استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > منتدى حواء و الاسره و الطفل


منتدى حواء و الاسره و الطفل لكل ما يخص حواء و الاطفال من جديد الازياء والمكياج والاكسسورات و الطبخ و شؤون الاسره

【Ladies Cafe 】

هلا اختي نورقطر1 اولا مشكورة على الرد الوافي حابه اوضحلك نقطة اختي بالامارات مب هني جنبي بقطر عني انا اذا زارونا تصير صديقتي وتتكلم معاي و اطلعها و حتى اتبرض اشتري لها و اشوف شيناسبها واختي تستغرب كيف اطيعني وكيف انا صبورة معاها اقولها سمعيها وافهميها انا اعرف احساسها لاني ...

إضافة رد
 
LinkBack أدوات الموضوع انواع عرض الموضوع
  رقم المشاركة : 241  
قديم 28-05-2011, 10:32 PM
الصورة الرمزية ريحه الورد
عضو VIP
ريحه الورد غير متواجد حالياً
 





عدد التعليقات: 14 تعليق
حدث بيانات الدوله!
افتراضي رد: 【Ladies Cafe 】

هلا اختي نورقطر1
اولا مشكورة على الرد الوافي
حابه اوضحلك نقطة اختي بالامارات مب هني جنبي بقطر
عني انا اذا زارونا تصير صديقتي وتتكلم معاي و اطلعها و حتى اتبرض اشتري لها و اشوف شيناسبها
واختي تستغرب كيف اطيعني وكيف انا صبورة معاها

اقولها سمعيها وافهميها انا اعرف احساسها لاني اخر وحده من خواتي وفرق السن بيني وبين امي
40 سنه كون الام ماتعرف للنت وبلاويه
بضحكج مره قلت لاختي عند بنتك ايميل +18 سالتني يعني شنهو +18
اذا الام ماتعرف هالشي مصيبة مع انها متعلمه ومخلصة جامعه وقبل تسافر كانت مدرسة
بس توقفت المعرفة عن مكان وبداا المطبخ والعيال

برسلها الرابط وان شاء الله تستفيد منه

الله يحفظك عيالك يانور ويوفقك في تربيتهم التربية الصالحه

سمايل مشكورة ياقلبي




التوقيع - ريحه الورد

التعديل الأخير تم بواسطة ريحه الورد ; 28-05-2011 الساعة 10:46 PM.
رد مع اقتباس
  رقم المشاركة : 242  
قديم 28-05-2011, 10:40 PM
الصورة الرمزية ريحه الورد
عضو VIP
ريحه الورد غير متواجد حالياً
 





عدد التعليقات: 14 تعليق
حدث بيانات الدوله!
افتراضي رد: 【Ladies Cafe 】

راي دانة قطر

السلام الاخت ريحة الورد
عندنا دكتور انجليزي دايم يقول المراهق يدخل في نفق ولا يخرج منه الا عالعشرين او ال21
المهم او شي لازم اختج شوي تهدي الوضع عشان الخطه تنجح
ثانيا المفتاح للمراهق هو المدح
عاد والبنات يموتون عالمدح
اختي لاحظي نفسج مب تجبين الناس اللي تمدحج ؟؟؟؟ وترتاحين لهم ... صح؟
طيب مثلا تقول لها وايد بشرتج متحسنه هاليومين اذا البنت قالت صج؟؟؟؟؟
تقول الام ايه وماشاء الله وجهج منور حبيبتي اقرئي ع نفسج.......... يعني مجرد مثال
بعد ممكن هاللبس وايد يرتب جسمج او قصة شعرج روعه وووووووووو
وتنتبم من كلمة ( لكن ) لان هالكلمه تمحي كل شي قبلها
انتي حلوة ( لكن ) بشرتج تعبانه !!!!!!!!!!!!!
هني كلمه لكن بتنسيها انها حلوة وبتفكر في بشرتها
وجذيه





رد مع اقتباس
  رقم المشاركة : 243  
قديم 28-05-2011, 10:44 PM
الصورة الرمزية ريحه الورد
عضو VIP
ريحه الورد غير متواجد حالياً
 





عدد التعليقات: 14 تعليق
حدث بيانات الدوله!
افتراضي رد: 【Ladies Cafe 】

راي جاد للشراء



**عجبني موضوعج يمكن اقدر ارد ع بعض الاسئلة لانة اختي مثل الحاله اول شي اول اعدادي تعتبر مراهقه وكل شي يدخل بخاطرهاا وكل شي يلفت نظرها وتظهر نفسهاا باي شي ..فسالفه ال بيبي هاذا مب شي غريب لانة حتى الي بصف خامس يبغون السالفه انها والدتها الله يحفطهاا متشددة او دينية يعنى تقولهاا ياابنتي اذا شديتي حيلج بالدراسة والكل امدحج وجبتي دراجات اوك ومناسبة ان شاءالله بشتري لج الايبود الجديد هاذا نفس البيبي بس مافي جوال يعنى لو ولدتها تخاف عليها هاذا في مسنجر واللعاب فقط وعن الاصراخ بالذات الام تسوي لبتهاا جدول وتحط لها الاداب مثلا ركن للصلاة ركن لكلمة الطيبة كلمة التعامل الحسن وكل يوم لو فعلت شي ممتاز او تطورت باادبهاا تحطين لها صح بالركن المناسب له واخر شي تقولها يابنتي وشو بخاطرج ويكون الشي مش غالي اول شي عشان ماتتعود على انها تطلب اي شي اذافعلت واجبتهاا تعطيهاا اول اسبوع مثلا عطر واذا عن العمر اكيد الام الله يحفظهاا عاشت هالمراهقه هي لاتشد عليها عشان ماتنحرف لاسمح الله وتسوا حاتلها ...

هاذي بعض الفيديوات ان شاءالله افيدج !!!

YouTube - ‫مشاكل المراهقة وطرق حلها الدكتور محمد الثويني‬‎

موجود من رقم 1 الى 6 حلقاات

http://www.youtube.com/watch?v=pHbXo...eature=related


http://www.youtube.com/watch?v=wp3N4...eature=related

والله يهديها ان شاءالله بليز الفيديوات انسخيها وحطيها بال youtube
شوفيهم ترى مهمة وان شاءالله والدتها تتفهم وضعهاا





التعديل الأخير تم بواسطة ريحه الورد ; 28-05-2011 الساعة 10:49 PM.
رد مع اقتباس
  رقم المشاركة : 244  
قديم 29-05-2011, 05:26 PM
عضو متقدم
جاد للشراء غير متواجد حالياً
 





عدد التعليقات: 4 تعليق
حدث بيانات الدوله!
افتراضي رد: التعامل مع المراهقين ؟

طبعا حبيت الكل يستفيد من الكلام الي بقولة""



**عجبني موضوعج يمكن اقدر ارد ع بعض الاسئلة لانة اختي مثل الحاله اول شي اول اعدادي تعتبر مراهقه وكل شي يدخل بخاطرهاا وكل شي يلفت نظرها وتظهر نفسهاا باي شي ..فسالفه ال بيبي هاذا مب شي غريب لانة حتى الي بصف خامس يبغون السالفه انها والدتها الله يحفطهاا متشددة او دينية يعنى تقولهاا ياابنتي اذا شديتي حيلج بالدراسة والكل امدحج وجبتي دراجات اوك ومناسبة ان شاءالله بشتري لج الايبود الجديد هاذا نفس البيبي بس مافي جوال يعنى لو ولدتها تخاف عليها هاذا في مسنجر واللعاب فقط وعن الاصراخ بالذات الام تسوي لبتهاا جدول وتحط لها الاداب مثلا ركن للصلاة ركن لكلمة الطيبة كلمة التعامل الحسن وكل يوم لو فعلت شي ممتاز او تطورت باادبهاا تحطين لها صح بالركن المناسب له واخر شي تقولها يابنتي وشو بخاطرج ويكون الشي مش غالي اول شي عشان ماتتعود على انها تطلب اي شي اذافعلت واجبتهاا تعطيهاا اول اسبوع مثلا عطر واذا عن العمر اكيد الام الله يحفظهاا عاشت هالمراهقه هي لاتشد عليها عشان ماتنحرف لاسمح الله وتسوا حاتلها ...

هاذي بعض الفيديوات ان شاءالله افيدج !!!

YouTube - ‫مشاكل المراهقة وطرق حلها الدكتور محمد الثويني‬‎

موجود من رقم 1 الى 6 حلقاات

http://www.youtube.com/watch?v=pHbXo...eature=related


http://www.youtube.com/watch?v=wp3N4...eature=related

موجودة صورة توضح العملية الي قلتيها عن الصلاة والالفاظ والخ .........

والله يهديها ان شاءالله بليز الفيديوات انسخيها وحطيها بال youtube
شوفيهم ترى مهمة وان شاءالله والدتها تتفهم وضعهاا




الصور المصغرة للصور المرفقة
اضغط على الصورة لعرض أكبر

الاســـم:	tabeebe-61c9bc1919.gif‏
المشاهدات:	43
الحجـــم:	25.5 كيلوبايت
الرقم:	17079  
نصائح مهمة بعد تحميل المرفقات : 1- افحص الملف المرفق بأي برنامج مضاد للفيروسات .
2- قم بمراسلة المشرف عن أي مرفق يوجد به فيروس .
3- المنتدى غير مسؤول عما يحتويه المرفق من بيانات .

رد مع اقتباس
  رقم المشاركة : 245  
قديم 30-05-2011, 12:44 AM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: 【Ladies Cafe 】

يعطيكم الف الف عااافيه (( ريحه الورد - جاد للشراء ))

موضوع راائع واتحفتونا بالمعلومات القيمه




التوقيع - Smile Faby

When I smile
The whole world stops and stares for awhile

رد مع اقتباس
  رقم المشاركة : 246  
قديم 30-05-2011, 12:48 AM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: 【Ladies Cafe 】

اقتباس
 مشاهدة المشاركة المشاركة الأصلية كتبت بواسطة ريحه الورد
هلا اختي نورقطر1
اولا مشكورة على الرد الوافي
حابه اوضحلك نقطة اختي بالامارات مب هني جنبي بقطر
عني انا اذا زارونا تصير صديقتي وتتكلم معاي و اطلعها و حتى اتبرض اشتري لها و اشوف شيناسبها
واختي تستغرب كيف اطيعني وكيف انا صبورة معاها

اقولها سمعيها وافهميها انا اعرف احساسها لاني اخر وحده من خواتي وفرق السن بيني وبين امي
40 سنه كون الام ماتعرف للنت وبلاويه
بضحكج مره قلت لاختي عند بنتك ايميل +18 سالتني يعني شنهو +18
اذا الام ماتعرف هالشي مصيبة مع انها متعلمه ومخلصة جامعه وقبل تسافر كانت مدرسة
بس توقفت المعرفة عن مكان وبداا المطبخ والعيال

برسلها الرابط وان شاء الله تستفيد منه

الله يحفظك عيالك يانور ويوفقك في تربيتهم التربية الصالحه

سمايل مشكورة ياقلبي

والله المعرفة مب بس توقفت عند اختج

احنا الي ماعدينا ال 30 صرنا مانقدر نواكب هالجيل ونتعلم مثل مايتعلمون
اذا انا عيالي في الابتدائية هم الي يعلموني ع الايفون من كثر مايتعبثون فيه

زين خليها تفتح معاها المرضوع وتشوف شنو السبب الي علشانه تبي البلاك بيري
هل هو علشان ماتبي تحس انها اقل من ربعها
ولا علشان تواصل مع مجموعة منهم
ولا علشان حابة تحط صور وحركات مثل مايسوون

خليها تحسسها انها فعلا بتشتريه اذا عرفت السبب الي علشانه تبيه
وشافت انه سبب مقنع وانه ضرورة

وعقب تشوف ساعتها اشبتسوي
اذا كان احساس بالنقص تقدر تعوضها بشي ثاني توه نازل وكشخة ومافيه شريحة ولا حتى
لو ساعة او شنطة ماركة

واذا كان علشان التواصل تقدر تقنعها بالمسن
او تاخذ لها ايبود جديد وتنزل عليه الفايبر والواتس اب وتواصل مع صديقاتها
بس بعد لازم تراقب لكن بدون ماتحس البنت


ولازم تحسسها انها واثقة فيها لكن خوفها عليها من الي حولها
تدرين وايد بنات ينشرون صور ربعهم الي يصورونها ويحطونها في البلاك بيري

لانهم مراهقات ومايعرفون خطورة الشي الي يسوونه

شوفي اذا مثل ماتقولين البنطلون ممنوع وكل شي ممنوع
انا احس البنت بتمرد من كثر القيود

انا ما ايد لبس البنطلون
بس خلاص شكل البنت بيكون غلط وسط قريناتها بملابس دقة قديمة

خلي اختج تمسك العصا من النص
وتفتح ع البنت شوي

لان صارت واختي مدرسة شافت بنات رفيجتها الملتزمة ببناطلين ولبس ضيق
في حفلة المدرسة واستغرب وقالت الله يعلم اشلون دبروا وجابو هاللبس
من ربعهم ولا موصين حد بالخش يشتري لهم

يعني خلي البنت تلبس شي يرضيها ونوعا ما يرضيج قدامج
بدال مايكون من وراج وساعتها انتي ماتدرين شنو بتلبس

يعني مافيها مشكلة ان لبست بنطلون مع بلوزة طويلة وقصتها واسعة قدام بنات من عمرها
وعودتها ماتطلع من البيت ببنطلون الا مع عباية ثوب مسكره مافيها طقطق ولا فتحة من قدام

لكن لو البنت مقتنعه بلبسها احسن لها لا تلبس البنطلون ولا غيره لان شي يجر شي

يعني انا قصدي ان الام او اي حد يقدر يتقرب ويتودد للبنت
ويشوف مافي خاطرها ويكلمها بالكلام الزين ويدلعها

والي تقدرون تلبونه لها لبوه والي ماتقدرون واعدوها به لين تكبر
وان كان غلط او فيه مضرة لها اقنعوها وبيونو لها ان همكم مصلحتها

وانكم تبونها تكون احسن بنت في الديرة وتبونها دوم ترفع راسكم
وتبون كل الناس تحسدكم عليها وعلى تربيتها

وعلشان الام تقرب خليها تجرب تلمها وتبوسها وتمسح على راسها
والله اني يوم اني في عمرها واكبر بعد من اشوف امي قاعده
انسدح عندها واحط راسي على ريولها علشان تلعب بشعري لين انام

ترا الطفل والمراهق وحتى الكبير محتاج للحنان من امه بالذات
ومحتاج لحد يحتويه ويفهم مشاعره

والبنت في هالعمر مشاعرها متلخبطة وحايرة وتدور الاهتمام
وتدور الكلمة الحلوة والمدح والثقة والتقدير وتبي حد يدلعها ويحبها

وان ماحصلت حد هالحب في البيت بتدوره برا البيت
يمكن مع بنات او مع الجنس الاخر
او يضل الحرمان في داخل النفس مكتوم

فلا تخلي البنت تحتاج لغيرها وهي موجودة

والله يخليها لها ويبلغها فيها ويجعلها من الصالحين




رد مع اقتباس
  رقم المشاركة : 247  
قديم 30-05-2011, 01:02 AM
الصورة الرمزية ريحه الورد
عضو VIP
ريحه الورد غير متواجد حالياً
 





عدد التعليقات: 14 تعليق
حدث بيانات الدوله!
افتراضي رد: 【Ladies Cafe 】

مشكورة اختي نورقطر1 على النصايح الحلوة
الله يههدي البال
هي تاخذ بي بي امها عشان تدخل النت منه
يعني المشكله في الماسنجر و الربع الواحدد يخاف

شكلي بقوم بزيارة لهم بنفسي اشوف الوضع
واتسيح حجه و حويجه على قولتهم





رد مع اقتباس
  رقم المشاركة : 248  
قديم 30-05-2011, 02:03 AM
الصورة الرمزية ضحاوي
المراقبة العامه
ضحاوي غير متواجد حالياً
 





عدد التعليقات: 7 تعليق
حدث بيانات الدوله!
افتراضي رد: 【Ladies Cafe 】

يعطيكم العافيه كلكم

والله قاعده اقرأ ومستفيده من كل كلمه تنقال

تسلمين ريحة الورد على فتح هالموضوع

ينفعنا مستقبلاً مع عيالنا :)




رد مع اقتباس
  رقم المشاركة : 249  
قديم 06-06-2011, 03:00 PM
عضو نشط
stylish girl غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: 【Ladies Cafe 】

مساء الخير جميعا

اختي ريحه الورد هالمشكله موجوده بكل بيت

انا من رايي "وراح اشرح اسبابه " انها تطلع لها بي بي

البنت بهالعمر دايما تطالع اللي عند صديقاتها واذا اختك ما طلعت لها البنت تقدر تجيبه من وراها وتخبيه عند وحده من صديقاتها
ومعناته بتحتاج احد يوفر لها هالمبلغ و عيال الحرام كثير
اذكر يوم كنت ادرس كان عندنا وحده الله يصلحها كانت من جد شيطان
تقول للبنات اللي تبي شي تدق على ولد خالي "طبعا لا هو ولد خالها ولا شي"
اذكر صارت مشكله كبيره بالمدرسه وعرفو مين الرجال كان واحد فوق الثلاثين واحنا اعمارنا ذاك الوقت على 13 و 14 سنه
ولك ان تتخيلي وش كان يسوي في البنات ذاك الوقت مقابل فلوس

السن هذا جدا حرج ولازم الام تقرب من بنتها مثل ماقالوا الخوات هنا
لكن تقدر تستخدم اسلوب المقايضه .. يعني حنا الحين على نهايه السنه تقدر تقول لها لو جبتي امتياز بمعدل كذه اجيبه لك .. وكذه تضمن ان بنتها تشد حيلها ووقتها يكون كله للدراسه ومافي مجال للخرابيط
وبعد ماتجيبه لها تحط لها قوانين
اولا ممنوع تصور نفسها منعا باتا وتشرح لها السبب وتعلمها عن قصص بنات راحوا ضحيه هالصور
ثانيا من بعد الساعه 9 بالليل الجوال ينحط عند الام وما ترجع تاخذه الا اليوم الثاني

واذا اخلت بالشروط ينسحب منها نهائيا

ولسه الايام جايه والبنت تبي بعدين ايفون واي باد ولابتوب ... الخ
فـ لازم تعلمها انها عشان تاخذ شي لازم تكون تستحقه .. باجتهادها بالمدرسه والتزامها بالشروط اللي امها حطتها لها

واهم شي لا تضربها ابد ابد ابد
افضل اسلوب هو حرمانها من شي تحبه لفتره زمنيه وبعدها ترجع تعطيها اياه

بالنسبه لموضوع اللبس للأسف ما اقدر افيدك فيه لاننا هنا ماعندنا لبس محجبات كلنا نلبس عبايات ههههههههههه

و الله يصلحها ويصلح بنات المسلمين يارب




التوقيع - stylish girl

لكـ كل الشـكـر (F)
الاسم التجاري:Stylish girlبلد التاجر:أمريكا مجالات التجاره:بضاعه منوعه وسيلة الاتصال: الرسائل أو الايميل أو الجوال طريقة الشحن :USPS طريقة الدفع : western union أو حوالة بنكيه

التعديل الأخير تم بواسطة stylish girl ; 06-06-2011 الساعة 03:04 PM.
رد مع اقتباس
  رقم المشاركة : 250  
قديم 06-06-2011, 03:24 PM
الصورة الرمزية ريحه الورد
عضو VIP
ريحه الورد غير متواجد حالياً
 





عدد التعليقات: 14 تعليق
حدث بيانات الدوله!
افتراضي رد: 【Ladies Cafe 】

^^^
مساء النور هلا اختي
مرحبا بك في الكافية

اضافتك للموضوع حلوه واايد اتمنى اختي تستفيد منهاا
وتعدي بنتها هالمرحلة وجميع بنات المسلمين اجمعين





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:14 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم