استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

قصة حقيقية(جزء من حياتي)

السلام عليكم اليوم بكتب لكم جزء من حياتي يمكن البعض استغرب من العنوان انا كتبت جزء من حياتي ولكن ماقصد انة حياتي انا ولكن اقصد جزء من حيات اي بنت تمر بهلمرحلة وتحس بهشعور واذا مب كل بنت فاغلب البنات مرو بهلمرحلة الممهم ابتدي حصة بنت تبلغ من العمر14 سنة ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 20-01-2014, 09:02 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي قصة حقيقية(جزء من حياتي)

السلام عليكم اليوم بكتب لكم جزء من حياتي يمكن البعض استغرب من العنوان انا كتبت جزء من حياتي ولكن ماقصد انة حياتي انا ولكن اقصد جزء من حيات اي بنت تمر بهلمرحلة وتحس بهشعور واذا مب كل بنت فاغلب البنات مرو بهلمرحلة الممهم ابتدي
حصة بنت تبلغ من العمر14 سنة وهي تملك من الجمال الي الله وهبها اياة وجريئة واجتماعية وكل صفات الحلوة فيها دليعة بلفطرة ولكن كل شي جميل اكيد هناك سر ورا هلجمال
حصة :يما بكرة مب رايحة المدرسة بطني يعورني
الام:جب زين ماعندي بنات تتغيب عن المدرسة اعرف عيارتج
شيماء الاخت الاكبر:احسن باجر تروحين وغصب وانا بكرة مب رايحة المدرسة
شيماء:يما بكرة لتقعديني ماعلي شي عندنا رحلة ومب رايحة
الام:زين قلتي لي
الصبح ياء الباص يصيح هرن طلعت حصة وشافت واحد واقف عند الباب حصة جات عينها بعينة ودنعت على طول وركبت الباص
عبدالله:سبحان من خلق هلجمال كلة عند اختك وانا ماشفتة
سعد:عبدالله يلة نمشي
سعد هو اخو حصة في الثانوية يروح ويجي مع عبدالله صديقة
حصة:اف تعبانة احس بطني يتقطع
راحت الحمام شافت شي شنو ذي يما وتقعد تبجي في الحمام
جاتها صديقتها نورة
نورة:حصيص شفيج
حصة:مادري باقولج بس اخاف
نورةة:قولي حصو انا رفيجتج لتحاتين اذا فيج شي انا بساعدج بس لتصيحين نورة حست بشي
حصة:رحت الحمام وشفت شي غريب
نورة:اي عادي لتحاتين هاي شي طبيعي وانا توني من كم شهر قبلج هاي معناة انج كبرتي انتي ماقلتي لامج
حصة:اخاف لا توني شايفة بس من امس بطني كان يعورني
نورة:اي عادي اهوا ايج بالم وعقب تنزل عليج
حصة:انزين شسوي الحين
نورة:باجيب لج شي منالممرضة وحطي لين رحتي البيت بدلية
حصة:اوكي
نورة:امشي خل نقعد بصف عشان ماتتعبين
حصة:مرتبكة وخايفة ومب عارفة شسوي خلص الدوام راحت البيت وخايفة شسوي
دخلت سيدة الحمام بدلت وراحت رقدت
اشوي الا الام داخلة عليها حصة حصة قعدي
حصة:هاة هاة يما اشفيج
الام:بنبرة قوية وتخوف اشفيج انتي فيج شي
حصة:تبجي لا مافيني شي مافيني شي
جات اختها ريم لكببيرة تدرس بلجامعة:يما اشفيج خلاص اشوي اشوي عليها خلاص انا باكلمها
ريم:حصة حبيبتي انتي فيج شي وماتكلمتي ليش
حصة:مادري انا خفت ماعرفت شنو ذي بس رفيجتي علمتني وسكت خفت اقولكم تهاوشوني
ريم:لا حبيبتي مانهاوشج ليش نهاوشج هاي شي من الله مب منج وكلنا فينا ترا مب انتي هاي معناتة انج كبرتي اشوي
حصة:يعني بتم جذي على طول
ريم ضحكت وفهمت اختها لصغيرة وعدا اليوم على خير
بعد فترة كل يوم حصة تطلع الباص تلاقي عبدالله ينظر برا
حصة تطلع مدنعة لانة رفيج اخوها ومرت الايام على هلحال مرة صاح الهرن طلعت حصة بس ماحصلت الباص حصلت عبدالله وحط لها ظرف على الباب حصة ماخذتة ردت اشوي خافت اخوها اي ويشوفة ونفس الوقت عبدالله خاف رفيجة اي يشوفة جاء بياخذ الرسالة الا حصة طلعت تاخذها بنفس الوقت عبدالله ابتسم وعطاها الظرف حصة خذتة بسرعة ودخلت الا في ويها سعد :شسوين انتي
حصة:وهي داخلة رفيجك الحمدالله صيح هرن عبالي الباص جفتة واقف كرهات
سعد:جب انزين دخلي ولا جوفج اهني بسرعة
دخلت حصة وقلبها يدق تبي تعرف شنو بلورقة بس حطتها بلكتاب
وصلت المدرسة في الفسحى
حصة:نورة باقولج شي
نورة:شنو
حصة اليوم رفيج اخوي عطاني ظرف ومافتحتة خفت
نورة:والله عندج الحين
حصة:اي عندي
نورة:يبيها خل نشوف اشفيها
فتحتها حصة :شافت فيها شعر وكاتب ان من شفتج وانا افكر فيج وماقدر انسى شكلج وابي اتعرف عليج اكثر وانا نيتي اني ارتبط فيج اول ماخلص الدراسة واشتغل وهاي رقمي ؟؟؟؟؟؟؟؟؟؟
حصة:مادري اخاف من صجة
نورة:اي من صجة حصو انا رفيجتج اموت فيج اشلون ريال شافج اكيد بيستخف انتي اتينين
حصة:انتي تقولين عشان رفيجتج
نورة:لا والله ماقولج جذي عشان رفيجتي انا اقولج الصج شوفي لاتتصلين خلية فترة وعقب جوفي يمكن يقص عليج بعد شوفي
ونتظرت حصة تقريبا شهر خلتة بعد هلفترة شهر انقطع تم مايجي ياخذ اخوها
حصة استغربت ليش
وتخاف تسال اخوها يشك اشوي الا تسمع اخوها
يما انا باروح المدرسة مع رفيجي جسوم
الام:اشلون عبدالله
سعد:زين الحمدالله اليوم بيرخصونة
حصة انكسر خاطرها علية
تمت اسبوع
وقررت تتصل
اتصلت :الو
عبدالله:الو
حصة:هلا اشلونك
عبدالله :الحمدالله من حصة
حصة:اي اشلون عرفتني
عبدالله:لانة ماعطيت احد رقمي غيرج
حصة:اضحكت ضحكة خفيفة
عبدالله:اخيرا اتصلتي ذبحتيني
حصة:انا ليش
عبدالله:تعبت وانا انطر كل يوم اقول اليوم
بس شلي خلاش تتصلين الحين من متى معطج
حصة:اتطمن عليك سمعت انك تعبان
عبدالله:اي جذي لو ادري جان من زمان سويت عملية الزايدة عشان تتصلين
حصة:حمدالله على سلامتك
عبدالله:انا الحين مافيني شي متشقق الا ذايب من الوناسة
حصة:اشدعوى
عبدالله:والله اشفيج ماصدقين
حصة:مادري
عبدالله:بتعرفين غلاج مع الايام بس انا صج حبيبتج من شفتج يننتيني من شفتج وانا مب عدل والله اسولف مع اخوج اتخيلج جدامي
حصة:هههههههتمت تضحك ضحكة تمسك نفسها ماقدرت ظحكة بدلع
عبدالله:فديت هضحكة والله بتذبحيني انتي
حصة:انا ليش
عبدالله:ماتدرين ليش انتي ملاك اتعرفين شنو ملاك والله ماعتقد سعود اخوج انتي فرق عنة فديتج
حصة:عيب ماحب تقول جذي
عبدالله:ليش صج انا افديج بروحي
حصة:خلاص بخليك
عبدالله:ليش ماشبعت
حصة:معلي مب كل يوم بتصل لك ماقدر
عبدالله:اوكي انتظر اتصالج اي وقت
حصة:اوكي باي
وتسكر حصة وتم مستانسة وتروح تنام
الصبح بتروح المدرسة صاح الهرن طلعت الباص الا تتفاجائ عبدالله عند الباب ينتظر سعد ركبت حصة الباص وتناظر عبدالله بحياء وبتسامة
اوصل لحد اهني وكمل معاكم بعد اشوي حاليا مشغولة بتابع مسلسل لول





رد مع اقتباس
  رقم المشاركة : 2  
قديم 21-01-2014, 12:03 AM
عضو فعال
al-khayarin غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقية(جزء من حياتي)

بانتظار التكمله





رد مع اقتباس
  رقم المشاركة : 3  
قديم 21-01-2014, 08:24 AM
الصورة الرمزية Om meshal
عضو فعال
Om meshal غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقية(جزء من حياتي)

بانتظااار تكملة قصص المراهقه




التوقيع - Om meshal



<^_^>اللهم جملني في عين زوجي وحببني الى قلبه ♥ واجعلني الزوجة الوحيده له ♥ وارزقني ذرية صالحة منه يارب العالمين<^_^>

رد مع اقتباس
  رقم المشاركة : 4  
قديم 21-01-2014, 08:35 PM
الصورة الرمزية قطرية مزيونة
عضو نشط
قطرية مزيونة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقية(جزء من حياتي)

حصة:نورة باقولج كلمت عبدالله
نورة:من صج قولي لي صار
حصة:قالت لها كل شي
المهم مرت الايام وحصة تتعلق بعبدالله اكثر وعبدالله يحب حصة اكثر
ريم اخت حصة تزوجت من ريال دين ويخايف الله
شيماء خلصت الثنوية ودشت الجامعة
سعد خلص الثانوية ويشتغل
حصة اخر سنة شهادة السنة لازم تتخرج
وطول هلسنين حصة تكلم عبدالله صار لهم خمس سنوات واهم يعرفون بعض
عبدالله:حبيبتي عاد ابيج ترفعين راسي وتيبن مجموع انزين عشان تدخلين الجامعة
حصة:شوف النجاح اكيد بس المجموع ماضمن لك
عبدالله:شنو الي يمنع يعني
حصة:انت
عبدالله:انا ليش
حصة:اي اتكلمني كل يوم واذا ماتصلت زعلت شسوي وانا افكر فيك اكثر من الدراسة
عبدالله:حبيبتي بس انتي تخرجي من الثانوية وبايج اخطبج ماقدر اصبراكثر ابيج يمي باكلج
حصة:يوة عبدالله خلاص بسكر يلة
عبدالله:فديت الي تستحي
حصة:يلة بسكر باي
شيماء:انتي من تكلمين كل يوم
حصة:هاي رفيجتي نورة
شيماء:ماشوفينها بلمدرسة خلاص عن هتليفونات الي مالها داعي
حصة:اف
شيماء:هويتي في نار جهنم عمى
قامت حصة وراحت غرفتها اف متى بتزوج وفتك من هلبيت
وتدرس حصة شد على نفسها عشان تخلص
وقت الامتحانات ريم :شوفي حصة لين نجحتي بايب لج هدية جوال
شيماء:اي خربيها محد مخربها الا انتي
ريم:ليش اخربها كل بنات عندهم جوالات
شيماء:لا جوال ولا شي بتنجح حق نفسها
حصة:انتي شفيج حاطة دوبج دوبي
شيماء:كيفي مادانيج
حصة:انا مادري اشلون لين متى بتحمل كلامج
شيماء:ماراح تخلصين لين اتموتين
الام:شفيكم انتو جنكم يهال كل وحدة براس الثانية
سعد:الو عبدالله بطلب منك طلب
عبدالله امر
سعد:ابي اسافر واوصل غرض حق ريال بس ماقدر اروح عندي دوام بكرة ومب راضين يعطوني اجازة ولا عندي عارضة خلصو ومافي حد يمسك مكاني
عبدالله:عادي وين تبي اوصلها بس لحدو يعني
سعد:اي بس وصلها بيجيك ريال بياخذها
عبدالله:خلاص ولا يهمك بسيطة انا اقدر اطلع من الدوام وبودية مومشكلة وبارجع
خذ عبدالله الغرض حطها بسيارة عشان بكرة من صبح يطلع
حصة:الو عبدالله
عبدالله:الو هلا شفيج حبيبتي
حصة:مادري ليش حسيت ابي اكلمك
عبدالله:شفيج خرعتني اشوف شفيج ساعة 2ونص فليل فيج شي حياتي
حصة:لا قعدت اراجع بس حسيت ابي اكلمك
عبدالله:ههههه يضحك ضحكة خفيفة حبيبتي
حصة:عبدالله احبك وايد
عبدالله:فديتج حتى انا احبج بس روحي نامي باجر عليج اختبار وانا وراي طريج
حصة:اوكي وتعطية قبلة في الهاتف
عبدالله:يقبلها بلهاتف باي حبيبتي
حصة جنها حاسة بشي قلبها يخفق بسرعة مب عارفة ليش يمكن اليوم عشان اخر يوم امتحان
سعد:الو عبدالله هاة وش لخبار
عبدالله:هلا سعد توني طالع الحين محرك
سعد:خلاص لوصلت خبرني
عبدالله:ان شاءالله ماطلبت شي يلغالي
عبدالله يسوي كل شي لسعد بس عشان حصة عشان لتقدم لها يكون سمعتة زينة عند صديقة ورفيجة واخوة
وصل عبدالله عند لحدو ومعاة الغرض طلع من لحدود دخل الديرة الثانية ياء عند التفتيش الشرطة وش في الشنطة
عبدالله:والله مادري غرض لواحد خويي بوصلها لة
الشرطة طيب صف على اليمين
فتشو السيارة اخذو الشنطة عبدالله ينظر لهم شسالفة
الشرطة اخذت عبدالله لتحقيق
من وين جايب الشنطة
عبدالله من واحد ليش
الشرطي :تسال ليش انا بسالك ليش مب انت
عبدالله:ليش شنو في الشنطة انا مادري حتى اشفيها مافتحتها
الشرطي :في حد يوصل غرظ من غير مايعرف وش هو غبي انت ولا تستغبي
عبدالله:والله مادري ان زين شنو فيها لو ادري شنو ماسالت
الشرطي:الحين الظابط بيخبرك شنو فيها
الظابط:انت ياولد وش الي معك مدخلة
عبدالله:انت قولي انا مادري قلت لكم والله العظيم مادري
الظابط:ياحبيبي الشنطة فيها ممنوعات مخدرات انت ماتعرف بعد عنها جاي تبيع المخدارات
عبدالله:انت شتقول انت متاكد
الشرطي:اي الاغراض هاي مب في سيارتك
عبدالله :اي
الظابط:اجل خلاص انثبر واسكت
عبدالله يفكر ليش سويت جذي سعد انا رفيجك يمكن مايدري سعد رفيجي مستحيل يسويها مستحيل
وبدا التحقيق مع عبدالله لكن عبدالله ماعلم من عطاة اياها لانة متاكد ان رفيجة مايدري بلي شنطة وتم غايب عن ديرة شهرين محد يردي عنة علم لاهلة ولا ربعة وكلن يدور علية
حصة تمت تحاتي وتراغب اخوها كل مادش يمكن تسمع خبر عنة من اخوها مش عارفة وش الي صاير بحبيبها
عبدالله مسكين منحبس وكل ماطلب يكلم هلة الشرطة ترفظ ومش عارف اشلون يتواصل معاهم
ام عبدالله :الو سعد يايبا ماسمعت شي عن عبدالله ماقالك وين بيروح يمكن مسافر شي
سعد:هاة لا مادري (سعد خايف مب عارف شيقول)
حصة تبجي انجحت بمجموع زين 88 يابت وتبجي مب على نجاحها فرحانة لا تبجي على عبدالله الي قطع الدنيا كلها ومش عارفين وينة فية حي ولا ميت
شيماء:الحمدالله وشكر تصيحين ليش ناجحة الي يشوفج اشلون صيحين يقول راسبة مب ناجحة
وتدخل حصة حجرتها وتبجي الم وحزن على حبيب قلبها عبدالله الي تدور افكار في راسها يمكن مات يمكن غرق تذكرت حصة اخر مكالمة لها يوم يقول انا وراي طريج شنو طريج يعني بيسافر لا ماعتقدر جان قالي يمكن بيروح بر يمكن مادري حبيبي عبدالله وينك فية
عبدالله:حصة فديتج جنج حاسة فيني يوم تتصلين توقظيني بنص الليل مادري شسوين الحين مادري تنطريني ولا نسيتيني
اخو عبدالله لكبير قدمو بلاغ ان اخوة مفقود وبعد البحث عرفو ان في هليوم طلع من الديرة عن طريق لحدود ومني مناك لين عرفو ان ولدهم ممسوك بديرة الثانية بتهمت تهريب ممنوعات
ام عبدالله:اشلون ولدي مالة بهسوالف اكيد في شي غلط
سعد:عرف بلسالفة ونصفق وية شلون انا قايلي رفيجي ان اغراض خاصة توقعت اشياء عادية اشلون جذي مشكلت رفيجي واخوي هاي لحول لله عبدالله برئ من هسالفة والله ان برئ
ام سعد:صج الي سمعناة عن رفيجك عبدالله حصة تفز من مكانها شنو
سعد:اشفيج نطيتي صج انج ام السوالف
ام سعد:سمعنا انة ممسوك وجذي
سعد:اي والله يما الله يصبر هلة انا اعرف عبدالله مالة بهسوالف
حصة انصفق ويها سحبت نفسها لغرفتها وتبجي محقت قلبها انا حسيت في شي حبيبي فديتك مادري اشلون الحين حالك
ومني لين مني تم الحكم علية بسجن والجلد
تم حبس عبدالله وقطعت كل وسائل الاخبار عنها حصة
دخلت الجامعة لانة كانت كلمة عبدالله تردد في بالها ابيج تكملين وكل ماجاها خاطب ردتة
نورة:حصة انا انخطبت
حصة:مبروك
نورة:وانتي ماتبين تتزوجين خلاص انسية خلاص مرت سنة ونص مالة خبر
حصة:مابي مابي اتزوج انا حبيت شخص واحد وماعتقد اقدر احب غيرة وحتى لو اتزوجت بيكون قلبي معلق معاة للحين لانة عايش ومب ميت عشان اقول اقدر انساة
نورة:حرام انتي جمال وجسم واخلاق وكل شي فيج حلو حرام تحرمين نفسج
حصة:نورة فديتج لاتفتحين هسيرة اذا تحبيني
مرت 4 سنوات على حبس عبدالله وحصة للحين ماتزوجت قلبها محفور فية بس صورة عبدالله
بعد هلاربع سنوات تم الافراج عن عبدالله لسلوكة الحسن وحفظة القران وتم الافراج عنة لانة بعض الشرعين اعتقدو ان من تصرفاتة تبين ان يمكن يكون برئ وان مايدري بشنطة
انتشر الخبر عند اهل عبدالله ينظرونة بفارق الصبر
وصل الخبر عند حصة :شنو صج عبدالله رجع عبدالله وصل الديرة مب مصدقة ياربي نساني ولا للحين يتذكرني
وصل عبدالله ديرتة وصل بين هلة ورعة كلن استقبلة بلحب والورد والفرح كلن ربعة حصلهم حولة الا سعد
للحين عبدالله في سؤال في بالة بس سعد ماجاء ليش هل تفكيري فية غلط هل انا ماعرفتة عدل بس ماردي بواجه وباعرف
ومرت الايام والاسابيع وحصة تفكر متى متى
نورة:حصة صج عبداله وصل سمعت
حصة:اي
نورة:كلمتية
حصة:لا للحين
نورة:شتنطرين يلخبلة لو انا منج سيدة اتصلت
حصة:اخاف
نورة:يلة اتصلي وخبريني
حصة:تشجعت وتصلت
حصة:الو
عبدالله:الو
حصة:عبدالله
عبدالله:هلا
حصة:حمدالله على سلامتك وحشتني
عبدالله:ام
حصة:اشفيك مشغول
عبدالله :اشوي تعبان ابي ارتاح
حصة:اوكي اسفة سامحني اتصلت ازعجتك
عبدالله:لا عادي
حصة:مع السلامة
وتسكر وتبجي اشفية شكلة نساني شلة نساني اكيد وانا الي انتظرة طول هلسنين وحارمة اني اتمتع بهدينة وهوا يكلمني جذي
مرت الايام سعد ماقدر يروح حق عبدالله
عبالله في قلبة شي وصل للبيت سعد
صيح الجرس طلعت لة الخدامة:سعد وين
الخدامة :سعد سعد في نفر عند باب يبي انت
سع:انصفق ويجه يوم طلع عند الباب وجاف عبدالله
هلا عبدالله حمد الله على السلامة
عبدالله:الله يسلمك جان وصلت البيت كلن وصل وسال الا انت
سعد:والله كنت بايك بس انشغلت
عبدالله:انشغلت ولا مالك وجه
سعد:والله ياعبدالله ان مادري شنو ا الي فية والله احلف لك بامي الي ماعندي اغلى منها ان مادري شفيها
عبدالله:شلون تاخذ شي وانت ماتدري شنو فية
سعد:والله مادري يانا واحد طلب اوصل لة هشنطة بس لحدود وقال باعطيك هلملغ لوصلتة وماقدرت وقلت ان لوصلتة باتقسم الملغ بيني وبينك والله ان مادري شفيه الشنطة بس قالي غرض لهلة خاصة بس
عبدالله :عاد جان قلت انا مادري شنو فيها مب تلبسي مصيبة انا بري منها
سعد:والله غلط وقعد يتسامح منة لين قال عبدالله:ان كنت عادك اخو مب رفيج وراح
سيدة يوم عرف السالفة عبدالله قعد متحسر على لسنين الي ظاعت منة خسارة
عبدالله يفكر في حصة اتصلت وانا كسرت بخاطرها عاقبتها على شي اهي مايخصها
حصة :انا ليش اتصلت انا لهدرجة قاطة نفسي على شنو المفروض اهو الي يركض وراي ويحب اريولي بعد اف خلاص مابي افكر فية
حصة:باتصل جني اسال عنة بس
حصة:الو
عبدالله:الو حصة
حصة:هلا اسفة مغلطة برقم
عبدالله:حصة انا اسف اذا جرحت
حصة:لا عادي
عبدالله:بس عندي مب عادي
حصة:تبجي اشوي يعني انا اخاف عليك واتصل وانت ماعبرتني بكلمة طول هلسنين افكر فيك
عبدالله:خلاص بس والله اسف حبيبتي انتي والله انتي الي افكر فيج اكثر شي مرت علي هلسنين ماحسيت فيها لانج ببالي والله افكر انج يمكن نسيتني قلت يمكن تزوجت
حصة:انا مستحيل اتزوجج وانت بقلبي انا ماحبيت حد غيرك
عبدالله:فديتج والله وحشني صوتج
مرت الاشهور وحصة تكلم عبدالله
عبدالله قرر يقدم اوراقة يشتغل بس محد رضى يوظفة
عبدالله:حصة لاتنطريني اذا ياج نصيبج تزوجية وروحي لانة حياتج معاي بظلمج فيها
حصة:ليش
عبدالله:انا محد راضي يوظفني وثانيا ماعتقد هلج بيرظون يزوجونج لي تعرفين
حصة:الي اعرفة انك برئ واني احبك ومالي خص بهلي انا الي باخذك مب هلي
عبدالله:بس
حصة كلا تقول شي انا بانطرك ومب ماخذة غيرك واذا انت ماتبين هاي شي ثاني
عبدالله:انا مابيج انا ابيع نفسي عشانج
حصة:خلاص لتقول لي هلكلام
مرت السنين تخرجت حصة من الجامعة وتوظفت وتمت ثلاث سنوات بتوظيف مدرسة ة في مدرس وكل ماجها واحد ردتة لين وصل عمرها 25
حصة:عبدالله تبيني تقدم لي انا بوافق ومحد يقدر يوقف بطريجي وانا موظفة وباصرف عليك وعلي
عبدالله:بس ماقدر
حصة:عبدالله اسمعني انا مستعدة عقب اساعدك وسوي لك شغل تجارة ورد لي عقب لفلوس الي عطتك اياها اناباكون زوجتك ومحد يقدر يمنعني
عبدالله:خايف
حصة:انت تحرك وتوكل وكل شي بيدبرها الله
عبدالله كلم امة عشان تخطب حصة
ام عبدالله جات تخطب حصة بس ام حصة وقفت اشوي
وردت تقول بس ولدج الي اعرفة مايشاغل صح
ام عبدالله :اي اهوا يشتغل اشغال حرة
ام حصة:بس حصة مخطوبة
ام عبدالله :اي الله يوفق لها
راحت ام حصة سكتت وسكرت على الموضوع
بليل حصة :الو هلا
عبدالله:انتي ليش متصلة
حصة:بدال لترد السلام تكلمني جذي
عبدالله:ليش ماقلتي لي انج مخطوبة من غيري
حصة:انا من انا
عبدالله:اي امج قايلة حق امي اليوم
حصة:امك ياتنا يعني والله اذا امك يات والله اني مادري وثانيا انا ماب مخطوبة ولا شي
عبدالله:يعني امج قالج جذي ان ماتبيني
حصة:عبدالله اسمع اذا امي قالت حق امك شي ترا انا ماعندي علم والله وثانيا انت تدري اني صبرت كل هلسنين عشان احبك ويوم رجعت اخذ غيرك بلعقل عبدالله افهمني الله عرفناة بلعقل لا تحكم علي جذي وتظلمني
عبدالله:اسف حبيبتي بس تنرفزت يوم سمعت انج مخطوبة
حصة:عبدالله اعرف اني انا لك وماراح اخذ غيرك
حصة :انا باجوف شسالفة
عبدالله:حصة انا مالوم هلج لين ردوني بنتهم ويبون مصلحتهم
حصة:عبدالله شقاعد تقول خلاص انا ماهمني فلوس وغيرة انا ابيك انت
حصة:يما امس حد ينا البيت
ام حصة:لا محد يانا ليش
حصة:مادري الخدامة تقول ناس ياينج امج
ام حصة:لا محد
