ينتهي في 1/2/2013
استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

قصة ابوزيد الهلالي سلامة وتغريبة بني هلال بالقصيد (( الجزء 3))

تكلمنا قبل عن بني هلا ل في جزئين الجزء الاول الجزء الثاني واللي وقفنا فيه عند رفض ابو ذياب السماح لذياب بالمشاركه في المعارك مع بني قابس واللي رفضته ام ذياب واصرت ان ولدها يشارك نرجع للقصه وصولوا باقي فرسان بني هلال للمعركه واشتبكوا مع بني قابس وكان من اشجعهم ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 03-05-2008, 02:51 PM
عضو نشط
warrior غير متواجد حالياً
 





عدد التعليقات: 0 تعليق
حدث بيانات الدوله!
Momfinal قصة ابوزيد الهلالي سلامة وتغريبة بني هلال بالقصيد (( الجزء 3))

تكلمنا قبل عن بني هلا ل في جزئين

الجزء الاول

الجزء الثاني


واللي وقفنا فيه عند رفض ابو ذياب السماح لذياب بالمشاركه في المعارك مع بني قابس

واللي رفضته ام ذياب واصرت ان ولدها يشارك


نرجع للقصه


وصولوا باقي فرسان بني هلال للمعركه واشتبكوا مع بني قابس وكان من اشجعهم ذياب بن غانم وكان له فعل مشهود لانه كان يقترب من قصر الزناتي ويرهب فرسانه اللي كانوا حارصين قصره لدرجة انهم اذا شافوه كانوا يهربون منه حتى ان المساجين ( يحيى ومرعي ويونس ) يشوفونه ولا يعرفونه لانه ما هو من فرسانهم المعروفين وفعله فعل فارس وكانوا يسالون سعدى الصفيرى عنه وهي ما تعرفه قالوا لها روحي واسالي أي واحد من بني هلال يقول لك منهو راح ووقفت واحد من بني هلال وقالت له




وقف نبي ننشدك يا شايع النبـا
عن الخيل حتنا اليوم موم شليلها



قال




ما غير فارس الدهما ذياب بن غانم
حامي خفاف الخيل ملحـق ثقيلهـا



جتهم وقالت لهم انه ذياب بن غانم ما صدقوها لانهم يوم راحوا لتونس ما كان لذياب أي فعل ولا يعد من الفرسان قالوا لها روحي واسالي واحد غير اللي سالتيه الاول

راحت ووقفت واحد وقالت له




وقف نبي ننشدك يا شايع النبا
عن الخيل جتنا بالرجال شرود



قال الهلالي




ماغير فارس الدهما ذياب بن غانم
وترى الشوف خرز والكلام يكـود



الزناتي في ها الوقت كان حاط له كلاليب على امتداد قصره يعرفها هو ويبتعد عنها ودائما تخطف الفرسان ويعود عليه الزناتي ويقتله حاول الزناتي انه يستطرد لذياب ( يحاول ان ذياب يطارده ) يبي يجره للكلاليب حتى تصيب ذياب ويطيح من فرسه ويرجع عليه ويقتله وفعلا استطرد لذياب وطارده ذياب بعد مسافه انثنا الزناتي على ذياب لانه توقع انه طاح في الكلاليب لكن تفاجا ان ذياب وراه ما طاح وضربه ذياب بشلفاه اللي كان مسميها ( سم ساعه ) وطاح الزناتي وتجمعوا عليه فرسانه وخلصوه قبل لا يموت ودخلوه قصره بين الحياة والموت وقال قصيده يشرح فيها ما صار من بدايه قصته مع الهلاليه وهو يقول








يقـول الزناتـي والزناتـي خليـفـه
نفس الفتـى لا بدهـا مـن زوالهـا
حلمت ليا ناش(ن ) من الشرق مزنه
تمطر كمـا شـوك البلنـزا خيالهـا
مشت خميس( ن) وامطرت يوم جمعه
وهلت علـى قومـي مقـدم فعالهـا
مطرها السبايـا والصبايـا وبرقهـا
سيوف( ن) تلظا في يمانـي رجالهـا
ياليتني مـا صـرت شيـخ لقابـس
واهني نفس ( ن) ما عليها ولا لهـا
واهني نفس(ن) ما كلت مـال مسلـم
ولا اخلطـت مـال اليتامـا بمالـهـا
نظرت بقومي نظرة (ن) مـا تسرنـي
وجيـه العـذارى طلقوهـا رجالهـا
كبـار اللحـا لا بـارك الله باللحـي
صغار اللحي شبـوا بقومـي فعالهـا
الا وابـلادي زينـة المـا مريـفـه
مدعوجـة (ن) بالنيـل تنـدا جبالهـا
مساس عن الرمضا دكاك عن الحصا
والبق والبرغـوث مـا جـا بجالهـا
واشيب عينـي مـن عريـب تنزلـوا
على مجنب البطحـا وبنـوا حلالهـا
بنـوا حـلال مـن حلالـي قريـبـه
بنـوا حـلال شـاق عينـي دلالهـا
تـرى خيلنـا تسعيـن الـف نعدهـا
وتذكـر لنـا خيـل الهلالـي مثالهـا
ولوتجتمـع خيـل الهلالـي وخيلنـا
ابـا زيـد يركيهـا ويركـي مثالهـا
خان الصفيـرا يـوم خانـت بابوهـا
ولا بنـت الا فـان ابوهـا دلالـهـا
تشير بربط القـوم واطـلاق عبدهـم
واثـر عبيـد القـوم حامـي ثقالهـا
اثـر عبيـد القـوم زيـزوم سربـه
يجـر القنـا جـر السوانـي حبالهـا
يشل الدمي شل الدلـي يـوم تمتلـي
لاماحهـا الزعـاب ثـم ارتكالـهـا
سيفه تعايـوا عنـه صنـاع دمشـق
ليـا ولا جمجمـة الـراس شالـهـا
لكن عوى شامان في طوس روسنـا
عوا ذيبة ( ن) تعوي لذيب (ن) عوالها
وانا شاهد(ن) للعبد في ربـع هدتـه
ثمانين مـن قومـي قلايـع رجالهـا
هذا لـو ان العبـد قـد هـد مثلهـا
علـي كـان التـرك تيتـم عيالهـا
اثـره اميـر ولـد اميـر مـجـرب
ليـا هـد تعطيـه السبايـا كفالهـا
ترى ما يجي عني مثل حذفه العصـا
واسرع مـن دور الرحـا اشتغالهـا
ولولا بخـط الرمـل شيفـت منيتـي
بسيـف ذيـاب قـد لابازيـد ازالهـا
هو قـدم قومـه وانـا قـدم قومـي
وهو فهـد القنـاص وانـا غزالهـا
حذرا من اللي كفيـت القـدر وجهـه
لا جا جنوب الخيل صيـروا شمالهـا
اللي قلـع حـدري ثمانيـن سابـق
كبيشات ما في نجـد ربـي امثالهـا
واللي قلعت حدره مـن الخيـل تسـع
والعاشره بالسيف انـا زلـت حالهـا
اليا اعقر لـه سابـق جـاه مثلاهـا
واليا اعقر لـي سابـق جـا مثالهـا
ان امهلت دنـاي وادركـت هقوتـي
لازيل الصفيرى عـن حيـاة تنالهـا
مهبول يا مهبول مـن يامـن النسـا
ومن يامن الحرمه الا اقفـت بفالهـا
ليـا بغـت درب الـردا مـا يكودهـا
تاطـاه لـو انـه حماقـا رجالـهـا







مااااااااااااااااااااااات الزناتي


ورثته بنته سعدى في قصيده تقول فيها








تقول فتاة الحيّ سعدىiوهاضهـا
لها في ضعون الباكييـن عويـل
أيا سايلٍ عن قبر الزناتي خليفـه
خذالنعت مني لاتكـون iiهبيـل
تراه العالـي الـواردات وفوقـه
من الربط عيّساوي بناه iiطويـل
وله يميل الغور من سايل النقا به
الـواد شـرقٍ والبـراع دليـل
أيا لهف كبدي يالزناتـي خليفـه
قد كان لعقـاب الجيـاد iiسليـل
قتيل لفتى الهيجاء ذياب بن غانم
جراحه كأفـواه المـزاد تسيـل
ياجارنا مـات الزناتـي خليفـه
لاترحـل ألا ان يريـد رحـيـل







صار العلام هو الحاكم والقائد في المعركه بعد الزناتي كان له فعل قليل من الفرسان يقدر يوصل لمستواه

وخاض بني هلال معارك كثيره ومن ضمنها معركه اصيب فيها الفارس ذياب بن غانم الزعبي وكان بني هلال في هذه المعركه ثلاثين رجل هرب منهم عشره وعشره خافوا ولم يتقدموا وتقدم لهم عشره منهم ابوزيد الهلالي وذياب بن غانم وسرور بن قايد وهو من فرسان بني هلال وكان العدو قد نصب كمين لبني هلال وجهز الف رجل للقاء بني هلال وبعد ان التقوا واشتبكوا تقدم واحد من العدو واسمه ( وهق ) وضرب ذياب ضربه جرحته وافقدته الوعي وعندما صحي انشد قصيده يمتدح فيها فعل جماعته الذين صمدوا ويذكر فعل عدوه وهق الذي اصابه يقول ذياب :








يقول الفتى الزعبي ذياب بن غانـم
لي راي(ن) اقسى من حديد المبـارد
ولي حربة (ن) سميتها (سم ساعه)
اعـرض بهـا فالكـون مـا كايـد
حنا بلينـا فالخـلا بالـف فـارس
وحـنـا ثلاثـيـن ولا زاد زايــد
اهل عشر منا تـدب الخيـل بالقنـا
كز(ن) ليا شـروا هشيـم الوقايـد
ابا زيد من ايمنهم وانا من شمالهـم
كما النار لا شبت ببعض الحصايـد
واهل عشر منا هملوا روس خيلهم
واهل عشر منا موكديـن الشهايـد
ينخون خيال (ن) بهم مـا عرفتـه
يقولون يا وهـق يـا ابـا العوايـد
ضربني وهق وانا مشيح(ن) لغيـره
وليا الدرع غاد(ن) فوق متني بجايد
ضربني برمح (ن) تسعة ابواع طوله
وقنطاره اللي من ورى الباع زايـد
سديته بسمـاي وثوبـي ومشلحـي
ايضـا ولا سـده جميـع السدايـد
ولكن طاحت الدهما وانا طحت فوقها
يا طيحة(ن) ما هـي لنـا بالعوايـد
ولكن قامت ا لدهما تومـي بعدتـه
وانا كما شن (ن) على القاع بايـد
وانا رفعت الراس من بعـد سـدره
ليا الخيل يدبها سـرور بـن قايـد
على سرج قبا عنـدل بنـت عنـدل
مرفوعة الذرعان مـن خيـل قايـد
قل عشت يا قرم(ن) ثنا دون ربعـه
بيوم (ن) به المسناد والـرد كايـد
حنا عصافير (ن) وابا زيـد سـدره
نلوذ بـه عـن مرهفـات الحدايـد





ومن فرسان بني هلال الذين قتلوا في هذه المعارك عمير بن راشد وقد قالت اخته عميره فيه قصيده ترثيه فيها تقول عميره








قالت عميره بنت من يمنـع التـلا
قيـل حثاحيـث القبايـل رحايلـه
قيل الى من عد في وسط مجلـس
تعايا به الفهام عـن اثـم قايلـه
عزي لراع الغوج وان لحقن اربـع
والخامسه دز العكا مـن سلايلـه
عليهن بالجهلا عمير بـن راشـد
اخوي الذي تشكي العدا من فعايلـه
اخوي الذي ما جابت البيض مثلـه
ما هوب غرجـا يـوازي حمايلـه
مدمي خشوم الفوس من شمخ الذرا
عمير ليا عيا على الحـب كايلـه
ليا هبت النكبا وقـل وابـل الحيـا
تلقـى عميـر كاثـرات نزايـلـه
وحنا الذي نكتـال بالصـاع وافـي
واللـي يعادينـا انهفـي مكايلـه
وحنا الذي نعزي الجنيني عن امـه
وحنا الذي نعزي الفتا عن حلايلـه





اشتدت المعارك على بني هلال وكانت بقياده العلام اللي اسرف في قتل فرسان بني هلال ولا احد يقدر صده الا ابو زيد اللي سبق ان تعاهد معه عند القدور ان ما احد منهم يقتل الثاني


مالقى ابو زيد حيله او أي طريقه يتخلص منها من العلام

راح واستشار عجوز صاعنه في السن وقال لها انه بيقتل العلام حتى لو خالف عهده

قالت العجوز لا تقتله لكن اعقر فرسه ( يعني اقتلها ) اذا كثروا الفرسان من حوله لان العهد اللي بينكم انكم ما تقتلون بعض ولا تعاهدوا على الخيل واذا طاح بين الفرسان استطاعوا قتله

بدات المعركه في اليوم الثاني وكان هدف ابو زيد قتل فرس العلام وكان ينتظر ان يكثروا من حوله الفرسان وفعلا عندما اشتبكوا وكثر من حوله الفرسان ضرب ابو زيد فرس العلام وقتلها قال العلام لابو زيد





ابا زيد بقت العهد الذين بيننا
تبـوق عهـد الله يالغـدار



قال ابو زيد




لك الله يالعلام ماني ببايق
ما بيننا والسابقات جوار



قال العلام




ابازيد جرني سبق الخيل جنني
عليها حماقا يدعـون بثـار



قال ابو زيد




لك الله يالعلام ماني بشيخهم
قدمي كبار ومقتفين صغـار



قال العلام




خذ السيف والدبوس مني هديه
قدام لا اذبح يوخـذن جهـار



قال ابو زيد




اهب يالعلام ما اقوى باسك
لو هي بغيرك كان عقله طار



قال العلام




والله يا لو به مدفع ما لحقتني
لو رف مهرك بالجناح وطار
ولو دامت العباد تقرا مصاحف
يوم(ن) دنا ما زودوه نهـار



مااااااااااااااااااااااات العلام




التوقيع - warrior
لاتاسفن على غدر الزمان لطالما
رقصت على جثث الاسود كلابُ
لاتحسبن برقصها تعلو على اسيادها
تبقى الاسود اسود والكلاب كلاب

التعديل الأخير تم بواسطة warrior ; 03-05-2008 الساعة 02:55 PM.
  رقم المشاركة : 2  
قديم 03-05-2008, 03:20 PM
الصورة الرمزية leader
عضو فعال
leader غير متواجد حالياً
 




عدد التعليقات: 0 تعليق

افتراضي رد: قصة ابوزيد الهلالي سلامة وتغريبة بني هلال بالقصيد (( الجزء 3))

شكرآ شكرآ شكرآ

الورير القصة جميلة وتقشعر لها الابدان

((مافيك حيلة))

تحياتي




التوقيع - leader

  رقم المشاركة : 3  
قديم 03-05-2008, 04:28 PM
عضو نشط
warrior غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة ابوزيد الهلالي سلامة وتغريبة بني هلال بالقصيد (( الجزء 3))

منكم نستفيد يا ليدرررررررر





  رقم المشاركة : 4  
قديم 03-05-2008, 11:28 PM
الصورة الرمزية ينحط على الجرح يبراء
عضو نشط
ينحط على الجرح يبراء غير متواجد حالياً
 



عدد التعليقات: 0 تعليق

افتراضي رد: قصة ابوزيد الهلالي سلامة وتغريبة بني هلال بالقصيد (( الجزء 3))

مشكووور اخوووي ويعطيك العافيه




التوقيع - ينحط على الجرح يبراء

  رقم المشاركة : 5  
قديم 06-05-2008, 02:40 AM
الصورة الرمزية الصـ حكمه ـمت
مـؤسس
الصـ حكمه ـمت غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة ابوزيد الهلالي سلامة وتغريبة بني هلال بالقصيد (( الجزء 3))

الحمد لله اخوي ورير انحن ماعشنى معهم ولا كان شغلتنا في الحانات




التوقيع - الصـ حكمه ـمت
vib_qat@hotmail.com

  رقم المشاركة : 6  
قديم 07-05-2008, 12:10 AM
الصورة الرمزية القناص
عضو نشط
القناص غير متواجد حالياً
 



عدد التعليقات: 0 تعليق

افتراضي رد: قصة ابوزيد الهلالي سلامة وتغريبة بني هلال بالقصيد (( الجزء 3))

اشكرك بعنف ايه المحارب ودائمن في المقدمه............ ونستمتع للجديدك دائمن




التوقيع - القناص

  رقم المشاركة : 7  
قديم 08-05-2008, 07:45 AM
الصورة الرمزية الكيف
عضو نشط
الكيف غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: قصة ابوزيد الهلالي سلامة وتغريبة بني هلال بالقصيد (( الجزء 3))

مشكور أخوي warrior على الموضوع الجميل
وفي انتظار جديدك يالغالي



التوقيع - الكيف
[SIGPIC][/SIGPIC]

  رقم المشاركة : 8  
قديم 09-05-2008, 03:19 AM
الصورة الرمزية سديد الراي
عضو
سديد الراي غير متواجد حالياً
 



عدد التعليقات: 0 تعليق

افتراضي رد: قصة ابوزيد الهلالي سلامة وتغريبة بني هلال بالقصيد (( الجزء 3))

يعطيك العافيه وننتظر جديدك




التوقيع - سديد الراي
انا اشهد شهادة حق ما يوجع الرجال *** سوى زلةً تاتيه من واحدآ غالي

موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: قصة ابوزيد الهلالي سلامة وتغريبة بني هلال بالقصيد (( الجزء 3))
الموضوع كاتب الموضوع المنتدى مشاركات آخر مشاركة
الحق مصر قبل الصيف الجزء الثانى ابوحمدمصر سوق ارقام الجوال 6 06-08-2008 02:40 AM
قصة ابوزيد الهلالي سلامة وتغريبة بني هلال بالقصيد(( الجزء 2 )) warrior المنتدى الادبي 6 05-05-2008 12:21 AM
قصة ابو زيد الهلالي سلامة وتغريبة بني هلال بالقصيد (( الجزء 1 )) warrior المنتدى الادبي 2 03-05-2008 02:53 PM
كيف أصبح السديس إمام الحرمين؟؟ بنت قطر المنتدى العام 28 02-05-2008 01:01 PM
الحق مصر قبل الصيف الجزء الثالث ابوحمدمصر سوق ارقام الجوال 3 08-04-2008 11:27 PM


الساعة الآن 06:21 PM.


Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم