استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

بعض البنوك وسياسة تطفيش الموظفين القطريين

بعض البنوك نشوفها تتبع سياسة إشربي ولا العصا والموضوع يخص بعض البنوك اللي جنبت نفسها الغرامة المالية إذا ما عينت قطريين وقطريات طبعا وتم التعيين بعد جهد جهيد وتم التكليف بمهام الموظفين الجدد فرحانين فيها شوي إلا منقلينهم من مكان لمكان بحجة التدريب شوي إلا مسلطين عليهم ناس لا تخاف ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 29-11-2010, 10:30 PM
الصورة الرمزية الريم الخجول
عضو نشط
الريم الخجول غير متواجد حالياً
 





عدد التعليقات: 0 تعليق
حدث بيانات الدوله!
Impp بعض البنوك وسياسة تطفيش الموظفين القطريين


بعض البنوك نشوفها تتبع سياسة


إشربي ولا العصا


والموضوع يخص بعض البنوك اللي جنبت نفسها الغرامة المالية إذا ما عينت قطريين وقطريات طبعا وتم التعيين بعد جهد جهيد





وتم التكليف بمهام الموظفين الجدد فرحانين فيها


شوي إلا منقلينهم من مكان لمكان بحجة التدريب



شوي إلا مسلطين عليهم ناس لا تخاف من الله ولا تستحي واللي يضحك انهم مب قطريين وهذا يوم قالو شر البلية ما يضحك


وإذا شافو القطريين متحملين وصابرين على
غثاهم وإستفزازهم لأنهم اعلى منهم


وصج صج ممثلين إذا صار تحقيق


يقولون لك شي ويسون شي ثاني





صج ويه بليته


نلقى الإدارات بكبرها تهتم بنقلهم وتلتهم عشان سواد عيون من ما ندري ؟


وهات يا تلطيش في القطريين عيال البلاد وهات يا انذارات وهات يا سياسة توسيخ الملفات .



كل هذاااااا عشان الموظف تأبى كرامته وتلزمه إنه يقدم إستقالته بسبب هالأشكال اللي يتعامل معاها وعاد تعالو يا إدارة العمل شوفونا إحنا كبنوك ما قصرنا وظفنا قطريين بس طلعو مش كفؤ والدليل هالملفات <<< لا بارك الله في الظالم


ونسووووووو أو تناسو يوم انهم يخلون غيرهم يشتغل عنهم وهم بالإسم مسؤلين ولا مسؤولات على وشو ؟


مسؤله إنتي على ايش ياللي في بالي ؟؟


على الأذيه على نجاحج في اتباع سياسة التطفيش إنتي وهو


والله شي ما ينسكت عنه زودوهااااااااااااااااااااا بعض البنوك مب الكل


لأن في بنوك ممتازه هي وستافها بمختلف الدرجات مب هذولا اللي حاطين سوبر جلو عالكرسي ما يتحركون منه وكلمتهم مسموعه








رد مع اقتباس
  رقم المشاركة : 2  
قديم 30-11-2010, 10:52 AM
الصورة الرمزية Nonooo
عضو VIP
Nonooo غير متواجد حالياً
 





عدد التعليقات: 4 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

والله إنج صادقة .. لا وأزيدج من الشعر بيت لجنة التوظيف أصلا أجنبية!!!
وين وزارة العمل وألا إدارة العمل وألا شاطرين بس يترززون في الجرايد حق مشاكل العمال اللي ما إستلموا رواتبهم!!
يا ريت يزيدون عدد مفتشينهم ويعطونهم صلاحيات المرور والتفتيش على المؤسسات والإدارات وبالخصوص البنوووووووك..
ياريت حد من المسؤلين يشوف هالمواضيع ويبت فيها..وأنا كقطرية ما أنكر إن فيه قطريين ما يبون يشتغلون ويتعبون نفسهم..لكن بالمقابل في قطريين ملتزمين وأكثر من الأجانب اللي صاروا أكثر من الهم على القلب..
ياريت بس تفهون إن ما يعز ولا يرز هالبلاد إلا أهلها وعيالها أما اللفو مايدومون لها بس أكل في هالفلوس وكل واحد منهم كرشته تمشي جدامه من خير هالبلد..
قال تقطير قال؟؟!
أي سياسة تقطير تصير بيد أجنبي فهموني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟!!!!!!!!!!!!!!!!!!!!!!!
يمكن هم أفهم منا؟
عقولهم أكبر؟
....................................الله يرحمنا برحمته





رد مع اقتباس
  رقم المشاركة : 3  
قديم 30-11-2010, 11:24 AM
الصورة الرمزية حيرانة
عضو فعال جداً
حيرانة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

اختي سادلي برأيي لوسمحتي

انا مقيمة هون فهالبلد والله يحفظه من شر النفوس اللي تدخل بغرض كبير ومايهمها الا الربح الكثير وفي وقت وجيز
انا معك في كلكلمة قلتيها وطبعا بحس بمعاناتكم انتو كمواطنين محرومين من مراكز كبيرة ماسكينها الاجانب غير الرواتب الزهيدة وحدث ولا حرج في ذلك بس لما صارت عملية تقطير المناصب البعض منهم تنفس الصعداء وحمد ربه انه حيتوظف لكن وش هالوظيفة وشنو هي الشروط مما لاحظته انهم يعطون شروط صعبة ومؤهلات وخبرات نادرا ماتحصلها بس السؤال المطروح هنا هل هذا المقيم اللي فضلتمونه عالمواطن كفؤ وعنده هالمواصفات
هل ياترى عنده كل هالشروط بس شوي يتكلم انجليزي وشواهد يمكن الله اعلم من وين جايبها شاريها من معهد ولا وين في بلده ويجي يتكلم على خبراته ويوم يبي يشتغل مايميز بين الالف والعصا
ليش ماتكون تشديد ورقابة في المقيمين على مؤهلاتهم وخبراتهم والاستفسار عليهم في بلدهم خصوصا اللي يستلمون رواتب خيالية اقول هذا ومن حرتي على عناصر ونماذج لامؤهلات دراسية ولاخبرات بس شهادة على ورق عليها ختم ومناظر مغرية مخلة بالاداب انا هون بتكلم عن المقيمات وفيه جنسيات معينات لاداعي لذكرهم مطلوبات كثير في الشغل مو عشان الخبرة بس عشان المظهر الخارجي جنا جاية تشتغل عرض ازياء باريس
الله يعين كل واحد وخير البلد في عياله واهله

اسفة عالاطالة وموضوع مايبيله رؤية بالمجهر
ودمتي ياقطر





رد مع اقتباس
  رقم المشاركة : 4  
قديم 30-11-2010, 12:02 PM
الصورة الرمزية المملوووحه
عضو نشط
المملوووحه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

السلام عليكم جميعا
والله ياجماعه هاذي عقده ((( الخواجه ))) اللي مادري من وين جاتنا....؟
وترى انتشرت مب في قطر الا فالخليج كله
اهلي فالامارات يعانون من هالموضوع .............. وتلاحظون هالرؤساء يرفضون مرات بعض الدورات للمواطن اللي ممكن تطوره.
ويرفضون اية افكار او مقترحات من المواطن مثلا لتطوير العمل او غيره وممكن البعض يوافق عالمقترحات ولكن ينسبها لنفسه..............
الله المستعان!
كنت اسمع عبارة (((((( قطر لغير القطريين )))))) ولا اصدق !!!!
مرات اسال نفسي ............ هل هذي نظره سوداويه وتضخيم منا ؟؟؟
مازلت لا اعلم؟؟؟
شكرا لصاحبة الموضوع ...............




التوقيع - المملوووحه
استغفر الله الذي لا اله الا هو واتوب اليه

رد مع اقتباس
  رقم المشاركة : 5  
قديم 30-11-2010, 12:02 PM
عضو نشط
دمعة هيامي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

اختي الريم ..
انا اقطرية مثلج ومثل اي مواطن ومواطنه في قطر ..
وانا احب كلمة الحق ..
الحق ينقال حتى ولو على حسابنا ..

اول شي هاي البنوك تبي مصلحتها صح .. وكل واحد فينا يبي مصلحته ..
وهذول الاجانب لوكانوا شايفين الشباب القطري ينفع شغلهم واعمالهم ماكانوا طردهم بطريق غير مباشر
او رفضوا يوظفونهم ..
الصراحه معاهم حق اكثر الشباب القطريين مايشتغلون عدل ولا يهتمون بشغلهم بس يبون يتكشخون
ويقرون جرايد ويشربون كوفي وياكثر اجازاتهم وتأخيرهم عن الدوام ..

هاي شي شايفته بعيني ..

الصراحه وياهم حق الاجانب مايوظفون شبابنا القطريين سواء من بنات او اولاد ..

وانا لو كان عندي بنك حقي او اي شركة ثانية ماراح افكر اوظف من ابناء وطني القطريين الا في حالات نادره جدا ..
والاجانب المقيمين يااختي لهم فضل بعد في تقدم بلادنا ..

لاتكونين انانيه ويغرج حالج .. (( ترى يوم لج ويوم عليج )) ..

مثل مالله سبحانه وتعالى عطانا خير ممكن في لحظه يضيع كل هالخير بعمايلنا وسواتنا ..

ازرعي خير عشان تحصلين خير .. والله يبارك لنا ويزيدنا على طول ..




التوقيع - دمعة هيامي
استغفر الله العظيم

رد مع اقتباس
  رقم المشاركة : 6  
قديم 30-11-2010, 02:22 PM
عضو متقدم
Dawn غير متواجد حالياً
 





عدد التعليقات: 7 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

اقتباس
 مشاهدة المشاركة المشاركة الأصلية كتبت بواسطة دمعة هيامي
اختي الريم ..
انا اقطرية مثلج ومثل اي مواطن ومواطنه في قطر ..
وانا احب كلمة الحق ..
الحق ينقال حتى ولو على حسابنا ..

اول شي هاي البنوك تبي مصلحتها صح .. وكل واحد فينا يبي مصلحته ..
وهذول الاجانب لوكانوا شايفين الشباب القطري ينفع شغلهم واعمالهم ماكانوا طردهم بطريق غير مباشر
او رفضوا يوظفونهم ..
الصراحه معاهم حق اكثر الشباب القطريين مايشتغلون عدل ولا يهتمون بشغلهم بس يبون يتكشخون
ويقرون جرايد ويشربون كوفي وياكثر اجازاتهم وتأخيرهم عن الدوام ..

هاي شي شايفته بعيني ..

الصراحه وياهم حق الاجانب مايوظفون شبابنا القطريين سواء من بنات او اولاد ..

وانا لو كان عندي بنك حقي او اي شركة ثانية ماراح افكر اوظف من ابناء وطني القطريين الا في حالات نادره جدا ..
والاجانب المقيمين يااختي لهم فضل بعد في تقدم بلادنا ..

لاتكونين انانيه ويغرج حالج .. (( ترى يوم لج ويوم عليج )) ..

مثل مالله سبحانه وتعالى عطانا خير ممكن في لحظه يضيع كل هالخير بعمايلنا وسواتنا ..

ازرعي خير عشان تحصلين خير .. والله يبارك لنا ويزيدنا على طول ..


لا إله إلا الله ...
اختي العزيزه ..
هذا الكلام اللي بالاحمر يبيله وقفه .. ونقاش ..
عزيزتي انا عن نفسي سمعت مثل هالكلام من رئيسات عمل قطريات للأسف في مجال التعليم ..
فكره القطريين ما يبون يشتغلون .. وان لازم نوظف الاجانب لانهم الافضل ..

طيب خلينا نفترض جدلا ان القطري لا يعمل كما تدعين ...

ما هو السبب يا ترى ؟ ما الذي دفعه للكسل وعدم الالتزام ؟؟ هل يا ترى التهميش ؟؟؟ بيئة العمل الطاردة للموظف المواطن ومنها على سبيل المثال الراتب الضعيف ، انعدام فرص التطوير ، التعامل السيء من قبل رئيس العمل ...

لا يوجد دخان من غير نار يا عزيزتي

عندما اتعب انا المواطن واعطي من صحتي ومجهودي ووقتي ومالي ... وكل هذا لا يحتسب لي ويفضل علي الاجنبي الذي قد يكون مؤهله غير مناسب او اقل من مؤهلي ويعطى راتب اعلى مني ،، ويعطى بدلات ،، تأمين صحي ،، تذاكر ،، تعليم مجاني للابناء ،،، سكن مجاني ،، بدل مكالمات وسياره وغير وغيره وغيره ... ماذا تتوقعين ان يسبب ذلك لنفسية الموظف المواطن هل تعتقدين انه سيعطي افضل ما عنده ؟؟؟ لو كان اخوك او زوجك او ابنك تعرض لهذا النوع من التهميش والنظره المليئه بالاحتقار والازدراء ووجه له كلام يكسر النفسيه مثل كلامك اللي فوق بالاحمر ... ماذا كنتي ستقولين يا ترى ...

اللوم على المسؤول القطري الذي لم يتبنى المواهب المحليه ولم يقدر الموظف المواطن ولم يعطه الثقه والتشجيع واتمنى فعلا ان يفنش هذا المسؤول القطري ويطرد من كرسيه طردة كلب أعزك الله ويوضع بدله مسؤول اجنبي ويقال له" انت قطري انت مب مال شغل " ويطرد ويهمش كما فعل بابناء هذا الوطن ... اتمنى فعلا ان يحدث ذلك لكي تكون صفعه يتأدب فيها كل مسؤول قطري لم يشجع القطريين من الشباب على العطاء .. وحطم نفسيته بهذا الكلام واحبطه وجعل منه شخصا سلبيا ..

ارى آثار ما تقولينه عندي في مجال عملي بالتعليم وارى الانحدار والفشل الذي وصل له التعليم عند ابعاد وتطفيش وتحطيم واحتقار الكوارد المحلية من قبل صاحبات التراخيص بحجة ان القطرية لا تعمل القطرية كسولة ... ماذا فعل الاجنبي بالتعليم ؟؟ ... لقد رجعه الى ايام التخلف ايام السبعينات ...
بعد ان تمتع التعليم بازهى عصورة في اواخر الثمانينات والتسعينات وكان هذا العصر الذهبي قائم بجهود الخبرات المحليه القطريه .. حيث كانت نسبة التقطير من اعلى المعدلات في المدارس الحكوميه في تلك الفتره ... عكس ما هو حاصل الان .. حيث لازالت المدارس تخسر يوميا العشرات من الكفاءات القطريه .. ويبقى الاجانب ويزيدون .. وذلك بفضل صاحبات التراخيص ممن يحملوا افكارا مشابهه لافكارك ...




رد مع اقتباس
  رقم المشاركة : 7  
قديم 30-11-2010, 05:34 PM
الصورة الرمزية حيرانة
عضو فعال جداً
حيرانة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

اختي هيامي لااوافقك الراي مما قلتيه وعلى كلامك هذا فتحتي المجال على مصراعيه من ذوي النفوس المريضة اللي يجون هالبلد بمشاريع وهمية تبذر عليها اموال طائلة وفي الاخير الشريك القطري هو ضحية النصب والاحتيال ويضل يتخبط في ديون لانهاية لها
والكلام اللي قلته انا ماهو الا ناتج عن تجارب ماجبت شيء من وحي خيالي صارت مؤهلات الاغراء أهم من مؤهلات الثقافة والخبرة
وشتقولين لي صديقة قطرية مقدمة على كم وظيفة صارلها اكثر من سنة ونص ماتشتغل وتعبت تدور وللحين تعاني من البطالة خلاص صار عندها تذمر ويأس ماتبي تطلع تشوف جهات ثانية ليش ؟؟؟ لانه مافي تحفيز و تشجيع للقدرات المحلية
وقلتي ايضا ان المقيمين هم اللي ساهموا في نمو هالبلد والقطريين بطبعهم كسولين يعني اختي فكري فيها ولو لحظة واحدة : مساحة قطر وسكانها وخيراتها وووو
فرضا اخوك نزل يشتغل سباك او بلاط في الحر او نادل او وووو في قرارة نفسك ماراح ترضين على وضعه حتقولين شلون اخوي ابن البلد يشتغل هالشغلة ومديره مقيم وصاحب الشغل مقيم وحتسألي نفسك وين خيرات هالبلد ترا عيالها أولى بهالثروة ماراح تقبلين بهالوضع اما المقيم فيكون على دراية مسبقة وهو في بلده ايش حيشتغل وعلى دراية تامة كم راتبه وكيف وضعه وهو بيجي على قناعة ماحد يجبره بهالشيء
تراني اتكلم من الواقع ومالي اي مصلحة مثل ماقلتي
والله يثبتنا على قول وفعل الخير





التعديل الأخير تم بواسطة حيرانة ; 30-11-2010 الساعة 05:50 PM.
رد مع اقتباس
  رقم المشاركة : 8  
قديم 30-11-2010, 07:00 PM
الصورة الرمزية بوعيسى
تاجـر
بوعيسى غير متواجد حالياً
 





عدد التعليقات: 8 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

1- البنوك شركات ربحية و ليست شبه حكوميه او حكوميه
2- فكرة الخواجه موجوده فالخليج لحد اليوم مهما كان المواطن يمتلك من شهادات و خبرات لازم يسمعون للخواجه لو شوي
3- القطريين يشتغلون هذاك زمان أول اللي قطري يحط ريل على ريل و راتب
4- للشكاوي في ادارة العمل عند عبدالله المهندي و مره حطوا بلوك على بنك أنا شفت هالشي بعيني ( كفو عليهم ) و الشكوى كانت من متدرب قطري و الزموهم بدفع مستحقاته و إخلاء الطرف
5- متابع بصمت لباقي التعليقات لاني منقهر و ممكن اتهور




التوقيع - بوعيسى
  • الاسم التجاري: شركة كتانا للتجارة
  • بلد التاجر : قطر
  • مجالات التجاره: دعاية و إعلان , عقارات , اكسسوارات و زينة السيارات
  • وسيلة الاتصال : katana_trd@yahoo.com
  • طريقة الشحن : فقط في قطر
  • طريقة الدفع : على حسب نوع الطلب

مطبوعات بأنواعها ( بزنس كارد , ورق مراسلات , دفاتر فواتير , بطاقات توزيعات ,طباعة على شرائط الهديا و التوزيعات , بروشرات , .... الخ ) , لوح إعلانية , رول أب , بنرات , لوح مكاتب , أي شي يخص الدعايه و الإعلان

رد مع اقتباس
  رقم المشاركة : 9  
قديم 30-11-2010, 10:09 PM
الصورة الرمزية الريم الخجول
عضو نشط
الريم الخجول غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

السلام عليكم
اختي هياامي انا لاااااوافقج الرااي لاني كنت اشتغل بالبنك
وشايفه كل شي وطلعت من الشغل مظلومه سبت مدير اجنبي
ف القطري مهماا ينكرف مابين بعيين الاجنبي حبيتي هذيلااااااا الاجانب عصابه لقوااا شي ماحلمووا فيه الا بقطر الي رزتهم وحطت لهم قيمه
الله يعز حكومتنااااا
تحياتي




التعديل الأخير تم بواسطة الريم الخجول ; 30-11-2010 الساعة 10:11 PM.
رد مع اقتباس
  رقم المشاركة : 10  
قديم 01-12-2010, 07:28 AM
عضو نشط
دمعة هيامي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بعض البنوك وسياسة تطفيش الموظفين القطريين

الحين اختي الريم رواتبنا ضعيفه ؟؟
في اقطري راتبه ضعيف ؟؟
هاي وين ؟؟ قبل كان اي بس الحين مافي ..
كل القطريين في الدوائر الحكومية رواتبهم عاليه بس هم ياحبهم حق القروض والسفريات وتغير السيارات كل سياره جديده تطلع لازم يروحون يشترونها حتى ولو كانت سيارته توه شاريها وحتى لو ماعنده يروح ياخذ قرض من البنك وتتراكم عليه الديون ويخصمون من راتبه وفي النهاية يقعد يتشكى ويقول زيدوا راتبي .. الراتب مايكفيني ؟؟ ويقول انا راتبي ضعيف .. وكل مايزيد لهم الراتب يدخلون في قروض جديده حبيبتي رواتبنا مب ضعيفة والدوله مب مقصره معانا بس احنا المبذرين ونهتم بالمظاهر اكثر شي ..
وبعدين من قال انهم مظلومين بالعكس هم اصل شايفين نفسهم بذات على المقيمين لو تشوفينهم يتأخرون في الدوام على راحتهم وبعد هاي كله مايشتغلون مثل الناس بعكس المقيم تحصلينه يوصل الدوام قبل موعده ويشتغل من اول مايوصل .. قلت لج اختي لاتصيرين ظالمه وقبل لا تتحجين وتقولين كلام ينحسب عليج روحي بنفسج وشوفي لج كم دائره حكوميه وشوفي القطريين فيهم كيف شغلهم والاجانب والمقيمين كيف يشتغلون ..
وفي النهاية مثل ماقلت قبل الحق ينقال ..
خلو عنكم التكبر وقطع ارزاق الناس ..
كل واحد ياخذ رزقه من الله .. حتى لو تميتوا تتكلمون لين السنه الجايه .. هاي ارزاق من الله ..
والله يعطي كل واحد على حسب نواياه ..





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:07 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم