استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

لازم نوقف هالمهزله تحملنا واااايد

اول موضوع لي فهالمنتدى الراقي السلام عليكم ورحمه الله وبركاته وموضوعي مب شي جديد او غريب على المجتمع هالظاهره الماصخه زادت عن الحد وماعاد فينا نتحمل اكثر امس كنت بمجمع المول اشتري غريضات العيد انا وخواتي وتونا داشين من الباب ولا وحده معديه علينا ياللللللله من سترك لابسه ماقل ودل ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 04-09-2010, 09:32 PM
عضو
بنت الراشد غير متواجد حالياً
 





عدد التعليقات: 0 تعليق
حدث بيانات الدوله!
Discc لازم نوقف هالمهزله تحملنا واااايد

اول موضوع لي فهالمنتدى الراقي

السلام عليكم ورحمه الله وبركاته

وموضوعي مب شي جديد او غريب على المجتمع هالظاهره الماصخه زادت عن الحد وماعاد فينا نتحمل اكثر

امس كنت بمجمع المول اشتري غريضات العيد انا وخواتي وتونا داشين من الباب ولا وحده معديه علينا ياللللللله من سترك لابسه ماقل ودل تنوره قصيره لحد العوره ومن فوق الله لا يوريكم وشبك ولماع وحاالللللله يبا وين وين عسى ماشر شكيت بعمري ياعالم ياهو احنا بقطر الصراحه ارتفع ضغطي البنت ماكانت عربيه كانت اسيويه وياريت الموضوع وقف لهني وبس وطول ما احنى بالمجمع واحنا انشوف هالاشكال عرب وغير عرب طيب وبعدين يعني انا كبنت قطرية وكمسلمه اولاً ما ارضى ابدا ابدا بهالمناظر وماارضى اخوي او ابوي يشوفون هالفاجرات اللي لا يحترمون دين ولا عادات وتقاليد لا هاي واحنا برمضان لا وبالعشر الاواخر حسبي الله ونعم الوكيل ياجماعه الخير يوم ورا يوم قاعدين يدوسون لنا على طرف واحنا ساكتين نحترق بينا وبين نفسنا لا تنسون (( ان المؤمن القوي خيراً من المؤمن الضعيف )) ليش احنا الغيورين على بلادنا مانحط يدنا بيد بعض ونسوي حمله تهز الدوحه ونوقف في ويه هالمسخره

لحد يرد علي ويقولي حريه شخصيه اسمحولي الحريه الشخصيه اللي بتهينا وتنزل من قيمه عاداتنا وتقاليدنا ودينا مانبيها يرجعون بلادهم ويسون حريتهم الشخصية المطارات ما سكرت واللي اخبره

المادة (57) في الدستور القطري
احترام الدستور، والامتثال للقوانين الصادرة عن السلطة العامة، والالتزام بالنظام العام والآداب العامة، ومراعاة التقاليد الوطنية والأعراف المستقرة، واجب على جميع من يسكن دولة قطر، أو يحل بإقليمها.

يعنى الحرية الشخصية ليست ساترا او راية يتم ابرازها واستخدامها كمبرر لجعل كل ما ينافي قيمنا وعقيدتنا ومبادئنا وتقاليدنا شيئا عاديا


لذلك، اخطر فكر على بلادنا اللي يحط الحرية الشخصية فوق كل المبادئ والاعراف. السكوت عن المادة اللي ذكرتها من الدستور والقران هو الايمان المطلق بالحرية الشخصية.

بتقولون لي هاي الاشياء القانون يدخل فيها مب احنا بقولكم غلطانين لو القانون غافل احنا بنصحية من هالغفله

ياجماعه لا حول ولا قوه الا بالله والله والله لو وصلنا بمستوى دبي والله على الدنيا السلام واحنا اللي راح نغير هالوضع المرير .


تحياتي اختكم الصغيره بنت الراشد




رد مع اقتباس
  رقم المشاركة : 2  
قديم 04-09-2010, 10:20 PM
الصورة الرمزية Nonooo
عضو VIP
Nonooo غير متواجد حالياً
 





عدد التعليقات: 4 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

يا أختي خليها على الله مافي فايدة إلا يحطون هيئة للأمر بالمعروف والنهي عن المنكر ويطبقونها علينا لقطريات قبل لأجانب عشان محد يقول إن دايم حاطين عليهم حطه..
بس الخوف إذا بلادنا راضيين وغاضيين النظر عنهم هذي المصيبة!!
حسبي الله عليهم ماوراهم إلا الدمار والخراب.





رد مع اقتباس
  رقم المشاركة : 3  
قديم 04-09-2010, 11:14 PM
ادارة المنتدى
المنذر غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

وعليكم السلام ورحمة الله وبركاته

الله يكثر من امثالت اختي على غيرتت على دينت

مانقول إلا كما قال سيدنا وابينا ابراهيم عليه الصلاة والسلام (حسبي الله ونعم الوكيل)




التوقيع - المنذر
استغفــر الله الــذى لا الـــه الا هـــو الحـــى القيـــوم وأتــــوب الــيه‏

رد مع اقتباس
  رقم المشاركة : 4  
قديم 04-09-2010, 11:43 PM
الصورة الرمزية BentOboha
عضو فعال
BentOboha غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

جزاج الله الف خير يالطيبه فعلا كلامج كله صحيح ..
مثلا انامره تعرضت لموقف كنت بالاند مارك بكوفي وقعدت وحده جنبي عربيه بس لابس لبس غير طبيعي
مطلعه الاكوو والماكوو على قولتهم ....
ومستحيل عينج تمر عليها وماتطالعين لانها قاعده بويه الكوفي ..
المهم قمت انا وتكلمت بصوت عالي وسمعتني الاخت وقامت تطالعني بربع عين ..
تقولين انا اللي مسويه الغلط مب هي ..
والمشكله حتى اللي معاي سكتوني .. على قولتهم مافي فايده .. لاتفشلينا جدام الناااس ..
ياجماعه الخير .. الساكت عن الحق شيطان اخرس..
مايصير نشوف ونسكت ونقول مالنا خص وحريه شخصيه..
ترى الخير يخص والشر يعم ..
انا اضم صوتي لصوتج اختي الفاضله
وعسااااااج على القوه





رد مع اقتباس
  رقم المشاركة : 5  
قديم 05-09-2010, 01:16 AM
عضو فعال
newdressesdoha غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

ترى أنا واصل معاي الحد أكثر منك أختي مو بس لبسهم بس شبابنا ( شباب العرب بغضالنظر قطرين أو لا ) كثير منهم مع آسيويات لا وما يبين إلا بليل بالمطاعم حسبي الله و نعم الوكيل . انا بصيرلي ضغط مرتفع بس لا حسيب و لا رقيب اذا جت على اللبس يا حليله . على فكره في قطرية أخت رجال وقفت أجنبية بإحدى المولات و طلبتلها الشرطة بس كم وحده فينا تعمل شذي . و سخو البلد حسبي الله و نعم الوكيل و كل مالهم يزيدونها الله يسترنا بس




التوقيع - newdressesdoha
فساتين سهرات و عرس للتسليم الفوري ( ستايل أجنبي ناعم )
http://www.souqaldoha.com/vb/t152068.html#post1951923
الملكة للأناقة النبيلة ( فقط لدى نيودرسز )
http://www.souqaldoha.com/vb/t153139.html#post1962312

رد مع اقتباس
  رقم المشاركة : 6  
قديم 05-09-2010, 02:54 AM
عضو جديد
مواطن قطري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

اشكر اهتمامج اختي بالموضو ع وترا الدستور مب مطبق على عليهم لنا قوة جوزاتهم اقوى من الدستور وثاني شي اختي بس لاحد يزعل مني اول امس كنت في احدى المجمعات الضاهر بنات قطر مب الكل البعض ماعندهم ارمضان الضاهر عيدووو قبلنا والشباب ادمر منهم عجبني في كلامج لاحد يقول حريه شخصيه حسبي الله على من دخل هالكلمه في قاموس هل قطر وحسبي الله على التطووووور والانفتاح الي جابوووووه

مشكوووور ها ختي

استغفر اللهم واتوب الليك





رد مع اقتباس
  رقم المشاركة : 7  
قديم 05-09-2010, 03:16 AM
الصورة الرمزية روعه الاحساس
مشرفه
روعه الاحساس غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

وعليــــكم السلام ورحمة الله وبركـــاته

اللـــه يجزاج كل خير اختي بس بغيت اوضح موضوووع خلي الاجانب على صـــوووب بنقول هم بايعينها بايعينها
لكن الشي الي يحزنج ويعور قلبج بنات بلادج اذا سوو جذي الي هم يمثلون الدين الاسلامي جدام اي واحد غربي يدخل البلاد الي يخلونه او بمعنى اصح يجبرونه على الاحترام يعني لو كانوا كل البنات محتشمات و100% جان هي اصلا ما بتتجرأ تسوي هالشي من نفسها لانها بتكون شاذه بين مليون الف وحده


خلي كل هاي على صوب وخلينا في بنات بلادنا والخليج جفتي شصاير رايحه اخلص اغراض خواتي مالت العيد في فيلاجيو لكــن وربي جفت العجب والعجاب معقـــوله في بنات جذي!!


وفي رمضان هاي بيجيبون لنا الخفس رمضان وربي البنات مصخره وكلمة مصخره وربي شويه عليهم مكياج فل ميك اب وربي انا مستغربه متى لحقوا حطوا الالوان القزقزحيه على عيونهم والشعر لونه ذهبي ولا بني ونصه برع ولا البف هاي خلوه على صوب ما شاء الله تبارك الله عماره فوق راسهم هاي كله مب فتنه

ومب عيب هاي يعكس تربيتنا الي فالبيت واخلاقنا الي تربينا عليها وهالاشياء دينا مايرضى فيها طيب خلي البنات ومصخرتهم الأمام قاعد يصلي التراويح وصوت قرائته الي ترد الروح والشباب معليين على صوت الاغاني والأمام يقرى قران

قولي لي الحين نشره على الاجانب الي ماعندهم دين ولكن وربي الشي الي يبكـــي عيالــــنا المسلمين الي عندهم دين وخلق لاصج مثل ماقلـتي يبي لهم لجنه للامر بالمعروف والنهي على المنكـــر..

الله يجزاج الجنه حبيبتي ويعطيج الف عافيه على غيرتج كثر الله من امثالج




التوقيع - روعه الاحساس

التعديل الأخير تم بواسطة روعه الاحساس ; 05-09-2010 الساعة 03:36 AM.
رد مع اقتباس
  رقم المشاركة : 8  
قديم 05-09-2010, 03:32 AM
الصورة الرمزية حبيبة خالتها
عضو فعال جداً
حبيبة خالتها غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

احنا نعيب على الاجانب وناسين بناتنا للاسف شيسون قمة الوقاحة هذول يبلهم هيئة تردهم قبل الاجانب لاحول ولاقوة الا باللة الله يغفر ويعفى عنا يارب





رد مع اقتباس
  رقم المشاركة : 9  
قديم 05-09-2010, 03:54 AM
عضو فعال
عاشقة الراحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

لازم انسوي حمله وضجه لوضع قانون بعدم لبس مثل هذه الملابس الضيقه والقصيره في قطر

وخاصه التركيز على الاجانب

وانا افضل الحمله تكون للرجال اكثر من النساء والسبب عشان مايقولون انه احنا غيورين هع هع مجرد مزحه **

تحياتي ,,
وشكرا..





رد مع اقتباس
  رقم المشاركة : 10  
قديم 05-09-2010, 09:38 AM
الصورة الرمزية اللورد
المـديـر العـام
اللورد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: لازم نوقف هالمهزله تحملنا واااايد

هلا اختي كل مبنى فيه لافته على بابه تدعو الي اللبس المحتشم والمفروض كل مبنى فيه امن منتشر مب بس على البوابات والمفروض تشتكين عندهم وعند العضيد

بس المفروض المجمع نفسه دامه حاط استكر ينفذ الي فيها مب بس حاطها يسكت بها الناس

خلي حد يجرب يدخن ولا الله يعزكم يدخل حيوان تلقين الامن بكل مكان ولكن المفاصيخ وقلة الحياء محد بيقول لهم شي !!





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:50 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم