استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

الى متى استنزاف اموالنا في المدارس والروض؟؟؟؟؟!!!!!!!

الاخ بوعيسى .................. مرورك يثري موضوعي... بالنسبه للميزانيه كلنا ندري عنها بس هل نقدر نواجه حد فيها؟؟؟ ياجماعه تدرون ان المدارس عليها ديون وسلفيات!!!! شلون ووين راحت الملايين اللي في حساب كل مدرسه؟ اصلا المديرات يخلون الميزانيه حق المظاهر وحفلات تكريم الامهات و المؤتمرات وغيره لان هذا كله شوووو! احنا ...

إضافة رد
 
LinkBack أدوات الموضوع انواع عرض الموضوع
  رقم المشاركة : 11  
قديم 28-11-2010, 09:05 AM
الصورة الرمزية المملوووحه
عضو نشط
المملوووحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

الاخ بوعيسى .................. مرورك يثري موضوعي...
بالنسبه للميزانيه كلنا ندري عنها بس هل نقدر نواجه حد فيها؟؟؟
ياجماعه تدرون ان المدارس عليها ديون وسلفيات!!!! شلون ووين راحت الملايين اللي في حساب كل مدرسه؟
اصلا المديرات يخلون الميزانيه حق المظاهر وحفلات تكريم الامهات و المؤتمرات وغيره لان هذا كله شوووو! احنا في زمن الظهور والاستعراض؟؟؟
عيل يجتمعون فالكورنيش يسوووون اكبر بيتزا ليش ؟ البيتزا بتطور التعليم ؟ بس عشان ندخل موسوعة جينيس !
والله شر البليه مايضحك؟




التوقيع - المملوووحه
استغفر الله الذي لا اله الا هو واتوب اليه

رد مع اقتباس
  رقم المشاركة : 12  
قديم 28-11-2010, 11:26 PM
عضو متقدم
Dawn غير متواجد حالياً
 





عدد التعليقات: 7 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

اقتباس
 مشاهدة المشاركة المشاركة الأصلية كتبت بواسطة combo
اسمحوا لي بتعليق غير عقلاني

انتوا السبب - الامانه في التدريس و العمل ما تكون على حسابكم

خلوا القرعه ترعى لين ينحط تقييم المدرسه و تعاملها مع الطلاب و تبدأ الشكاوى من اولياء الامور و المجلس الاعلى
وشوفوا المدير او المدير كيف يتصرف

صاحب الترخيص مجبر انه يمول الفعاليات و المصاريف الي ذكرتوها

قريبه لي في التسعينيات صرفت الفين ريال شهريا على الطلبه
ووصلت ان اشترت طابعه بآلاف الريالات لتوفير قيمه النسخ كأمانه تدريس مع الطالبات و توزيع اوراق مساعده للدراسه

آخر شي رموها سنوات في الببيت بلا راتب - ولولا رحمه الله لما وجدت فرصه في مدرسه مستقله

المدرس - هو المربوط في الساقيه - يربي اجيال ثم يداس عليه من خريجي هذه الاجيال

وهناك من يحيك في الليل لينفذ في النهار ضد مصالح المدرسين و المدرسات - وهناك من يعرف ان المواطنه لا تريد الاختلاط و تفضل التدريس فيبخس لها الراتب و البدلات لعلمه انها ستقبل لان التدرس هو المكان الوحيد بلا اختلاط

مساومه للقبول بالواقع المرير و راتب ضعيف وفوقها صرف على انشطه المدارس



لا ما ينفع نخلي القرعة ترعى .. محد قلبه يطاوعه انه يكون على الهامش ..
ومب حلوه النظره ان هالشخص لا يعمل او كسول او يتهرب من المسؤوليه .. بالنسبه لي الاستقاله ارحم من هالنظره في عيون الاداره ..

لازم وقفه جاده من الجميع بس وين الشجاعه ؟؟

للعلم يا اخوي انا والبنات جربنا نكون ايجابيين وكتبنا كتاب تظلم نشكو فيه حالنا مع المجلس الاعمى نطالب فيه بارقام وظيفيه فقط لا غير ... ما نبي زياده ولا ريال ... بس امان وظيفي ... كان المفروض نوصله لسمو الشيخه موزه لكن للأسف وقت توقيع التظلم الكل تهربوا وخافوا من المديره لو درت اش راح تسوي ممكن تقطع رزقهم وممكن تفنشهم .. الصراحه اغلبنا سلبيين وما عندنا استعداد لحل مشاكلنا بنفسنا وننتظر الفرج من شخص اخر يحقق لنا مطالبنا .. وللعلم هالموضوع كان على مستوى 200 موظفه قطريه في اغلب مدارس قطر ... وشوف يوم الاجانب قاموا على قرار تسجيل ابناءهم بعد ابناء المواطنين.... غيروه المجلس في فتره قياسيه ..

وبالنسبه لقريبتك قول لها اكيد بناتها اللي درستهم مارح ينسون لها تعبها سبحان الله الطالب اكثر شخص في الدنيا يقدر المعلم .. لا مجلس ولا وزاره ولا مجتمع ولا غيره ... وان شاء الله مجهودها ما ضاع الا بالعكس بتشوف ثمار تعبها في الدنيا قبل الاخره .. الله يجزاها كل خير عن كل حرف علمته بنات قطر .. ويوفقها باذن الله ..




التعديل الأخير تم بواسطة Dawn ; 28-11-2010 الساعة 11:28 PM.
رد مع اقتباس
  رقم المشاركة : 13  
قديم 29-11-2010, 09:15 AM
الصورة الرمزية المملوووحه
عضو نشط
المملوووحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

الاخت Dawn كلامك صحيح ......................
بالنسبه للاخ كومبو صعبه ان الواحد يسبح عكس التيار انا اوقف ضد الاداره بسلطتها واغلب اللي خذوا التراخيص لهم معارفهم او واصلين فالمجلس الاعلى ............. وفالروض والمدارس الكل ساكت وسلبي !
والله اخوي حتى اذا اتصلنا المجلس الاعلى او رحنا محد يعبرك ...
الا اذا الوحده ابوها او زوجها او اخوها راح يراجع.... يمكن تستغرب بس يحطون لنا العقده فالمنشار على كل شي ... ان قلت مارح ادفع على قرطاسيه وبكتفي باللي موفرته الروضه بس لما اجي اقارن شغلي بغيري يطلع اقل رغم ان انا كشخص ممكن اكون اكثر ابداع منهم بس والله احنا وبالذات فالمجلس الاعلى في زمن الشششوووو ....





رد مع اقتباس
  رقم المشاركة : 14  
قديم 29-11-2010, 09:17 AM
الصورة الرمزية المملوووحه
عضو نشط
المملوووحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

ابشركم الحين يدورون علينا يجمعون لاحتفال اليوم الوطني!!!!!!!!!!!!!!!!!





رد مع اقتباس
  رقم المشاركة : 15  
قديم 29-11-2010, 10:34 AM
الصورة الرمزية اللورد
المـديـر العـام
اللورد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

غريبه والله !!

الي اعرفه ان الاحتفالات والمهرجانات الخاصه بالمدارس يكون لها ميزانيه واعتقد ايضا ان اليوم الوطني له ميزانيه ومحسوبه ولكن لماذا لا يستفاد بها

السؤال الحين لو طالب ما دفع وش مصيره !!





رد مع اقتباس
  رقم المشاركة : 16  
قديم 29-11-2010, 11:24 AM
الصورة الرمزية بوعيسى
تاجـر
بوعيسى غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

المشكله مب ان الواحد يخاف على رزقه و ما يتكلم
المشكله أن الاغلب ما يكونون على قلب واحد

و المصيبه الاكبر توقف و تواجه من
المجلس الاعلى الكل يقط المسؤوليه على الثاني

صحيح لو الكل طنش فالاخير الخسرانين الطلاب و فالتقييم المدرس و صاحب الترخيص مب هامه شي

المملوحه

أنا واحد غاسل يدي من شي اسمه مجلس اعلى
الفكره طيبه و التطبيق فاشل بمعنى الكلمه

صحيح مافي حد ناجح 100%
بس من رأيي الشخصي و اللي اسمعه من شكواي فكل مكان ما اعتقد وصلوا حتى ال 50 %
بالنسبه إذا تبون تحاسبون المدارس
مافي شفافيه عند شركات البورصة تبون المدارس تكون عندهم شفافيه فالتعامل ولا فالميزانية ولا غيرها

إحنا ما نبي نواجه ولا نبي نحقق

نبي المشاكل توقف , نبي موقف صادق و جاد من المجلس الاعلى

آخر ملاحظه كان في اعلان فالجريده و لستة ارقام طويله
ولا في رقم للشكاوي

اتصلت على كل الارقام و رقم الشكاوي لا رد و إذا حد رد ما يدري عن اي شي




التوقيع - بوعيسى
  • الاسم التجاري: شركة كتانا للتجارة
  • بلد التاجر : قطر
  • مجالات التجاره: دعاية و إعلان , عقارات , اكسسوارات و زينة السيارات
  • وسيلة الاتصال : katana_trd@yahoo.com
  • طريقة الشحن : فقط في قطر
  • طريقة الدفع : على حسب نوع الطلب

مطبوعات بأنواعها ( بزنس كارد , ورق مراسلات , دفاتر فواتير , بطاقات توزيعات ,طباعة على شرائط الهديا و التوزيعات , بروشرات , .... الخ ) , لوح إعلانية , رول أب , بنرات , لوح مكاتب , أي شي يخص الدعايه و الإعلان

رد مع اقتباس
  رقم المشاركة : 17  
قديم 01-12-2010, 08:54 PM
عضو جديد
ألماسة وردية غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

هالموضوع بالذات يقلب المواجع عندي

أنا اشتغلت 3 سنوات في مدرسة مستقلة خلال هالثلاث سنوات كان كل سنه صاحب ترخيص مختلف .. والله انا الحين استغرب شلون قدرت استحمل هالوضع 3 سنوات شفت العجب تعليم فاشل تخبط في كل شي .. المدرسة ما همهم غير الحفلات والمهرجانات والبوفيهات على اقل شي بوفيه وإذا حد طلب شي من المدرسة لا مافي ميزانيه وينها الله اعلم وفالحين يطرشون حق الشركات الكبيرة مثل راس غاز والبترول وغيرها كتب دعم إذا يبون يشترون ألعاب ولا أثاث والحفلات يخسرون عليها الالاف من تجهيز ومسرح وإضاءة وتصوير وبوفيهات لكن إذا جيت تطلب لشي يفيد المدرسة والطالبات ماعندهم .. الشي الثاني اللي لاحظته وهو المجاملات يعني أنا لازم أجامل صاحبة الترخيص وأعطيها من هالكلام الحلو حتى لو جذب وإذا سافرت لها يومين ثلاث أجهز لها الفاله والورد كل هذا ليش عشان تحطني على راسها وترزني لأن كل شي بيدها التقييم والعلاوات اللي تكون بيد صاحبة الترخيص بس حتى لو كنت ما اسوى شي ولا لي دور فعال فالمدرسة .. هذا غيض من فيض والله ومن الأشياء اللي خلتني ما أقدر أكمل فالمدارس المستقلة الوحدة تتعب وتبذل جهد وتسهر وفالأخير محد يقدر ولا يبين فعينهم والبعض يمكن تقصر في بيتها وزوجها وعيالها على ناس والله مايستاهلون .. خسارة والله على المدرسات اللي كانوا مبدعات وعندهم مواهب حلوه وأساليب راقية في التعليم وخصوصا القطريات إذا عطت تعطي بذمة وضمير لكن ألحين على هالخربطة اللي صايره راح كل شي في ناس كانوا يستمتعون بالتدريس ألحين العكس تماما.. لا والمشكلة شنو المجلس الأعلى يقولك اتصل أو قدم شكوى إذا تعرضت لظلم أو اي شي آخر لكن هذا كله دعاية لهم وان احنا نسمع لكم وهم لين جيتوا للواقع ما ينصفونك ..

الشكوى لله والله يعين هالطلاب المساكين




رد مع اقتباس
  رقم المشاركة : 18  
قديم 01-12-2010, 10:08 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

حضرتي الي هي آنا اشتغلت في أكثر من 3 مدارس مستقلة

شفت العجب العجآآآآآآآآآب بخصوص هاموضوع

كلهم على آخـــــر السنة يشتكون من العجــز في الميزانية حتى تصوير أوراق المراجعة وهالسوالف علينا احنا

يقولون عجز ،، تقشف ،، مافيه ورق ،، ومافيه حبر !!

واحنا نبتلش !!

بس حق الامتحانات يطلع الورق والحبر وكل شي آخر يومين

زيــــن ،، وين راحت الفلوس ،، وهم عندهم ميزانيــــة لكل شي

وفي أمور هم مطالبين يوفرونها للمدرسات والموظفات ولا قاعدين يوفرونها احنا نجيبها من البيت

مثل الشاي والماي وحتى فاين الحمام الله يعزكم اوالصابون في الحمامات مافيه !!!

يمكن يوم في السنة نحصل ،، وطوول السنة مافيه !!!

وبصراحة محد يدفع من جيبة إلا المدرسات القطريات والأجانب نادر وصعب جداً يحطون ريال >> ماحط بذمتي كلهم الأغلبية الغالبة

وإن جيتوا للصدق تصرفهم صحيح واحنا القطريات الي ماعندنا سالفة ندفع من حسابنا الخاص حق المدرسة

وياليت في تقدير ولا شكر ولا حتى معاملة طيبة << الحمد لله والشكر !!

**مـــره بغينا نشتري هدايا للطالبات المتفوقات كتكريم وتشجيع لهم ،، يوم قلنا للأجنبية الي معانا بالقسم ماتبين تكرمين طالباتج >> قالت قدموا طلب إذا عطونا فلوس أهلا وسهلا ولا مابكرم ولا بدفع !!!

وفي يوم تقابلت مع صاحبة ترخيص بييت ناس معارفنا وكنت أيامها أدور شغل ،، قالت لي بالحرف الواحد إنها تبي وحدة بتخصص مثل تخصصي في الإدارة ،، عقب قالت تعالي إنتي جامعية وقطريــــة معاشج وآآآيـــــــد بروووح أدور لي نفس التخصص (مصرية أو أردنيـــة) أعطيها 7 ولا 8 آلاااااف بتحب يدها ورا وقداام على هالمعاش وبوفر في الميزانية !!!!

قالت تبين بحطج مدرسة >> راتب المدرس أقل من راتب الوظيفة الي تكلمت عنها قبل

بس آنـا مستحيل اشتغل مع ناس من هالنوعية ،،، ناس ماديين استغلالييين لآخــــر درجة
ماهمهم مصلحة الشغل ولا أي شي غير الفلووس

يعني من بيكون قلبه على الشغل وعلى الطالبات وعلى المكان والمدرسة غير بنت البلد

والله إني كنت أدفع مبالغ لايستهان بها من طيب خاطر >> البطرانة أشتري الهدايا من تويز آر أس ،، وعقب يوم شفتهم بهالأسلووب ويدوروون علينا الزلة وكل كلمة هددوا بنخصم عليكم وشفت الأجانب اشلون ماسكين صرت ماحط ريال

** وفي مدرسة (( الله يستر عليها )) المستقلة للبنات

قالو بيسوون حصة في الأسبوع لنوادي يسوون أنشطة والميزانية لكل نادي 200 ريال طووول الكورس !!!

زين ،، الي اختار نادي الطبخ والي اختار نادي اعمال يدوية والي اختار نادي التصميم ووو.........إلخ

200 ريال شتسوي ؟؟؟!!

أول اسبوع الكل شرا وحاول يقتصد ومشى الموضوع

الأسبوووع الثاني ياالله كفت الفلوووس

الأسبوع الثالث المدرسات قاموا يدفعون من حسابهم الخاص علشان يوفرون الخامات للبنات

وعقب كلموا الإدارة خلصت الفلوس !!

توقعون ايش كان الرد ؟؟

قالوا: تاجروا بيعوا الي أنتجتوه على البنات علشان تجيبون فلوس للأسبوع الي بعده وغير هال200 مافيه !!!!

~~ وضآآآآعت هيبـــــــــة التعليــم ~~

صرنا نودي بناتنا المدراس يتعلموون البياعة واشلون يطلعوون الريال من مكدتهم هههههههههه

وبعدين صار حالنا بهالنوادي:

1- الي يكش ذبااااان كل أسبوع مثلي :)
2- الأجانب غيروا مسمى ناديهم إلى نادي الرسم علشان كل البنات عندهم أوراق في شنطهم وألوان وصاروا يرسمون.
4- والي تم يدفع من جيبه وهو متغصص :(

وفي يوم تم استدعاءنا جميعا من قبل الإدارة ..

خير عسى ماشــر ياجلالة صاحبة الترخيـــص ؟؟

ليش النوادي ما انتجت ؟؟!!! وش كنتوا تسووون طووول هالفترة ؟؟؟!!

الكل اعتفس ولا حد قدر يرد !! << على الأقل كان قلنالها بعناه << والله ماجا على بالي ساعتها هههههه

تقول أنا من زمان قايلة لكم بنسوي مهرجان علشان ومعرض حق انتاجات المدرسة !! وين الانتاج ؟؟!!

يعني أخبر الي عنده منتجات تستاهل يفكر عقب يسوي معرض مو العكس،،

الي يبي يسووي مهرجان ومعرض ويدور أي شي يعرضه !!!

المهم صرنا نلقط يمين ويســار لين حطينا لها كم شي في المعرض وهي جابت عفش بيتها كله واترست القاعةههههههههه





التعديل الأخير تم بواسطة نور قطر 1 ; 01-12-2010 الساعة 10:19 PM.
رد مع اقتباس
  رقم المشاركة : 19  
قديم 01-12-2010, 11:14 PM
عضو متقدم
Dawn غير متواجد حالياً
 





عدد التعليقات: 7 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!



نور ؟



نور!!!!!




هههههههههههه

المديره ام 200 ريال هذي اعرفها ( ام خماس ) ...

والا كلهم المديرات ماخذين الخطط التنمويه من المجلس الأعلى ؟؟ خخخخخخخ

صراحة انا اتقدم بالشكر الجزيل للمجلس الأعلى للتعليم لأنه علمني البياعه على أصولها ..
واستفدت من مشاريعي التجاريه في تمويل مشاريع وانشطة المدرسة ( التربويه ) .. وكان لهذا الانجاز الاثر الكبير على حياتي حيث صار ربع راتبي يبقى في رصيدي في البنك حتى منتصف الشهر ... وهذا انجاز عظيم لم اكن لاحققه لولا جهود المجلس الاعلى وصاحبات التراخيص الفاضلات وعلى رأسهم ( ام خماس ) الموقره مديرة مدرسة الله يستر عليها المستقلة ..

ولا ننسى الطراره حيث تطلب المديره من المعلمات ان يتوسط اخوانهن او ازواجهن من موظفين مؤسسة البترول والغاز والبنوك و و و .. إلخ لتزويد المدرسه بميزانية ماليه من اجل تمويل مشاريع تعليمية كشراء الكتب المدرسيه والاثاث وغيرها ...

شوفي شلون الواحد لازم يكون ايجابي ومتفائل ... شكرا المجلس الاعلى للتعليم علمتنا مهارات مفيده جدا للمستقبل





رد مع اقتباس
  رقم المشاركة : 20  
قديم 01-12-2010, 11:20 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: الى متى استنزاف اموالنا في المدارس والروض؟؟؟؟؟!!!!!!!

هههههههههههههههههههااااااااااااااااااااااااي

أفهم من كلامج يا Dawn

إنج كنتي معانا في مدرســة (( الله يستر عليها )) وعلينا للبنات ؟؟؟!!!

زيــــــــن ماشفتيني وآنـــا أكش ذبآآآآآآآن

في نـــــــادي ...













((كش الذبأأأأأأأأأن ))





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: الى متى استنزاف اموالنا في المدارس والروض؟؟؟؟؟!!!!!!!
الموضوع كاتب الموضوع المنتدى مشاركات آخر مشاركة
المدارس المستقلة و مشكلة انصراف الطالبات مناير الحب المجتمع القطري 4 01-12-2010 11:59 PM
المدارس المستقله ...!!! Menerva المجتمع القطري 26 16-10-2010 12:30 AM
١٩ سبتمبرالقادم بدء العام الدراسي الجديد نور قطر 1 المجتمع القطري 4 29-08-2010 08:18 PM


الساعة الآن 06:08 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم