فيها اهم شي انج معاي وانمتي بخير
ارتاحت نور بس حست في شي غريبة اشدعوة ماعصب ولا زعل جنة حاس في شي
اوصل معاكم لين اهني وبنام الحين وتصبحون على خير
اختكم قطرية مزيونة





رد مع اقتباس
  رقم المشاركة : 3  
قديم 17-01-2014, 11:27 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

اليوم ان شاءالله انا بسهر عشان اكمل لكم القصة بس اعذروني باطلع مع اخوي الحين اي الحين بنطلع في هلجو الحلو بنجيب لنا عشاء وبرجع بس عطوني نص ساعة وبكملها لكم بس عشان تعرفون اني اظحي بس عشان ماتزعلون وتنطرون لول اخليكم باطلع وبارجع شاو





رد مع اقتباس
  رقم المشاركة : 4  
قديم 18-01-2014, 12:22 AM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

مرت الايام ونور تدور براسها فكرة بس خايفة تفاتح عمر بلموضوع يمكن يعصب يمكن مايرضى خاص انا اليوم لازم افتح معاة الموضوع واللي بيصير يصير
باروح ارتب الغرفة وعدلها وزينها عشان اسوي لة ليلة خاصة ومنها افتح الموضوع معاة
دخلت عدلت الغرفة وزينتها حطت لشموع ولبست شي حلو
فكرت ان تكتب لة شي حلو على ورقة عند الباب فنتحت الدرج ادور الا لقت ملف فتحتة يمكن فية ورقة شوي كبيرة بس هاي اوراق جنها اوراق مستشفى بس بلانجليزي يربي شمكتوب فيها ردتها مكانها
وصل عمر دخل الغرفة الا يشوف لشموع في كل مكان
ونور منسدحة على السرير تنظرة ببتسامة
عمر:شنو ذي شنو ذي بتحرقين البيت علينا بندي هلشموع مينونة انتي
نور:شنو شفيك امحق روكنسي انت وين ورومنسية وين في خاطرها تقول طبعا هلكلام
وطفا لشموع وسبح ونام نور تمت جالسة لوحدها شنها حارس البيت
المهم الصبح جلس عمر وطلع يشوف حلالة وامورة واشغالة
ونور راحت وخذت لوراق ودتها لصيدلية تسال قراء الصيدلي الورقة
نور:هاي اوراق جاتنا وابي حد يترجمها لنا لانة مش عارفين انقليزي اسوي خير فينا
الصيدلي ياختي دة تقرير ان صاحب التحاليل دة مابيخلفج
نور:شنو مكتوب فيها يعني
الصيدلي:اخي دة تقرير بيقر ان مايقبج عيال يعني بس
نور:اي مشكور الله يزيك خير
وتطلع معصبة ليش ماقالي من قبل ان مايب اعيال وانا قاعدة اعاتب بنفس والوم نفسي واخرتها اهوا مسوي ومخلص وساكت ليش ماعلمني
جاء عمر البيت تغدا وخلص راح الغرفة يرتاح
دخلت علية نور :عمر هاي شنو
عمر:هاة هاي اوراق مالج حاية فيها ليش زاختها حطيها
نور:انت ليش ماقلت لي انك ماتيب عيال
عمر:هز راسة سامحيني كنت خايف انج تدرين وماترضين فيني
نور:بس انا يوم سويت تحليل خبر تك بصج وكنت خايفة واعاتب نفسي واقولك تبي تتزوج اشوف اعيالك تقول لال مابي ليش ماقلت لي الصج
عمر:سامحيني والله
نور:فكرت بظرب الحديد وهوا حامي (انزين عيل دام انت ماتيب اعيال بعد مايب خل نتبنى ياهل
عمر:نتبنى
نور:اي عادي انا قلبي يشفق على ياهل
وبعد تفكير عمر وافق
قالت نور حق امها عن الخبر
الام خبرت اختها
الخالة درت اتصلت حق نور
الخالة :هلا نور اخبارج
نورهلا خالتي
الحالة :سمعت عنج تبين تتبنين ياهل
نور:اي شسوي الحمد الله
الخالة:انزين اعرف ياهل توة امة وابوة متوفين وماعندة حد
نور:والله وينة شسمة
الخالة:اي بس بكستاني وعمرة توة بوشهر هلة توفو في حادث
نور:اي يلة باشوفة
وتروح نور تشوفة ويدش قلبها :واية علية اينن فديتة
وتمت وخلصت الاجراءات وكتبتة بسم ريلها
ناصر عمر
وخلصو الاجراءات
وخذتة وربتة وتمت ترضعة المرضاعة ومش عارفة وكل مالة تتعلق فية اكثر
اسمحوحولي النوم سلطان ماقدر احس اعيوني تغمظ بروحها قاعدة اليوم من صبح فعذروني اني ماقدرت اكملها مثل ماوعدكم سوري اختمك :قطرية مزيونة





رد مع اقتباس
  رقم المشاركة : 5  
قديم 18-01-2014, 12:30 AM
عضو فعال
al-khayarin غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

نوم العوافي حبيبتي قطرية مزيونه ، ننطر تكملت القصة





رد مع اقتباس
  رقم المشاركة : 6  
قديم 18-01-2014, 12:55 AM
عضو نشط
ولد الحربي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

قصه جميلة وفي انتظار التكملة وبالتوفيق ان شاء الله




التوقيع - ولد الحربي
في سبيل المعرفة لا بد من البحث والتفكير والإبداع، مهندس شبكات لاسلكية، أرحب بأي استفسار او سؤال بهذا الخصوص.



رد مع اقتباس
  رقم المشاركة : 7  
قديم 18-01-2014, 07:16 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

شكرا على الردود الجميلة ان شاءالله بكملها لكم بليل لما اكون جالسة بهدوء في خلوتي بغرفتي الجميلة اسمية مكاني الخاص الي اقدر اخذ راحتي فية راح اكملكم بس الحين مستحيل مع اللوية والي داش وطالع ماقدر اركز خل وقتي الان مع عائلتي الحبية بس اوعدكم بليل اكملها لكم انتظروني قبلاتي





رد مع اقتباس
  رقم المشاركة : 8  
قديم 18-01-2014, 10:06 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

مساء الخير المهم وين وصلت اي تذكرت بس للعلم انا اعرف بتقولون ان اي طفل يتبنى ينسمى بئسم النبي صح بس هاي صج اسمة مح......بس انسبوة لزوجها وهاي حرام بس مادري اشلون اكتبوة بسم زوجها المهم اكمل لكم القصة
نور:الو يما ناصر كلة يصيح مب عارفة شسوي فية
ام نور:بدلي ثيابة يمكن مضايق من اثيابة ولا حفاظتة
نور:بدلت كل شي بعد يصيح ماعرف لة
الام:خلاص يايتج الحين
الام:شافتة مرختة سكت مسكين بطنة مرتروس غازات
نور:يما سكت عندج
الام:اي ياهل مايعرف يشتكي لمسكتي العلة ارتاح سكت
نور:وي يمة انا اخاف اعورة شي
الام:لا عادي احنا قبلج جذي تعلمنا عادي معلي بس ريلج شيقول
نور:والله يايما مب معبرة كلش احس انة مايحبة للحين
الام:اي يايما ولد مب ولدك يبيلة وقت لين اتعود علية سبحان الله الي من صلبك غير
نور:عاد شنسوي هاي حكمت الله
الام:ونعم بالله
المهم مرت الايام وكبرناصر صار يتحجى صوت ماما
نور صاحت صاحت لين عينها نشفت من لدموع حبيبي فديتك وتتصل لعمر زوجها عمر ناصر قال ماما عمر:ليكون صدقتي ان ولدج ترا مايعرف انج متبنيتة
نور:تضايقت ماعندك كلمة زينة اسكت انا فرحانة وانت تكدر بخاطري خلاص مع السلامة ....كبر ناصر
دش الصف الاول ونور مستانسة علية اصورة في كل لحضة من حياتة ودتة المدرسة وتصيح مسكينة اول يوم مدرسة الولد خايف
والام تبي تقوي قلبها وطلعت جان يركض ويمسكها من عباتها يما ويبجي يما لاتخليني
ونور ميتة وصيح حبيبي ماراح اخليك حبيبي اشوي باروح وباجي وتبجي وناصر يبجي وجان مدرسة احليوة تمسكة تعال برويك شي حلو شوف مناك اكو اليهال يشوفونة
سكت اشوي ناصر اجذبة الحوار وتاشر لنور بئيدها روحي وتشرد نور مسكينة وخلت قلبها في المدرسة
وتمت تنطر لين جات الساعة 12 وتركض المدرسة عند الباب وتنطر الباب ينفتح وتركض حق ناصر وناصر شافها جان يركض لها وتلمة وتحبة جنة ماجافتة من سنة
المدرسات استغربو من الام تبجي وتحب ولدها وتشكرهم وتسالهم عسى ماصاح عقب مارحت قالو لها عادي كل اليهال جذي لازم اول اسبوع لين يتعودون اشوي اشوي
نور:ان شاءالله الله يصبر قلبي
وراحت ومرت الايام والسنين وكل مالة ناصر يكبر
وصار عمرة 10 سنوات الام :نور يما لازم تقولين حق ولدج انج متبنيتة وان هلة ماتو وانتي خذتية وربتية عشان مايسمع هشي من برا ماتدرين اليهال يمكن يقولون لة يدري منج احسن من يردري من را
نور:مادري يما اخاف
الام:لا يما سوي هشي احسن
نور الصبح كان يوم السبت اجازة قعدت الصالة ناصر تعال يبا بارويك
وتروية الالبوم من يوم بوشهر لين كبر
ناصر:يما هاي يمكن المرة الالف الي ترويني الصور حفظتهم هاي يوم امشي وهاي اول ماقلت لج ماما وهاي اول يوم مدرسة
نور:بس ودي اقولك شي الحين انت كبرت وتعرف كل شي وفي شي لازم اقولة لك عشان اتعرف
ناصر:شنو يما
نور:شوف حبيبي انا احبك وايد ولو شو مايصير ماراح يتغير شي بتم انت اغلى شي في حياتي وانت حبيبي وانت الي انا عايشة عشانة
ناصر:اشفيج يما شنو تقولين مافهمت شتقولين
نور :حبيبي يوم انت صغير كنت سيارة مع امك وابوك رايحين في طريج سوتو حادث امك وابوك ماتو الله يرحهم وتميت انت كان عمرك شهر ومالك حد اهني وانا خذتك وتبنيتك من عمرك شهر وربيتك مثل ولدي انا ماقدر ايب اعيال بس الله عوظني فيك والله العالم اني احبك مثل ولدي بظب
ناصر:ساكت ودمعتة تنزل على خدة وساكت قام وراح الصالة جلس بروحة نور خلتة قاعد يفكر وياخذ وقتة
جلس يمكن ساعتين بروحة ساكت ويبجي ويسكت ويبجي ويسكت
اشوي الا قايم وراح حق نور ولمها
عاد اهني نور حست ان الدنيا ظحكت لها من يديد وتلمة وتلمة وتحب راسة ولا تكلمت ولا كلمة بس لمتة وهوا ساكت بس لمها
ناصر تعلق بامة اكثر وصار ياخف ان يفقدها مثل مافقد هلة الصجين
وكب ناصر اي شي بخاطرة نور تحقق لة اي شي بخاطرة لو هو غالي يابتة لة
ومرت الايام وكل مالة يكبر ويفهك اشياء اكثر المهم نور كل حلالها حاطتة بسم ناصر واي شي تحطة بسمة ذخر لة لكبر محد يذلة تحط لة شي يساعدة للمستقبل
عمر:وين رايح انت
ناصر:باروح السنما مع ربعي
عمر الابو بتبني: لالا انا ماعندي حد يطلع من البيت بنصاف اليالي انا اخاف بعد
ناصر :يبا مب متاخر والله
عمر:لاتقول يبا ياولد الشوارع انت
ناصر:سكت ان شاءالله
نور:عمر شهلكلام ماتكلم ولدي جذي
عمر:وين ياي ولدج انتي
نور:اي ولدي ولدي انا امة وانا الي ربيتة انا امة
عمر:الله يخلف عليج
نور:انت اصلا كلش ماتنعاشر كلش ياانك تحرتم ولدي والا بخليلك البيت وباروح اهم شي ولدي اهم منك ترا
عمر:بلي مايحفظ روحي بلعنة انتي ولدج
وتروح نور اهي ولدها بيت اهلها
الام:اشفيج ياية
نور:خلاص تعبت انا لحد يقول رجعي لة تعبت كفاية بخيل وفوق هاي كلة يهين و لدي لا والله اهني ماقدر الي بيقول رجعي من الحين اقولة هاي حياتي وانا حرة فيها واذا بضيق عليكم استحملوني كم شهر وانا باطلع من بيتكم باروح في بيت خاص لي وحق ولدي
ياء علي اخوها:خلاص انا جبرتج مرتين هلمرة كيفج حياتج وانتي حرة
ومرت لسنين وعلي تزوج وجاتة اعيال ونور راحت في بيت لها شرت لها بيت قريب من بيت امها وسجلتة بسم ولدها لو صار لها شي يروح كل شي لة
المهم كبر صار عمرة 18 سنة خلص الثانوية
قدم على وضايف بس الاماكن الي يبيها تمت برفض لانة بتبني وممنوع توظيف اطفال بتبني وتحطم الولد صار غير تغير
ناصر :يما يما
نور :هلا يبا
ناصر:ابي سيارة
نور:بس ماعندي الحين
ناصر:كيفج تصرفي ولا ماراح اتشوفين ويهي
نور:والله ماعندي اصبر اخر السنة ان شاءالله اقدر
ناصر:انزين عطيني سيارتج
نور:ان شاءالله هاك عطتة خافت تقول لا يتظايق وال شي
علي شافة يسوق سيارة نور اختة ومركب صبيان ويقحص ويدور بشوارع
علي:الو نور ولدج وينة
نور:في البييت
علي:اي تستري علية ولدج معطتة سيارتج والله بيكسرها لج
نور:شسوي اخاف كلة اقولة لا يطلع عقب من البيت
علي :هاي يبيلة ريال
نور:خلاص كلمة
علي:الو ناصر تعال بيتكم ابيك تعال ونزل هلخمة الي معاك وتعال لايك وافشلك جدامهم
جاء على بيت اختة ينطر ناصر دخل ناصر وهوا رافع خشمة ويطالع امة بخياس
ناصر:اشتبي
علي:تكلم عدل لكلمتك
ناصر:ليش ليكون انت ولي امري
علي:والله لعدلك اذا محد رباك ويمسكة من ثوبة ويدزة على الطوفة
نور:على لا لتمد ايدك على ولدي
علي:خلي اربية لج عدل
ناصر:انا متربي احسن منك
جتن علي يصطر ناصر على وجها
نور:تصرخ :عليى اياني وياك تمد ايدك على ولدي
علي:جوفي والله من اليوم وساير انا مب خالك اصلا زين اني مب خالك وانتي لتكلميني عقب لو حتى مات لاتناديني اخذ عزاة انا مالي ولد اخت انتي اختي لكن ولدج يخسي ويطلع من البيت
ناصر:هاي الي مخرعتني فية اخوي واخوي هاي يمد يدة وبس
نور:اسم الله عليك معلي امسحها في ويهي
ناصر:جوفي تبين ايج كل يوم واحبج على راسج وتستانسن مني مالج خص فيني ان شاءالله اشوفيني اشرب مالج خص انتي مب امي
نور:اشفيك ناصر تغيرت
ناصر:انا ماتغيرت انا صحيت من الغفلة الي مرقدتني فيها وطلع
ونور تبجي على ناصر تغير كلش مب ناصر الي ربتة
مر يومين ناصر برا البيت ونور ينت تتصل لة مايرد
مر اربع تيام مايجي البيت ولا يتصل وتليفونة كلة يرن ولا يرد ينت مر اسبوع واهي بتاكل من نفسها
نور:الو يما ولدي مادريبة من اسبوع مايجي البيت ولا يرد علي
الام:خلاص مب ولدج شتبين فية ناكر المعروف هاي مب لدج ادري مردة بيسوي جذي اذا ظناج ظناج الحين تخافين منة شلون ولد مب ولدج ولا تعبتي فية خلاص خلية قلعتة
نور:لا هاي ولدي انا اعرفة انا ربيتة
جان تتصل حق علي الو علي تكفا جوف ولدي وين
عليس:انا قلت لج ماتتصلين لي عشان هلخايس
نور:هاي ولدي وتبجي انا ربيتة انا تعبت في تربيتة اشلون اخلي يظيع جدامي مالي حد غيرك تكفا ياخوي يبة لي
علي انكسر خاطرة على ختة:خلاص باجوفة
ويتصل لة علي بس مايرد ويتصل لة من تلفون رفيجة
رد علية الو
ناصر:الو منة معاي يتكلم (صوتة مب وعية صوت واحد شارب)
علي:انت وين
ناصر:مع رعبعي ليش
علي :رد كلم امك تحاتيك
ناصر:معلي باكلمها
وسكر كلم اختة وخبرة انة كلمة وبيكلمها بس للاسف يومين بعد ولا اتصل ولا عافين وين مكانة بظبط
علي كلم الجهات المختصة وتصرفو وحددو مكانة
وكلمو علي لقينة بتروح معانا
علي:اي باروح
راحو يوم دخلو علية لقوة مع شلة اجانب يشربون ويمارسون الزنا والمخدرات وشي ماينوصف علي مات الي شافة شاب بعمر الورد وصل لهلمرحلة كلم الجة المعنية ان يحطونة بلاحداث وخذوة وهوا مش بوعية ودوة
نور :الو علي حصلت ناصر
علي:لا والله ولدج لقيتة وقال مايبيج وبيروح حق ابوة
نور:بس انا الي ربيتة ابوة ميعاملة زين
علي:بعد هاي اخرت الدلال قلت لج من قبل ماتسمعين لين ظيعتية خلاص انسية مايبيج انتي مب امة اقبلي بلواقع خلاص بتذبحين نفسج على واحد مايبتية خلاص
نور:بس انا ماقدر اعيش بدونة
علي:عاد الله يصبرج ونتهى الحوار
نور تعبت ومرضت من التفكير والهم والي ذبحها
وعلي يدري ان ناصر ظاع مستقبلة بس ماقال لاختة عشان بتنصدم من الي بيقولة لها بس هدنيا تفاجاءك نور نفس ماتعبت امها يوم كانت صغيرة الله رد لها الدين الي عليها ومثل ما الكل يعرف (كما تدين تدان)او اقول الدنيا دوارة هاي اقل شي اقدر اقولة فنتبهو لنفسكم لا تسون شي وتندمون علية في المستقبل لانة الحياة تدورواشكركم على متابعتي وارجو ان تنال على اعجابكم
اختكم :قطرية مزيونة





رد مع اقتباس
  رقم المشاركة : 9  
قديم 19-01-2014, 06:26 PM
عضو جديد
حبيبي مدريدي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

يعطيج العافيه





رد مع اقتباس
  رقم المشاركة : 10  
قديم 18-02-2014, 05:19 PM
عضو
فستان ليلةالعمر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة جديدة(كما تدين تدان)

يعطيج العافيه





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: قصة جديدة(كما تدين تدان)
الموضوع كاتب الموضوع المنتدى مشاركات آخر مشاركة
كتاب "دَرْءُ الرَّيْبِ عَنْ مَفَاتِحِ الغَيْبِ" فوتون منتدى الشريعه 13 08-04-2014 05:33 PM
بيان من الدكتور طارق #السويدان Hotmail المنتدى العام 4 13-07-2012 11:03 PM
كــما تدين تدان ... Smile Faby المجتمع القطري 19 24-07-2011 03:03 AM


الساعة الآن 04:07 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم