كشري كشري

في احد عنده طريقة سهلة ولذيذة لعمل الكشري؟؟؟؟؟؟؟؟؟؟؟

ان شاء الله البنات يساعدونج.... ممكن تسألين اختنا ام احبابي شاطره في الكشري رووووووووووووعه

هذي طريقتي وان شاء الله تعجبك

تحتاجين عدس اسمر الدائري حق الكشري وأرز ومكرونه (سباغيتي+مكرونه صغيره واايد اللي نفس الحلقات صغيره)

وتحتاجين بصل ثلاث حبات كبيره مقطعتهم شرائح يعني نص دائره وترشينهم بطحين وتقلينهم تحطينهم على الويه

والدقوس حق الكشري تيبين زيت زيتون بجدر صغير وشوية ثوم مفروم تحمرينه بعدين تحطين معجون طماط كي دي دي لانه مو حامض ان شاء الله يكون عندكم بعدين فلفل معجون الفلفل او اي فلفل حار وشوية ماي وماجي مكعب قطعه وحده وتوطين عليه لين يصير ثقيل


تاخذين جدر وتحمسين بصله صغيره مقطعتها صغير وايد وتحمسين العدس الأسمر وشوية كمون وبعدين تحطين مااي لاتحطين ملح نهائي الا لين يستوي تحطين ملح بعدين الأرز كانه اموش عادي لين يتناشف

الحين نجي للمكرونه تسلقينها بماي وملح ويا بعض بس السباغيتي تكسرينها صغير


بعدين اذا جيتي تصبين الاكل تحطين الارز ويا العدس طبقه بعدين المكرونه بعدين البصل بعدين الصلصه الدقوس

وبالعافيه

جربيه ترا ماعمري قلتها لشخص الا قام يدعيلي سهله ولذيذه

بالتوفيق يا ربي

لذيذة واااايد

موفقه يالغلا ..

خااااااااااااااطري بكشري أصلي

هممممممممممممممم انا ما عرف اسوي شي الا اذا كان بالصور :)

عندي طريقه حلوه بس لي رجعه واكتبها لس بالتفصيل

ان شاء الله تضبطين طريقة بنت الاشراف