استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > المجتمع القطري


المجتمع القطري لكل ما يخص المجتمع القطري

بلاك بيري تورش ضايع في سيلين .. تجربتي ..

السلام عليكم ورحمة الله وبركاته .. هذي اول مشاركه لي .. اتمنى اكون عضوه خفيفه عليكم يوم الجمعه 4/2/2011 كنا نتمشى ورى العنه اشووي جاني ولد اختي عمره 11 سنه يقوولي خالتي لقيت تلفونج ع الرمل انا انصدمت فتحت شنطتي ولقيت تلفوني .. يعني التلفون اللي لقاه حق شخص ثاني ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 16-05-2011, 11:16 AM
عضو نشط
بنـت الغالـي غير متواجد حالياً
 





عدد التعليقات: 0 تعليق
حدث بيانات الدوله!
Discc بلاك بيري تورش ضايع في سيلين .. تجربتي ..

السلام عليكم ورحمة الله وبركاته ..


هذي اول مشاركه لي ..
اتمنى اكون عضوه خفيفه عليكم

يوم الجمعه 4/2/2011
كنا نتمشى ورى العنه اشووي جاني ولد اختي عمره 11 سنه
يقوولي خالتي لقيت تلفونج ع الرمل انا انصدمت
فتحت شنطتي ولقيت تلفوني .. يعني التلفون اللي لقاه حق شخص ثاني

المهم عاد هو ماصدق خبر وبدا يخطط شو بيسوي بالتلفون
وانا عصبت لانه مو من حقه وحرام وتووه جديد
وقعد يقوول انه بيبعه ببطاقة الدريول ويخربط

وانا رحت لابوه اللي هو زوج اختي وفريت راسه
وقلتله ترى ولدك ان باع الجوال ببطاقة الدريول وعرفوا الشرطه
بيحققون مع الكفيل وتصيرلك مشاكل انت في غنى عنها
ووافق اني اخذ التلفون

المهم رحت البيت وقعدت افكر شو اسووي طبعا عليه باسوورد
اتصلت بكيوتل وماعطووني شي لان ممنوع
وفكرت اني اطلع المومري اللي فيه واحطه بفوني
عشان اشوف الاسماء او المسجات واتصل ع الارقام
لكن للاسف الظاهر ان التلفون جديد مافيه شي

وبعدها قلت اروح للصور عشان اعرف صاحب التلفون بنت والا ولد
وللاسف طلع تلفون بنت وكله صورها وصور ناس من اهلها
انا اهنيه انصدمت وخفت واااااايد لاني بنت وحاسه فيها
والمسكينه اخر صوره مصورتها في سيلين كانت بتاريخ 31/12/2010
يعني الجوال صارله ضايع شهر و 4 ايام
والحمدلله طاح بيدي مو بيد شاب من اللي مايخافون ربهم

يوم السبت ..
اجريت اتصالاتي .. كلمت راعي محل جوالات انا اتعامل معاه دووم
وقالي عطيني رقم الشريحه لان عندي واحد من الربع في كيوتل وعطيته
وانتظرت ومارد علي ساعه ساعتين 3 وبعدها قال ان رفيجه مداوم الصبح

ولما كلمت اخووووي وقلتله السالفه قال عطيني الجوال وانا اتصرف .. يقوول عندي واحد من الربع في كيوتل وعندي واحد عنده محل
انا عصبت وقلتله مستحيل اعطيك التلفون لان فيه صور للبنت
وزعل مني وسكر قلت مو مشكله بيزعل ويرضى بس مااعطيه
وظليت مصره على رايي
وكلمت ابوووي وقلتله نروح لكيوتل ونقابل المدير .. ووافق

يوم الاحد ..
رحنا كيوتل اللاند مارك .. ودخلنا ع المدير وقلتله السالفه
وقلت ترى انا لو ابي اسرق الجوال كان ماجيتك بروح اقرب محل وافتح القفل واخذه
بس الحمدلله انا تلفوني نفسه .. وماابي اعطيه للعاصمه .. كان ودي اسلمها بيدي
لان شكله كان شاك فيني
وطلب مني الشريحه وعطيته وطلع رقمها اللي بدل فاقد
واتصل لها .. وقال لها انا عندي وحده من الكوستمر وتقول ............... الخ
وقالها البنت مو راضيه تعطينا الجوال ونسلمج .. حابه بنفسها تسلمج اياه
وقالها ممكن اعطيها رقمج وقالت اووووك

اهنيـــــــــــــــــه انا كنت في قمة وناااااااااااااااااااااااااستي

المهم .. واتصلت فيها وشكرتني وانا قلت لها الحمدلله وهاي درس لج

يوم الاثنين ..
كنت ابي اوصله لها بس ما كان عندها مجال .. وضافتني ع البلاك بيري
وصرنا ربع ..

يوم الثلاثاء ..
كلمتني الصبح وقلتلها اووك ..
وتواعدنا في مكان عام .. واستلمت الجوال صج تعبني هالجوال
بس الحمدلله سلمتها واستانست واااااايد قالت طيب اشربي شي وهاي اقل شي اسويه لج بس الوالده كانت تنطرني ع الغدا ف اعتذرت منها ورحت وانا مرتاحه
وقالت حسستيني ان الدنيا للحين بخير وفيها ناس فيهم خير مثلي طبعا
وابووي استانس لما درى اني سلمتها التلفون

يعني لو حسبنا مسكت الفون يوم الجمعه .. ولقيت صاحبته يوم الاحد .. واستلمته مني يوم الثلاثاء بالضبط اقل من 5 ايام وهو كان ضايع اكثر من شهر
سبحــان الله

انا كتبت القصه للعبره والعظه .
نصيييييييييييحه للكل مو اي حد يشووف جوال يقوول خلاص وين بلاقي صاحبه
ويستخدمه او يبيعه لان اكيد بيجينا يوم ونحتاج حد يساعدنا


اختكم ..
بنـت الغالـي





رد مع اقتباس
  رقم المشاركة : 2  
قديم 16-05-2011, 11:33 AM
الصورة الرمزية اللورد
المـديـر العـام
اللورد غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

جزاك الله خير والله يكثر من امثالك هذا هو التصرف الصحيح والمفروض تشكرك البنت باكثر من هذا وياريت الاخوات بالذات ما يصورون انفسهم او احد من اهلهم بالجوال لانه ما يندرى بالظروف وايش ممكن يصير خصوصا الجوال لانه سهل يطلعون اي شي فيه

وفيه برنامج للبلاك بيري من الشركه تقدرون تستخدمونه لمسح الجوال اذا ضاع ويقول لي واحد انه يبين لك وين مكان الجهاز بعد





رد مع اقتباس
  رقم المشاركة : 3  
قديم 16-05-2011, 11:41 AM
عضو نشط
بنـت الغالـي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

اللورد


اشكررك اخوووي
وبالفعل نصيحه لكل لبنات انتبهوا من التصوير ف الجوال
وبالنسبه للبرنامج حتى لو يحدد وين مكان الجوال
المصيبه انه كان بين الرمل بس سبحان الله
الله كاتب له ان حد يشووفه ويووصله لها

يسلموو ع المروور
=)





رد مع اقتباس
  رقم المشاركة : 4  
قديم 16-05-2011, 01:29 PM
الصورة الرمزية رفيع الشان
عضو متقدم
رفيع الشان غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

جزاج الله خيرررررررر وماقصرتي

واللــــه نصيحه حق البنات لاتصور في جوالها لنه اعيال الحرام وايد وايد

والي يحصل جوال في اي مكان يسلمه حق صاحبه

:::: كل شخص يحط نفسه مكان اي شخص مضيع جواله او اي حاجه خاصه بيحس اشلون الاحساس وقتهاااا وبذات الفون ..........




التوقيع - رفيع الشان
آن لـم تـكـن ::: مــن نــصــيــبـي ,, فـآنـت آخــتـيـآآآري

رد مع اقتباس
  رقم المشاركة : 5  
قديم 16-05-2011, 01:50 PM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

جزاج الله خير

لو انا مكانج يمكن كنت بكسر التليفون وبقطه بس ماسوي الي سويتيه

يعطيج الف عاافيه والله تصرف شهم منج




التوقيع - Smile Faby

When I smile
The whole world stops and stares for awhile

رد مع اقتباس
  رقم المشاركة : 6  
قديم 16-05-2011, 01:55 PM
مـؤسسه
نور قطر 1 غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

جزاج الله خير والله يكثررمن أمثالج

ماشاء الله عليج طويلة بال !!

أنا لو مكانج يمكن ماشغل مخي وايد

واعطي حد يسلمه للشرطة*





رد مع اقتباس
  رقم المشاركة : 7  
قديم 16-05-2011, 02:59 PM
عضو
om shosho غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

مشالله عليج عرفتي اشلون تتصرفين

وجزاج الله خير حبيبتي





رد مع اقتباس
  رقم المشاركة : 8  
قديم 16-05-2011, 03:48 PM
الصورة الرمزية ورد جــوري
عضو نشط
ورد جــوري غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

جــزاج الله خير وكثر الله من امثاااالج




التوقيع - ورد جــوري

رد مع اقتباس
  رقم المشاركة : 9  
قديم 16-05-2011, 09:31 PM
الصورة الرمزية رفيع الشان
عضو متقدم
رفيع الشان غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

اميييييييييييييييييييييين

اعيال الحلال وايد وايد والي فيهم الخير وايد :)





رد مع اقتباس
  رقم المشاركة : 10  
قديم 17-05-2011, 09:18 AM
عضو نشط
بنـت الغالـي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: بلاك بيري تورش ضايع في سيلين .. تجربتي ..

رفيع الشان


ويجزيييك بمثله اخوووي
الله يهدي البنات اللي يسترخصون نفسهم
ومايخافون على نفسهم وسمعتهم ..


يسلموو ع المروور
=)





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: بلاك بيري تورش ضايع في سيلين .. تجربتي ..
الموضوع كاتب الموضوع المنتدى مشاركات آخر مشاركة
ارقام بلاك بيري تورش 9800 مميزه ملك الارقام سوق ارقام الجوال 21 10-07-2011 12:29 AM
للبيع بلاك بيري تورش torch 9800 مروض الغزلان سوق أجهزة الجوال 17 07-03-2011 01:28 PM
مطلوووووووووب ستيكرات بلاك بيري تورش 9800ضرررروري صدى الالماس سوق أجهزة الجوال 3 16-12-2010 02:37 AM
بلاك بيري "هلا" متوفر للجميع الآن في دولة قطر أم جآاسم قسم الجوال العام 0 20-05-2010 11:11 PM


الساعة الآن 10:55 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم