استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

تحذير من محلات فحص السيارات بالكمبيوتر

السلام عليكم و رحمه الله و بركاته كل عام و انتم بخير و مبارك عليكم شهر رمضان الفضيل محلات فحص السيارات بالكمبيوتر في لعبه موجوده في هالمحلات , و الناس ما تعلم بها و ما وراها غير ظلم و اكل حقوق و خساير الا و هي , عيوب السيارات الوهميه ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 07-07-2014, 01:51 PM
الصورة الرمزية بوسالم
عضو فعال
بوسالم غير متواجد حالياً
 





عدد التعليقات: 0 تعليق
حدث بيانات الدوله!
افتراضي تحذير من محلات فحص السيارات بالكمبيوتر

السلام عليكم و رحمه الله و بركاته

كل عام و انتم بخير و مبارك عليكم شهر رمضان الفضيل


محلات فحص السيارات بالكمبيوتر

في لعبه موجوده في هالمحلات ,
و الناس ما تعلم بها و ما وراها غير ظلم و اكل حقوق و خساير

الا و هي , عيوب السيارات الوهميه !

احب اوضح لكم كلامي و يمكن بعضكم ما يعرف هالشي و ينصدم

اولا , هالمحلات مرخصه و ما اعتقد الجهات المسؤوله تدري عن لعبهم !

و شنو لعبهم ؟

تجيب له سياره سليمه مافيها شي 100%

يتفق معاه المندوب
و يطلع لك في الفحص عيوب انت بتنصدم منها !
بس عشان ينزل من سعر السياره و يخليك تبيعها برخيص !!

دليل و مثال على كلامي ؟

انا عشان اثبت انه نصب و احتيال ,

خذت سياره و رحت فحصها في الطاير لفحص الكمبيوتر

نتيجه الفحص !!!!
السياره سليمه و مافيها الا اشياء بسيطه.

رحت فحصها في الخبراء الالمان
و انا متاكد من سلامه السياره
و واثق من سلامتها
طلعو تقريبا 8 عيوب فيها سطحيه
و طلعو عيب في المكينه.

بتقولون فرق خبره و شغل ؟

انا اكتشفت النصب ,
شخص كلمني و قال عطني رقم سيارتك انا اعرف حد يشتغل في الفحص
و بيضبط امورنا

هالشخص , كلم عامل بالفحص و خلاه يطلع عيوب وهميه في السياره
عشان اضطر اني ابيعها له بسعر رخيص و هو يستفيد.

للاسف , اللي كتبته واقع و حصل لي هالفتره
و اغلبيه مالكين المعارض يسوون نفس الحركه في اي شخص يبي يبيع سيارته
عشان يكونون مستفيدين.

مثال على كلامي :

شخص يشتري سياره مستعمله ,
يروح معرض تعجبه سياره و يقول انا بشتريها
يروح يقول حق صاحب المعرض بفحصها
و الله يشهد على كلامي , صاحب المعرض
يتصل في العاملين في محلات الفحص بالكمبيوتر
و يبلغهم برقم السياره اللي جايه تنفحص
عشان يطلعون عيوب مقبوله , عشان يقدر يشتريها
و طبعا بعد ما يشتريها تطيح في جبده و يبتلش فيها
و يعتقد انه هو اللي خربها , مش انه شراها خربانه.

انا ما ادري شراح يستفيدون من هالتجاره
فلوسها حرام و حتى اجراءاتها حرام !!!
حسبي الله و نعم الوكيل بس

و تحذير , حاسبو يا جماعه الخير من نصب و احتيال محلات الفحص و المعارض
ترى اللي انكتب في الموضوع واقعي و يحصل حق اي شخص يبي يشتري من معرض
انا ما اقول لا تشترون من المعارض سيارات مستعمله
بس ركزو و تابعو موضوع الفحص بكل دقه و تركيز
عشان ما يمشي عليكم نفس الفلم.




التوقيع - بوسالم
لا اله الا الله محمد رسول الله

التعديل الأخير تم بواسطة بوسالم ; 07-07-2014 الساعة 01:54 PM.
رد مع اقتباس
  رقم المشاركة : 2  
قديم 07-07-2014, 03:30 PM
عضو نشط
سميسمة كافيه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

حسبي الله عليهم صارت وياي





رد مع اقتباس
  رقم المشاركة : 3  
قديم 08-07-2014, 11:26 AM
عضو جديد
Abukhalid غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

الله يجزيك الخير على النصيحة
وارجو من الله ان يهدي اصحاب المعارض والفحص

قال تعالى : " يا أيها الذين آمنوا لا تأكلوا أموالكم بينكم بالباطل "





رد مع اقتباس
  رقم المشاركة : 4  
قديم 10-07-2014, 08:14 AM
عضو فعال جداً
ناثرة المسك غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر


جزاك الله خير وبميزان حسناتك هذي النصيحه وكثر الله من أمثالك.




التوقيع - ناثرة المسك

رد مع اقتباس
  رقم المشاركة : 5  
قديم 10-07-2014, 11:07 AM
عضو VIP
عرين الاسد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

ما استبعد وكل شي ممكن والله فوقهم





رد مع اقتباس
  رقم المشاركة : 6  
قديم 11-07-2014, 06:55 AM
عضو متالق
حمد قطرر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

انا صارت اكثر من مره معاي .. عقب بطلت وغسلت ايدي منهم ..

كانوا يطرشون عامل المعرض معاي عقب فهمت لعبتهم ..

بس رقم السياره هذي جديده .. وذكية ..

الله يكون في العون ما عاد فيه لا ذمة ولا ضمير ..

ياللـه حسن الخاتمة ,,,




التوقيع - حمد قطرر
شــروق الـدوحة للوسـاطـة العقاريـة

( يسرنا عرض عقارات السادة الملاك بدون عمولة .. ويوجد لدينا عروض جيدة لـ شركات استثمارية )

مجمعات فلل - عمائر - تحصيل وادارة أملاك من صيانة وتنظيفات ..

رد مع اقتباس
  رقم المشاركة : 7  
قديم 11-07-2014, 10:22 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

احييك على طرح الموضوع اخوي

انا اكتشفت نفس العمليه و بأتفاق بين بعض المعارض و محلات الفحص

اشتريت سياره بيك اب كبيره وطلبت من المعرض فحصها قبل ما ادفع قيمتها

نتيجه الفحص طلعت صفر عيوب او نواقص. ما عدا بريك مكينه وهي قطعه بسيطه ب 500 ريال

مع ان الباب كان فيه ضربه مصبوغه اي كلام

وفوق هذا كانت محتاجه ميزانيه دخول الديزل للمحرك. و الاخطر انها بلا اطار احتياطي او رافعه

كل هذا و الفحص يقول السياره مضبوطه

لما هددت صاحب المعرض اني بجيب الشرطه لمحل الفحص حاول يهديني و نزل من سعر السياره

عرفت ان الشباب شله وحده وعادتهم من زمان

محلات الفحص المعروفه بطريق سلوى طلعت ريحتها من سنوات بعد ما قلت حق الشباب عن السالفه و علموني انها تصير كثير

حتى ان محل مشهور غير موظفيه السوريين بالكامل عشان فضيحه فحص السيارات

لكنه عاد مره ثانيه و بهذا التعامل

وانا عرفت انه عاد لهذا الاسلوب لان البيك اب الي فحصته كان مفحوص عندهم اصلا

نصيحه مني للجميع

قد ما نقدر ما نشتري السياره الا من صاحبها وليس من معرض وانا عمري ما شريت من معرض الا سياره مسترجعه من الوكاله وهذا سنه 2000 بعد

ثانيا

افحص السياره بمحل صاحبه من جنسيه مختلفه عن جنسيه صاحب السياره

اذا اضطريت تاخذ سياره من معرض فلا تقول له وين بتفحص. والمندوب لا تخليه يقرب من عامل الفحص ويكلمه

معلومه مهمه

اذا فحصت وما طلع شيء. وبعد الشراء على طول طلعت مشكله بالسياره. ارفع شكوى بالشرطه على محل الفحص و الشرطه بتخول محل يفحص وان طلع ان الفحص السابق تعمد اخفاء عيوب. بيتحمل التكاليف

وهذه سهله يكتشفها محل الفحص المخول بحسب تهالك القطع او وجود اثار تهريب زيوت او اي شيء اخر




اخوي اشكرك على طرح الموضوع لانه وصل مرحله خطيره من اهدار اموال البائعين و المشترين عبر الفحص المغشوش




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

رد مع اقتباس
  رقم المشاركة : 8  
قديم 11-07-2014, 10:28 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

الموضوع يستحق 5 نجوم في التصويت





رد مع اقتباس
  رقم المشاركة : 9  
قديم 13-07-2014, 09:57 AM
عضو VIP
عرين الاسد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

بعد قراءتي للموضوع والردود وخصوصا الرد الشافي والكافي من اخونا combo

ما اقول الا جزاكم الله خير موضوع يستحق الاهتمام والخمس نجوم.

مع ان من خلال تجربتي مع الناس ان الغش غير مقتصر على جنسيه واخرى كل شخص على حسب ذمته

ومادري للاسف ناس باعت ذمتها ماقامت تحسب هذا حلال ولا حرام عندي اطفال عندي اهل ماقاموا يؤمنون بان الله يمهل ولا يهمل كيف يهنأ لهم بال وهم اخذوا اموال من غش وشلون يهنأ لهم بال ايضا وهم باعوا سياره فيها مشاكل كبيرة لشخص او عائلة ممكن هذه الاعطال تكلف الاسر حياتها او حياة ابنائها.

اقترح ان يكون الفحص تحت اشراف جهات حكومية وليست خاصه لافراد على انها حكومية اقصد المرور يجب عليها تولى مثل هذه المهمه ولو ان فيها قطع ارزاق الا ان الاحفاظ على الارواح اهم وابقى وهذه سيارة وليست كيرم




رد مع اقتباس
  رقم المشاركة : 10  
قديم 14-07-2014, 12:08 AM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تحذير من محلات فحص السيارات بالكمبيوتر

اخوي. عرين الاسد

اتفق معاك على تقنين عمليه الفحص. مثل ان تخصص لفاحص

على ان يزيد اعداد مراكز الفحص قبل هذا القرار حتى لا نصدم بطابور لايام لفحص سياره واحده


هناك تفاوت في اسعار الفحص ولا توجد تعرفه محدده وكلن يضع سعره من 150 الى 400 ريال وقد تزيد في بعض الحالات

عمليه الغش ستحدث شأنا ام ابينا

وما دام هناك انتفاع من الباطن من الغش فستتكرر خصوصا ان الفحص محدد بمحلات معينه وعددها قليل نسبيا





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: تحذير من محلات فحص السيارات بالكمبيوتر
الموضوع كاتب الموضوع المنتدى مشاركات آخر مشاركة
مطلوب محلات لغسيل السيارات ..عاجل qa_ سوق العروض و الصفقات التجاريه 4 13-09-2012 12:28 PM
استيراد وتصدير السيارات وقطع الغيار workshop سوق السيارات و ارقامها و الدراجات و إكسسواراتها 5 08-05-2011 06:04 AM


الساعة الآن 11:35 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم