استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

تحلا بعيني يا مشعل القلب تكفي خفّف شويّه القلب من كثر صدّك ويلي لْحاله دامه يحبّك ولا له غيرك بْغيّه وش له تحطّه بدنيا الهمّ وتْناله انته حبيبي لقلبي نوره وْضيّه تحلا بعيني وقلبي صِرْت تحلا له وانته ربيع الخفوق وْشمسه وْفَيّه وان حبّ غيرك خفوقي باقطع وْصاله ما اريد ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 30-05-2008, 06:21 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
Mnn ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

تحلا بعيني
يا مشعل القلب تكفي خفّف شويّه القلب من كثر صدّك ويلي لْحاله

دامه يحبّك ولا له غيرك بْغيّه وش له تحطّه بدنيا الهمّ وتْناله

انته حبيبي لقلبي نوره وْضيّه تحلا بعيني وقلبي صِرْت تحلا له

وانته ربيع الخفوق وْشمسه وْفَيّه وان حبّ غيرك خفوقي باقطع وْصاله

ما اريد بك حَدٍّ وْلو هو كان حوريّه إنته مهَدّي الغرام وانت زلزاله

للموت انا لك حبيبي صورةٍ حيّه ميّت بحبك وحبّك صِرْت انا اسعى له

يا بو عيونٍ مثِل عين الدمانيّه حورا هَدَبْها مظلّ ودعْج قتّاله

كاسِنّك الحِسْن واوصافك خياليّه ومن راد يوصف جمالك أيتهيّا له


قصيدة ساجدة


لك حروفي قصيـد ولك قصيـدي شـعـــور

ولك شعــــوري خفـوق نبضـه الحَيّ إنتـي

ولك غلا في صَميم الروح حَاضر حضور

واشهـــد انــك بقلبي وْلا عـن العيـن غبتي

يا سَـــنا الكــون كلّه والعــواطف بحـــور

يا ظيـا العيــن ياللي في وَسَطـــها سـكنتـي

يا بَعَد كـــــل من لي يا أريج الزهــــــــور

يا أعـذب حروف تظهر في كلامي وصمتي

يا شعـــــاع تحلّى وْلا على الـــنـور نـــور

بـس مـا غيـر نـورك يظهـــر ليا ظـــهرتي

ويْا ملاكٍ خلـقـــه الله لعـمـري ســــــرور

وش تفيد الحيــــاة بْــيــوم لا من زعَـــلتي

أعتذر لك ياعمري ولو بعــــذري قصـور

وانتي قدرك عَ راسي وْلا حشا بيـوم هنتي

إبسمي يعل ربّي يحفظـك م الشـرور

تبتســــــم لي حـَيــاتي وقت فيه ابتسمـتي

ان زعلتي عَلـّـــيه كن كــــوني مهجــور

وان رضيتــــي تسـابق ابتسامتي فرحـتـي

إنحنَـتَ لك قصــــيده ساجـــدة ع السطـــور

كــثر مـا انتي بمَـكه يا اطـهر الناس طفتي


قدّها وقدود


صدق من قال يا محمــد بأنـك سيـف ما تنصــد

مـرواتـّك علم خفـاق وفيـك المرجـله والجـود

يا بن راشد وابو راشد بنيـت امجــاد لك تشهـد

تجـف أقـــلامي بمـدحـك,يحير العـد بالمعـدود

إذا مــنـك بغيـت الشــــي فــلا عنـه مــرد وبــد

تطـول اللي تقـوله عـــز وانتـه قــدها وقــدود

أشــوف النجم ذاك بعيـد,و أنت من النجـم أبعـد

ألا يا حظ أبو من هـو تكـون انته معه موجـود

إذا اسمــك يجي في الشعر يزيـد البحر مده مد

يزيد الشعر في الشاعر تجيه أبيات دون حدود

مروض جامحات الخيل,مهدي المـوقف المشتد

مفـرج كـربة المظلوم,وشـوق الفاتنات الخـود

أحـــد مثلك أنـا ما القى رجـل مثلك أبـد مـا حـد

على شعبه سطـع نوره مثل بـدر اليالي السـود

أنــا لاجـلك كتبت الشعـر وفضلك سيــدي ممتد

على طـول المـدى نبقى لشورك طايعين جنـود


أنا في الشعر

أنا في الشعرابن هذاك إذا إنته تعرف الشعـر

أهيج في البحـور أمـواج أمشيهّا عـلى كيـفــي

واقولـّك لا تجاريني ترى أمشي بدربٍ وعـر

وإذا تبـغــي تجـاريني تــرى لــك امــدٍ سـيـفـي

ولا تضمن تحوز النصر وأنا بحر وانته نهر

وإذا عـارضـت تيـّاري بــرّى مـوجـي وسيفـي

وكم من واحدً غيرك تعرض لي وجاه الكسر

ودارت بـه هبـوب ريـاح في أقـوى عـــواصيفي

تهاجم سايل الأقـلام وسطرً مايهــــّزه سطـر

وإنتـه وينهــا افـكـارك ععـن بيـوتي وتهــديـفي

تبا روس العلا وانته تحول في طريقك حـدر

تحـاول بـس مـا تقــدر بـأن تــوصـل مشـاريفـي

نجـوم الليل ما تنور إذا بيّن شعـاع البـــــدر

وش الي يجمع الوسمي على سحب ورْعد صيفي

تشـوف الجـاذبيه في هالدينا تجــــــرك جـر

أنا عـكـسه افـــــرك ويــن ما أبــغي على كيفـي



فخر الأجيال


على وصف الرجال اللي تسمّى بالفعال رجال

لفت بيض العلوم وبيّض الله وجه راعيها

لفت ما كنّها الاّ سبّق الخيل ان بدت تختال

نواصيها النعوت وفي مناكبها.. قوافيها

قصايد والقصايد ما نساومها بجاه وْمال

نعبّ بحورها وان هاج مزملها نرسّيها

إذا امتدّ الفكر وامتدّ ليلي والقصيد وطال

توشّحت الشوارد ولبست الاشعار غاليها

كذب من قال ساعَفني عليها الجن يوم تقال

أنا البس جنّها واصدر مواردها واروّيها

أنا وْلا فخر نجل الشامخ المتمرّس الريبال

على وصفه تجاريني القصايد قبل اجاريها

على (محمد إبن راشد إبن مكتوم) طاب الفال

وطابت لي قبل لا الزم قوافيها.. معانيها

متى قالوا صواريها المعاني.. ما هناك اشكال

حرام انّي لمدّ شراعها لأكبر صواريها

على اكبر منبر ارميها ثنا وْعز وْفخر واجلال

ما دام ان الثنا لأهله.. على اكبر منبر ارميها

لاجل قرمٍ غرس حلمه لشعبه واثمرت الآمال

حقايق نبصر اوّلها.. ونتباشر بتاليها

حقايق واضحه من دون ابو راشد صعب تنطال

تباركها القلوب وتبهر الناظر مغانيها

مغانيها تراود كل عطرٍ ما خطر ع البال

واراضيها يراود كل عاشق فوع ناديها

أراضيها الخزاما والنفل والبختري والهال

وما يخطر على بال العطر يزخر باراضيها

ولي فيها محب أسرف على قلبي وحط وشال

طلب روحي وروحي منه فيها اللي يكفّيها

من اوّل ما عرفته والضلوع تجرّ له موّال

ولا ادري نيّته بضلوع صدري وش تواليها

أنا محتار ما بينه وبين (دبي) بالمثقال

يا أمّا (دبي) له تحلا أو انّه لي محلّيها

أو انّ (دبي) تحلا لان أبو راشد لها خيّال

نعم والله وتسبق خيلها من سبق واليها

(دبي) العِز من طيب النسايم عودها ميّال

تمسّي صاحب القدر ونحن باسمه نمسّيها

صدى داره بشرق وغرب وجنوب التقى وشمال

قبض الاربع جهات يلين داره ذاع طاريها

طغى عزمه على وعر الدروب وله غدت مسيال

تسيل الأرض لاقدامه وتفخر من مواطيها

غريبه كيف جادت به سنينه والسنين بخال؟

والاغرب كيف تضما له وهو بالجود يسقيها؟

لو ان المجد سهل ان كان كلٍ طال منه وْنال

دروب المجد ودروب العلا صعبه مراقيها

طويل العمر ما جيت اعتزي في وصفك الأمثال

ولكن المثايل تعتزيني بك.. والبّيها

يابوي ابشر ترى شبلك توارت عن مداه اشبال

وثب فوق الدروب وسابقت رجله خطاويها

ورث عزمك وحزمك والخصال تجرّ طيب خصال

مواثيقه على طرق المكارم بك يجدّيها

إذا شدّ الفخر لاجلك رحاله قمت اشدّ رحال

على نهجك.. عشان افرد رحاله وارجع اطويها

واذا قالوا: من ادرى بالحصابي والوزون ثقال

عرفت ان الوزون ثقال وانت ادرى بْحصابيها

على الدنيا جدال الاّ انت والله ما عليك جدال

مع ان إيدك يجادل كل وادي سيل واديها

لو ان السحب تنشا من كفوف امست عليك ظلال

وخرّت ساجده لاهل الثرى من جود منشيها

مكارمك المكارم والعطايا من بحرك جزال

لو ان السفن تجري في يمينك ضاع شاطيها

يمينك كم لاحت وابرقت وابطت وهي تنهال

ولا والله تدري عن يسارك كم معاطيها

وكم رجلٍ بصدره حاجه وجاك وقبل لا يسال

عطيته.. كنّك ادرى بالصدور وْسرّ خافيها

وكم حلمٍ سبقته.. كان في عين الزمان محال

تقول المقبلات افضل عليك اسرار باريها

يقولون اختصرت اجيال واقول انته فخر الاجيال

إذا الأجيال بك ما تفتخر.. من يفتخر فيها؟!


نخوة قوافي


يا مسا السكّر على الغصن الرطيب

يعل تسقي ديرته وبل السحب

زارني والفكر ساري سري ذيب

قلت سبحان الذي ساق ووهب

قلت ياليل اللقا والشوق طيب

طيب لاصحاب الحسب واهل النسب

القوافي تنتخيني قبل اثيب

وما على سنّي من اشعاري عتب

إن بدعت الشعر سِنّي ما يعيب

من صغر سِنّي وانا قافي عجب

القوافي بَدعها حظ ونصيب

بس انا حظّي على القاف انتصب

إن صعب قافي ترى فالي يطيب

مطلب افكاري هو القاف الصعب

دامني في صغر سِنّي قبل اشيب

أملي الدنيا زغاريد وطرب

ما عليّه لو غدى شكٍ وريب

وش على الصادق إذا الحاسد كذب

دام فعله دون قولي ما يصيب

كيف لو فعلي على قوله وثب

ظنّ بي ظنّ الحسود المستغيب

وابتليته بلوة السيف الحَدَب

قمت اجيب اللي عجز عنّه يجيب

ما قدر يكشف عن عروق الذهب

كيف الوم اللي نظر عينه عطيب

ما يميّز بين زرفال وخبب

المعاني بدع فكري واللبيب

يدري ان الراس ما يتبع ذنَب

الشعر ماهوب لامثالي غريب

لاني بحاجة من احتاج وكتب

وارثنّه هوب في حاجة نسيب

الضعيف اللي إذا احتاج انتسب

وانت يابو نصّ ظن ونصّ عيب

لا تسال الكرْم عن لون العنب

لا تسال الشط عن موج الغبيب

البحر مايرحم صغار الخشب

والعرب ما تفخر الاّ بالنجيب

واشهد انّي عندهم عِزّ الطلب

وانت يالمحبوب لك ربّ حسيب

لا يغرّك من تباعد واقترب


مستحيل انساك


مستحيل أنساك هذا مستحيل مستحيل أنساك والله للأَبَدْ

من يعاشِرْ شخص مثلك ما يميل لا ولا ينوي على غيرك أحَدْ

يا جميلٍ في جميلٍ في جميل يا فريد اللون في جيدٍ وْخَد

ترتسِمْ في وجنتك شمس الأصيل وجمرتينٍ بينهن صَفّ الَبَردْ

والعيون الدعج والرمش الظليل ونور وجهك منّهن نور اسْتِمَد

تهت في حبّك مثل تُوْه الضليل وزادت جْروح الَحَشا جْروحٍ جِدَدْ

ولا ولا عن حبّك أرضى بالبديل وْكَنّ باقي الخود تكمالة عدَدْ

لي يسير الدرب يوصَلْ لو طويل أو مِثِلْ ما قِيْل من (جَدَّ وَجَدْ)


لعبة زمن


لعب الزمن ما هو مثل باقي العاب إلعب على كيفك واذا تروم لا تْتوب

بَيْجيك يوم وْتندفن تحت لِتْراب عقب الدفن بَتْعَرْف وش يعني لْعوب

لو نك فَتحت أبواب لك غَالقٍ باب ولو نك تعرف العيب العيب عَذروب

بديت أكتب واجلب كْتاب بكْتاب آخذ معَانيهن واخلّيهن بْصوب

إذا الشِّعر يا ناس قِدْ جاب ما جاب وان جاك شِعري بالفعِل جَاك مَكْتوب

هذا وانا أرقى على كل مرقاب أسري بليل الضدّ من فوق عَرقوب

هذا وانا أشّر وهي تطير أسراب بيض الحَمام تطير ما تحمل ذْنوب

هذا وانا تايب وإبليس ما تاب هذا وانا أنعَت وهو ضَيّع دْروب

هذا وانا أضحَك وهو يضحك بْناب ثوبي ستير وصاحبي عَاري الثوب

هذا وانا اعدّ الخَطا عَد لِتْراب ينعد كيف انعد وهو كان محسوب

بعض البشر تحسب على كيف الاسباب وبعض البشر من دون سِبّه ومطلوب

كلٍّ يحَسْب احساب وآنا احسب احساب وْكلٍّ يجي باسلوب وآنا لي اسلوب

بَابٍ فتح من بَاب والباب كَذّاب بَابٍ إذا يفتح ترى الباب مَكْذوب

هذا وانا اغنّي وانا اقول سَحّاب سَحّاب يَمطر صوب وانا أمطر بْصوب

مثل العروق تجيس وتدق الاعصَاب أو مثل سَاحِر طار في الجو مجلوب

من هو يأمِّن يمشي بْليل في غَاب بعض العَسَل يا صاحبي سَمّ مَشْروب

هذا هَدفيه صبته وْصَاب بصواب صوب الذي صَوَّب ولا صاب مَصيوب

بحرٍ غزير وْطامي البحر عَبّاب ونَارٍ تطَفّي نَار من حَرّ لاهوب

حَدٍّ عليه عيون والناس رقّاب وْحَدّ اختفى لو كان بالحيل مَرقوب

حَدٍّ يشلّ سلاح وْحَد شايل حْراب حَدّ يعشق شْروقٍ وْحَد يعشق غروب

حَدٍّ يشيل الهَم في ضَرب الاصحاب كل من ضَرب في يوم له يوم مَضروب

أنا معَادِل آخذ الحُب لاحباب وْكلٍّ يحب الطيب .. الطيب محبوب

قالوا سَهَل إنّي أنا أفتح الباب وانا هويت الصعب لو دارت حْروب

لعبَه وانا ألعَب على كل الالعاب طبعي أنا غَالب ولا آكون مَغْلوب


ان شاء الله تنال اعجابكم





  رقم المشاركة : 2  
قديم 31-05-2008, 02:36 PM
الصورة الرمزية بنت قطر
عضو VIP
بنت قطر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

صح لسان فزاع وتسلم يدج على النقل المميز

بصراحه قصائد رووعه أكثر شئ اعجبتني قصيدة ساجدة رووعه


يعطيج العافيه




التوقيع - بنت قطر

  رقم المشاركة : 3  
قديم 31-05-2008, 05:09 PM
الصورة الرمزية جوريjojox5x
عضو نشط
جوريjojox5x غير متواجد حالياً
 




عدد التعليقات: 0 تعليق

افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

صح لسان قايلها <<<<<<<<<<<<<<<<<
والله فنان


تسلميييييييييييييييييييييين يالكحيله عالنقل الحلوة وعلى الاختيار المميز

يعطيج العافيه




  رقم المشاركة : 4  
قديم 31-05-2008, 07:43 PM
الصورة الرمزية واثق الخطوة
شاعر المنتدى
واثق الخطوة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

مميزه دائمآ
ويعطيج العافيه على الانتقاء المميز




التوقيع - واثق الخطوة
[IMG][/IMG]

واثقن في خطوتي وامشي ملك @ سايجن رجلي ولا خفت الهلاك
في دروب العـز مـالك لي فـلـك @ والفلـك واضـح ولا اضن يخفاك
والله انه من مشى دربي هلك @ وان مشيته ! اشهدن ربي بلاك

  رقم المشاركة : 5  
قديم 31-05-2008, 08:23 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

تسلمون على الرود الحلوه





  رقم المشاركة : 6  
قديم 31-05-2008, 08:25 PM
عضو VIP
العمده غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

الف شكر على النقل المميز يا الكحيله ويعطيش العافيه وصح لسان قايلها




التوقيع - العمده

  رقم المشاركة : 7  
قديم 31-05-2008, 08:28 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

يسلمو على الرد الروعه





  رقم المشاركة : 8  
قديم 31-05-2008, 08:53 PM
الصورة الرمزية ريم الدوحه
عضو
ريم الدوحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

صح السانه وتسلمين اختي على النقل





  رقم المشاركة : 9  
قديم 01-06-2008, 01:07 AM
الصورة الرمزية leader
عضو فعال
leader غير متواجد حالياً
 




عدد التعليقات: 0 تعليق

افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

تسلم ايدك على النقل المميز

تحياتي




التوقيع - leader

  رقم المشاركة : 10  
قديم 02-06-2008, 12:07 AM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪

تسلم على الرد الحلو





موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: ₪₪๑₪₪مِنْ آشْعَآآرْ فَـّــّــّزَآآآعْ₪₪๑₪₪
الموضوع كاتب الموضوع المنتدى مشاركات آخر مشاركة
₪々 ˚فرصةعندك 1200ريال بس تعالي وانا اساعدك بأذن الله يصير3300ريال˚₪々 عاشقة أبو متعب سوق العطورات والبخور 19 28-09-2008 02:55 PM
قتل زوجته وبناته بالصور .. وتنبيه الصور غاية في البشاعة ๑۩۞۩๑ كويــــــ شقردى ـــتــــى المنتدى العام 10 27-05-2008 01:03 AM
๑ஜ๑ لاتمنح قلبك لمن لايقدر قربك ๑ஜ๑ haifa المنتدى العام 9 17-03-2008 12:23 AM


الساعة الآن 03:40 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم