استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

أوقفوا التحرش الجنسي عن أطفالكم..أرجوكم

اقتباس   المشاركة الأصلية كتبت بواسطة اللورد اختي ورد يعطيك العافيه على الموضوع الهام والحيوي وبصراحه القصص الي قريتها مب يشيب لها الراس الا تجيب الجلطه شي مخيف ان هذه تصرفات بعض الامهات وتعليقاتهم عند علمهم بما يحدث هل هؤلاء يطلق عليهم مسمى امهات !! اشك والله انهم عرفوا ان ...

إضافة رد
 
LinkBack أدوات الموضوع انواع عرض الموضوع
  رقم المشاركة : 31  
قديم 31-10-2009, 09:47 PM
الصورة الرمزية ورد وشوك
مـؤسس
ورد وشوك غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

اقتباس
 مشاهدة المشاركة المشاركة الأصلية كتبت بواسطة اللورد
اختي ورد يعطيك العافيه على الموضوع الهام والحيوي وبصراحه القصص الي قريتها مب يشيب لها الراس الا تجيب الجلطه شي مخيف ان هذه تصرفات بعض الامهات وتعليقاتهم عند علمهم بما يحدث هل هؤلاء يطلق عليهم مسمى امهات !! اشك والله انهم عرفوا ان لديهم اطفال او قاموا بتربيتهم او تعبوا فيهم.

اما بخصوص استفسار اختي هامة العز عن الباصات فاقول لها للاسف الباصات لا تصلح خصوصا في الوقت الحالي حيث انه لكل باص مشرفه واحد على اكثر من 60 طالب وهي جالسه قدام ولا تعلم بما يحدث في الكراسي الخلفيه!!

الحل ان ينضم الابوين وقتهم هذا اذا كانوا يعملون ان يقوم احدهم بتوصيلهم في الذهاب واخر يعود بهم ولا اعتقد ان اي جهة عمل ترفض هذا الشي حتى الشركات الامريكيه بالدوله تعطيك هذا الحق بشرط تعويضه او اعتباره بريك غداء

موضوع مهم وحيوي ويحتاج الى مزيد من النقاش عن اهم السبل لتوصيل هذه المعلومه للاطفال لمنع التحرش بهم سواء من الخدم او اي كان

كل الشكر والتقدير....لحضوركم الكريم....
هذا الموضوع من أهم وأخطر المواضيع
الحساسه اللي تاخذ مجال كبير جدا وواسع
في النقاش.... لأنه يمس أعز وأغلى بشر
على قلوبنا وهم أطفالنا وهذه أمانه
سوف نسأل عليهم يوم القيامه.. وهذه النعمه الكبيره اللي رزقنا الله بها يجب المحافظه عليها بكل صدق وأمانه لأن في ناس كثير محرومين من هذه النعمه وهذه حكمه رب العالمين...
صرخه كانت بداخلي لو لم أخرجها كنت سأصاب أنا بجلطه وهذا بسبب المناظر التي
أشوفها يوميا وأسمعها..
لابد من أيجاد حلول لمثل هذه الجرائم لابد
من وقفه مع النفس ومراجعه الحسابات وكل أم عندها ضمير وأحساس الأمومه لابد منهاأعطاء الوقت الكافي للجلوس مع أطفالها وتوعيتهم بطرق سليمه وصحيحه لتصل أليهم المعلومه بشكل واضح ومفهوم.



التوقيع - ورد وشوك


ادعولي بالشفاء الله يجزاكم الخير

رد مع اقتباس
  رقم المشاركة : 32  
قديم 31-10-2009, 10:01 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

طيب كلنا عايشين في قطر
وكلنا نعرف ظروف المعيشة الصعبة خصوصاً مع الغلاء الي كل ماله في ازدياد
والحين تقريبا كل مدارس الدولة يخلص دوامها وحدة ونص
إذا ماكان الباص حل
شنهو الحل؟؟
آخــذ إذن من الدوام عشان أرد من ولا من؟؟
وكلنا نعرف شوارع قطر عدل الي تغص بالسيارات في أغلب الأوقات
واشلون وقت الذروة؟؟
ووين الدوام؟؟ ووين المدارس؟؟ ووين البيت؟؟
كم ساعة احتاج عشان أمر على العيال؟؟ وابدي في من واخلي من؟؟
أبدي في القريب ؟؟ ولا في الصغير؟؟
الي عنده حل ياريت يجاوب !





رد مع اقتباس
  رقم المشاركة : 33  
قديم 31-10-2009, 10:32 PM
الصورة الرمزية ورد وشوك
مـؤسس
ورد وشوك غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

اقتباس
 مشاهدة المشاركة المشاركة الأصلية كتبت بواسطة نور قطر 1
طيب كلنا عايشين في قطر
وكلنا نعرف ظروف المعيشة الصعبة خصوصاً مع الغلاء الي كل ماله في ازدياد
والحين تقريبا كل مدارس الدولة يخلص دوامها وحدة ونص
إذا ماكان الباص حل
شنهو الحل؟؟
آخــذ إذن من الدوام عشان أرد من ولا من؟؟
وكلنا نعرف شوارع قطر عدل الي تغص بالسيارات في أغلب الأوقات
واشلون وقت الذروة؟؟
ووين الدوام؟؟ ووين المدارس؟؟ ووين البيت؟؟
كم ساعة احتاج عشان أمر على العيال؟؟ وابدي في من واخلي من؟؟
أبدي في القريب ؟؟ ولا في الصغير؟؟
الي عنده حل ياريت يجاوب !

أختي ....الظروف اللي تقولين عنها تشمل ناس كثير ومحد يلومج بالنسبه للوضع
اللي تتكلمين عنه الدوامات ... والوقت... وأبدي من وأخلي من...
بعطيج مثال عن نفسي أنا.... كل يوم الصبح أخذ بنتي الصغيره وأمر على بنت خالتها وأوديهم
كل وحده بمدرسه هذي شرق وهذي غرب وبنتي الأكبر تروح مع بنات عمتها لأنهم بنفس المدرسه
والظهر أروح أنا وأخذ بنتي الصغيره بالأول وأرجعها البيت عند جدتها ثم ارجع مره ثانيه لأبنتي الكبيره علشان أخذها مع بنات عمتها...وارجعهم
أختي هامه العز.... لازم يكون في تعاون مع الأهل أو أهل الزوج مع العمات او الخالات
لازم يكون في تعاون بين الأهل....لازم..... لأن كل أنسان أدرى بظروفه ولازم يشوف الحلول
المناسبه




التعديل الأخير تم بواسطة نور قطر 1 ; 09-12-2009 الساعة 01:42 PM.
رد مع اقتباس
  رقم المشاركة : 34  
قديم 31-10-2009, 10:44 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

والله مافي تعاون عندنا .. وإذا حد بيجامل له يوميين وبتطق جبده

متى يصير التعاون ؟؟

إذا لهم حاجة عندج.. يعني تودين من عيالهم الي على دربج .. ذيك الساعة بيودون عيالج
وإذا مالهم مصلحة عندج.. محد راح يخدمج لله!!
هذيلا الناس الي عندنا !!
حتى اشراف على عيالي الصغار الي مايروحون المدرسة وقت دوامي
محد راضي يشرف ويراقب الخدم!!

ومرة طلبت من ..... انها تاخذ أحد العيال لمشوار دقيتين بالسيارة وقت الدوام
وهي فاضية ماعندها شي في البيت

تفاجأت إنها مطرشة الشغالة مع السايق !! << هذا الي قدرت عليه!
مابي أدخل بالتفاصيل


بس علمتني الحياة

إن الدنيا مصالح

وإني اعتمد على نفسي في كل شي ولا منة أحـــــد





رد مع اقتباس
  رقم المشاركة : 35  
قديم 31-10-2009, 10:47 PM
عضو
الدوحي7 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

الله يجزاك خير على مافعلتيه معا هذا الوصخ، ولكن حسبي الله على هذه الام والاب الغائبين عن ابنائهم، وصدقيني يوجد حالت غريبه ولكن يقولون مسكين هذا هندي وكل كلامهم كذا مسكين هذا هندي،، مع السلامه،،





رد مع اقتباس
  رقم المشاركة : 36  
قديم 31-10-2009, 10:59 PM
الصورة الرمزية ورد وشوك
مـؤسس
ورد وشوك غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

اقتباس
 مشاهدة المشاركة المشاركة الأصلية كتبت بواسطة نور قطر 1
والله مافي تعاون عندنا .. وإذا حد بيجامل له يوميين وبتطق جبده

متى يصير التعاون ؟؟

إذا لهم حاجة عندج.. يعني تودين من عيالهم الي على دربج .. ذيك الساعة بيودون عيالج
وإذا مالهم مصلحة عندج.. محد راح يخدمج لله!!
هذيلا الناس الي عندنا !!
حتى اشراف على عيالي الصغار الي مايروحون المدرسة وقت دوامي
محد راضي يشرف ويراقب الخدم!!

ومرة طلبت من ..... انها تاخذ أحد العيال لمشوار دقيتين بالسيارة وقت الدوام
وهي فاضية ماعندها شي في البيت

تفاجأت إنها مطرشة الشغالة مع السايق !! << هذا الي قدرت عليه!
مابي أدخل بالتفاصيل


بس علمتني الحياة

إن الدنيا مصالح

وإني اعتمد على نفسي في كل شي ولا منة أحـــــد

نـــور قطر 1... والله ثم والله أنج وجعتيلي قلبي من كلامج
ما أقول غير كان اللــــــــــــه في العون... كان اللـــــــــه في العون
وين راح دور الأهل!!!!!!! وين الجدات والعمات والخالات .... صاروا مجرد أسم..!!!!!!!!!
أعوذ بالله..... من ناس بهذا الشكل




التعديل الأخير تم بواسطة نور قطر 1 ; 09-12-2009 الساعة 01:43 PM.
رد مع اقتباس
  رقم المشاركة : 37  
قديم 31-10-2009, 11:01 PM
الصورة الرمزية ورد وشوك
مـؤسس
ورد وشوك غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

اقتباس
 مشاهدة المشاركة المشاركة الأصلية كتبت بواسطة الدوحي7
الله يجزاك خير على مافعلتيه معا هذا الوصخ، ولكن حسبي الله على هذه الام والاب الغائبين عن ابنائهم، وصدقيني يوجد حالت غريبه ولكن يقولون مسكين هذا هندي وكل كلامهم كذا مسكين هذا هندي،، مع السلامه،،

ويجزاكم كل خير على حضوركم ومروركم وتعليقكم.... كل الشكر والتقدير




رد مع اقتباس
  رقم المشاركة : 38  
قديم 31-10-2009, 11:29 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

اقتباس
 مشاهدة المشاركة المشاركة الأصلية كتبت بواسطة شوكولاتينو
لاحول ولا قوة الا بالله العلي العظيم

انا ماعندي اطفال وموب متزوجة بس ما اعتقد اني في يوم بسلم
اطفالي للخدم والدريولية ..حسبي الله ونعم الوكيل

وجزاج ربي الف خير يالغاليه

حبيبتي وااايد قالوها غيرج قبل والي انا منهم .. بس بعد الزواج والعيال بيتغير الكلام
وساعتها اذكري ردي هذا

الخدم شـــــــــر لابد منه في هذا الزمن

الدريولية يمكن تقدرين .. بس الخدامة لا !!

فرضاً وراج طلعة وبتودينهم معاج كم ساعة يبي لج عشان تجهزووون؟؟

أو صبحية العيد انتي بتلبسينهم وتسبحينهم واتبدلينهم.. ومتى بتفضين حق نفسج؟؟

زمان أول ولى وراح.. الشعر المنفوووش واللعب في الرمل والدوارة في الشوارع والقلوب النظيفة!!

الحين كلن يطالع الثاني وشلابس.. وشكاشخ فيه.. وأهم شي العيال يلبسووون ماركااات
والشـــعر المنسل .. بالله عليج لو عندج 3 عيال أو 4 تقدرين تطلعين وياهم بهالصورة من غير ماتسلمينهم خدامة؟؟!!!!!!




رد مع اقتباس
  رقم المشاركة : 39  
قديم 31-10-2009, 11:34 PM
عضو جديد
فراوله كووول غير متواجد حالياً
 




عدد التعليقات: 0 تعليق

افتراضي رد: أوقفوا التحرش الجنسي عن أطفالكم..أرجوكم

مشكوره اختي والله يجزاك خير على الموضوع

وحبيت اشارك بحدث صار لي شخصيا طبعا الله يسلمكم بنتي اول سنه لها بالمدرسه الله يحفضها كنت اروح اوديها وارجع الظهر اخذها المدرسه كانت مو بعيده لكن نظرا لخوفي عليها من اشياء مثل كذا طلب مني ابوها تروح مشي انا رفضت وتكفلت بتوصيلها روحه وجيه وهكذا الا مااخذنا اسبوع الا وانا رايحه بجيب البنت من المدرسه واحنا بالطريق مندمجين بالسواااالف وتعلمني شو اللي صار معها اليوم وشو الهدايا اللي عطتهم معلمتهم كل هذا وانا ماسكتها من ايدها لا حضو والساعه تقريبا 11.30 والشارع فااااااااضي مدريت الا بنتي تصرخ ماما لالاالتفت الا وذاك الولد يبي يسحبها من ايدها تخيلوا كان يتابعنا ويمشي ورانا بخفه مااااحسيت وربي فيه
انا خفت ومسكت بنتي وتمالكت اعصابي وضليت اخانق واهاوش والوح له بأيدي وهو لا همه قاد يسوي لي حركات مقززززززه وقذره بجسمه وبأيده عذرا للتعبير لكن من القهر بابلخير هميت اني اخذ حصى ولفلع راسه
والمشكله الثاتيه اني مااقدر اخلي بنتي الثانيه بلبيت مره جيت وهي تشهق وتصيح وميته من الخوف والمره الثانيه لما طلعت اوصل اختها جيت الا هي عند الباب الخارجي بس الحمد لله كان مقفوول والا كان طلعت عشان كذا حطيت للبنت سواق تروووح مع مجموعه بنات وتجي واقرا عليها واحصنها على الرغم من ان المدرسه قريبه جدا

واشكر لكم





رد مع اقتباس
  رقم المشاركة : 40  
قديم 31-10-2009, 11:39 PM
الصورة الرمزية Miss Q
عضو نشط
Miss Q غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: أوقفوا التحرش الجنسي عن أطفالكم..أرجوكم

السلام عليكم ورحمة الله وبركاته

اشكرك ع طرحك للموضوع

بصراحه شي يحززن ويعور القلب..

انا مثلك شفت كثير مناظر والمشكله نفس ماقلتوا ما القى الا ردود سلبيه من الام

وقتها ودك تضربين الام بدل السواق ولا الخادمه

بصراحه يا امهات مالكم عذررر ابد باللي يصير مع العيال ع الاقل لازم توعيه

لازم توعين الطفل وتصادقينه بحيث انه مايخبي عنكم

وياريت نشيل من قاموسنا هذا سواقنا من سنين ولا هذي خدامتنا من سنين

تراهم موب ملائكه الحين من لحمك دمك ماتثق فيهم هالمره بتثق من اجانب والله العالم وش هي

بيئتهم ولا وش اخلاقهم وسلوكياتهم ولا وش حياتهم

خلاص شبعناا من هالكلام والله شي يرفع الضغط

مره تخيلوا شفت ام تتسوق ومخليه السواق يشيل لها البيبي؟؟؟ تووه باللفه

سبحان الله عجزانه تجيب لها عربانه اطفال وتدزه هي

صدق الام هي اللي تربي مش الام البيلوجيه اللي تجيب ولا تدري عنهم

بصراحه الحكي ي هالموضوع يطول ولو بحكي ماراح تكفيني صفحات المنتدى

بس وربي حراااااااااااااااااااااااااااااااام

انتبهوا يا امهااات





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: أوقفوا التحرش الجنسي عن أطفالكم..أرجوكم
الموضوع كاتب الموضوع المنتدى مشاركات آخر مشاركة
طلب من جميع البياعين أرجوكم seto-kaiba السوق الرجالي 11 22-09-2009 07:19 AM
أرجوكم لا تمسكون الخشب!!!!!!!!! بنت بوظبي المنتدى العام 2 03-11-2008 08:04 PM


الساعة الآن 06:49 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم