استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > استراحة المنتدى


استراحة المنتدى حاب تغير جو حياك غير جو بالاستراحه

غبيشة وفضيلة وبخيتة وسعيدة وسوق الصنادق

غبيشة وفضيلة وبخيتة وسعيدة وسوق الصنادق سعيدة .. هي هي هي هي .. يا غمي عليك يا سوق الصنادق .. واااااحسرتي عليه حسرة ما بردت ... جنيه أشوفه ألحين يتراوا لي جدام عيني خلاجين و لعبان مال يهال و ومفارش وعطور ومواعين وسلاسل وقلوب وحيول وختوم قليت ببلاش جنهن ذهب ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 23-04-2008, 08:09 AM
الصورة الرمزية الكيف
عضو نشط
الكيف غير متواجد حالياً
 





عدد التعليقات: 0 تعليق
حدث بيانات الدوله!
06 غبيشة وفضيلة وبخيتة وسعيدة وسوق الصنادق

غبيشة وفضيلة وبخيتة وسعيدة وسوق الصنادق

الاســـم:	untitled.bmp
المشاهدات: 546
الحجـــم:	380.9 كيلوبايت


سعيدة .. هي هي هي هي .. يا غمي عليك يا سوق الصنادق ..
واااااحسرتي عليه حسرة ما بردت ...
جنيه أشوفه ألحين يتراوا لي جدام عيني
خلاجين و لعبان مال يهال و ومفارش وعطور ومواعين وسلاسل وقلوب وحيول وختوم قليت ببلاش جنهن ذهب .


غبيشة .. بلاج تنوحين يا سعيــــــــــــدة .. جنه حد ميت لج .. شو بلاه سوق الصنادق ..

مب بسج من الشنانيط دومج مراكض علي سوق الصنادق

سعيدة .. سكتي عني بروحي فيه غبنه ..

بخيته .. ما من شر شو استوا ؟؟ خبرينا سعيده .. حد مات ..

فضيلة .. انتن ما سمعتن .. تراه احترق ..

غبيشة .. احترق .. هاااااااااااا ؟؟ وايه الله يحرق فواد من احرقه ..

واغمي عليه ..

بخيته .. شو احرقه ؟؟ منو هذا المتعبل اللي حرق سوق الصنادق ؟؟
يا خويتي من يورهم القطعه أم 50 درهم سووها بميه درهم
إطمعوا في الزياده اللي يتنا من طويل العمر ويبون يلهثونها عنا عاقبهم الله .

سعيدة .. شو دراني .. بات يحترق .. واصبح بردا وسلاما ..

فضيلة .. ما يندرى جان مب قوم بو نقطه حسبي الله عليهم .. تراها دبي من كمن يوم لابقه ..

مرة في القوز ومرة في سوق الصنادق ومرة ثانيه في القوز .. والضو ما بتولع بروحها

محد غيرهم .. لا بركة فيهم .. كلوا خير البلاد وبيخلون الرماد حق أهلها حاسبهم الله ..

مواتر مكسرينها أملاك الناس مخربينها ناس أبرياء في دربهم هاجمين عليهم ..

غبيشة .. ويلي عليه .. لول سادنا .. ما تمت قطعة ثياب ما اشتريناها .. ولا تم قرقاش ماخذناه لليهال
ولا تم سيكل ما كاسرنا عليه .. حتى كوماري السيلانيه اوديها وتتشرى منه اول كل شهر ..
ويوم بتسيرين صوب عرب عزاز عليج بتسلمين عليهم ولا وحده مربي بتزورينها تمرين السوق تترسين دبة االموتر من الهدايا ... وين نقدر ألحين علي مشتري المراكز ؟
الناس مب كلها تيار فينا الفقير وفينا المستد وفينا الغني وكل واحد علي قده والحمد لله علي كل حال .

سعيدة .. ويلي عليك يا بابو اللي لول اشتري عنده شيل الوسمه والبراقع .. حتى شباصات ميري ودليغاتها من هناك

أنا يبوج حتي لساني إنقلب هندي من سيرات الصنادق ومن كثر المكاسر...

فضيلة .. لابد انهم بروحهم اللي حرقوه .. لابد انهم يبون سوق مكيف عن اللغط والحر ..

سعيده .. هااااااااااااا ؟؟ لا ما يسوونها .. حليلهم فقرا

وبعدين نحن ما نقدر علي الدرايه والمراقاه سووا لنا درايه تمشي ... لول نحن نمشي والدري واقف واليوم الدنيا تمشي بالمنكوس أنا روحي ا تروع من المراكز والسبه الدرايه .احتسبهم بياكلوني

فضيلة .. لول فقرا .. ألحين فطنوا كل شي .. ويقولون هذي بلاد بترول .. ويشوفون الشيوخ يعطون قالوا بنحرقه يمكن يعوضونا .. ونفتك من وقفة السوق .. وبيرد بلاده وبيستريح من الشقا ..

غبيشة .. فضيلة جنج هب صاحية .. حليلهم .. قوم اسماعيل .. وكومار .. وقوم بشير .. لا ما يسوونها .. نعرفهم من سنين .. ويوم اشوف اسماعيل .. ما يسميني غير كبيشة .. اقول له غبيشه .. يقول كبيشة .. اقول له بنردك الهند .. يقول انا ان شاء الله بعدين فهم .. لا لا لا .. ما يسوونها .. لا تظلمين نفسج يا فضيلة ..

فضيلة .. انتن خبايل .. ما تسمعن الرادو شو يقول .. يقول الهنود ألحين وراهم عصابات تديرهم .. ما تشوفونهم وقفوا عنا العيش .. ما تشوفون انهم يهددونا .. ما بيبيعون البسمتي .. شو يبونا ناكل .. شعير ؟؟
نطفيها في القوز ويشبونها في ديره نطفها في ديره ويشبونا في الشارجه ... جيه شو سوينا بكم !
لافينكم ومشغلينكم ومأكلينكم ومشربينكم ... يللي ما فيكم مروة !

بخيته .. هيه والله انا سمعت الرادو .. لا وبعد مسوين ضرابه عوده في الشارجه .. ويقول لج هم والبتان ضاربين الشرطه .. وفارينهم بحصى .. حسبي الله عليكم يا قوم بابوه جان هذا فعلكم ..

سعيده : بقول لكم جانكم ناوين علي سفره في الصيف للهند مثل العام الماضي " علاج ومشتري "
جانكم ناوين تسونها السنه أنصحكم نصيحة لوجه الله تخفون شوي علي الهنود
ولا تراهم بيزخونكم وبيحبسونكم في المطار ..
وعقب بيتبعونكم مكان مايتوا ... عقبها عاد مالكم إلا المقيض في الباطنه ..

بخيته .. يا غمي على جحالج يا الهند ألحين الواحد يتروع يسير اخافهم يحطون لي تيذاب فيه

فضيلة .. السنه هاي عندي نية ثانيه .. وبنخلي سيرة الهند ..

غبيشة .. ويلي على هريس واجمل .. ويلي عليك يا هريس ويا شعابيطك .. بيتمن في حلجك
والا وقايا الصلاه .. شو بنسوي السنه ..

فضيلة .. انتن ما تسمعن الرمسه ؟؟ انا السنه ما نويت اسير بمبي .. عندي نية ثانية
واللي عندها بيزات تقرقش مخباها .. منها علاج ومنها كشته ومنها مشاري واخير عن الهند وارخص

سعيده .. وين خبريني وين ؟؟

فضيلة .. بانكوك ...

العيايز .. تبينا نسير وين ساير بو عواس .. حشا وكلا ..

عقب ما خلص من السبيتار لقف له وحده وخذها على حرمته ..

فضيلة .. وانتن من حلاتك تتحرن حد بياخذكن ؟؟ محد يباكن .. لو ابيعكن في سوق الجملة ما يبتن حتى عشر ربيات ..
يالخبايل .. بانكوك فيها سوق الجمله .. هذاك السوق اللي يازينه زيناه .. وفيها العلاج والتهميز يردونج عشر سنين ورا .. وفيها هذاك الفيكس اللي ما استوى في بمبي .. وفيها هذيج الخلاجين اللي تحطينهم في عيونج من حلاتهن .. وفيها لعب اليهال .. بنمزر لنا طيارة بدقة رزج .. وبنييب هذيج الشفايا العدلة

بخيته .. كل هذا في بانكوك .. اتحراها للرياييل بس .. يتعالج منيه ويعرس من الينب الثاني


سعيده تتذكرحادث حريق الصنادق ثم تبكي من جديد بصوت عالي وتخرج عن صمتها .. واااا حسرتي واااا غبنتي واااااالقعتي عليكم من دكيكيناتي ....

وتكشفت عن سر لاتعلمه باقي العيايز غبيشه وفضيله وبخيته

سعيده : ما بخبي عليكم أنا مفجوعه يا خواتي والسبب أن 4 دكاكين إحترقن أنا كافلتنهم ( كمار دكانين و راميش دكانين )
وكل سنه يطرشولي المتيسر والمشتري ببلاش

العيايز .. هاااااااااااااا اشو تقولين غربلج الله يا سعيده .. جان قلتي لنا خوياتج .. وين سارت العشرة

جانه من سنين ويوهنا في ويهج .. جان خذنا ببلاش نحن بعد .. خليتينا نغرم بيزات الشونه عندهم وانتي تاخذين ببلاش . .. ويييييييييييه ما فيج خير يا سعدوه

سعيده .. ليته الدكاكين بيردن ألحين جان خليتكم تشترون ببلاش .. لكن فات الفوت .. ولي فات الفوت
ما ينفع الصوت .. والله يعوض علينا ..



وتركنا العجائز ما بين همز ولمز على خويتهم سعيده .. من بعد ان كشفت لهن السر




منقووووووول من منتدى الأمارات الأقتصادي ..



نصائح مهمة بعد تحميل المرفقات : 1- افحص الملف المرفق بأي برنامج مضاد للفيروسات .
2- قم بمراسلة المشرف عن أي مرفق يوجد به فيروس .
3- المنتدى غير مسؤول عما يحتويه المرفق من بيانات .

  رقم المشاركة : 2  
قديم 23-04-2008, 08:41 AM
الصورة الرمزية leader
عضو فعال
leader غير متواجد حالياً
 




عدد التعليقات: 0 تعليق

افتراضي رد: غبيشة وفضيلة وبخيتة وسعيدة وسوق الصنادق

هههههههههههههههه مالك حل

تحياتي




التوقيع - leader

  رقم المشاركة : 3  
قديم 23-04-2008, 08:51 AM
الصورة الرمزية الشرس
عضو فعال
الشرس غير متواجد حالياً
 



عدد التعليقات: 0 تعليق

افتراضي رد: غبيشة وفضيلة وبخيتة وسعيدة وسوق الصنادق

يا عيني عليك يا الكيف


شي الصراحه


واااااااااا غبنه
ههههههههههههههههههههه



الله يعطيك العافيه



نتريى يديدك




التوقيع - الشرس
[IMG][/IMG]

  رقم المشاركة : 4  
قديم 23-04-2008, 09:28 AM
الصورة الرمزية الكيف
عضو نشط
الكيف غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: غبيشة وفضيلة وبخيتة وسعيدة وسوق الصنادق

مشكروين على المرور الحمدالله انها اعجبتكم




موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: غبيشة وفضيلة وبخيتة وسعيدة وسوق الصنادق
الموضوع كاتب الموضوع المنتدى مشاركات آخر مشاركة
تنزيلات وخصومات لدي آل شريم وسوق واقف سوق واقف سوق الساعات والمجوهرات و الاكسسوارات 13 31-08-2008 12:00 AM


الساعة الآن 01:55 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم