استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المنتدى الادبي


المنتدى الادبي خاص بجميع المواضيع الادبيه

سالفة وقصيدة (الغزل المؤثر)

اعجبتني القصه والقصيده فنقلتها لكم هالقصه باللغه العاميه البحته اللي ما يعرف اي كلمه يحط تحتها خط وانا اترجمها هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام , لا وبعد موافق مثل ما تقول محلات كلها خباري ومياه , ويتمشى ...

موضوع مغلق
 
LinkBack أدوات الموضوع انواع عرض الموضوع
  رقم المشاركة : 1  
قديم 23-06-2008, 08:22 AM
ادارة المنتدى
ارستقراطي غير متواجد حالياً
 





عدد التعليقات: 0 تعليق
حدث بيانات الدوله!
افتراضي سالفة وقصيدة (الغزل المؤثر)


اعجبتني القصه والقصيده فنقلتها لكم

هالقصه باللغه العاميه البحته اللي ما يعرف اي كلمه يحط تحتها خط وانا اترجمها

هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام ,
لا وبعد موافق مثل ما تقول محلات كلها خباري ومياه , ويتمشى حولها ويدور السهول ويطالع ويناظر , الرجال دقاق نظر بخيص ولا هو بعجل يتفرج ويطالع ولا والله يلقى أثر فقع قعد يدور في الفقع ويطالع جمع له شوي , والله يوم مشي وتعدي ضلعان وجبال ولقى أرض سهله وزينه ودمثه وفيها عرب منا ناس ومنا ناس نازلين اللي معهم غنم واللي معهم ابل تشطر عنهم بعيد وقام يتمشى الحاله وأثناء ماهو يتمشى مادرى إلا والله هاك الغنم يوم انهلت عليه من عند هاك الثنيه ولا وراهن هاك البنت الجميله بنت زينه عليها جلال ومتحشمه , سلم عليها من بعيد , سلام وعليكم السلام وما أدري ويش , وصارت قريبه حوله تكلمه وش انت يالاخ ومتاك جاي هنيا , قال والله جاي اتمشي واطالع و أدور إن كان هنا فقع , ولاهي معها فقع مجمعته قبل لا يجي هو , خذت الفقع اللي معها وقالت خذ هذا تفضل أنا مجمعته , قال خليه
لكم , قالت لا حنا مقيمين في البر وأنت طرقي يمكن تقعد الليله وتمشي خذ هذي الساعه المباركه ,خذاه منها وقعدت تتكلم معاه شوي ولا الحقيقه على جانب من الثقل والجمال وفيها حياء عظيم , ولا تهرج الا على شوي شوي , طالع
عيونها من ورى البرقع وجازت له عيونها بالحيل ( ما تخلون حركاتكم يالرجال ) الحاصل إنه أخذ الفقع منها , قالت له تفضل عند أهلي شف مكاننا هناك تعال تغد عندنا او تعش , واستانس منها على كرامتها وانها قلطته وقالت له تفضل , قال ان شاء الله أشوف أنا بتمشى شوي إن امداني مريت عليكم و إن ما أمداني , انتم مقيمين هنا ؟ قالت ايه والله حنا مبطي في هالمكان , المهم شعفت قلبه بكلامها وحركاتها وبثقلها ورزانتها وهو شاعر والشاعر مرهف حس ودقاق , وعقب يومين من تمشيه في البر دخل للديره ويوم دخل قام يسولف على واحد من أصدقاه يقول إني رحت كذا وكذا وحصلت وشاهدت هاك البنت الجميله وإنها قالت لي كذا وإنها حياويه وإنها تطقق اصابعها من الحياء لا ناظرت , قال يا رجال هين بس واجد قال إنها والله شعفت قلبي , قال يارجال بكره ولا عقبه تنساها , المهم لامه على قوله تلقى غيرها الحريم واجد والعشق واجد وإن تولعت في هالامور بتتعب , المهم يالربع مالكم بالطويله انتهي وقت الربيع وهو لا يزال يذكر هاك الموقع وهاك المكان وهاك الحبابه والطرافه والكلام الطيب , وعقب فتره عقب ما جاء الربيع الثاني قرر قال ابروح أزورهم في مكانهم اكيد اني ابلقاهم , اخذ معه شي من الهدايا مثل ماتقول هديه بسيطه كسوه وقال اروح اسير عليهم, فتجهز وراح يوم راح ووصل للموقع اللي هو خابر اللي هو شافهم فيه جاء ولا والله ما هم فيه ولا هم شادين ورايحين لمكان ثاني لانهم يتابعون مشاهي حلالهم, وفعلاَ ما لقى أحد هاك الليله اللي هو وصل فيها لمكانهم وما وصل الا متأخر ونام , نام في هاك المكان لكنه لا يزال يتذكر هاك الموقع اللي يوم تعطيه الفقع فيه ويوم تقابله ويوم يحكون عند هالحصاة شوي ويتقدم يتقدم عنها شوي ويتذكر يوم إنها تطق بعصا معها على هاك الحصاة الكبيره وترفع رجل وطمن رجل وتمشى وتذكر مناظرها له وكلامها الطيب له وإن كلامها يهشش القلب شوي وزين ويدخل العقل كل هالاشياء تذكرها وهو يتمشي ويطالع ويناظر أمساه الليل ونام في هالمكان لكن يوم نام وجاء تالي الليل توقظ ولا والله يسمع حس ذيب بعيد وهيضه هالذيب ............. وقال

البــارحه جــاوبت لي حس عـاوي * * * ذيب عــوى لجيت بالحـــس ويـــاه
ذيب يجــر الصــوت حسه خــلاوي * * * ياقـلب ياللي جاوب الذيب بـــعواه
والصبح بانت في ضميري أهاوي* * * صوت (ن) زعجته ليت خلي توحـاه
يـادار ما شفتي ظبــي المــطاوي * * * أتلى عـلامي به غشنك رعايـــاه
أنا على شــوف الحبيب شــفاوي * * * كأنه هنـــيا خبرينـــي بممـــساه
قالت لي الأوطان جلــع ضحــاوي * * * اليـــوم رأس الرجــم هذا توطـــاه
أمس بــهذا وأصــبح اليوم نــاوي * * * يتلى ســلف بــدو بعيد معشـــاه
كشف لـهم بــرق سديد عشـــاوي * * * يخيــلونه يم خشــــم المسنــــاه
يبـــون مربــاع بـهاك الحــــراوي * * * لا زاف زملوقه وشبعت رعايـــاه
إخذ الخبر ما هوب خرص وهقاوي * * * أعطيك علم صويحبك وين تلقاه
أدنــي مرابيعه بخشــم الصـداوي * * * وبيــوت مقياضه بقرية مبنــــاه
مير اطلب الله لــو صوابك مخـاوي * * * كم واحد قبلك عشيره تمنــــاه
يالعين ما ينــفع كثــير الشكاوي * * * إلا على اللي دبر الغيث وأنشاه
يـــاونتي ونــة وحــيد جـــــلاوي * * * اللي سبب دينه من أقرب دناياه
ولا خـــلافه من يــحل الدعــــاوي * * * لا صار ربعه منه تبي المثــــاراة
عليك ياللي لك بقلــبي مكـــاوي * * * ثلالث ردعات هوادي وعرقــــاه
عقبه فقـدت من المنام الحـــلاوي * * * وحتى متاعي قامت الكبد تجفاه
يــالايمي ياعـــل مالك عــــراوي * * * بلاه ما ولعــك بالحـــب حليــــاه
مـن لا يعرف الحب عنده دعــاوي * * * يشره على راعي المحبه وينشاه
ويــقول هذا في ممـاشيه غاوي * * * وحنا نـــدل الـــدرب والحــمد الله
يالله عسى مثله كثير الـــهزاوي * * * يبلوى ببلوى من لسانه تهــــزاه
حتى يــعرف إن المحبه بـــلاوي * * * ويشوف مثل اللي من الحب شفناه
عساه يبلى في محبة حيـــاوي * * * حب الهنوف اللي يحده على أقصاه
تفرى ضــيره فري دلو الرواوي * * * إلا صفقها الجــال من حد ملقــــــاه
لا لجلجت له بالنظــير السهـاوي * * * كلامها (لبيـــه) عن قـــولة هــــــاه
كلامها للـقلـــب مثل المــــداوي * * * اللي عــرف علــــة مريـــضه وداواه
يــارب إني بالتفاتك رجــــاوي * * *تلم شمــل الولــف من عقب فرقــــاه
لو تنفع الفزعات ولا النخـــاوي * * * على المــحبة كان كل (ن) نخيـــناه
مير الرجاء والياس صار متساوي * * * يــــاقلبي أصبر في تدابير الإلــه
لو مابقى في حالك إلا شـــلاوي * * * مادبر الوالــي على العبد يرضــاه

قال هالقصيده وهي في الحقيقه تعبر عن شعوره وعن خطواته اللي هو مشاهن وهذه من أجمل قصائد الغزل
للشاعر/ مرشد بن سعد البذال..




التوقيع - ارستقراطي
اللهم انت ربي لا اله الا انت خلقتني وانا عبدك وانا على عهدك ووعدك ما استطعت اعوذ بك من شر ماصنعت وابوء لك بنعمتك علي وابوء بذنبي فاغفرلي فانه لا يغفر الذنوب الا انت

  رقم المشاركة : 2  
قديم 23-06-2008, 09:34 AM
الصورة الرمزية اللورد
المـديـر العـام
اللورد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سالفة وقصيدة (الغزل المؤثر)

صح لسان الشاعر ولا هنت يا الارستقراطي على النقل ومثل ما تفضلت القصيده والقصه رائعه بما تحمل الكلمه من معنى





  رقم المشاركة : 3  
قديم 23-06-2008, 10:42 AM
عضو VIP
العمده غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سالفة وقصيدة (الغزل المؤثر)

الله الله صح الله لسان المغفور له مرشد البذال شاعر من كبار شعراء شبه الجزيره العربيه المعروفين وله صولات وجولات في ميادين الشعر.......أشكرك يا أرستقراطي على النقل وفعلا قصيدة رائعه ومن شاعر كبير




التوقيع - العمده

  رقم المشاركة : 4  
قديم 23-06-2008, 11:56 AM
عضو نشط
لسكيني غير متواجد حالياً
 



عدد التعليقات: 0 تعليق

افتراضي رد: سالفة وقصيدة (الغزل المؤثر)

صح السان الشاعر
وبيض الله وجه من نقلها
وأشهاد انه وصف الي صار وصف مضبوط
وتقبل تحياتي ومروري طال عمرك





  رقم المشاركة : 5  
قديم 23-06-2008, 01:50 PM
الصورة الرمزية Sarσσnh
عضو VIP
Sarσσnh غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سالفة وقصيدة (الغزل المؤثر)

صح لسانه
تسلم على النقل المميز
دووووم متالق





  رقم المشاركة : 6  
قديم 24-06-2008, 06:14 AM
الصورة الرمزية عاسف المهره
عضو نشط
عاسف المهره غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: سالفة وقصيدة (الغزل المؤثر)

ماشاء الله عليك يالأسقراطي أختيار موفق السالفه والقصيده مشكور ويعطيك العافيه على النقل الجميل





موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: سالفة وقصيدة (الغزل المؤثر)
الموضوع كاتب الموضوع المنتدى مشاركات آخر مشاركة
قصة نمر بن عدوان وقصيدة ارستقراطي المنتدى الادبي 3 24-06-2008 06:12 AM
يوجد لدينا اجود وافضل انواع العسل ايوب عمان سوق المنتجات الاخرى 12 26-05-2008 06:34 PM
شاعر الغزل (محيسن الهزاني) leader المنتدى الادبي 9 15-04-2008 01:14 AM
لمن لايعرف فن الغزل (( درس )) warrior المنتدى العام 5 10-03-2008 09:08 PM


الساعة الآن 11:54 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم