عندي مليون !!!!

وردة توليب · رقم المشاركة : 1 09-03-2008, 01:13 AM

مرحبا....
عندي مليون وشوي...شتنصحوني؟؟؟!!!!!!
اشتري مخزن في الصناعية,,,,وااجرة....؟؟؟؟عندكم فكرة بكم اقدر اشتري...وبكم ااجرة؟؟؟
او هل من افكار؟؟؟؟؟
اسهم ...ماابي!!

الســـوق · رقم المشاركة : 2 09-03-2008, 01:36 AM

لا اعتقد ان هذه المبلغ سيكفي لشراء مستودع او عقار في الوقت الحالي

ولكن ربما تجدين ارض بمثل هذا المبلغ

كنت سأنصحك بأسهم استثماريه ولكن بما رافضة فكرة شراء الأسهم

أتمنى أن تتم افادتج من قبل الاخوات والاخوه هنا

بالتوفيق ..

اللورد · رقم المشاركة : 3 09-03-2008, 10:40 AM

اذا عندك مليون اختي حاولي تستثمرينه بالاراضي والعقارات بس لازم يكون عندك معارف وعلاقات يعني تشوفين الاراضي الي برى الدوحه والي يكون سعر الفوت فيها بسيط وتشترينها وبعد فتره تبيعين بس لازم يكون عندك حد يتابع السوق وخصوصا العقار ويشور عليك

بنت الدوحه · رقم المشاركة : 4 09-03-2008, 08:15 PM

اراضي ام عبيريه رخيصه ..

لو تحبين تشترين ارض هناك فيه ارض 450 متر سعرها 920 الف

وبالتوفيق اختي

بوحمد · رقم المشاركة : 5 10-03-2008, 10:54 AM

بالتوفيق اختي ان شاء الله

أمريكي · رقم المشاركة : 6 12-03-2008, 10:01 AM

مثل ما قال الأستاذ السوق . صعب انج تلقين مخزن في الصناعيه بهالسعر
وانا اقول مستحيل

عليج بالسطحات
ووخري عن الصناديق وتحميل الرمل
وبتدعين لي
وفي عدة مشاريع من بضائع واذا قدرتي تصرفينها ربج بيكرمج بضعف راس المال في فتره وجيزه بإذن الله
وتقدرين تأجرين محلات جديده وتبيعينها بخلو
واذا ماتبين تبارين حلالج وتبين مدخول شهري بدون حنه وعوار راس عندج المحافظ
و.......الخ
الأفكار وايد ، الله يطرح البركه في راس مالج ويوفقج

عبدالله_قطر · رقم المشاركة : 7 15-03-2008, 10:59 AM

والله اختي المليون مبلغ جيد ويصلح انج تبدين في مشروع حلو متوسط
انا انصح اتشوفين لج بنك تعطينه المليون دفعه وتاخذين منه مبلغ اكبر
وتبدين في العقارات وبدايه احسن شيء تبدين في الصناعيه اخذي ارض ابنيها وبعدها بيعيها وطلعي من الصناعيه الى الاراضيء داخل الدوحه
وبالتوفيق
وهذه فكره

QTR1981 · رقم المشاركة : 8 19-03-2008, 07:19 AM

مليون في الوقت الحالي ماتسوي شي ممتاز لان بتتعب فيها شوي بس كنصيحه اذا عندكم بيت قديم اهدموه وبنوا عليها فلتين صغار بحدود 1.400.000 ريال وأجريهم على الدولة وريحي بالك

ونسأل الله التوفيق للجميع

بوعلي · رقم المشاركة : 9 03-04-2008, 08:38 AM

اعتقدوالله لو تاخذين بيت شعبي قديم وتاجرين على شركة كسكن عمال بيكون افضل خاصة ان البيوت الشعبيه القديمه مطلوبه كسكن عمال ومبلغ محترم ويمكن تاجيره بسرعه والله ولي العلم ونتمنى التوفيق للجميع

Qtri · رقم المشاركة : 10 10-04-2008, 11:32 AM

شوفي اختي استثمريه في فتح صالون نسائي يكون وسط وسوي شركة صيانه جيبي كم بنغالي ومسؤلهم يكون عربي مصري مثلا او سوري هذا مايكلف شي وجزء من المبلغ اشتري اسهم وانسيها والباقي اشتري بيت قديم مساحته صغيره بحدود ثلاثميه لى ثلاثميه وخمسين واجريه واذا ارتفع سعرالارض بيعيه وهكذاا وبالتوفيق

عندي مليون !!!!

مرحبا.... عندي مليون وشوي...شتنصحوني؟؟؟!!!!!! اشتري مخزن في الصناعية,,,,وااجرة....؟؟؟؟عندكم فكرة بكم اقدر اشتري...وبكم ااجرة؟؟؟ او هل من افكار؟؟؟؟؟ اسهم ...ماابي!!...