بعد شهر سعد يما في ناس اليوم بيتقدمون حق اختي حصة ام رفيجي
حصة:سمعت فرحت اخيرا بتزوج عبدالله اخيرا احد واقف معاي
ام حصة:اي ياهلا ومرحبا
ام حصة:حصة اليوم بيون ناس بيخطبونج ويبون يشفونج
حصة ابتسمت وستحت ودخلت حجرتها شلبس شسوي ابي اكون اعجب ام زوجي ابيها اتشوفني وتقول مشاءالله عليها قمر
جاو الاهل ام المعرس واختة قعدو مع ام حصة اشوي الا حصة داخلة ولابسة القميص الشيفون الوردي وشعرها منسدل على طول ظهرها وطالعة مثل القمر سبحان من خلق وسوا
ام المعرس:مشاءالله عليها الله يستر عليها
اشوي سلمت وقعدت اشوي وطلعت
الام من شافتها انعجبت بلبت وخطبتها على طول
ام حصة:ان شاءالله ننشد عن الولد ونرد لكم خبر
حصة مستانسة مب شايلتها الارض اخيرا بتحقق امنيتي
الام :هاة سعد شقولتك بريال
سعد:الريال ماعلية كلام ريال ونعم فية وماينخاف على اختي دام عندة اعرفة من سنين ريال فية خير ويخاف ربة
ام حصة:اي زين الله كريم
سعد:هاة حصوة شقلتي تبينة ولا انردة ماتبين
حصة:من الحياء ساكتة ماقدرت تتكلم وترد اسستحت وقامت كيفكم
حصة:مادري اتصل حق عبدالله استحي مب مكلمتة بتغلى علية اشوي مب قاطة نفسي
وبعد اسبوع ام حصة ردت على ام المعرس بلموافقة وطلبت ان الريايل ايون يخطبون ويتفقون على الملجة وكل شي
وتمت الخطبة رسميا وتفقو عل المجلة
ام حصة:هاة حصة ماتبين اشوفين ريلج
حصة:اضحكت مستحية وتقول بقلبها اهو بقلبي محفور مايحتاي اشوفة
ام حصة:على هواج اكي صورتة عندي لبغيتيها تعالي هههههه تضحك الام مع بنتها
بعد اسبوع الملجة حصة اخيرا باصير حرم السيد عبدالله
اخيرا بجتمع مع حبي المنتظر حبيبي وروحي وحياتي عبدالله
وتمت الملجة جاء القاضي هل تقبلين يابنتي بفلان بن فلان بن فلان
حصة تيبست انربط السانها الدنيا دارت فيها ماسمعت عدل لا من
القاضي هل تقبلين ب حمد بن فلان بن فلان زوجا لكي
حصة:ماردت حست ان خلاص الدنيا وقفت جدامها
سعد:اي موافقة ياشيخ هي بس تستحي
الشيخ اعطيها الورقة لكي توقع
سعد:هاج حصة وقعي
حصة:تمسك القلم وايدها ترتجف مب طبيعية ومسكت القلم وقعت وايدها ترتجف حيل
الشيخ:مبروك يابنتي
حصة:تركض الصالة وتبجي وتصيح بصوتها
ام حصة:بس يابنتي معلي ادري وتبجي الام مع بنتها فرحانة انها خلاص بتروح بيت جديد حياة جديدة
وحصة تبجي لانة اعتقدت ان عبدالله الي خطبها
حصة انا شسويت انا اشلون طافت علي اني اسال عن اسمة انا ماراح اسامح نفسي باطلب الطلاق شسوي
اليوم الثاني حصة:الو نورة وتبجي
نورة :اشفيج حصة خرعتيني
حصة:نورة انا سويت شي غلط
نورة:شنو حصيص خرعتيني
حصة:انا انخطبت بس
نورة:شنو والله قلبي طاح
حصة:انا انخطبت ووافقت عرفت انة رفيج اخوي وعبالي عبدالله ويوم الملجة عرفت ان واحد ثاني مب عبدالله
نورة:حصوة لاتذبحين نفسج شوفي انا مقتنعة ان كل شي مقدر ادري انج تحبينة لكن ربج ارحمج يمكن صج اتحبينة بس العيشة الزوجية غير المعاشرة شي ثاني
صدقيني ان ربج يحبج وان ماقدر ماشاء فعل هاي شي احنا مالنا دخل فية صدقيني ان يمكن اخير لج
حصة:بس انا احب عبدالله من سنين ماقدر انسى مرة وحدة ماقدر احس اني اخطيت بحقة
نورة:شوفي اذا اهو صج يحبج ماراح يوقف بطريجج وبيخليج اتروحين بنصيبج بلعقل حصة عبدالله اشلون بيعيشج وهوا مايشتغل
حصة:بس انا اشتغل انا بساعدة
نورة:هاي مب حل حصة هاي مب حل خلاص انتي على ذمة ريال يمكن ايحبج وينسيج عبدالله بحبة ونسي صدقيني وانتي بنت اي شي بيمس سمعتج اهوا ريال يتصرف ويشيل عيبة فكري
حصة:اقتنعت بكلام نورة بس تبي تكلم عبدالله وتفهمة سوء الفهم عشان مايحكم عليها
بعد اسبوع حصة:الو عبدالله
عبدالله:هلا حصة اخبارج وينج قطعتي قعدت انتظر اتصالج
حصة:عبدالله باقولك شي
عبدالله:تعالي من عندكم منخطب
حصة:انا عشان جذي باكلمك عبالله سمعت ان رفيج سعد خطبني وتوقعتك انت وفرحت لكن يوم الملجة انصدمت انة مب انت رفيج سعد بس مب انت واحد ثاني
عبدالله:يعني وافقتي يعني شنو مافهمت
حصة:انا ماقدرت اتكلم لانة كلشي ستوا جنة حلم جدامي
عبدالله:يعني انتي الحين بحكم انج تزوجتي بما انج خلاص ليش متصلة لي ليش تبشريني حصة انا صج حبيتج من كل قلبي وباتم احبج لين اخر يوم بعمري بس ماقدر اوقف في طريجج واقولج طلبي الطلاق لانة يمكن يعيشج بعيشة انا ماقدر حتى اوفرها لج بس صدقيني اني اول واحد يبارك لج وفرحان لج والله ويوفقج مع السلامة
هاي كان اخر مكالمة بين حصة وعبدالله
تزوجت حصة حمد وعاشت معاة لكن ماقدرت تنسى عبدالله احملت يابت بنت وحملت يابت ولد
حمد يحب حصة مب يحبها بس الا يعبدها من جمالها وادبها واخلاقها
حصة:حمد ودي اسمي ولدي اسم حلمانة فية
حمد:شنو
حصة:بسمي عبدالله
حمد:بس ليش عبدالله بذات
حصة:مادري حلمانة بولد اسمة عبدالله وجنة كان حلو
حمد:خلاص عبدالله عبدالله مو مشكلة الولد الثاني بسمي على ابوي واكيد بحملج مرة ثانية وثالثة وابوى بيي بطريج
حصة:الله لايحرمني منك ياحمد
وفعلا سمتة عبدالله وتحبة حصة وايد
عبدالله من عقب حصة مافكر يحب وليومكم ذي ماتزوجج ولا يفكر بزواج وصلة خبر ان حصة يابت ولد وسمتة عبدالله وعرف ان حصة للحين تحبة
عبدالله:حصة الله يوفقج واذا ماقدرت اكون نصيبج بدنيا اتمنى اكون نصيبج بلاخرة يارب
يمكن تستغربون من القصة بس صج القصة حقيقية وعبدالله للحين ماتزوج وعمرة وصل الاربعين وللحين ماتزوج قد نسمع بحب صادق لكن مثل عبدالله ماعتقد لانة الاوفياء انقرضو واشكركم لمتابعتكم للقصة
مع تحياتي:قطرية مزيونة





رد مع اقتباس
  رقم المشاركة : 5  
قديم 18-02-2014, 05:16 PM
عضو
فستان ليلةالعمر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة حقيقية(جزء من حياتي)

في انتظار الباقي





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: قصة حقيقية(جزء من حياتي)
الموضوع كاتب الموضوع المنتدى مشاركات آخر مشاركة
اغبى 8 اسئلة سمعتهم في حياتي !!!!!! أبو سعاد استراحة المنتدى 12 13-05-2012 10:13 PM
تيشيرت حياتي_ فان كليف- السنافر-فراري نك نيم- جديد سرياليه saryalia سوق الازياء والملابس النسائيه وملابس الاطفال 115 11-01-2012 11:00 AM
تيشيرت حياتي للمتميزات فقط من سرياليه saryalia سوق الازياء والملابس النسائيه وملابس الاطفال 36 02-01-2012 08:03 AM


الساعة الآن 08:01 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم