الفرق بين العبايه قديما وعبايات الفتنه في هذا العصر

اهلا فيكم اخواتي وأخواني .....الأعزاء...

موضوعي واضح من عنوانه ... وترددت كثير في اني اكتب عنه بس حسيت بشعور جامح في اني

اتطرق له وخاااااااااصه انه موضوع حساس واعتقد انه يهم كثير من الأسر القطريه ويهم مجتمعنا

القطري ... والسكوت عن المنكر خطيئه يحاسب عليها الأنسان يوم القيامه وأضعف الأيمان اني اتحدث

عنه بدل الصمت

ظاهره اخواتي تفشت بشكل كبير في مجتمعنا القطري وهي العبايه!!!!!

بس مب عباياتنا القديمه اللي كلها حشمه ووقار هذا هو مفهوم العبايه الحقيقي انها ستر للمرأه

بس اللي نشوفه هذي الأياااااام شي غير طبيعي ياعالم!!! احس انه في شئ غلط

صار في مجتمعنا!!!! وين الوقار؟ وين الحشمه والستر للبنت صرنا لما انروح المجمعات

نشوف العجب وخيبه الأمل في نفس الوقت صارت العبايه مع احترامي الشديد بدله رقص صارت فاضحه

صارت العبايه رص..رص!!!!! بمعنى الكلمه تظهر كل مفاتن المرأه بشكل فاضح

وتصيبني الحيره والدهشه!!! ياناس كيف نرضى على بناتنا الظهور بهذا الشكل الغريب ... وين الأهل؟

وين دور الأم ؟ كيف ترضى على بنتها تطلع بدون رقابه !!!البنت صارت لابسه عبايه ومب لابسه ... ولو تقعد

في بيتها يكون كثير افضل... يا هل ترى وصلنا احنا لهذي الدرجه من عدم احترامنا لأنفسنا انه انخلي

بناتنا يكونون بهذا الشكل... اين الوازع الديني .... اين الأخلاق وعاداتنا وتقاليدنا .... اين

مربيات الأجيال !!!.... وينكم ياأمهات!!!!.. انتم الأساس..في بناتكم.. فأنتبهوا لهن..فهم أمانه في اعناقنا

سوف نحاسب عليهم يوم الدين...وهذا الزمن هو زمن الفتن والعياذ بالله...

يمكن يكون هذا الموضوع للبنات لكن حبيت ان اعلق
مشكوره على الموضوع اولا
ثانيا البعض يعتقد ان تزيين البايه فن وذوق ومظهر جيد لكن ما نعرف ان كثير من الرجال قد ينظر لها بنظره غلط
ويعتقد البعض ان الفتاه تعمدت هذا الشيء للفت نظر الشباب خصوصا الشباب الغير ملتزم
ناهيك عن بعض الوافدين الي اصلا منجذبين للفتاه بحكم التستر والخجل ويتمنون التعرف والوصول لما هو اكبر
لانهم يفقدون تستر بنت جلدتهم في الغرب وبعض الدول الي الفتاه صارت مثل الرجل بلا انوثه
كثير من فتيات الاسلام لا يقصدون الفتنه لكن لا يعرفون ما تسببه العبايه المزينه في قلوب الرجال
كل واحد حر في نفسه وادرى بمصلحته
لكن بالنسبه لي افضل العبايه العاديه بدل ما يلفت النظر ويفتح ما في قلوب المرضى وينزل من صوره المرأه

المسلم قد يأتي يوم القيامه بجبال من الحسنات لكن تذروها الرياح بسبب مخالفه بسيطه لكنها تزن عند الله اكثر من الجبال

اخواتي واخواني ......هذا الموضوع مفتوح للجميع بدون استثناء لأني اعتقد انه موضوع هاااام جدا يهم كل ....آلاباء وآلامهات ... ويشرفني دخول جميع الأعضاء لأبداء وجهه نظرهم في هذا الموضوع الذي اصبح ظاهره تزداد يوم بعد يوم..

السلام عليكم
الله يجزات الخير على الموضوع الاكثر من مهم وهذي ظاهره تفشت في المجتمع ولكن للاسف في ازدياد
وهذي الصراحة الي ماتخلينا نطلع من البيت
فالبيت استرلنا والتزامنا بالدين
ومثل ماقال اخوي كومبو
كثير من فتيات الاسلام لا يقصدون الفتنه لكن لا يعرفون ما تسببه العبايه المزينه في قلوب الرجال

وهذا صحيح
اللهم انا نعوذ بك من الفتن ماظهر منها ومابطن
عسى الله يستر على بنات المسلمين والمسلمات ويهدينا ويهديهم

انا اقول يدرون ويتعمدون الترصيص

والمشكله انه يبين عليهم انهم صغار بالسن يعني معقوله اهليهم يرضون عليهم بهذا اللبس ؟

صارت العبايه كانها قميص نوم من كثر ماهي مفصله للجسم والبعض يضع رسوم وكلمات وحروف وعلامات والادهى الي تحط لك الوان تقول طاووس مب عبايه و كل يوم لهم فنتك جديد بس علشان تتميز عن الغير وتلفت الانظار لها

وفي النهايه ضاع الهدف من العبايه.

بس محيرني سؤال عن بعض الشباب الله يهديهم يوم اخته ولا مرته تلبس هاللبس وهو وياها يمشي ما في وجهه حياء من لبسها ولا مستانس عليه وين الغيره ولا خلاص صارت الغيره موضه قديمه ؟

جزاج الله خير اختي غنوم النعيمي على الموضوع ويعطيج الف عافية

ومشكورين الاخوان كفو وفو ما عندي شي اقولة على اللي قالوه ويعطيهم العافية

الله يهدي اخواتنا وبناتنا وامهاتنا ويصلحهم ويستر عليهم

الله يرحمنا برحمتة