الفرق بين العبايه قديما وعبايات الفتنه في هذا العصر

السلام عليكم
الله يجزات الخير على الموضوع الاكثر من مهم وهذي ظاهره تفشت في المجتمع ولكن للاسف في ازدياد
وهذي الصراحة الي ماتخلينا نطلع من البيت
فالبيت استرلنا والتزامنا بالدين

استغفر الله العلي العظيم .. من كل ذنب عظيم ... ولا حول ولا قوه الا بالله

حسب اعتقادي انه فيه حلقه مفقوده في الموضوع والحلقه هذي هي الزوج والاب والاخ يعني الرجل بشكل عام فالرجال قوامون على النساء اي يقومونه ويدلونهم لما فيه مصلحتهم في دينه ودنياهم فالمراءه مخلوق حساس ومرهف وعاطفي وخصوصا عاطفي تنقاد وراء الموضه وفلانه وعلانه وتنسى دينها و هي مين وبنت مين وهينا يجي دور الرجل طبعا امزح لان القوامه لازم تكون بالحسنى واللين والاقناع ويكون في الانثى بذرة حياء لان الحياء هو ستر المراءه عند غياب دور الرجل
هذا رايي والله اعلم

قبل العباية كانت للحشمة والستر ..

الحين مع التطور والموضة العباية صارت تكشف اكثر مما تستر !!!

وطبعا كل البنات يركضون ورا الموضة حتى لو ما تناسب سنهم ولا مجتمعهم ولا حتى ميزانياتهم ..

قبل كانت العباية لونها موحّد .. سودا

الحين بدأ السواد يتلاشى من كثر الزخارف والريش والكشكشة والتطريز المبالغ فيه ..

هذا غير تركيب قطع حرير ملونة بألوان فسفورية اضافة على اللون الأسود اللي مب عاجبهم ..

قبل كانت العباية فضفاضة وواسعة ومستحيل وحدة تفكر تلبس عباية ضيقة تظهر كل تفاصيل جسمها ..

الحين اللي تلبس عباية واسعة يقولون ما مرّ عليها التطور !!!! ومبهدلة .. وبعضهم يسميها عباية الامهات !!!!..


العباية المخصرة والمبهرجة زادت عن الحد بصراحة

العباية نلبسها عشان نستر زينتنا اللي تحت العباية واللي المفروض محد يشوفها ..

لكن اللي نشوفه الحين العكس تماما العباة مخصرة وملونة ومفتوحة وتحتها البنطلون الجينز ..!!!

البنات من حقهم يتبعون الموضة والألوان الدارجة في كل وقت لكن العباة تعدت حدود الاحترام والأدب ..

مايصير اطلع من البيت بكامل زينتي وأقول ليش فلان يطالعني وليش ينتقدوني

المشكلة ان كل وحدة تلبس وتتبهرج بره البيت تقولك حرية شخصية !!!!

الحرية الشخصية اني ما الفت انتباه الرجال .. واحترم نفسي ..والبس المحتشم اللي يخلي الكل يحترمني ..

صرنا نقول محد له شغل فيني انا البس اللي يعجبني . وهذي الموضه الحين وكل البنات يلبسون هالعبايات ..

وانا مب غير عنهم بلبس مثلهم ..

ليش وين شخصيتج ووين اهلج لما تمشين في سوق والكل يطالعج ويعلق على الوانج وعباتج الملفتة ؟؟؟

اللي يلبسون هالعبايات المفروض ما يزعلون من طرح هالموضوع لأنه يناقش ظاهرة مستفــــــــزة جداً

نبي نشوف لها حل يرضي الكل وما يزعل حد

تبين تلبسين وتكشخين قدام ربعج وغير ربعج من حقج ..


بس خفي شوي من الزخارف المبالغ فيها واحترمي هالعباية اللي المفروض انها تسترج وتحشمج


ورد وشوووك

موضوع غاية في الاهمية وظاهرة انتشرت في مجتمعنا بشكل كبير وملفت وللأسف كل مالها وتزيد ومافي حل

تقبلي مروري واسمحيلي على الاطالة

تسلم يمينج على هالموضوع ورد وشوك ..

طرح واقعي جدا واستفدت من ردود الاخوان والا خوات لاهانوا ولاهنتي

لي عودة باذن الله

تسلمين يالغاليه على الموضوع الاكثر من رائع
وصلنا 2009 والعبايات كل مالها واتضيق زياده قبل كانت الوحده تلبس العبائه فوق الراس وكان لا يحصل لها اي مضايقات طالما ماشيه في حال سبيلها وطبعاً المظهر الخارجي له دور كبير لأن يجعل من يراها يحترمها ولا يتقرب لها وفي لحد الحين محتفظين بلبس هالعبايه والحين النوع الجديد مخصر ملائم وملاصق للجسم تماماً.
يمكن في الموضوع هذا نقدر نلوم الأب ونلوم الأم ونلوم الأخ لأن الثلاثة سبب رئيسي

على العموم ما أبغى أطول عليكم وتسلمين حبيبتي على الموضوع وياريت كل بنت قبل لاتفكر في يوم تلبس هالعبايه انها اتعرف ايش نظرة الناس لها

لأجل تغير من حياتها الى الافضل والى الشيء الصحيح إلي يخليها تاج راس أهلها وزوجها وتكون سمعتها زينه امام الجميع