استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

ملح النشيد..

السلام عليكم ورحمة الله وبركاته حبيت انقل لكم قصيده لـ شـــاعــر البـيــرق محــمـد بن حـــمــد بن فطـيــس واتمنى تنال على اعجابكم ... غاسل ٍ كفـي مـن مصافحـة بعـض اليديـن ...............وقافـل ٍ بوجيـه اهلهـا صنـاديـق البـريـد وشايف ٍ شي ٍ لـي اعـوام مالـي فيـه عيـن ...............وقاطـع ٍ خيـط الهقـاوي بسكـيـن الوكـيـد ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 09-04-2008, 02:01 PM
الصورة الرمزية اليورو
عضو VIP
اليورو غير متواجد حالياً
 





عدد التعليقات: 0 تعليق
حدث بيانات الدوله!
06 ملح النشيد..

السلام عليكم ورحمة الله وبركاته

حبيت انقل لكم قصيده لـ شـــاعــر البـيــرق

محــمـد بن حـــمــد بن فطـيــس

واتمنى تنال على اعجابكم ...





غاسل ٍ كفـي مـن مصافحـة بعـض اليديـن
...............وقافـل ٍ بوجيـه اهلهـا صنـاديـق البـريـد
وشايف ٍ شي ٍ لـي اعـوام مالـي فيـه عيـن
...............وقاطـع ٍ خيـط الهقـاوي بسكـيـن الوكـيـد
وخالص ٍ من طيـب ضـن ٍ موهقنـي سنيـن
...............وظاهر لي عقب عرف العـرب عقـل ٍ جديـد
وطايح ٍ من عيني ارجـال عنـدي كـان ويـن
...............وحاقـر ٍ منهـو يقـيـس الاوادم بالرصـيـد
ومحتمي ٍ من غدر الاصحاب في حصن ٍ حصين
...............ولابس ٍ لرماح الاقـراب ثـوب ٍ مـن حديـد
وماضي ٍ منـي علـى اللـي تمشينـي يميـن
...............ما تجي منهـو قريـب ٍ والـى احتجتـه بعيـد
المواقـف تشخـل النـاس والطـيّـب يبـيـن
...............كل عـام يطيـح تسعـه ويصفـا لـي وحيـد
اشهـد ان خيـر المـدارس تجـارب الاوليـن
...............واشهد ان راي التجارب هـو الـراي السديـد
واشهـد انـي للبـلاوي علـى الدنيـا مـديـن
...............كـل مـا راجعـت نفسـي طلعـت المستفيـد
وانت ياللي عقبك الزيـن بيـن البيـض شيـن
...............مستحيل يطوفك الشعر وانـت اصـل القصيـد
القصيـده فـي عيونـي بدونـك مـا تـزيـن
...............لازم ان اجيـب طاريـك يـا ملـح النشـيـد
انت ياللـي مـن بطيـن الفـؤاد الـى الاذيـن
...............والله ان حبـك مـع الوقـت ماينقـص يـزيـد
في غيابـك لـك محبـه ولـك شـوق وونيـن
...............وفي حضورك شف عيوني كلامـي مـا يفيـد
اقهـر الضيقـه بذكـراك مـن حيـن لحـيـن
...............وانثر دموعي على الوصـل مـن عيـد ٍ لعيـد
لك غـلا ً سبحـان ربـي ملـى الدنيـا حنيـن
...............ولك وفا ً سبحـان ربـي مكـن فالكـون غيـد
شف مكانـك فـي مكـان ٍ عـن العالـم دفيـن
...............في مكـان ٍ مـن ورى مثـل عيـدان الجريـد
مكرم ٍ حبـك ولـه فالحشـى سمـن وسميـن
...............يقدع مـن الحـال واصـب لـه بـن الوريـد
افتضحـت مـن الهواجيـس بـك فالمسلميـن
...............كل من سولف علي قلت له وش قلـت؟ ..عيـد
الهوى سجـن العشاشيـق وانـا لـك سجيـن
...............وودي ان سجني مؤبـد ولـي حـارس وقيـد
عزتي لـي مـن فراقـك عسـى ربـي يعيـن
...............ادري انه فـي طريقـي ولـو وصلـك مديـد
صابر ٍ غصبا ورى الخشم لو جرحـي مكيـن
...............ودي افعـل لـكـن الله يفـعـل مــا يـريـد



التوقيع - اليورو
[IMG][/IMG]

  رقم المشاركة : 2  
قديم 09-04-2008, 02:40 PM
عضو VIP
العمده غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ملح النشيد..

مافيك حيلة يا من يقول أنساااااااااااك دوس والقلب داعي لك




التوقيع - العمده

  رقم المشاركة : 3  
قديم 09-04-2008, 02:43 PM
الصورة الرمزية اليورو
عضو VIP
اليورو غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ملح النشيد..

مشكووراخووي العمده على المرور الرائع

تحياتي





  رقم المشاركة : 4  
قديم 09-04-2008, 02:47 PM
الصورة الرمزية ابو جاسم
مـؤسس
ابو جاسم غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ملح النشيد..

يعطيك العافيه اخوي من يقول انساك

وصح الله لسان ابو حمد وتسلم يدك على طرح القصيده وهذه من اجمل القصائد لابو حمد وياكثرها قصايده الزينه

وتسلم ياخوي

وتقبل تحياتي




التوقيع - ابو جاسم

  رقم المشاركة : 5  
قديم 09-04-2008, 04:52 PM
الصورة الرمزية اليورو
عضو VIP
اليورو غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ملح النشيد..

مشكووراخووي ابوجاسم والله يعطيك العافيه
ومن قال سالم





  رقم المشاركة : 6  
قديم 09-04-2008, 05:46 PM
الصورة الرمزية بـــري حـــالـــي
عضو فعال
بـــري حـــالـــي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ملح النشيد..

يعطيك العاااافيه اخوووووي

على القصيده ولاهنت يا الغالي على لاختيار الرائع

وفي انتظار جديدك




التوقيع - بـــري حـــالـــي

  رقم المشاركة : 7  
قديم 15-04-2008, 01:08 AM
الصورة الرمزية غــروكـ وغــيـروكـ
عضو فعال جداً
غــروكـ وغــيـروكـ غير متواجد حالياً
 



عدد التعليقات: 0 تعليق

افتراضي رد: ملح النشيد..

يسلمو ع الابيات الرائعه مالك حل اخوي من يقول انساك ........ تقبلوا مروري




التوقيع - غــروكـ وغــيـروكـ

موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:06 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم