قرار حكومي بمنع القطريين من الانتقال الى وظائف اخرى

Small Investor · رقم المشاركة : 1 29-04-2008, 10:15 PM

خبر من جريدة الشرق

صدر قرار حكومي بمنع القطريين الموظفين بالمؤسسات الحكومية وشبه الحكومية من الانتقال إلى مؤسسات حكومية أو شبه حكومية أخرى، ويتردد أن قرار المنع سوف يستمر لمدة ستة أشهر، ويعتقد أن هذه الخطوة تأتي لوقف استنزاف المؤسسات الحكومية من القطريين الذين يتطلعون إلى وظائف أخرى برواتب أعلى.

ط§ظ„ط´ط±ظ‚ - 50/50

طيب انا مب مرتاح في شغلي وراتبي ضعيف مقارنةً بالقطريين بنفس شهادتي وخبرتي ..... وحصلت شغل ثاني بيكرمني وبيدلعني وبيخليني على راسه ..... ليش القرار يمنعني ؟؟؟؟؟؟

طيب قبل ما يقولون القرار ليش ما شافوا كل قطري شنهو الي يشتكي منه وشنهو الي يخليه يفكر انه يغير شغله ..... الموظف عمره مايفكر يغير شغله الا في حالة واحده وهو انه مب مرتاح او عنده مشاكل في شغله

عشنا وشفنا.... لكن قرار حكومي يعني نقول حاظر ماطلبتوا شي

بنستقيل وبنقعد في البيت احسن لنا ... وبعدين شوفوا البطاله

اللورد · رقم المشاركة : 2 29-04-2008, 10:46 PM

للاسف هذا القرار ضد مصلحة المواطن الي هو عماد هذا الوطن وهو الي المفروض الحكومه تسهل له كل صعب بس الظاهر ان الي حط هذا القرار ما همه راحة القطري المظلوم في وظيفته والي تعب على شهادته وتوظف بها وفي النهايه يجي الاجنبي ويكون على راسه ويحاسبه وهو ما يفهم كوعه من بوعه في الشغل بس المهم ان شعره اصفر وعيونه زرق وكل ما يبي يتوفر له سياره له ولزوجته واذا تضايق من الزحمه يشترون له بطبطه اهم شي راحته

smart member · رقم المشاركة : 3 29-04-2008, 11:16 PM

يريال ماباقي الا يقولون لك هل العالم الي تحت الامير يقلون اعقد في البيت وبنوظف الهنادوه انت لو تشوف قطــر للبترول بتمسك راسك0هناك الهندي ماسك منصب والقطري جايب نفس شهادته بس لا الهندي خبره دارس في امريكا وانت يالقطري دارس في الاردن يعني شنو تفرق الدراسه هنا وهنااك ياحبيبي زيين الا علشان نقول الموظفين القطريين يبون رواتب عشرين الف وفله شكبر والهندي لا ماراح ياخذ علينا الا عشر الاف وشقه صغيرونه ايجاره شهري 7000 ريال بدال القطري مانقول الا حسبنا الله ونعم الوكيل على الي مايحب لخوه المسلم مثل مايحب له

يعطيك العافيه اخوي سمول مع انه الخبر يضيق الخاطر

آل بوعينين · رقم المشاركة : 4 30-04-2008, 01:13 AM

لا حول ولا قوة الا بالله

يعني لازم يكون في بديل والقرار هذا مش من صالح المواطن ولا هو من صالح جهات العمل يعني شنو انا لحين امحصل مكان بيعطيني ضعف راتبي اقول لا سلامتكم والله باستقيل وباروح الدنيا مهب الاوليه
الحين المليون صار جنه 10000 ريال الاول الواحد فينا اذا تكلم بالمليون حسينا بشي غريب والحين اللهم لك الحمد صارو الناس ما يتكلمون الا بالملايين يعني وين الواحد يقدر يوفر حق بيته ولا حق نفسه ولا اعياله واجار بيت ولا كيوتل ولا مرور ولا رواتب الشغالين ولا شنو شي يحرق القلب

لا حول ولا قوة الا بالله

ارستقراطي · رقم المشاركة : 5 30-04-2008, 03:08 AM

سبحان الله قرار غير صائب

طيب قبل لاتصدر قرار مثل هذا لابد انك تحل المشكله من الاساس وتعرف سبب الانتقالات ايش بدل ماتلزمني

اما ان اعمل وانا مظلوم او اقدم استقالتي كأن من اصدر هذا القرار يريد نشر البطاله في قطر ؟!!!!!

اعتقد انه قرار ارتجالي وظالم بحقنا كأبناء لهذا الوطن

اللورد · رقم المشاركة : 6 05-05-2008, 11:58 AM

اقتباس

صدر مؤخرا قرار بمنع القطريين من الانتقال من جهة عملهم الي مؤسسة أخري .. ألا يتعارض ذلك مع حرية اختيار مكان العمل ؟

- نعم .. أنا معك تماما.. الاتفاقيات الدولية تنص علي أن تكون هناك حرية الانتقال من عمل لآخر ، ونحن كلجنة نري أنه بدلا من أن يصدر مثل هذا القرار يكون هناك آليات تنفيذية ومعايير ادارية اخري لانتقال الموظف من مكان الي اخر.

أليس التفاوت بين مرتبات الهيئات والمؤسسات يدفع الموظف للانتقال من هيئة الي اخري؟

- فعلا .. ولذلك طالبنا بدراسة أخري تنظر في قضية تفاوت الرواتب بين مؤسسات الدولة،وكان من المفترض أن تصدر لوائح تنظيمية تتعلق بتوحيد الرواتب والاجور لخلق الاستقرار الوظيفي للمواطنين.

في حالة صدور مثل هذه القرارات هل يطلب من اللجنة إبداء رأيها أم ان اللجنة هي التي تبادر بذلك ؟

- اللجنة ترصد كل مايصدر من قوانين وقرارات وتشريعات والتماسات وانتهاكات يتم التعليق عليها سلبا أو إيجابا وتضمن في التقرير الذي يرفع لمجلس الوزراء كل ثلاثة أشهر

منقول من جريدة الرايه من مقابلة مدير لجنة حقوق الانسان

بنت قطر · رقم المشاركة : 7 06-05-2008, 07:51 AM

انا امس قريت في الجريده ان القانون اللي نزلووه طلع بااااااااااااطل لانهم اصلا ماعندهم سالفه من يوم نزلوه من الأساس

اللورد · رقم المشاركة : 8 06-05-2008, 10:26 AM

هو باطل صح ولكنه ماشي وبيمشي الا اذا تم اعتراضه من قبل احد

كلام الحب · رقم المشاركة : 9 07-05-2008, 05:35 AM

يعطيك العافيه على الموضوع

بنت الحمد · رقم المشاركة : 10 07-05-2008, 01:30 PM

اقول الي مرتاح مرتاح اش عليهم كل شيء موفر لهم لا يدفعون فواتير كهرباء ولا ماي ولا يدفعون تذاكر ومعاشات لهم وحق اعيالهم وكل شيء عندهم ببلاش والي يبغونه يجيهم الي مرتاح مهب مثل اللي تعبان طول الشهر مسكين من ينزل الراتب عاد اخذ طلبات البيت ومعاش الخدم واغراض لعيال واحتياجاتهم من ملابس خبركم الحين صيف ويحتاجون ح ملابس صيفية وعاد تعالوا حق الجماعه المرور اذا صكوه بمخالفة عاد شوف كم بيدفع ولا اذا الاستماره منتهية تعال جدد وادفع ولا عاد غير المستشفيات حدث ولا حرج خبركم الواحد وين نروح مستشفى حمد حتى غرف للكشف شكله مافية
صارو الحريم والرجاجيل كلهم ويا بعض عاد اقولكم الواحد يضطر انه يروح مستشفى خاص بعد شيسوي وادفع
ولا بعد لاتنسون لبنوك والفيزا شيسوي الواحد شيء ضروري خبركم الراتب ضعيف فلابد للفيزا ولاتنسون الايجارات اللي قاصة ظهور هل العالم بصراحه ولا بعد يجونكم اصحاب لبيوت ويزيدون الايجار عاد شيسوي الواحد اذا راتبه مسكين مثلا 10000ريال شيكفي في هل الوقت وحتى لوكان انشالله 15 الف ولا 20الف شيكفي ولا بعد مهب راضين الواحد يغير شغلة يبا اش عليهم اللي مرتاح مايهمه لكن الدور والباقي على اللي عنده اعيال واجار ورواتب خدم عيل مابقى غير بعد يقولون لنا استغنوا عن الخدم والسيارات زين والايجارات الي قاصة ظهور هل العالم اشلون راح يدفعون اجاراتهم

والله لو الرواتب مثل رواتب هل العالم الحين الخريج راتبه اقل من اللي عنده ثانوية يعني شنو الحل قلنا لهم خفضوا الايجارات كل مالهم في ازدياد ولا بعد غير المدارس ايه الله يرحم زمان كل شيء كان ببلاش والحمدلله الدراسه كانت احسن مب الحين الطالب مهب فاهم شيء بس ناجح وبس وبس وانتو ادفعوا 20 الف زين من وين اذا الراتب مايكفي يعني شنسوي ؟؟؟؟؟؟؟

غيرنا سكن وسيارة وفاتورة الجوال مدفوعه وتذاكر ومصاريف اعيالهم حق المدارس مدفوعه ومسكين لقطري بس امش واشخط في هل البطاقه وادفع

والغير راتبهم فوق 15 الف وسكن ببلاش وكل شيء ببلاش ويقولون لقطرين في الاول وبعدين الاجانب الا صاير العكس

ماقول غير حسبي الله ونعم الوكيل والله يعين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: قرار حكومي بمنع القطريين من الانتقال الى وظائف اخرى
الموضوع	كاتب الموضوع	المنتدى	مشاركات	آخر مشاركة
وظائف شاغره في كيوتل	المنصوري82	المنتدى العام	22	29-08-2008 11:38 PM
أفتح الباب وادخل الي تبي ..وبعدها اخرج	smart member	منتدى الشريعه	6	09-04-2008 10:53 PM
ملحق لغير القطريين	بنت الدوحه	سوق المنازل والشقق	2	20-03-2008 05:31 PM


منتديات سوق الدوحه	منتديات سوق الدوحه للبيع والشراء عن طريق الانترنت