استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى العام


المنتدى العام منتدى للمواضيع العامه

ما رأيك في بضاعه المنتديات وعروضهم

مثلها مثل أيّ تجارة أخرى ، تجد التاجر النزيه والغشاش والجشع ... وعليك أن تكون متفطّنا ليس إلاّ أنا مثلا أعاين البضاعة وأقتنع بها وبسعرها قبل الشراء والمساومة....

إضافة رد
 
LinkBack أدوات الموضوع انواع عرض الموضوع
  رقم المشاركة : 21  
قديم 14-12-2008, 08:28 AM
موقوف
smnasri غير متواجد حالياً
 




عدد التعليقات: 0 تعليق

افتراضي رد: ما رأيك في بضاعه المنتديات وعروضهم

مثلها مثل أيّ تجارة أخرى ، تجد التاجر النزيه والغشاش والجشع ... وعليك أن تكون متفطّنا ليس إلاّ
أنا مثلا أعاين البضاعة وأقتنع بها وبسعرها قبل الشراء والمساومة.





رد مع اقتباس
  رقم المشاركة : 22  
قديم 14-12-2008, 08:29 AM
الصورة الرمزية الجود
عضو نشط
الجود غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

الله يعطيكم العافية ...بالنسبة لي اشوف ان الزبون يشتري من النت اذا اعجبته البضاعة او السعر وما فيه حد يقدر يجبره ع الشراء ..





رد مع اقتباس
  رقم المشاركة : 23  
قديم 14-12-2008, 08:37 AM
عضو نشط
سعد آل شريم غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

الحمد لله رب العالمين ماصادفت أي مشكله من تجاره المنتديات سواءً في الشراء أو البيع ..
مع العلم أني شريت أشياء كثيره من المنتديات ولاكن بأقتناع تام من ناحية البضاعه والجوده والتاجر ..

والحمد لله رب العالمين ولا تصادفت بأي مشكله مع أعضاء سوق الدوحة ..

وأقولكم بيض الله وجوهكم والله يجزاكم خير



التوقيع - سعد آل شريم

رد مع اقتباس
  رقم المشاركة : 24  
قديم 14-12-2008, 08:51 AM
ادارة المنتدى
المنذر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

السلام عليكم ورحمة الله وبركاته
يعطيكم العافية
بالنسبة لي الحمدالله شريت من كذا شخص والحمدالله التعامل كان طيب معاهم
واحب اشتري دائماً من الاشخاص الغير تجار وخاصة الي ماعنده مدخول حتى لو كان أغلا من السوق
لان هم الصراحة عندي يستاهلون
احسن من الي يبيعون في المحلات وخاصة من الجنسيات الاسيوية
أفيد حريم هل قطر خاصة والخليج عامه افضل من الجنسيات الاسيوية حتى لو كانوا اغلا
فهم في الاخير يتعبون ويكدون على اهلهم وعيالهم ومب خسارة فيهم
( وكم تفرق يعني 50 - 100) مبلغ مب كبير ويستاهلون اكثر
والتجارة فيها ربح وخساره واكيد فيها مشاكل ماتخلى
ويعطيكم العافية




التوقيع - المنذر
استغفــر الله الــذى لا الـــه الا هـــو الحـــى القيـــوم وأتــــوب الــيه‏

رد مع اقتباس
  رقم المشاركة : 25  
قديم 14-12-2008, 08:59 AM
عضو فعال
مهندسة كيفي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

اقتباس
 مشاهدة المشاركة المشاركة الأصلية كتبت بواسطة combo
اخواتنا التاجرات ولاول مره اعلم بمثل هذه الامر
الان بدات الرؤيه تتضح والموضوع اشمل واكبر مما كان يعتقد
انتم فهمتونا بمشاكل الزبائن
لكن ماذا يحدث مع من يحاول دخول صف التجار و التلاعب بالاسعار او التخريب على البائعين والتنافس الغير شريف؟
هل هناك من يحاول ان يستغلكم لعلمه بعدم الاستطاعه بملاحقته لان البيع على النت؟وانتم نساء والتقاليد تصعب الملاحقه؟
وما هي انواع الشكاوى التي تاتيكم من الزبائن (اذا كانت الشكوى تستحق الرد وتحمل مصداقيه ولكنكم لا يد لكم في حلها؟ (غير مسأله السعر)
سأنقل الموضوع الى العام للفائده
ويعطيكم العافيه




السلام عليكم .. صباحك خير ..بخصوص التلاعب .. يا كثر التخريب ..

واحيانا الانتقاص من قدر التاجر و قدر بضاعته ..

متناسين انه ما في احد مجبر ع الشراء ..

ويصادف وجود تجار يبيعون نفس البضاعه وبنفس النوعية والجودة ..لكن اسعارهم تكون غالية ..

غالية بدرجة توصل للالافات ..

وفي فئة من التجار تطعن بسمعة التاجر الثاني من غير حسيب ..

ويتفاجأ الزبون يقول بصريح العبارة ترى جد التعامل معاج طيب ورح نكرر التعاملات

ويصير زبون درجة اولى وما يرضى يتعامل مع غيري ..

:

:

لكن في فئة اخرى تنشد بها الظهر .. صح نتنافس لكن بكل امانة ..

مثلا عندي زبونة ودها بشنطة معينة وهالشنطة مو عندي مو متوفرة لكن اعرف فلانة او فلان يبيعونها

ع طول اقولها روحي عندهم .. وخذي تراهم خوش اوادم .. احب الدعم والتشجيع للغير

لاني حاسة باللي يعانونه .. ولو كل تاجر سوى شراتي .. نحن بخير ..


:

:


بالاخير .. اهم شي التعامل الطيب .. و سبحان الله الاخلاق تكسر الحواجز و ربي يسهل علينا البيع ..

ويرزقنا من حيث لانعلم ..




رد مع اقتباس
  رقم المشاركة : 26  
قديم 14-12-2008, 09:00 AM
تاجـره
ام يوسف غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

بارك الله فيك اخوي المنذر على اسلوبك الراقي واللي يشجعنا على التواصل في مجالنا

وجزاك الله خير




التوقيع - ام يوسف
سبحان الله وبحمده
سبحان الله العظيم

رد مع اقتباس
  رقم المشاركة : 27  
قديم 14-12-2008, 09:05 AM
عضو فعال
مهندسة كيفي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

اقتباس
 مشاهدة المشاركة المشاركة الأصلية كتبت بواسطة المنذر
السلام عليكم ورحمة الله وبركاته
يعطيكم العافية
بالنسبة لي الحمدالله شريت من كذا شخص والحمدالله التعامل كان طيب معاهم
واحب اشتري دائماً من الاشخاص الغير تجار وخاصة الي ماعنده مدخول حتى لو كان أغلا من السوق
لان هم الصراحة عندي يستاهلون
احسن من الي يبيعون في المحلات وخاصة من الجنسيات الاسيوية
أفيد حريم هل قطر خاصة والخليج عامه افضل من الجنسيات الاسيوية حتى لو كانوا اغلا
فهم في الاخير يتعبون ويكدون على اهلهم وعيالهم ومب خسارة فيهم
( وكم تفرق يعني 50 - 100) مبلغ مب كبير ويستاهلون اكثر
والتجارة فيها ربح وخساره واكيد فيها مشاكل ماتخلى
ويعطيكم العافية



وعليكم السلام خويه المنذر ..

عندياخ عزيز وغالي مثلك.. .. يحب يشتري لانه ربي عاطنه .. ويحب ينفعني .

. ياخذ مني ويغلفهم هدايا ..حتى اقوله شو كالفك تشتري ترى مو مجبور .. يقول

اقط بيزاتي ع تجار الخليج مو ع الاسيويين .. وواثق فيج وببضاعتج ..

هذا من غير زباين .. يخلوني اختار لهم ع ذوقي .. وهم بس عليهم الدفع ..

احيانا تتفاجأ بردة فعل ما تتوقعها من زبونة ..

تصير علاقتنا علاقة صداقة وخاصه نحن البنات .. وتتوطد لزيارات و اتصالات ..

ووصلت بالوقت الحالي نتبادل هدايا ..




رد مع اقتباس
  رقم المشاركة : 28  
قديم 14-12-2008, 09:23 AM
ادارة المنتدى
المنذر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

اقتباس
 مشاهدة المشاركة المشاركة الأصلية كتبت بواسطة مهندسة كيفي

وعليكم السلام خويه المنذر ..

عندياخ عزيز وغالي مثلك.. .. يحب يشتري لانه ربي عاطنه .. ويحب ينفعني .

. ياخذ مني ويغلفهم هدايا ..حتى اقوله شو كالفك تشتري ترى مو مجبور .. يقول

اقط بيزاتي ع تجار الخليج مو ع الاسيويين .. وواثق فيج وببضاعتج ..

هذا من غير زباين .. يخلوني اختار لهم ع ذوقي .. وهم بس عليهم الدفع ..

احيانا تتفاجأ بردة فعل ما تتوقعها من زبونة ..

تصير علاقتنا علاقة صداقة وخاصه نحن البنات .. وتتوطد لزيارات و اتصالات ..

ووصلت بالوقت الحالي نتبادل هدايا ..

مرحبا اختي
شوفي الصراحة احب اشتري من عند الحريم وخاصة العجايز الي يبيعن
لان ادري ماحدها على البيع إلا تكون محتاجة وعسى الله يكون في عونهم
حتى لو كانت غاليه مب خساره فيها لنها تكد على عيال
ويتساهلون اكثر




رد مع اقتباس
  رقم المشاركة : 29  
قديم 14-12-2008, 09:25 AM
الصورة الرمزية نمر
عضو نشط
نمر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

عن تجربة التجار اللي تعاملة معاهم معاملتهم جدا" ممتازة ماعدا واحد منهم اعتقد لظروف خاصة فيه والله أعلم كان يوعدني بالبضاعة ويخلف وعدة ولايتصل يعتذر مع اني كنت اتعنى بالوصول اليه





رد مع اقتباس
  رقم المشاركة : 30  
قديم 14-12-2008, 09:36 AM
تاجـر
papillon غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما رأيك في بضاعه المنتديات وعروضهم

في البداية

أحب اشكر اخوي اللورد على الدعوة لقراءة هذا الموضوع

بس بعد ما قريت الردود تفاجأت بأن معظم اللي مكتوب من تجار وتاجرات المنتدى

كان بودي القى ردود اكثر مع من تعامل مع التجار والتاجرات

كان بودي ان ارى نقاط الضعف ونقاط القوة


وان شاء الله نشوف هالردود في المستقبل :)


بالنسبة لي ..
صار لي في هالمجال قريب السنتين
كشغل في التوزيعات والمفارش على اختلاف انواعها ومناسبتها وتغليف الهدايا

وفي فترة من الفترات كنت اجيب بضايع من مواقع خارجية (( ملابس وأحذية وخلافه .... ))
كنت اعطي الزباين الموقع واشتري لهم بفايده 50 الى 100 ريال
اتصلت في يوم وحده فيني (( الله يهديها ويبارك لها )) خذت مني التفاصيل
كم فايدتج .. وشلون يوصل .. وووو .... ورديت عليها عشان اكسب ثقة الزبونه
وقالت لي قبل ما تسكر (( يوم ان فايدتج 50 ريال .. لا تسوين هالشغله احسن لج ))
ومن يومها ما سمعت صوتها
بعدها باسبوعين اكتشفت و انصدمت انها تجيب البضاعه عندها من غير طلب.. وبدت تبيعهم بضعف المبلغ
انصدمت صح ... لكن ما زعلت ........ كلن برزقه :)


وبعد ... كنت أخذ طلبات من غير عربون ... (( ثقة في العميل وسرعه في الانجاز))
جاتني توزيعات بأل2000 ريال واتصل عليها .. واتصل .... واطرش مسج .. وما ترد
المشكله لو كانت مستعجلة ... او اني ما ثبت الجوكليت .. كان مب هامني الموضوع
لكن تثبيت الجوكليت معناه ان البضاعه ما اقدر اتصرف فيها بعد اسبوع من التثبيت لانه جوكليت واخاف انه يخترب واراعي دايما انه يكون جديد :)


ووحده ثانية خلتني اخيط لها ملحف سرير كامل بالكريستال بقيمة 3000 ريال
وطبعا اللي جرب شغلي يعرف شلون دقته وصعوبته والوقت اللي ينأخذ فيه
واخرتها .. (( محد يرد على التلفون ))



لكن بعد عندي تجارب وايد حلوة

وحده خذت من عندي طقم كامل للولادة
صار لها يمكن سنة وشي
وما زالت تجيني اتصالات من زباين عن طريقها من كثر ما مدحت شغلي عندهم



وحده ثانية تعاملت معاي 3 مرات في اقل من سنة
وتقول لي ما راح اخذ شي من غيرج ولا من محلاتنا
شغلج يجنن واسعارج روووعه


وحده ثانية من ثقتها فيني
قالت تبي كذا وكذا وكذا
سألتها عن اللون والاسعار والشغلات
قالت مب مهم
اختاري كل شي على ذوقج
وطرشي لي السعر
انا واثقة في شغلج



وغيرهم وايد :) :)

هاذي تجاربي :) بالنسبة لبضاعتي المعروضة
ولكم مني خالص التحايا :)





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: ما رأيك في بضاعه المنتديات وعروضهم
الموضوع كاتب الموضوع المنتدى مشاركات آخر مشاركة
بشري للتاجرات واعضوات وصلت بضاعه من تايلاندلوزات وجيبات مصراويه سوق الازياء والملابس النسائيه وملابس الاطفال 13 03-12-2008 04:07 AM
بضاعه متنوعه....حياااااكم وبأسعار رووووعه الدلع سوق العنايه بالجسم 8 11-10-2008 08:38 PM
** اللي حابــه تربـح .. بضاعه شناط بالجملة.. للجـادات فقط ** red eye سوق الشنط التقليد 20 20-09-2008 03:32 AM
بضاعه متنوعه اميره سوق المكياج 4 22-08-2008 04:57 AM
من هي أفضل شخصيه تاريخيه في رأيك ؟ اللورد المنتدى العام 12 25-03-2008 06:11 PM


الساعة الآن 09:38 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم