لايطوفكم الكوشري بالفقع !! من مطبخي :)

السلام عليكم ورحمة الله وبركااته ..؛؛


لايطوفكم الكوشري بالفقع ( بالكمأ ) << عشان محد يقولي شنو فقع خخخخخ
من مطبخ al.jory.qa


الصرااحه صارلي كم يوم افكر اني اعمل الكوشري بس ع الفقع مو الدجاج
بعيد عنكم لما اصنف ابدع خخخخخخخخخخ



هذي الشغلات اللي راح نحتاجها لكوشري الفقع ( الكمأ ) ههههههه شكلي اول وحده تطبخها
مدري اذا في احد فكر فيها قبلي والا لا خخخخخخخخ ياللا عاد امدحوني عشان ابدع لكم من
مطبخي بأختراع جديد تراها لذيذه جربوهاا يممممممممم



المقادير :

2 كوب حجم كبير ارز مصري , 1 كوب شعيريه , 1 كوب عدس بني , 1 كوب مكرونه
حجم صغير , قليل من الفقع المسلوق ( الكمأ ) مقطع الى انصاف متوسطه , قليل من الثوم
قليل من البصل , زيت الزيتون , علبه واحدة من معجون الطماطم , بهارات مشكله فلفل اسود
فلفل احمر وكركم وقليل من الملح .


الطريقه :

قمت بسلق الفقع بعد ماقطعته لقطع متوسطه وبعدها رفعته عن النار .
وبعدها فحت ( سلقت ) العدس لوحده والمكرونه لوحدها والشعيريه لوحدها والأرز المصري .
وبعد ماانتهيت منهم . خلطت الارز مع المكرونه والعدس فقط اما الشعيريه فرفعتها
لصلصة الفقع اللي راح نضيفها للكوشري؛؛

صورة للارز والعدس والمكرونه بعد ماخلطتهم مع بعض وتركتهم على نار هاديه .



صوره صلصة الفقع عاد اطلعت حاره بعدها من الفلفل :



هني حطيت زيت الزيتون بالمقلاة وحمست فيه قليل من الثوم والبصل المفروم لحد مايحمر شوي
وبعدها حطيت قطع الفقع وحمسته معاهم لحد مااحمر شوي حطيت الشعيريه وبعدها
حطيت عليهم شوية ملح وفلفل اسود بودر وفلفل احمر بودر وشوية كركم وبهار مخلوط
وضفت فوقهم معجون الطماطم وقلبتهم على بعض بحيث تصير صلصه غليظه .

وهذي صورة الكوشري بعد الانتهاء تفضلوا مدوا يدكم وسموا خخخخخخخخ حيااكم لا تستحووون





وبالهناا والشفااا .. ؛؛

ويييين ردودكم هااا

الله يزيد النعمه

انا ما حب الفقع اصلن ..

بالعافيه جميعا

ام نايف تعالي عندي يوم وانا اخليج تحبينه خخخخخخ

يسلملي هالطله يا عسل واخيراً شفنااا مرور ع موضوعناا

حلووو التغير عن المألوووف شوي

يم يم في السالفه فقع .... فكره حلوه

احب الفقع بس يا اني اكله مفيوح او مع بيض وطماط :) وبس

تسلم يدج
يعطيج العافيه

يسلمو

شكلي بجرب الطريقة لان هذا وقت الفقع

الله يعطيج العافيه يارب

أنا مااحب الفقع لأنه مليان تراب مهما نظفتيه .

الله فقع بس حسافة ماطلعت عندي الصور