استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى العام


المنتدى العام منتدى للمواضيع العامه

تعالوا نسوولف ...بصراحه

نبي نسولف ... نتكلم ... بدون تخطيط او ترتيب ...بكل تلقائيه ... قصه قصيره ... نكته ... موقف .. اشياء ترغبون في نقاشها ...ذكريات ... احلام ... اي شي ... المهم نتكلم ... نبي الكل يفيد ويستفيد .. تكلموا عن ... اي بلد اعجبتكم او تتمنون زيارتها .... اكتبوا اكتبوا ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 09-10-2009, 04:05 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
06 تعالوا نسوولف ...بصراحه

نبي نسولف ... نتكلم ... بدون تخطيط او ترتيب ...بكل تلقائيه ...
قصه قصيره ... نكته ... موقف .. اشياء ترغبون في نقاشها ...ذكريات ... احلام ... اي شي ... المهم نتكلم ...
نبي الكل يفيد ويستفيد ..
تكلموا عن ... اي بلد اعجبتكم او تتمنون زيارتها ....
اكتبوا اكتبوا ... فالمساحه للكلام ...
اكتبوا عن الحسد .. السفر ... التقنيه ...الشعر ... الاكل ... اي شي ...وبعدها نتناقش في الموضوع ...

كل من يزور الصفحه وما يكتب شي ماله عذر ... مستحيل يكون... يامعندنا شي شي نكتبه ....
المجال مفتوح .. اتمنى الكل يشارك





التعديل الأخير تم بواسطة Sarσσnh ; 09-10-2009 الساعة 04:26 PM.
رد مع اقتباس
  رقم المشاركة : 2  
قديم 10-10-2009, 12:41 PM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

فقد جعل الله المحبة الخالصة بين المسلمين هي أوثق عرى المحبة في الله ، وجمع المتحابين تحت ظلال عرشه ، ووثق الإسلام بذلك بوجوب المحافظة على مال المسلم وعرضه ونفسه ، بأن لا يصيبه أذى ولا يُمس بسوء .
ولكن تبحر بعض النفوس في مياه آسنة تتشفى ممن أنعم الله عليهم ورزقهم من خيره بالحقد والحسد فيثمر ثمراً خبيثاً غيبةً ونميمةً واستهزاء وغيرها . ولا يخلو مجتمع من تلك النفوس الدنيئة .

تعريف الحسد :
هو تمني زوال النعمة عن المحسود وإن لم يصر للحاسد مثلها.

أنواعه :
1-
كراهه للنعمة على المحسود مطلقاً وهذا هو الحسد المذموم .
2- أن يكره فضل ذلك الشخص عليه فيحب أن يكون مثله أو أفضل منه وهذا الغبطة .

مراتب الحسد :
1- يتمني زوال النعمة عن الغير .
2- يتمنى زوال النعمة ويحب ذلك وإن كانت لا تنتقل إليه .
3- أن يتمنى زوال النعمة عن الغير بغضاً لذلك الشخص لسبب شرعي كأن يكون ظالماً .
4- ألا يتمنى زوال النعمة عن المحسود ولكن يتمنى لنفسه مثلها ، وإن لم يحصل له مثلها تمنى زوالها عن المحسود حتى يتساويا ولا يفضله صاحبه .
5- أن يحب ويتمنى لنفسه مثلها فإن لم يحصل له مثلها فلا يحب زوالها عن مثله وهذا لا بأس به.

حكم الحسد :
حرام.
( عن أنس بن مالك رضي الله عنه أن رسول الله صلى الله عليه وسلم قال : لا تباغضوا ولا تحاسدوا ولا تدابروا وكونوا عباد الله إخوانا ولا يحل لمسلم أن يهجر أخاه فوق ثلاث ) رواه مسلم .




تسلمين غلاتي على الموضوع الرائع تقبلي مروري




التوقيع - روعه الاحساس

رد مع اقتباس
  رقم المشاركة : 3  
قديم 10-10-2009, 02:50 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

الله يبعد عن الكل الحسد

الله يسلمج

تسلمين ع هالمشاااركه الحلووه
والمرور الاحلى
منوره يالغلا





رد مع اقتباس
  رقم المشاركة : 4  
قديم 11-10-2009, 10:24 AM
الصورة الرمزية حبه
عضو نشط
حبه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

............نفسي في شي.......
اطلع من البيت وروح مكان عام القى فيه مجموعه من الناس ماتربط بينهم اي صله قرابه ولاصداقه ولاحتى زماله غير انهم في نفس المكان في هالوقت نتناقش في امور الحياة ونتبادل الاراء وبعدين نفترق بلاضغينه اوحقد حاملا كلا منا ذكرى جميله ودعوه بالخير لكل شخص دون معرفة اسمه اوحتى جنسيته او مجرد وعد باللقاء.............ويتكرر اليوم في مكان اخر وزمان اخر ووجوه جديده



التوقيع - حبه
اللهم اني قد ظلمت نفسي فاغفر لي

رد مع اقتباس
  رقم المشاركة : 5  
قديم 11-10-2009, 03:56 PM
الصورة الرمزية تاجر الدوحه
عضو متالق
تاجر الدوحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

[quote=كحلووه;358507]نبي نسولف ... نتكلم ... بدون تخطيط او ترتيب ...بكل تلقائيه ...
قصه قصيره ... نكته ... موقف .. اشياء ترغبون في نقاشها ...ذكريات ... احلام ... اي شي ... المهم نتكلم ...
نبي الكل يفيد ويستفيد ..
________________________________________

شكرا للمبدعه دائما كحلووه ، فكرتج أو موضوعج رائع... ويستحق المشاركه بكل تأكيد....
آنا راح أقولكم عم موقف شاهدته بعيني ... هالموقف من 3 سنين تقريبا ...وفى مواقف سيارت أحد الأسواق المشهوره فالدوحه...الموقف كالتالى :

أب !!! أب !!! أب!!! لاحضوا كررتها ثلاث مرات ... ليش ... لإن الموقف الي شفته ما يسويه أب... ممكن يسويه ظالم... معتوه...شخص عنده خلل عقلي...عنده مرض معين...عنده بواسير مستفحله...(عفوا عالكلمه) ...أو احتمال ما يكون أب... لإنه حرام ينقال عنه أب...أو اذا صح التعبي بسميه الأب الوحش...
تخيلوا يا جماعه لو كنتو مكاني اشراح تسوون ... اشراح يكون ردت فعلكم ....؟
الأب وعند خروجه من سوق سناء للملابس النسائيه والأطفال...تحت مدينة ألعاب الدوحه بالتحديد ...أعتقد عرفتوا المكان زين...
الأب الوحش طالع من سناء مع زوجته المغلوب على أمرها ...المسكينه... الضعيفه أمامه... طالع مع زوجته وعندهم طفل صغير عمره بالضبط 3 سنوات...صغر أو أكبر بشهر ...المهم...
فاللحظه هذي أنا ناطر حد يطلع من الباركنج وصف سيارتي مكانه...لأني نزلت الوالده تتشروى بعض الشغلات من سناء لين أحصل موقف لسيارتي...
المهم وهالأب يعدي الشارع داخل المواقف... مب الشارع الرئيسي ...شارع المواقف...مرت سياره ... ومافيها أي سرعه ... لأن الشارع ضيق أصلا...المهم ...راعيها دق هرن وخرع الأب ... ليش تخرع ...لأن الطفل كان يمشي جدامه بخطوه واحده تقريبا...
المهم الأب الظالم شسوى فطفله... والله العظيم.... عطاه كف ...ومب أي كف ... كففففف لين سدحه فالأرض ... وأعتقد من قوه الكف أنضرب راس الطفل فالأرض...
وياليت أكتفى بهالكف الي أعتقد أنه خلا الطفل يفقد ذاكرته... لا ما أكتفى ... سحب الطفل من الأرض وأتصور أنه الأب... ما كان في وعيه...لأنه سحب الطفل وقام يضربه كفوف على وجه وفى راسه ... أكثر من عشر ضربات سريعه ... وما يتحملها شاب ... طبعا المنظر قدام الناس الى شافوه ...
وسبحان الله زوجته مرعوبه وخايفه ومب قادره تسوي أأأي شي... وبعد ما أنتهى من هالضرب الوحشي للطفل ...رماه فحضن أمه المسكينه ... تلمه وتبكي وياه ... وين فالشارع!!!
الموضوع ما أنتهى ...
أنا نزلت من السياره وعلى أساس ما أطول فالموضوع ...صارت لى مشكله كبيره وياه ...ولقى السب من كل من مر فالشارع لحظتها... الي يقوله أنت مجرم مب أب... والي تقوله يالظالم ما تخاف ربك فالطفل ....الخ
لكن أثر فيه الكلام... ما أعتقد !!!
الموضوع ما أنتهى ...
طلعت الوالده ( والدتي الله يحفظها ) طلعت من سناء لأني تأخرت عليها ... أتصلت لى وما رديت ... شافتني مع لمه الناس ... يعني شخصين أو أكثر ونادتنى شفيك واقف... طبعا من صدمة الموقف أنا نسيت أن الوالده ناطرتني... لأن الموقف صعب جدا ...جدا ... وكلامي ما يوصل 20% للي شاف المنظر...
الموضوع ما أنتهى... آدري طولت أشوي:
تقولي الوالده شفيك ... أشصاير ... ليش ملتمين فالشارع...
قلت لها الي صار ...
قالت يبه أركب السياره أنا خلاص ماأبغي أشتري شي...
وفالسياره إشقالت لى :
قالت لى وعيونها تدمع: يبه أنت شف بعينك أشسوى الظالم ... بس الي آنا الي سمعته أفضع، ويشيب شعر راسك..
قلت لها عسى ما شر أنشاءالله ؟ أشفيه
قالت : أول ما دخلت سناء يبه ...سمعت صوت غريب فزاوية المحل وماشفت بعيني ...لأني ما توقعت أنه صوت أنين طفل بالكااااد تسمعه...بس الحين تأكدت أنه هو نفس الطفل...
تقول : سمعت صوت شي !!! صوت ضربات قويه... كأنك تضرب كيس ملاكمه... وبعد الظربات أسمع أنين ... بس مب عارفه شنو هالصوت ... تقول توقعت صوت مسيقه فيها ضرب ... أو أي شي ثاني .!!!!
بس ما توقعت تكون أنات الطفل ... لأني تقول لمحت الأب وزوجته طالعين والولد يصيح ... بس ما توقعت أنه صوت الضربا فجسم الولد ... لأن ما سمعته يصيح ... والظاهر أنه كان كاتم على صوته ... عشان محد يسمعه ...

الموقف صار قبل 3 سنين ... ولا قادر أنسى هالظالم ... أتمنى يسمع أو يقرا كلامي ... وأحب أقوله أن كام تدين تدان... أذا هذي تربيتك في طفل عمره 3 سنين ... تأكد راح مصيره يردهم لك يوم يكبر ويشتد ساعده ... لأن ظالم ... مب أب !!!!!!!!!

الله يكون في عون الأم ... والطفل ... لين يكبر الولد ... وياخذ فحق أمه عالأقل من هالأب العربي والمسلم للأسف ....


سامحوني أذا كنت طولت ... وأدري البعض راح يقول هذا أبوه ومن حقه يربيه... بس يا جماعه الي شاف الموقف فالشارع راح تذرف عينه دموع على هالطفل والأم ...إذا هالشكل تصرف الظالم مع طفله وزوجته فالشارع ... أشحال فالبيت!!!





رد مع اقتباس
  رقم المشاركة : 6  
قديم 11-10-2009, 04:05 PM
الصورة الرمزية تاجر الدوحه
عضو متالق
تاجر الدوحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

المسامحه على الأخطاء المطبعيه
أعتمدت المشاركه قبل التنيسق





رد مع اقتباس
  رقم المشاركة : 7  
قديم 11-10-2009, 08:58 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

اقتباس
 مشاهدة المشاركة المشاركة الأصلية كتبت بواسطة حبه
............نفسي في شي.......


اطلع من البيت وروح مكان عام القى فيه مجموعه من الناس ماتربط بينهم اي صله قرابه ولاصداقه ولاحتى زماله غير انهم في نفس المكان في هالوقت نتناقش في امور الحياة ونتبادل الاراء وبعدين نفترق بلاضغينه اوحقد حاملا كلا منا ذكرى جميله ودعوه بالخير لكل شخص دون معرفة اسمه اوحتى جنسيته او مجرد وعد باللقاء.............ويتكرر اليوم في مكان اخر وزمان اخر ووجوه جديده

ان شاء الله تحققين حلمج
مع ان هالشي مااعتقد انه بيصير
تسلمين ع المرور
منووره




رد مع اقتباس
  رقم المشاركة : 8  
قديم 11-10-2009, 09:12 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

[QUOTE=تاجر الدوحه;360481]

اقتباس
 مشاهدة المشاركة المشاركة الأصلية كتبت بواسطة كحلووه
نبي نسولف ... نتكلم ... بدون تخطيط او ترتيب ...بكل تلقائيه ...
قصه قصيره ... نكته ... موقف .. اشياء ترغبون في نقاشها ...ذكريات ... احلام ... اي شي ... المهم نتكلم ...
نبي الكل يفيد ويستفيد ..
________________________________________

شكرا للمبدعه دائما كحلووه ، فكرتج أو موضوعج رائع... ويستحق المشاركه بكل تأكيد....
آنا راح أقولكم عم موقف شاهدته بعيني ... هالموقف من 3 سنين تقريبا ...وفى مواقف سيارت أحد الأسواق المشهوره فالدوحه...الموقف كالتالى :

أب !!! أب !!! أب!!! لاحضوا كررتها ثلاث مرات ... ليش ... لإن الموقف الي شفته ما يسويه أب... ممكن يسويه ظالم... معتوه...شخص عنده خلل عقلي...عنده مرض معين...عنده بواسير مستفحله...(عفوا عالكلمه) ...أو احتمال ما يكون أب... لإنه حرام ينقال عنه أب...أو اذا صح التعبي بسميه الأب الوحش...
تخيلوا يا جماعه لو كنتو مكاني اشراح تسوون ... اشراح يكون ردت فعلكم ....؟
الأب وعند خروجه من سوق سناء للملابس النسائيه والأطفال...تحت مدينة ألعاب الدوحه بالتحديد ...أعتقد عرفتوا المكان زين...
الأب الوحش طالع من سناء مع زوجته المغلوب على أمرها ...المسكينه... الضعيفه أمامه... طالع مع زوجته وعندهم طفل صغير عمره بالضبط 3 سنوات...صغر أو أكبر بشهر ...المهم...
فاللحظه هذي أنا ناطر حد يطلع من الباركنج وصف سيارتي مكانه...لأني نزلت الوالده تتشروى بعض الشغلات من سناء لين أحصل موقف لسيارتي...
المهم وهالأب يعدي الشارع داخل المواقف... مب الشارع الرئيسي ...شارع المواقف...مرت سياره ... ومافيها أي سرعه ... لأن الشارع ضيق أصلا...المهم ...راعيها دق هرن وخرع الأب ... ليش تخرع ...لأن الطفل كان يمشي جدامه بخطوه واحده تقريبا...
المهم الأب الظالم شسوى فطفله... والله العظيم.... عطاه كف ...ومب أي كف ... كففففف لين سدحه فالأرض ... وأعتقد من قوه الكف أنضرب راس الطفل فالأرض...
وياليت أكتفى بهالكف الي أعتقد أنه خلا الطفل يفقد ذاكرته... لا ما أكتفى ... سحب الطفل من الأرض وأتصور أنه الأب... ما كان في وعيه...لأنه سحب الطفل وقام يضربه كفوف على وجه وفى راسه ... أكثر من عشر ضربات سريعه ... وما يتحملها شاب ... طبعا المنظر قدام الناس الى شافوه ...
وسبحان الله زوجته مرعوبه وخايفه ومب قادره تسوي أأأي شي... وبعد ما أنتهى من هالضرب الوحشي للطفل ...رماه فحضن أمه المسكينه ... تلمه وتبكي وياه ... وين فالشارع!!!
الموضوع ما أنتهى ...
أنا نزلت من السياره وعلى أساس ما أطول فالموضوع ...صارت لى مشكله كبيره وياه ...ولقى السب من كل من مر فالشارع لحظتها... الي يقوله أنت مجرم مب أب... والي تقوله يالظالم ما تخاف ربك فالطفل ....الخ
لكن أثر فيه الكلام... ما أعتقد !!!
الموضوع ما أنتهى ...
طلعت الوالده ( والدتي الله يحفظها ) طلعت من سناء لأني تأخرت عليها ... أتصلت لى وما رديت ... شافتني مع لمه الناس ... يعني شخصين أو أكثر ونادتنى شفيك واقف... طبعا من صدمة الموقف أنا نسيت أن الوالده ناطرتني... لأن الموقف صعب جدا ...جدا ... وكلامي ما يوصل 20% للي شاف المنظر...
الموضوع ما أنتهى... آدري طولت أشوي:
تقولي الوالده شفيك ... أشصاير ... ليش ملتمين فالشارع...
قلت لها الي صار ...
قالت يبه أركب السياره أنا خلاص ماأبغي أشتري شي...
وفالسياره إشقالت لى :
قالت لى وعيونها تدمع: يبه أنت شف بعينك أشسوى الظالم ... بس الي آنا الي سمعته أفضع، ويشيب شعر راسك..
قلت لها عسى ما شر أنشاءالله ؟ أشفيه
قالت : أول ما دخلت سناء يبه ...سمعت صوت غريب فزاوية المحل وماشفت بعيني ...لأني ما توقعت أنه صوت أنين طفل بالكااااد تسمعه...بس الحين تأكدت أنه هو نفس الطفل...
تقول : سمعت صوت شي !!! صوت ضربات قويه... كأنك تضرب كيس ملاكمه... وبعد الظربات أسمع أنين ... بس مب عارفه شنو هالصوت ... تقول توقعت صوت مسيقه فيها ضرب ... أو أي شي ثاني .!!!!
بس ما توقعت تكون أنات الطفل ... لأني تقول لمحت الأب وزوجته طالعين والولد يصيح ... بس ما توقعت أنه صوت الضربا فجسم الولد ... لأن ما سمعته يصيح ... والظاهر أنه كان كاتم على صوته ... عشان محد يسمعه ...

الموقف صار قبل 3 سنين ... ولا قادر أنسى هالظالم ... أتمنى يسمع أو يقرا كلامي ... وأحب أقوله أن كام تدين تدان... أذا هذي تربيتك في طفل عمره 3 سنين ... تأكد راح مصيره يردهم لك يوم يكبر ويشتد ساعده ... لأن ظالم ... مب أب !!!!!!!!!

الله يكون في عون الأم ... والطفل ... لين يكبر الولد ... وياخذ فحق أمه عالأقل من هالأب العربي والمسلم للأسف ....


سامحوني أذا كنت طولت ... وأدري البعض راح يقول هذا أبوه ومن حقه يربيه... بس يا جماعه الي شاف الموقف فالشارع راح تذرف عينه دموع على هالطفل والأم ...إذا هالشكل تصرف الظالم مع طفله وزوجته فالشارع ... أشحال فالبيت!!!

لا حول ولا قوه الا بالله
في حد يتعاامل مع ولده بهالطريقه الوحشيه ><
انزين بس الولد ماله ذنب هو الي ماماسكه عدل
حراام هاي يكوون ابوو
الي مثله حتى الاعدام شووي عليهم




رد مع اقتباس
  رقم المشاركة : 9  
قديم 11-10-2009, 09:14 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

اقتباس
 مشاهدة المشاركة المشاركة الأصلية كتبت بواسطة تاجر الدوحه
المسامحه على الأخطاء المطبعيه
أعتمدت المشاركه قبل التنيسق


لا عاادي ^^
تسلم ع المشااركه الحلووه
والمرور منوور




رد مع اقتباس
  رقم المشاركة : 10  
قديم 11-10-2009, 10:34 PM
عضو
wanderrer غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: تعالوا نسوولف ...بصراحه

تاجر الدوحه يعطيك العافيه على الحادثه اللي طرحتها
والله المستعان على النوعيه من البشر



والشكر لـ كحلوه على الفكره الجميله





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: تعالوا نسوولف ...بصراحه
الموضوع كاتب الموضوع المنتدى مشاركات آخر مشاركة
اممممممم ابي رايكم بصراحه محمد2009 المنتدى العام 5 01-07-2009 02:09 PM
اخر ماوصل من شنط بربرى شى موطبيعى بصراحه من الفخامه اتفضلوا swani سوق الشنط التقليد 33 07-09-2008 01:12 PM
كل واحد يتكلم عن مخه((بصراحه)) leader استراحة المنتدى 20 01-05-2008 01:11 AM
تكلم بصراحه ولو مره,, فارس الرهيب استراحة المنتدى 10 20-04-2008 03:56 PM
بصراحه ايش يصير... لودخلت غرفتك وشفت هالمنظر؟؟؟؟ زمل الشمري استراحة المنتدى 8 02-03-2008 10:04 AM


الساعة الآن 09:58 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم