استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري > منتدى التوظيف والتطوير


منتدى التوظيف والتطوير قسم مختص بالوظائف المطروحه بسوق العمل والدورات الخاصه بالتطوير وظائف والدورات التابعه لها

أبي افضفض بس!!!

السلام عليكم ورحمة الله وبركاته ابي ادش في الموضوع وابيكم تحللون لي هالسالفة !!! ابي اقول لكم عن معاناتي في البحث عن وظيفة. انا صار لي اكثر من عشر سنوات ولحد الحين مافي شي والحمدالله على كل حال وهذا الي اقولة دايم اذا ماحصل نصيب مع العلم قطرية وشهادات ودورات. ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 02-11-2014, 05:22 PM
الصورة الرمزية الصالحين
موقوف
الصالحين غير متواجد حالياً
 





عدد التعليقات: 0 تعليق
حدث بيانات الدوله!
افتراضي أبي افضفض بس!!!

السلام عليكم ورحمة الله وبركاته
ابي ادش في الموضوع وابيكم تحللون لي هالسالفة !!!
ابي اقول لكم عن معاناتي في البحث عن وظيفة. انا صار لي اكثر من عشر سنوات ولحد الحين مافي شي والحمدالله على كل حال وهذا الي اقولة دايم اذا ماحصل نصيب مع العلم قطرية وشهادات ودورات. وشخصية متزنة وعاقلة وسوية والحمدالله وتحصل مقابلات مافي رد والحمدالله واقول اكيد الي الله كاتب لي يمكن افضل ومشت الايام احلم بوظيفة وتحصل مقابلات. ولكن في ااحيانا مايكلمون لانها متناسب مؤهلاتي بس صرت ابي احد يكلم بس ولكن للاسف مافي احد يجبر في خاطري. ولكن للاسف صار ت الوظيفة لي شبة مستحيل!! ومرت السنين وتزوجت وجبت عيال وخذ يت بعض الدورات وخلال
ها الفترة اعطي خواتي اهلي يقدمون. لي اذا في اعلان وظيفة صرت يائسة ولكن لاجدوى. قلت لا اكيد في شي ياما انا مسوية جريمة ياما انا منحوسة لان في وظايف احس خلاص تناسبني. وقولكن هاذي اكيد ولكن !!!
المهم اني الحين احتجت للوظيفة اكثر من قبل لمتطلبات العيال والبيت فقلت لازم ادور على. وظيفة ضروري زوجي مايقصر بس الوقت الحالي صعب
ادري طولت عليكم
بس الي ابيكم تحللونة لي هو هالموضوع(. لفيت مدارس قطر وقدمت اوراقي وبعد ماياست رحت المجلس الاعلى ودوخوني. ومالقيت اجابة ورجعت وبعدين قالت لي وحدة لا روحي عند فلان وانا رايحة لين دخلت المجلس. الاعلى جاني اتصال رديت قالت فلانة قلت اي قالت توظفتي ولالحد الحين قلت لا لالا. ههههه المهم قالت خلاص بكرة عندش مقابلة وستانست. ورجعت البيت قلت في مقابلة اكيد عندهم (شاغر )ورحت المقابلة وانا مستعدة ومحضرة نفسي. ودراسة عن الوظيفة وكل شي حضرت سوت معي مقابلة وكان سي في متروس من كثر دورات واعجبت الي مسوية معي مقابلة. وقالت ماشاءالله عليش وقالت خلاص انتي ماشاءالله عليش وانا بقولش شنهي وظيفتج وعقدة تقولي مهام الوظيفة وقالت روحي حق السكرتيرة تقولج شنو باقي الاوراق على اساس انطرشها للمجلس الاعلى لان لازم موافقتهم بعدين طالعتني تضحك قالت لا مجرد اجراءات وان شاء الله يوافقون لان بس يبون يتاكدون من المؤهلات. وانا والحمدالله
رحت وكملت اوراقي المطلوبة وتعهد عدم ممانعة وكان خاطري احبها على راسها بانها اول انسانة تقول لي هالكلام وعيوني تلمع من الفرحة وكملت زوجي واقوللة اخيرا فرجت بارك لي واحس نفسي طيارة من الفرح ولكن!!!!!!
مر اسبوع ماحد اتصل. قلت اكيد المجلس يتاخرون وسالت مني وهناك قالوا لا يقعدون اسبوعين بالكثير قلت اوكيه. قعد اكثر من اسبوعين وكلمت السكرتيرة قلت ها شنو الاخبار ردو عليكم المجلس الاعلى قلت لا احنا اصلا ماطرشنا للمجلس الاعلى قلت ليش قالت المديرة قالت لاطرشين لين اقولج طرشي شنو السبب. قالت لا لان انتي بدل وحدة اصلا بتربي ومادري اذا اهي بتربي او لا. قلت نعم. اهي اكيد بتربي اذا اهي حامل ههههه وبعدين صكتت وقالت اهو يمكن المجلس الاعلى فترة امتحانات لين يخلصون يمكن اطرش لهم .
قلت خير ان شاء الله. بعدين رحت للمدرسة وطلبت اقابل الي سوت معي مقابلة قالو غايبة قلت للمديرة قالت مشغولة قلت النائبة الادارية المهم جات كلمتها قلت انا فلانة سويتو معي مقابلة. المهم قلت لها السلافة كلها قالت طيب بروح المديرة اسالها رجعت قالت المديرة تقول حاليا مافي شاغر. قلت طيب ليش سويتو مقابلة. واخذتو الاوراق قالت لا عادي دايم يسوون المقابلات الي يجون قلت انتم الي مكلميني. قالت امم يمكن تبيج حق بعدين!!!!!! ''' لاحول ولى قوة الى بالله
في احد يتصل في ناس ويجري معاه مقابلة ويوافق علية بعدين يقول مافي شاغر؟ ويش التخبط هذا
ادري طولت وانا اكتب من تلفون اذا في احرف خطاء اعذروني





رد مع اقتباس
  رقم المشاركة : 2  
قديم 02-11-2014, 10:47 PM
الصورة الرمزية زيزو
عضو نشط
زيزو غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

الله يوفقج اختي وتحصلين الوظيفة اللي تناسبج ونرتاحين فيها يارب





رد مع اقتباس
  رقم المشاركة : 3  
قديم 02-11-2014, 11:41 PM
عضو جديد
alwrd غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

الله بيعوضك خير ماتدرين ❤️





رد مع اقتباس
  رقم المشاركة : 4  
قديم 03-11-2014, 02:10 AM
عضو فعال جداً
ناثرة المسك غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!


حبيبتي اسئل الله العظيم رب العرش العظيم .. أن يفرج همج ويشرح صدرج وييسر لج كل أمورج
إنه القادر والمتقدر على ذلك اللهم : آآآمين يارب العالمين.

الغالية : خذيها مني نصيحه آمني بأنه للن ياخذ حد ما كتبه الله لج هذا شيء أكيد.. وإن شاء الله خير لج

ثم خذي بالأسباب وهي الألتزام بقراءة سورة البقرة بفتح باب الرزق لج ثـم كثرة الاستغفار بقدر ما استطعتي
ثــم الصلاة على النبي محمد ( صلى الله عليه وسلم ) وأنتي كذلك على يقين بأن فرج الله أتي لا محاله
ثم أكثري من الصدقة حتى لو بالشي القليل بنية تيسير أمرك وقبولج في وجه من تقدمين عندهم طلب الوظيفة

ثـــم من بعد ذلك خذي بالأسباب وطرق الأبواب ولا تيئسي أبـــداً وإن شاء الله بتلاقين الوظيفة الي تفرحين
بها وتتمنينها.

قدمي أوراقج على دار الإنماء .. وكذلك قطر فونديشن .. قدمي على القطاع الخاص فالضروره لها احكام
وانتي ما شاء الله عليج قد المسؤلية .. أممم بعد قدمي في المحاكم مره انا كنت اهناك وشفت قطريات
ما شاء الله عليهن موظفات .. بعد شوفي دريما دار الأطفال هناك قطريات وبكثرة.

بعد شؤون القاصرين .. وقطر الخير معطائه بس البلا في الي ماسكين الإدارات بس يوظفون الي ود قلوبهم
واصدقائهم والي يحبون.

تمنياتي لج بالتوفيق والرزق الحلال.




التوقيع - ناثرة المسك

رد مع اقتباس
  رقم المشاركة : 5  
قديم 03-11-2014, 07:42 AM
الصورة الرمزية الصالحين
موقوف
الصالحين غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

اشكرج حبيبتي واشكر الي ردو جميع وانا والحمدالله ابشرج ملتزمة وخايفة من ربها. ودايمة الاستغفار وشكر وانا ترى غنية نفس مرتاحة مع نفسي وماهمني الى رضى الله سبحانة بس منبطة. جبدي من الي شفت من المسؤلين والتخبط الواضح شي غريب صراحة انا الي يؤلمني دولة جايها خير والحمدالله وحنا القطريين عددنا جدا قليل يعني الوظائف والثروة تغطي هل قطر وزيادة بس للاسف طمع البعض. والجشع والاستكثار على الغير هذا الي استنبطة من كثر مالفيت ودخت والمفروض يكون المسؤلين على هالشي خايفين ربهم هذا الصح. والله حرام صرت خايفة على قطر من هالشي والناس لان على هالشي بنتيجة لطريق ثاني ولى حول ولى قوة الى بالله





رد مع اقتباس
  رقم المشاركة : 6  
قديم 03-11-2014, 07:54 AM
الصورة الرمزية زهرة الكون
عضو نشط
زهرة الكون غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

عسى ربي يهونها عليج و تتوظفين

عندج الداخليه الملحق الاداري يبون





رد مع اقتباس
  رقم المشاركة : 7  
قديم 03-11-2014, 07:55 AM
الصورة الرمزية زهرة الكون
عضو نشط
زهرة الكون غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

وقدمي في المجلس الاعلى نفسه بعض الاقسام تبي





رد مع اقتباس
  رقم المشاركة : 8  
قديم 03-11-2014, 08:29 AM
عضو
rewaqatar غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

الله يوفقك ان شاء الله داومي على الاستغفار والخير دايم في وجه الله الكريم





رد مع اقتباس
  رقم المشاركة : 9  
قديم 03-11-2014, 09:40 AM
الصورة الرمزية دكتور رومانسي
عضو فعال جداً
دكتور رومانسي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

الله يوفقك ويرزقك من حيث لا تحتسبي واكثري من الدعاء




التوقيع - دكتور رومانسي

رد مع اقتباس
  رقم المشاركة : 10  
قديم 03-11-2014, 05:44 PM
الصورة الرمزية الصالحين
موقوف
الصالحين غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أبي افضفض بس!!!

مشكورين خواتي. وجزاكم الله خير وعلى هاالنصايح و الدعوات الجميلة والله يبارك فيكم ويرزقكم الرزق الحلال اللهم امين والحمدالله رب العالمين ان في ناس فيها خير. مثل شرواكم





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:52 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم