استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > منتدى حواء و الاسره و الطفل > مطبخ المنتدى


مطبخ المنتدى لطرح جميع مواضيع الطبخ و لتبادل فيه الوصفات والتجارب المتعلقه بالمطبخ

الباف بسترى والميل فى والكرواسون والسليزون من ايد هيومه بسرعه تعالوا اتعلمو

السلام عليكم ورحمه الله وبركاته عجينه الباف بسترى اللى هى اساس لعمل الساليزون والباتيه والميل فى والمينى بيتزا وكثير من الموالح والحلويات اللى ممكن تشتهيها مالكمش دعوه بالمقادير اللى انا مسوياها لاانى مسويه 3 مقادير فيكى تزيدى او تنقصى حسب الرغبه المقادير 330 جرام دقيق 140 مللى ماء مثلج مهم ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 03-05-2011, 08:59 AM
الصورة الرمزية هيام2
تاجـر
هيام2 غير متواجد حالياً
 





عدد التعليقات: 9 تعليق
حدث بيانات الدوله!
pic الباف بسترى والميل فى والكرواسون والسليزون من ايد هيومه بسرعه تعالوا اتعلمو

السلام عليكم ورحمه الله وبركاته

عجينه الباف بسترى

اللى هى اساس لعمل الساليزون والباتيه والميل فى والمينى بيتزا وكثير من الموالح والحلويات اللى ممكن تشتهيها

مالكمش دعوه بالمقادير اللى انا مسوياها لاانى مسويه 3 مقادير

فيكى تزيدى او تنقصى حسب الرغبه

المقادير

330 جرام دقيق

140 مللى ماء مثلج مهم

معلقه سكر

معلقه ملح

نصف أصبع زبد تقريبا 50 جرام فى درجه حرارة المطبخ

250 جم زبده بارده يعنى ربع كيلو

لحشو الميل فى

الكريم بسترى

انتى بتعملى نصف هذى المقادير ولو حاتعملى كميه كبيرة فيكى تزيدى الكريمه

كيلو لبن ساخن

ربع كوب سكر او حسب ماتحبى التحليه

نصف كوب لبن بارد

2 معلقه كبيرة دقيق

2 معلقه كبيرة كورن فلور

فانيليا

2 بيضه


اولا شيئ حانبدء فى عمل عجينه الباف بسترى اللى حاتشكليها حسب رغبتك اما موالح او تسوى منها تورته او ميل فيه او اى اصناف حلوه


محتاجين رخامه كبيرة حتى تسهل عليكى التطبيق

بسم الله نبدء

نضع الدقيق على الرخامه





نضع قطعه الزبده




ونبدء فى فرك الزبده مع الدقيق لغايه ماتضيع تماما ومايكون لها اى اثر







كده خلصت

نحضر الماء المثلج ونضيف معلقه السكر ومعلقه الملح ونذوبهم جيدا



ونعمل حفرة وسط الدقيق




ونصب كل الماء فى الحفرة








ونبدء فى العجن بوضع الدقيق من الخارج لحفرة الماء هكذا








ونعجن العجينه فى كذا اتجاه حتى ماتتعبك عند الفرد بالنشابه وتكش منك يعنى تفرديها بالطول والعرض

وأوعى تضعى دقيق لو لقيتى العجينه بتلصق فى ايدك مع العجن كذا مرة العجينه بتلم وتترك ايدك بسهوله




وبعدين نقطع العجينه قطع ونرميها من علو على الرخامه أرزعيها هههههههههههههههههه على الرخامه







ونلمها تانى ونعجن ونكررها مرتين لغايه مالعجينه تلين فى ايدك وتبقى سهله فى الفرد





كده العجينه مأهلة للفرد




حانجيب الزبده ونضعها فى كيس او بين قطعتين من النيلون ونرققها بالنشابة اضربيها بالنشابه هههههههههه لغايه ماتقول حرمت ههههههههههه







الى ان تكون بهذا الشكل تقريبا المهم ماتكون اكبر من عرض العجينه عند الفرد




رشى الرخامه بالدقيق وضعى العجينه ورشيها بالدقيق وابدئى فى الفرد






العجينه حانفردها مستطيل طولها قد عرضها تقريبا 3 مرات





نضع الزبده فى منتصف العجينه





ونشيل اى دقيق عالق بالعجينة بالفرشاة





ونطويها المهم حاولى تكون مرتبه وتسكريها من الجنبين بالنشابه حتى ماتخرج الزبده عن الفرد

ووحياه ابوكى خلي ايدك حنينه فى الفرد ماتفتريش على العجينه وتبصى تلاقى الزبده طلعت من كل جنب وتحتاسى وتقولى هيومه السبب هههههههههههههه






زى دى كده اهو






بصى بقى ياشطورة احنا حانفردها لتوزيع الزبده فيها بالتساوى والمرة دى مش فى الحسبه لسه بدرى ماتستعجليش


ولما نيجى نفرد مانفردش من عند القفله لاه عكسها يعنى لو القفله على ايدك اليمين انتى حاتفردى العجين بالطول على فوق مش بالعرض





انا عامله لكم سهم اهو يخزى عين الشيطان ههههههههههههه








خلالالالالالاص فردناها




نطويها تانى وماتنسيش ياحلوة تشيلى بالفرشاه اى دقيق عالق فيها




ونلفها بالنيلون وندخلها اللثلاجة لمده ثلث ساعه او ربع ساعه مش مشكله ضرورى النيلون على شان العجينه ماتنشفش وتعمل قشره وتتشقق منك عند الفرد








خلاص قومى طلعيها الثلث ساعه خلصت بلاش كسل


ونبدء بقى الشغل وحانفردها ونطويها وندخلها الثلاجه 6 مرات بتقولى كام ماسمعتش ياهيومه 6 مرات ياختى ههههههههههه



نرش الرخامه بالدقيق ونحطها






ونفرد فى اتجاه النشابه مثل مانا وضعاها





فردنا نشيل الدقيق الزيادة ونطويها








وتضغطى فى المنتصف بصبعك مره على شان ماتنسيش عدد مرات الفرد وتلفيها بالنيلون وتدخليها الثلاجه


تانى مره فرديت وطويت





والثالثه والرابعه وراها











خلاص ياهيومه طفرتينا امشى روحى

لاه وراكم لغايه ماتتعلموا ههههههههههههه

خلاص كده انا شطورة عملت ال6 مرات




والعجينه جهزت على الشغل




انا اول حاجه حاعملها الميل فى بعشقه

حانعمل الباف بسترى ( الكستر)

ماصورتش عارفه انه فى ملف على اللاب طلع عينى ادوره ماحصلته عموما سهل جدا

حانجيب كيلو اللبن المغلى وندوب فيه ربع كوبايه السكر

ونجيب نصف كوبايه اللبن البارد ونخفق فيه البيضاتان ونضع معلقتين الدقيق مع استمرار الخفق حتى مايسوى حبيبات معاكى ومعلقتين السكر ونخفق ومعلقتين الكورن فلور والفانيليا ونخفق

ونبعد اللبن على النار ونصب الخليط عليه مع استمرار الخفق ونرجعه على نار هادئه ونقلب لغايه ماتحسى بانه اصبح سميك ارفعيه من على النار

وياشاطره صبيه فى طبق اى شيئ زجاج وتجيبى قطعه زبد وتمسحيه من على الوجه حتى مايعمل قشره

ياله نبدء نشتغل

نقطع جزء من العجينه

وحاولى ان تكون الشرايط فى الطول والعرض تكون قد بعضها










تكونى مجهزى الصينيه او صاج الفرن اللى بتستعمليه واهم شيئ ترشى شويه مويه فيه على شان يعطى رطوبه للعجين ويرتفع معاكى وتفرشيه بورق الزبده من غير ماترشى دقيق ولا تدهنيه


والميل فى مش محتاجينه يرتفع عيزينه راقات رفيعه كده بسمك نصف سم او اقل


حاننقل الشرايط فى الصاج ونشكشك العجين بالشوكه على شان مايرتفعش معانا






اتبقيت قطع من العجين ادهنيها بيض هاتى بيضه وربيها وادهنيهم بالفرشاه ورشى عليهم اى حاجه عندم ملح وحبه البركه ملح وسمسم قرفه اللى بتحبيه ولولويهم وضعيهم بالصاج




وتدخليه الفرن على حرارة 180 درجه لمده تقريبا نصف ساعه

وافتحى لمبه الفرن وبوصى عليه كل واحده حسب بوتاجازها


خلاص كده استوى واوووووووو شوفى القطع الزيادات المالحه كيف مورقه ومرتفعه ياسلام عليكى يابت ياهيومه استاذه والله





بعد مايبرد وبحرص لاانه ارتفع شويه حانجيب السكيين ونقسم كل شريطه نصفين من النصف بس بالراحه لايتكسر لاانه بيكون حساس جدا ههههههههههه ياعينى عنده مشاعر ههههههههه




ونمسك راق راق نضع عليه الكستر ونفرده ولو حابه تستعملى المربه او الكريم شانتيه اى حشوه تحبيها

ممكن تسويه مالح وتفرشى جبن ابيض او كيرى يعنى نوعى بشطارتك








نضع تانى راق ونفرش برضه عليه الكريم بسترى










خلاص حانجيب السكين ونقطعه بحرص بحيث يكون فى حجم قطعه الجاتوة




شوفى بقى انا حارش على الوجه سكر بودرة انا بعشقه كده فيكى تحطى شكولاته او كريم بسترى وترشى مكسرات او جوز هند حسب ماتحبى





شوفوا كيف شكله يالهوى يجنن ولا الطعم رااائع


ماقدرتش امسك نفسى ورحت اكله نصف واحده وانا واقفه بشتغل ايه ياجدعان ماهو طباخ السم بيدوقه ههههههههههههههههههه








حانعمل صنف تانى مالح اوعوااااااااااااااااااااا حد يرد راجعه لكم لغايه الصور ماتتحمل










التوقيع - هيام2
* الاسم التجاري: هيام2 - هيومه مول
* بلد التاجر : مصر - الاسكندرية
* مجالات التجاره: لانجيري وبجامات تركي ومصرى -فساتين سهرة تركي شوزات وشنط تقليد طبق الاصل وسوع وسجادات الجيب واقلام الاذكار
عبر الواتس اب
او عبر الوتساب 00201062624127

* طريقة الشحن : البريد الممتاز 5 ايام وتستلمى على عنوانك [/COLOR]
اراء زبوناتى فى التقييم او فى متجري

* طريقة الدفع : ويسترن يونيون

التعديل الأخير تم بواسطة هيام2 ; 03-05-2011 الساعة 12:33 PM.
رد مع اقتباس
  رقم المشاركة : 2  
قديم 03-05-2011, 09:22 AM
الصورة الرمزية هيام2
تاجـر
هيام2 غير متواجد حالياً
 





عدد التعليقات: 9 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

حانعمل المينى بيتزا بس انا بعملها مربعه على شان العجين مايهدرش معايا يعنى استخدم اكبر كميه منه


حطيت كاتشب وزيتون وفلفل رومى وجبن موتزاريلا عند رومى او شيدر استعملى مافيش مشاكل اى شيئ متاح عندك





يمى يمى استويت تجنن







حانعمل صنف ثانى حلو

نجيب قطعه عجين ونفردها بالطول ونقطعها الى شرايط رفيعه وبعدين نلفها زى دى







وندهن الوجه بالبيض ونرش عليها سكر تكون حبيباته خشنه انتى عايزه تعمليه مالح اعمليه حسب رغبتك





شوفوا شوفوا لما استوى






حانعمل صنف تانى باتيه بالشيكولاته





وكرواسون




وندهن الوجه بالبيض


واااااو استوى بياخذ العقل







حانعمل صنف بالجبن الابيض

حانجيب القطاعه بتاع السامبوسك ونشتغل










شوفوا لما استويت تجنن ده اللى اتبقى منها ههههههههههه




وبالهنا عليكم وعليكى ياهيومه

اتمنى يكون الموضوع حلو وبانتظار التقييم






التعديل الأخير تم بواسطة هيام2 ; 03-05-2011 الساعة 09:29 AM.
رد مع اقتباس
  رقم المشاركة : 3  
قديم 03-05-2011, 01:42 PM
الصورة الرمزية فذة
عضو
فذة غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

ماذبحنا الا ها الفاقع

قواك الله





التعديل الأخير تم بواسطة فذة ; 03-05-2011 الساعة 01:46 PM.
رد مع اقتباس
  رقم المشاركة : 4  
قديم 03-05-2011, 11:40 PM
الصورة الرمزية هيام2
تاجـر
هيام2 غير متواجد حالياً
 





عدد التعليقات: 9 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

اقتباس
 مشاهدة المشاركة المشاركة الأصلية كتبت بواسطة فذة
ماذبحنا الا ها الفاقع

قواك الله

مافهمت شيئ من ردك شو هو الفاقع




رد مع اقتباس
  رقم المشاركة : 5  
قديم 04-05-2011, 04:16 AM
الصورة الرمزية فيروزة
تاجـر
فيروزة غير متواجد حالياً
 





عدد التعليقات: 9 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

jsgl تسلم الايادي يارب
شكلك تعبتي

لكن الطريقة صعبة وتاخد وقت وانا ما عندي خلق للوقت الطويل

الله يعطيكي العافية وشكلها طيبة




التوقيع - فيروزة
ضيفوني بي بي 76b8b077
او انستغرام ferozaqatar
او تواصلو معي واتس اب 77750727

رد مع اقتباس
  رقم المشاركة : 6  
قديم 04-05-2011, 04:35 AM
الصورة الرمزية هيام2
تاجـر
هيام2 غير متواجد حالياً
 





عدد التعليقات: 9 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

اقتباس
 مشاهدة المشاركة المشاركة الأصلية كتبت بواسطة فيروزة
:sniper (9)::sniper (37): Jsgl تسلم الايادي يارب
شكلك تعبتي

لكن الطريقة صعبة وتاخد وقت :sniper (65): وانا ما عندي خلق للوقت الطويل

الله يعطيكي العافية وشكلها طيبة

ايه من ناحيه الوقت بتاخد لكن النتيجه رائعه ومش خساره فيها الوقت وممكن تسوينن كميه وتضعيها فى الفريزر وتطلعيها وقت ماتحبين




رد مع اقتباس
  رقم المشاركة : 7  
قديم 04-05-2011, 12:17 PM
الصورة الرمزية ريحه الورد
عضو VIP
ريحه الورد غير متواجد حالياً
 





عدد التعليقات: 14 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

يعطيك العافية هيومه ابدعتي

اي جي الطباخ و الا فلا

ماشاء الله الله يحفظك

انا احب هالعجينه واايد و اول مره اعرف كيف تتسوى واايد
شغل يبيلها بحاول اجرب
يمكن تشح في السوق ويكون عندنا خبره كيف نسويهااا




التوقيع - ريحه الورد

رد مع اقتباس
  رقم المشاركة : 8  
قديم 04-05-2011, 06:09 PM
الصورة الرمزية هيام2
تاجـر
هيام2 غير متواجد حالياً
 





عدد التعليقات: 9 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

اقتباس
 مشاهدة المشاركة المشاركة الأصلية كتبت بواسطة ريحه الورد
يعطيك العافية هيومه ابدعتي

اي جي الطباخ و الا فلا

ماشاء الله الله يحفظك

انا احب هالعجينه واايد و اول مره اعرف كيف تتسوى واايد
شغل يبيلها بحاول اجرب
يمكن تشح في السوق ويكون عندنا خبره كيف نسويهااا

تسلمى يارب فديتك

اى يبالها وقت وشغل بس انتى ممكن تسوين كميه مره واحده وتجزئيها وتضعيها بالفريزر وتطلعى منها وقت الحاجه يعنى ممكن تسوين كميه كل شهر ومايحصل ليها شيئ بالفيزر اسويها دووم

نورتينى الغاليه واى استفسار انا حاضرة




رد مع اقتباس
  رقم المشاركة : 9  
قديم 04-05-2011, 06:33 PM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

اقتباس
 مشاهدة المشاركة المشاركة الأصلية كتبت بواسطة فذة
ماذبحنا الا ها الفاقع

قواك الله


اعتقد تقصد الالوان الي حاطتهم ع الصوره

لونهم يعور العين اعتقد هذا الي تقصده


ع العموم شغل عدل
ويشهي بصراااحه
تسلم يداتج يالغاليه

ربي يعطيج العافيه ع المجهود الحلو

بس هيوومه خشي لي صحن وماعليج امر
حق سهرت ااااااااااااااخر الليل




التوقيع - Smile Faby

When I smile
The whole world stops and stares for awhile

رد مع اقتباس
  رقم المشاركة : 10  
قديم 04-05-2011, 06:51 PM
الصورة الرمزية هيام2
تاجـر
هيام2 غير متواجد حالياً
 





عدد التعليقات: 9 تعليق
حدث بيانات الدوله!
افتراضي رد: الباف بسترى والميل فى والكرواسون والسليزون من ايد هيومه بسرعه تعالوا ات

اقتباس
 مشاهدة المشاركة المشاركة الأصلية كتبت بواسطة smile faby

اعتقد تقصد الالوان الي حاطتهم ع الصوره

لونهم يعور العين اعتقد هذا الي تقصده


ع العموم شغل عدل
ويشهي بصراااحه
تسلم يداتج يالغاليه

ربي يعطيج العافيه ع المجهود الحلو

بس هيوومه خشي لي صحن وماعليج امر
حق سهرت ااااااااااااااخر الليل:sniper (31):


تسلمى حبيبتى على التوضيح

ههههههههههههههه اصلا مابقى منه حبه لليوم التانى عيالى ظلوا رايحيين جايين غير انى لازم ادخل لجيرانى بح كله لما اسوى مره ثانيه لاانى اسويه على طول بيعجبنا بصراحه ويشهى




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:18 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم