استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > منتدى حواء و الاسره و الطفل


منتدى حواء و الاسره و الطفل لكل ما يخص حواء و الاطفال من جديد الازياء والمكياج والاكسسورات و الطبخ و شؤون الاسره

الرومانسيه في رومضان ..

يسعد مسائكم وصباحكم اخواني وخواتي المتزوجين مبروك عليكم شهر الخير مقدما شهر العباده والسعاده وهو شهر رمضان وانا صار لي مده مختفي عنكم فقلت ابدى معاكم اليوم بهالموضوع وانشاء الله يفيدكم .. الغالب من الناس يظن ان رمضان بس صوم واكل ونوم وسهر والحقيقه حياتنا كلها عباده في عباده ويظنون ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 23-07-2011, 09:13 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي الرومانسيه في رومضان ..

يسعد مسائكم وصباحكم اخواني وخواتي المتزوجين

مبروك عليكم شهر الخير مقدما شهر العباده والسعاده وهو شهر رمضان



وانا صار لي مده مختفي عنكم فقلت ابدى معاكم اليوم بهالموضوع وان شاء الله يفيدكم ..






الغالب من الناس يظن ان رمضان بس صوم واكل ونوم وسهر والحقيقه حياتنا كلها عباده في عباده ويظنون ان العباده مافيها رومانسيه فيتم مبوز في رمضان ومكشر وبحجة انه صايم يعني مافي احد صايم الا هو وينسى ان الرمانسيه موجوده بكل وقت وحين
وخاصه بين المتزوجين طعمها يكون غير خاصه في رمضان لانها تجمع بين الزوجين في اغلب الاحيان والاوقات ..


والرومانسيه هي مشاعر صادقه فيها حب وود واحساسيس بين الطرفين فهي متحتاج لفلوس ولا تعب مثل ميظن البعض فهي تحتاج لصدق المشاعر والاحاسيس ووبس


فشهر رمضان فرصه لكل الطرفين لانه يقربهم لبعض اكثر ويشوفون بعض اكثر وعلشان ماطول عليكم بقولكم عن بعض افكاري واتمنى تفيدكم ان شاء الله

اخوي الزوج اول ليلة من رمضان يعني اول متسمع قالوا بكره رمضان او حتى قبلها بكم يوم اخذ لك ورده حمره او مجموعة وروود ومعاها كرت واكتب عليها مبروك عليج وعلينا رمضان ياحياتي وروح لها وبوسها على راسها ولاهو بعيب لانها هذي زوجتك حبيبتك ...وخل عيونك بعينها حسسها بالامان والراحه وقولها انا مستانس بتقولك ليش وقولها لانج انتي وياي ويامحلا رمضان وياج وربي يخليج لي ياعمري ..


لاتقول شنهو هالكلام وعيب وماقدر هذي زوجتك امدحها واثني عليها وقولها شرايج ياحياتي نتسابق ونشوف من يختم القران قبل خل حياتكم كلها عباده وسعاده ووناسه ..


اختى الزوجه انتي بعد لاسمعتي ان رمضان بكره على الاقل طرشي له مسج تهنينه برمضان وتطلبين له بطولت العمر له فهو زوجج ومب تقولين له وينك وليش مطرشت ونسيتني ولكن قولي له بتهنئه حلوه طالعه من القلب بغض النظر طرش لج او مطرش تهنئه اهم شي انتي تحاولين بهالشي تكسبين قلبه ووده ..


اخوي الزوج وزوجتك تطبخ في المطبخ او حتى لو تسوي لك شي بسيط روح لها امدحها قولها مشالله شهالطبخه الحلوه فديتج رب يسلمج ويخليج لي لاتعبين عمرج انا مابي غير سلامتج وحتى لو تقولك انا بس اسوي لك كرك قولها انتي احلى كرك انا ابي بس سلامتج ياقلبي وصدقني بكره بتشوفها طباخه مب تقولها شنهو هالطبخه متعرفين شكبرج متزوجه ومتعرفين لالا تحمل تصير قاسي ولكن خلك طيب ورحيم فهذي زوجتك ..


لاذن المغرب وانت وياها ابدو بتمر مع شوي ماي او لبن خفيف على المعدة وروح صلى المغرب انت في المسجد وخلها تصلى وبعدين رد لبيتك واكل وياها واي طبخه اهي مسوتها قولها مشالله شهالذووق شهالطبخ الحلو وحتى لو مافيه ملح او كله بهارات استحمل اشرب لك ماي هههههههههه وكمل هههههههههه عادي مش مب تصير دقيق وحتى لو تبي تقول شي ماعجبك قولها باسلوب طيب وحلو مثلا ياحياتي فديتج لو بس مخففه الملح مخليته نص كيلو احسن من كيلو ههههههههههه انا اقول مثلا هههههه و قولها باسلوب دعابه وغشمري وخلك مرح وغشمري مب مبوز تقولها انتي شفيج ذبحتينا بالبهارات لايكون انت قاعد في عزبه ترى هذي زوجتك وهذا بيتك خلك مرح تحب زوجتك تموت على المكان الي انت فيه لان القاسي محد يحبه ولايميل له .


ولاخلصت قولها تسلم يدج على هالاكل الحلو ولو كنت ادري بهالذوق كان تمنيت رمضان يجي بسرعه علشان اذوق هالاكلات الحلوه وارفع يدك وهي موجوده تشوفك قول يارب تسعدها وتخليها لي وتحمل ترفع يدك وهي محد وبعدين تتوهق ولكن ارفعها وهي موجوده وخلها تشوفك فهذا شي يخليها تحبك وتكون مستانسه وتنسى تعبها الي تعبته في الطبخ علشانك ..
واهم شي لاتصير مثل الي اول مياذن ينط على الصحن واكل وشرب وماي وعصير وبعدين تلقى نفسيته زفت ومعصب ومكشر و تصير له كرشه وميقدر يروح حتى يصلى ولكن ابدي بتمره وماي والصلاه وبعدين كمل فطورك بترتاح صدقني نفسيا وبدانيا ..




بعد الفطــــــــور



و انتوا جالسين مع بعض تلقى زوجتك مخلت شي الا وحطته لك عصاير وكرك وكاشخه لك مخلت منتدى مدخلته علشان تاخذ هالمقادير علشان تسويها لك فافرحها انت لاتجرحها قولها مشالله ياحياتي تعبتي عمرج لو ادري عزمت عيال الفريج شنهو هالاكلات كلها من له هههههههههه طبعا سو عمرك تتغشمر مب من صجك هههههههههه وانت من داخلك منقهر من المخاسير ههههههه وقولها وتسلم هالايادي بس لاتعيدينها بلفيت تتغشمر










وخلك مرح وغشمري قولها نكته مثلا محشش محكوم عليه بالاعدام شنقا يوم بغو يشنقونه شافوه يأشر بيده .. سألوه شتبي؟ قال : الله يقلعكم بغيت امووت هههههه مثلا خلك مرح ..استغل هالساعه الي انت قاعد وياها معاها اسمع كلامها خلها تقولك شتبي وشنهو الي بخاطرها ..
وخلها تقولك نكته وحتى لو متضحك اضحك ياخى اضحك ..




بعدين امدحها قولها مب مصدق ان الاكل اليوم الي اكلته انتي مسويته بتقولك عيل من مسويه وهي مكشره بتشوف عينها مبققه وشوي تطلع من ويها هههههه قولها يمكن مسويه كوبي من مطعم ههههههههه اضحك ياخى ..
عودها على الضحك .. امدح اكلها ..سولف شوي وشوف بيتكم شناقصه وبعدين بياذن العشا للتراويح قوم وروح صل وشجعها تروح وياك وادع لها ولك بالخير ..


ولاصليت رد البيت شوي اقعد لو بس شوي قولها تبين شي ياعمري لاني بطلع او بروح وتراني دعيت لج ووايد اليوم ..قولها حتى الامام قالي تكفى اطلع بسكر المسجد هههههههه يعني خلك مرح دوم ..واستمر على هالشي دوم قدر متقدر



وانتي اختى الزوجه مب بس الزوج وحتى انتي عليج امور مهمه لابد توفرين الراحه لزوجج ولادخل البيت يشوفج مرتبه وريحتج حلوه وحتى لو كنتي تطبخين له ترى حتى الطبخ له ملابس خاصه مافي شي الحين مب موجود خليج دوم منظمه ومرتبه واهتمي بعمرج مب بس لزوجج ولكن حتى لج انتي ..
خلي البخور وريحة العود في البيت و دوم خلي الغشمره دوم في بيتج لاتصيرين كله كئيبه ومبوزه ..ترى الضحك دوم يجيب الراحه والسعاده ..
دوم خلي في المكان الي تجلسون فيه مزهرية ورود وفي غرفتج وخلي حياتج كلها ورود ..




اذا عندكم وقت اطلعوا لو ساعه بيوم وودها على اي بحر وخلك رومانسي ومريح في السياره معاها وقولها ياحياتي تخيلي يطلع لنا وحش تتصورين شبسوي هههههههه طبعا اهي بتقول يمه يمه لاتخوفني ودني البيت فانت افتكيت من هالروحه ووديتها البيت ورحت لربعك المجلس ههههههه خلك دوم ذكي صج اني شريرههههههههه طبعا انا اتغشمر اقصد اطلع معاها لو ساعه رياضه او مشي لو في الاسبوع مره او طلعه تغير لها ولك جو وخاصه على البحر وانت واقف وتعبر لها وتعبر لك وخلك حزين لاشفتها تعبر هههههههه علشان تكون رومانسي هههههه اضحك وتغشمر وصدقني حياتك بتكون دوم بسعاده وراحه



لاجى وقت السحور لاتفرطون فيه لانه فيه اجر وبركه صحي زوجج قبل السحور بوقت يصلى له ركعتين يدعو لكم بالتوفيق قولي له قوم ياحياتي قوم ياعمري اهو يمكن يقول شفيني احلم انا ولا موسوس ههههههه لان مب متعود كله متعود قوم يلا ياحمود السحور ههههههه مب متعود على هالدلع و مب تصحينه قبل الاذان بخمس دقايق و لكن صحيه بمده علشان يصلى ويصحصح وخلى سحوركم خفيف ومب كله موالح ترى احنا في صيف وحر
ويكون شي صحي ومفيد للجسم ومغذي مع جيك ماي ههههههه لان حر فالماي بيكون اهم شي وبعدين بياذن الفجر صلى خليه يروح يصلى في المسجد وانتي صلى ويرجع ويريح قبل الدوام ..



اخوي واختى الزوجه هذي اهي الرومانسيه الي مب بس في رمضان ووبس ولكنها بكل وقت يكون بينكم الحب والود والرحمه والغشمره والصبر على بعض واتمنالكم حياه طيبه وسعيده وشهر مبروك عليكم..ولحد ينساني من دعواته الطيبه ..




تحياتي محمد2009









رد مع اقتباس
  رقم المشاركة : 2  
قديم 24-07-2011, 12:16 AM
عضو فعال
الدانــة غير متواجد حالياً
 





عدد التعليقات: 1 تعليق
حدث بيانات الدوله!
افتراضي رد: الرومانسيه في رومضان ..

مواضيعك جدااا تعجبني
يعطيك العافيه
ولا يحرمنا من هل المواضيع الحلوه :)





رد مع اقتباس
  رقم المشاركة : 3  
قديم 24-07-2011, 12:26 AM
الصورة الرمزية khozama
عضو VIP
khozama غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الرومانسيه في رومضان ..

اقتباس
 مشاهدة المشاركة المشاركة الأصلية كتبت بواسطة محمد2009

تحياتي محمد2009


وأطيب التمنيات لك بحياة رومانسية سعيدة .

مبارك عليك الشهر الفضيل ، تقبل الله منك صالح الأعمال والطاعات والعبادات .



التوقيع - khozama
" انثروا القمح على رؤوس الجبال لكي لا يقال جــاع طيــر

في بلاد المسلميــن "

الخليفة الراشد عمر بن عبدالعزيز رضي الله عنه .

رد مع اقتباس
  رقم المشاركة : 4  
قديم 24-07-2011, 12:44 AM
الصورة الرمزية فيفا قطر
عضو متالق
فيفا قطر غير متواجد حالياً
 





عدد التعليقات: 3 تعليق
حدث بيانات الدوله!
افتراضي رد: الرومانسيه في رومضان ..

ماشاء الله عليك اخوي كفيت ووفييت


الله يجزاك كل خير


لو كل واحد ووحده سوا هالشي فعلا رمضان بيكون له طعم ثاني مشكور اخوي ماقصرت




التوقيع - فيفا قطر
سبحان الله والحمد لله ولا اله الا الله والله اكبر ولا حول ولا قوه الا بالله


http://www.tvquran.com/

رد مع اقتباس
  رقم المشاركة : 5  
قديم 24-07-2011, 11:23 AM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الرومانسيه في رومضان ..

اقتباس
 مشاهدة المشاركة المشاركة الأصلية كتبت بواسطة الدانــة
مواضيعك جدااا تعجبني
يعطيك العافيه
ولا يحرمنا من هل المواضيع الحلوه :)

الله يجزاج كل خير ومنوره




رد مع اقتباس
  رقم المشاركة : 6  
قديم 24-07-2011, 11:30 AM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الرومانسيه في رومضان ..

اقتباس
 مشاهدة المشاركة المشاركة الأصلية كتبت بواسطة khozama
وأطيب التمنيات لك بحياة رومانسية سعيدة .

مبارك عليك الشهر الفضيل ، تقبل الله منك صالح الأعمال والطاعات والعبادات .

مبارك عليكم الشهر




رد مع اقتباس
  رقم المشاركة : 7  
قديم 24-07-2011, 06:01 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الرومانسيه في رومضان ..

اقتباس
 مشاهدة المشاركة المشاركة الأصلية كتبت بواسطة فيفا قطر
ماشاء الله عليك اخوي كفيت ووفييت


الله يجزاك كل خير


لو كل واحد ووحده سوا هالشي فعلا رمضان بيكون له طعم ثاني مشكور اخوي ماقصرت

ويجزاج ربي كل خير والكل فيه خير بس يختلف كل طرف عن الاخر والحياه تحتاج صبر وفن وحكمه وان البيت يكون مؤسس على الدين صح وبعدين هالامور بتكون سهله باذن الله




رد مع اقتباس
  رقم المشاركة : 8  
قديم 25-07-2011, 06:58 AM
عضو جديد
انونه الحلوه غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الرومانسيه في رومضان ..

شكرا اخوي محمد وان شاء الله يارب تزوج وتطبق علا زووجتك
يالبيت كل الازوااج يسون نفس هالكلاام 





رد مع اقتباس
  رقم المشاركة : 9  
قديم 25-07-2011, 11:12 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الرومانسيه في رومضان ..

اقتباس
 مشاهدة المشاركة المشاركة الأصلية كتبت بواسطة انونه الحلوه
شكرا اخوي محمد وان شاء الله يارب تزوج وتطبق علا زووجتك
يالبيت كل الازوااج يسون نفس هالكلاام 

مشكووره ياختى




رد مع اقتباس
  رقم المشاركة : 10  
قديم 30-07-2011, 02:29 PM
الصورة الرمزية محمد2009
موقوف
محمد2009 غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: الرومانسيه في رومضان ..

الله يجزيكم كل خير





رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: الرومانسيه في رومضان ..
الموضوع كاتب الموضوع المنتدى مشاركات آخر مشاركة
الرومانسيه أم الفارس قسم الطلبات النسائيه 4 22-05-2011 11:59 PM
صور انوار الرومانسيه AMM_ABDALZIZ سوق المنتجات المضيئه 14 15-04-2011 03:53 AM
قمصان نوم ووفسات وجلابيه وصابونة تبيض واباجورة الرومانسيه AMM_ABDALZIZ سوق الازياء والملابس النسائيه وملابس الاطفال 0 06-01-2011 12:42 AM
الرومانسيه والخيال محمد2009 منتدى حواء و الاسره و الطفل 13 29-11-2010 08:26 AM


الساعة الآن 06:38 PM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم