استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

ياليتنا عقب البطا ماالتقينا

سعود سعد الهآجري ،، شآعر آغتنم اللقآء / الفرآق ...... فرصة لهذه الروآئع ،، ترجمني آنآ .... ؟ فهلآ قرآتموه ،، يترجمكم !! عقب البطا لاقيت ظافي الجديلات ياليتنا عقب البطا ماالتقينا سلمت وقلت لنور عيني سلامات وش غيًرك ويش السبب ما تبينا دنق وقال ارجوك إنه العلاقات شيٍ حصل ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 17-05-2008, 03:34 PM
الصورة الرمزية ريم الفلا
عضو نشط
ريم الفلا غير متواجد حالياً
 





عدد التعليقات: 0 تعليق
حدث بيانات الدوله!
66 ياليتنا عقب البطا ماالتقينا

سعود سعد الهآجري ،، شآعر آغتنم اللقآء / الفرآق ...... فرصة لهذه الروآئع ،،

ترجمني آنآ .... ؟ فهلآ قرآتموه ،،

يترجمكم !!





عقب البطا لاقيت ظافي الجديلات
ياليتنا عقب البطا ماالتقينا

سلمت وقلت لنور عيني سلامات
وش غيًرك ويش السبب ما تبينا

دنق وقال ارجوك إنه العلاقات
شيٍ حصل ماعاد هو في يدينا

قلت السبب قال الليالي غريبات
إنه العلاقه واعتبرنا انتهينا

انا بحبل انسان ماهي دعايات
ارجوك ابعد خايف انًه يجينا

طالعت فيه وهلت العين عبرات
في ساعةٍ غصبٍ علينا بكينا

حاولت اعبر عن همومٍ خفيات
بس الحكي شيفيد مهما حكينا

كتمتهن بالجوف لوهن قويات
راضي على ماصار لو مارضينا

وآخر كلامه قال لي كم كلمات
لاتسيء ضنك في غصبٍ علينا

ولف العباه وراح وانا بحسرات
فرقاًجرت من غير ذنبٍ جنينا

وقفت اخايل غض الأنهاد لحظات
فيهن تهدم كل شيٍ بنينا

وقمت اتذكر كل شيٍ لنا فات
قبل ايتغير بالمحبه حدينا

ياما سهرنا بأظلم الليل ساعات
وياما طلع نور الفجر مادرينا

وياما لنا فوق المراقيب ذكرات
وعلى جبال الزور ياما رقينا

وياما تحملنا الصعوبات مرات
وياما على سود الليالي شكينا

على زمانٍ فات جريت ونات
لو هن على ضلعان مكه تلينا

اقرا الموادع بالقصص والروايات
لاشك ماضنيت بيصير فينا

وارجع واكرر كلمةٍ لي بسكات
ياليتنا عقب البطا ماالتقينا



{ وبعد سنوآت كثيييييييييييييرة من ذلك الفرآق ،، وبعد النصيب !! عآدت الصدفة لتجمعهم ،، وكآنت هذه القلآدة !! }


تكررت عقب البطا والتقينا
من عقب مامرن سنينٍ طويلات

في صدفةٍ فيها حشا مادرينا
ولاهقينا نلتقي عقب مافات

لاشك جابتها الليالي وجينا
رغم الفراق ورغم ذيك المسافات

في موقٍف بان التوتر علينا
لحظه تلين إبها القلوب القويات

قالت شلونك قلت ربك عوينا
الحمد لله عاضني عقب لوعات

الله رزقني في هنوفٍ تبينا
احيت خفوقٍ كان بعداد الأموات

هي نور عيني فرحتي والضنينا
ألقابها عن ظيقة الصدر سجات

قالت سليت وقلت عقبك سلينا
لكن عقب مالاعنا الحب مرات

قالت شلون وقلت لاتسألينا
مافات فات ولا تفيد الحسوفات

قالت تكلم قلت مهما حكينا
الدمع ماينفع عزيزٍاليامات

قالت نسيت وقلت لامانسينا
لكن قنعنا والقناعه من الذات

قالت أروح وقلت وش في يدينا
روحي عسى في كل خطوه سلامات

بصبر على فرقاك مهما حيينا
ولا تشوه صادق الحب زلات

قالت على ماكنت دنيا ودينا
تكرم ونكرم عن دروبٍ رديات

قلت اسمحيلي قبل لاترحلينا
يم الديار اللي علينا بعيدات

تراي ذخرٍ لاحدتك السنينا
اجيك مهما واجهتني صعوبات

من اليوم اخوك وغيرها ما بغينا
كلي فداك ان صار بالوقت ميلات

وتبسمت بإعجاب مدري حنينا
وتهشمت قدام عيني بعبرات

قالت فمان الله قلت انتهينا
واقفت تكلم نفسها بس بسكات

وقفت تقديرٍ لها ثم مشينا
دربٍ مشوه اهل القلوب العفيفات

امشي واردد ليتنا ماالتقينا
وش جابها عقب السنين الطويلات





  رقم المشاركة : 2  
قديم 17-05-2008, 04:11 PM
عضو VIP
العمده غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ياليتنا عقب البطا ماالتقينا

الله الله الله الله الله الله الله الله الله الله الله الله الله يا ريم الفلا أششششششششششششششكرش على القصيدتين اللي تذبح يعطيش العافيه




التوقيع - العمده

  رقم المشاركة : 3  
قديم 17-05-2008, 04:17 PM
الصورة الرمزية ريم الفلا
عضو نشط
ريم الفلا غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ياليتنا عقب البطا ماالتقينا

الله يعافيك يالعمده عساااااااني مااخلى من ردودك





  رقم المشاركة : 4  
قديم 17-05-2008, 10:41 PM
عضو فعال جداً
smart member غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ياليتنا عقب البطا ماالتقينا

عقب البطا لاقيت ظافي الجديلات
ياليتنا عقب البطا ماالتقينا

سلمت وقلت لنور عيني سلامات
وش غيًرك ويش السبب ما تبينا


يعطيج العافيه اختي ريم الفلا وبصراحه من اروع القصائد التي سمعتها عن العتاب شكرا لج وننتظر جديدك يا الغاليه




التوقيع - smart member

  رقم المشاركة : 5  
قديم 18-05-2008, 01:00 AM
الصورة الرمزية ريم الفلا
عضو نشط
ريم الفلا غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ياليتنا عقب البطا ماالتقينا

الله يعافيك اخوووي ,,,,,,,,,لاخلاولاعدم





  رقم المشاركة : 6  
قديم 18-05-2008, 10:49 AM
الصورة الرمزية leader
عضو فعال
leader غير متواجد حالياً
 




عدد التعليقات: 0 تعليق

افتراضي رد: ياليتنا عقب البطا ماالتقينا

ابداااااع وتميز بلاحدود

تحياتي




التوقيع - leader

  رقم المشاركة : 7  
قديم 18-05-2008, 10:52 AM
الصورة الرمزية اليورو
عضو VIP
اليورو غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ياليتنا عقب البطا ماالتقينا

الله الله يعطيج العافيه اختي ريم الفلا على القصيده الاكثر من الرائعه

بانتظار جديدك
تحياتي....................>




التوقيع - اليورو
[IMG][/IMG]

  رقم المشاركة : 8  
قديم 18-05-2008, 11:51 AM
الصورة الرمزية الشرس
عضو فعال
الشرس غير متواجد حالياً
 



عدد التعليقات: 0 تعليق

افتراضي رد: ياليتنا عقب البطا ماالتقينا

قالت على ماكنت دنيا ودينا
تكرم ونكرم عن دروبٍ رديات


قصيدة ولا أروع

الله يعطيج العافيه الغاليه

سلمتي ع النقل




التوقيع - الشرس
[IMG][/IMG]

  رقم المشاركة : 9  
قديم 19-05-2008, 01:21 AM
الصورة الرمزية ريم الفلا
عضو نشط
ريم الفلا غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ياليتنا عقب البطا ماالتقينا

الليدر,,, اليورو ,,, الشرس

نورتوا الصفحه بردودكم الحلووووه





موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:33 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم