استرجاع كلمة المرور :: تفعيل العضوية :: طلب كود تفعيل العضوية :: مركز التحميل :: قوانين الموقع  
   

العودة   سوق الدوحة > المنتديات العامه > استراحة المنتدى


استراحة المنتدى حاب تغير جو حياك غير جو بالاستراحه

ما ينصاد

السلام عليكم 4 جالسين في قهوه كومبو و بوعيسى و المنذر و علي الوقت - قبل دخول القهوه بخمس دقائق - بوعيسى: المنذر تعال براويك واحد ما تصدق لو اقول لك علي ساعدنا نصيده زين المنذر: ايش فيه؟ علي : انا وياكم بس ايش السالفه بوعيسى: هذا واحد ما ينعرف ...

إضافة رد
 
LinkBack أدوات الموضوع انواع عرض الموضوع
  رقم المشاركة : 1  
قديم 10-09-2011, 12:37 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي ما ينصاد

السلام عليكم


4

جالسين في قهوه

كومبو و بوعيسى و المنذر و علي

الوقت - قبل دخول القهوه بخمس دقائق -

بوعيسى:

المنذر تعال براويك واحد ما تصدق لو اقول لك
علي ساعدنا نصيده زين
المنذر:

ايش فيه؟

علي :

انا وياكم بس ايش السالفه

بوعيسى:

هذا واحد ما ينعرف له - لا تقدر تصيده ولا تاخذ منه لا حق ولا باطل وكل شي يقوله يطلعه صح

المنذر : كل واحد يفوشر ولا يهيط له باب تصيده منه

بوعيسى:

لا هذا غير كلش تعالوا و بتشوفون

الوقت - ساعه الصفر

الشباب يدخلون القهوه


هلا كومبو اشلونك


كومبو : هلا و مسهلا حيالله الشباب

من معاك يا بوعيسى ما عرفتنا عليهم

بوعيسى: هذولا الربع - المنذر و علي

كومبو: مراحب فيكم

يا محي الدين هات شيشه للشباب

المنذر : لا اخوي الشيشه حرام و انا ما اطيقها

كومبو : من قال لك حرام الله يهداك؟

المنذر : كل المشايخ حرموها

كومبو : لا تفتري على المشايخ يا المنذر - في شيخ في مصر حللها

المنذر : هذا واحد من 1000 شيخ حرمها

كومبو : اذن اختلف العلماء و اختلافهم رحمه لها

المنذر يناظر بوعيسى و يوصوص في اذنه

هذا الي تقول عنه ما ينصاد - هذا اولها

المنذر:

مضار الشيشه موثق بالعلم حتى لو اختلف العلماء

كومبو:

الله يهداك اي ضرر تتكلم عنه

الشيشه ما فيها رائحه النيكوتين لان الماء يصفيها

المنذر : ياخي تجيب السرطان

كومبو: غلطان اخوي - اولا الدخان حار - يقتل البكتيريا في الفم و القصبه و الرئه

المنذر ياخي الرئه تتعب

كومبو:

الرئه مع الشيشه يقوى الشهيق والزفير و تتوسع الشرايين و يتدفق الدم اكثر - هذه ميزه مب ضرر

حتى عقلك ينشط و تطلع الافكار النيره

بعلمك بميزه ما تصدقها

لو ما نجلس في الشيشه وين بنجلس؟

يا في كوفي شوب في مجمع او نفتر في الشوارع

يعني يا تبيني اناظر الحريم و كشختهم في المجمع ولا اغازل في الشوارع

الشيشه استر لي الله يرضى عليك - انت ما تشجع على غض النظر - هذا غض للنظر




علي يساند الربع و يدور منفذ يصيد كومبو فيه

علي:

كومبو سمعت عن الربا في البنوك

كومبو: ايش فيه - هذا زين و يكسبك خبره

علي : شنووووو


الربا زين و يعطي خبره - شلون صارت


كومبو:

بسألك - انت تبي تتجنب البنوك و السلف ليش؟

علي: كل الي اعرفهم متبهدلين مع البنوك و السلف صار لهم سنين

كومبو: حلو

انت تبي تطلع ذكي و تقفز من سنك الصغير الى سن 40 سنه بدون ما تدخل في تجارب الي قبلك

يعني هم جربوا و عرفوا و انت اذكى من كل هالقطر

علي: لا مب جذي - انا انا

كومبو: هذا الكلام - انا و انا - ما يصير تقفز 20 سنه بدون تجارب و خبره مع البنوك عشان تعرف قيمه التوفير و الادخار


علي يناظر بوعيسى يوصوص في اذنه - رفيجك هذا بلوه

بوعيسى :

اسكت ما شفت شي

المنذر : زين بسألك كومبو

الاسهم ايش رايك فيها المحرمه بالذات ايش رايك فيها

كومبو حلوه و مفيده

المنذر يوقف على رجله - شنو؟ مفيده؟

كومبو:

اجلس و بعلمك الي ما تعلمته طول عمرك

الاسهم المحرمه تطرح للكل - و مردها بتروح لشخص معين

فاذا انت مسلم و الدوله عطتك حق الأكتتاب ليش ما تاخذ و تبيع و تصرفها على نفسك و عيالك و اعتبرها صرف الحرام على منفعه بلا اجر لك

المهم انك تستفيد

المنذر : الكل حرمها بعد لا تقول في شيخ حللها

كومبو: تعال معي الوكره و بنزور مفتي اعرفه و بنحط له خروف في الحوش و اسمع اذا ما حللها قول كومبو غلطان

بوعيسى : غيروا الموضوع يا شباب

كومبو ايش رايك في الشباب الي يروحون آسيا

كومبو :

احسن شي

علي و المنذر طاحوا من على الكراسي : اشلون تصير بعد

كومبو : انتوا الظاهر ما تشوفون الا السيء في كل وضع

هالشباب يروحون و يرجعون بامراض لكن المفيد ان جهازهم المناعي يقوى مع الاصابه بالامراض

هذه حقيقه علميه مثبته ولحد يناقشني فيها

المنذر و علي و بوعيسى يصوصون لبعض - بنتعب معاه هذا

بوعيسى :

تعال بقول لك كومبو - سمعت في المنتديات و الناس تشتكي عن القصور في الجهات الحكوميه و العقبات في كثير من المعاملات خصوصا الاسكان و الوظائف

كومبو:

هذا شيء ممتاز و يستحق الاشاده عليه

بوعيسى: اقول لك الناس تشتكي و انت تقول ممتاز

كومبو : ايه ممتاز

عيل زين لو الكل ياخذ حقه بالساهل - كان شفت طوابير و يبي لك سنين لين تاخذ دورك في ارض او سكن او وظيفه

احسن ان الناس تتعب عشان تحس بلذه الفوز و اخذ حقوقها و العقبات تولد الاجتهاد و المثابره

مثبت علميا ان الي يتعب و يكافح يطول عمره خصوصا الي عانى في حياته كثير - ما تبون طول العمر لهالقطر

علي:

الناس ماتت جوع بلا وظائف و الفقر صار في كل بيت

كومبو :

الفقراء يدخلون الجنه ياخوي - و بعدين احسن لهم - حسابهم يوم الدين قليل - لا مال و لا املاك

علي:

انت شفت التجار كيف رافعين الاسعار ذبحوا العالم

كومبو : خير و بركه

المنذر: بركه؟؟؟؟؟ فهمي انا متنح معاك

كومبو : كل ما زادت الاسعار زادت ثقافه المستهلك و عرف وين يحط فلوسه

عيل زين كل الدوحه مواتر جديده و الزحمه كرهتنا السواقه

خلهم يركبون باص كروه و نصير مثل اوروبا مجتمع متحضر

الحريم بيقللون الصرف على الكوافيرات و الشباب بيتسلف من البنوك للزواج و بينحرمون من اللعب بالفلوس و السفر و الحرام و المغازل و المحلات بتخر و بتنزل الاسعار لكن بعد ما تثقف المستهلك- اعتبروها تجربه نتعلم منها

انا لو تاجر كان رفعت الاسعار بعد - ابي الخير لشبابنا

علي:


الظاهر اي بجلس معاك كل يوم

محي الدين هات الشيشه

المنذر :

انا افكر اروح آسيا شهر و برجع نزل الشيشه يا رفيق


بوعيسى :

هات الشيشه يا محي الدين الظاهر اني بصير كومبو ثاني

بعد ساعه الصفر ب 3 ساعات خرج الشباب

علي: آخر يا راسي صدع من الدخان بكره برح البنك و بتسلف و اجرب الخبره

المنذر : انا اختربت يا جماعه

بوعيسى : ما قلت لكم ما ينصاد




التوقيع - combo
http://www.shuraym.com/


استمع الى هذه الايات العجيبه من سوره مريم
http://shuraym.com/main/?songs=art&a...ay=1514#player

التعديل الأخير تم بواسطة combo ; 10-09-2011 الساعة 12:46 PM.
رد مع اقتباس
  رقم المشاركة : 2  
قديم 10-09-2011, 10:38 PM
الصورة الرمزية Smile Faby
مراقبه
Smile Faby غير متواجد حالياً
 





عدد التعليقات: 2 تعليق
حدث بيانات الدوله!
افتراضي رد: ما ينصاد




التوقيع - Smile Faby

When I smile
The whole world stops and stares for awhile

رد مع اقتباس
  رقم المشاركة : 3  
قديم 10-09-2011, 10:54 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

ههههههه

حلو الاستسلام على طول





رد مع اقتباس
  رقم المشاركة : 4  
قديم 11-09-2011, 12:15 AM
عضو جديد
endomy غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

الللللللللللله يسعدك





رد مع اقتباس
  رقم المشاركة : 5  
قديم 11-09-2011, 01:06 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

ويسعدك ان شاء الله

مراحب بك





رد مع اقتباس
  رقم المشاركة : 6  
قديم 27-09-2011, 10:10 PM
عضو جديد
cupcakes غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

حلو انك تفسر الأمور من ناحيتك
بالتوفيق





رد مع اقتباس
  رقم المشاركة : 7  
قديم 28-09-2011, 10:07 AM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

اقتباس
 مشاهدة المشاركة المشاركة الأصلية كتبت بواسطة cupcakes
حلو انك تفسر الأمور من ناحيتك
بالتوفيق

يا هلا

لا والله لا افسر الامور من ناحيتي ولا شي

مجرد دعابه وقصه عن العبط و المجادله

و مراحب بك




رد مع اقتباس
  رقم المشاركة : 8  
قديم 28-09-2011, 07:38 PM
الصورة الرمزية khozama
عضو VIP
khozama غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

قد أصدق أنها مداعبة ومجادلة منك أما عبط فلااا

بانتظار محادثات الجلسة الثانية وعما ستسفر عنه .



التوقيع - khozama
" انثروا القمح على رؤوس الجبال لكي لا يقال جــاع طيــر

في بلاد المسلميــن "

الخليفة الراشد عمر بن عبدالعزيز رضي الله عنه .

رد مع اقتباس
  رقم المشاركة : 9  
قديم 28-09-2011, 07:56 PM
الصورة الرمزية محمد مدخلي
عضو نشط
محمد مدخلي غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

ههههههههههه

والله ملسون .. ومآينصآد



عوآفي أخوي .. لآ هنت





رد مع اقتباس
  رقم المشاركة : 10  
قديم 28-09-2011, 10:48 PM
ادارة المنتدى
combo غير متواجد حالياً
 





عدد التعليقات: 0 تعليق
حدث بيانات الدوله!
افتراضي رد: ما ينصاد

اقتباس
 مشاهدة المشاركة المشاركة الأصلية كتبت بواسطة khozama
قد أصدق أنها مداعبة ومجادلة منك أما عبط فلااا :sniper (34):

بانتظار محادثات الجلسة الثانية وعما ستسفر عنه .

هههههه

شكلك صايدتني عدل يا زرقاء اليمامه

بقول لك عن قصه ما تصدقينها لو كانت تنفع لطرحها كموضوع لطرحنها

الشباب و منهم بوعيسى كل يوم يساعدوني في اغلاق اللاب توب و المسح على الشنطه و يتطنزون و يقولون الي يسويلك شي يتوفق

يعني على قوله المصريين راجل من بتوع ربنا و دعوته مجابه

و صادف ان كثير من الاحيان يصير مع من يمسح على الشنطه ان يتوفق بشي

مره واحد معاي قلت له الحساب علي لا تدفع فما جادل و طلعنا من النت كافيه

بعد خمس دقائق اتصل لي يقول - يا ليتني دافع عنك شكلك مب راضي علي

- صادني الرادار و بدفع 500 ريال الحين

صدق ان الي يزعلك ما يتوفق

صارت معاه مرتين بنفس الطريقه و بعدها تثبتت حكمه المسح على الشنطه و بركاتها


بعده واحد مسح على الشنطه و جاته ترقيه بعد يومين وزاد الطين بله و الكل يمسح الحين على الشنطه و يتبارك بها طبعا طنازه

اخر شي من كم يوم سافرت البحرين و نسيت سيارتي في مواقف المطار و اتصلت على بوعيسى عشان يشيلها و يحطها في مكان في فريج المطار

شاف الاطار مبنجر و صلحه و مشى بموتره ساعه الا وجاه مسج عن الزيادات لكل موظفي الدوله

اتصل لي وقال بركاتك و بركات الشنطه

صلحت البنجر الا كل موظفين الدوله متباركين و توفقوا هذه بركه على مستوى الدوله


الحين ايش يفكني من طنايز المسح على شنطه اللاب توب


للعلم ان المسأله تتكرر بشكل غريب -

واحد يمسح و تنحل مشكلته و يبتعث للدراسه

و واحد متبهدل في شغله و يجيه قرار بنقله لمكان افضل
و واحد يتطنز على السالفه و يصير شي غلط معاه و يرجع يمسح و تضبط اموره

وهذه سالفتنا كل يوم
الشنطه و المسح عليها

حتى سلك الكهرباء يلفونه لي و يحطونه في الشنطه


ايه صارت طنازه عيني عينك




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:40 AM.


Powered by vBulletin® Copyright ©2000 - 2017, Jelsoft Enterprises Ltd.
Search Engine Optimization by vBSEO ©2011, Crawlability, Inc.
جميع الحقوق محفوظه لموقع منتديات سوق الدوحة
المشاركات المنشورة بالمنتدى لاتعبر بالضرورة عن رأي إدارة المنتدى ولا تمثل إلا رأي أصحابها فقط
يخلي موقع سوق الدوحة وإدارته مسئوليتهم عن اي اتفاق او عملية تجاريه تتم عن طريق الموقع وتقع المسئولية على الاعضاء انفسهم